২. সঙ্খ্যাৱাৰো

সুদ্ধং

৮৮. হেতুযা সত্ত, আৰম্মণে ছ, অধিপতিযা পঞ্চ, অনন্তৰে সত্ত, সমনন্তৰে সত্ত, সহজাতে নৱ, অঞ্ঞমঞ্ঞে তীণি, নিস্সযে একাদস, উপনিস্সযে নৱ, পুৰেজাতে সত্ত, পচ্ছাজাতে নৱ, আসেৱনে দ্ৱে, কম্মে অট্ঠ, ৱিপাকে ছ, আহাৰে দ্ৱাদস, ইন্দ্ৰিযে সত্ত, ঝানে সত্ত, মগ্গে সত্ত, সম্পযুত্তে তীণি, ৱিপ্পযুত্তে দস, অত্থিযা তেৱীস, নত্থিযা সত্ত, ৱিগতে সত্ত, অৱিগতে তেৱীস.

সভাগং

হেতুপচ্চযা অধিপতিযা চত্তাৰি, সহজাতে সত্ত, অঞ্ঞমঞ্ঞে তীণি, নিস্সযে সত্ত, ৱিপাকে ছ, ইন্দ্ৰিযে সত্ত, মগ্গে সত্ত, সম্পযুত্তে তীণি, ৱিপ্পযুত্তে চত্তাৰি, অত্থিযা সত্ত, অৱিগতে সত্ত (সংখিত্তং).

(যথা কুসলত্তিকস্স গণনা সজ্ঝাযমগ্গেন গণিতা, এৱং গণেতব্বা. কুসলত্তিকস্স গণনতো উপাদিন্নত্তিকে গণনা গম্ভীৰা সুখুমতৰা চ, এৱং কাতূন অসম্মোহন্তেন গণেতব্বং.)

অনুলোমং.

পচ্চনীযুদ্ধাৰো

৮৯. উপাদিন্নুপাদানিযো ধম্মো উপাদিন্নুপাদানিযস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো … পচ্ছাজাতপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… আহাৰপচ্চযেন পচ্চযো. (২)

উপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স উপনিস্সযপচ্চযেন পচ্চযো… পুৰেজাতপচ্চযেন পচ্চযো. (৩)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স সহজাতপচ্চযেন পচ্চযো… পচ্ছাজাতপচ্চযেন পচ্চযো… আহাৰপচ্চযেন পচ্চযো. (৪)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… আহাৰপচ্চযেন পচ্চযো. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহাৰপচ্চযেন পচ্চযো. (২)

অনুপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স উপনিস্সযপচ্চযেন পচ্চযো. (৩)

অনুপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স পচ্ছাজাতপচ্চযেন পচ্চযো… আহাৰপচ্চযেন পচ্চযো. (৪)

৯০. অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স সহজাতপচ্চযেন পচ্চযো… উপনিস্সযপচ্চযেন পচ্চযো. (১)

অনুপাদিন্নঅনুপাদানিযো ধম্মো উপাদিন্নুপাদানিযস্স ধম্মস্স উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (৩)

অনুপাদিন্নঅনুপাদানিযো ধম্মো উপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স সহজাতং, পচ্ছাজাতং. (৪)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স সহজাতং, পচ্ছাজাতং. (৫)

অনুপাদিন্নঅনুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স পচ্ছাজাতপচ্চযেন পচ্চযো. (৬)

অনুপাদিন্নঅনুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স সহজাতং, পচ্ছাজাতং. (৭)

উপাদিন্নুপাদানিযো চ অনুপাদিন্নঅনুপাদানিযো চ ধম্মা উপাদিন্নুপাদানিযস্স ধম্মস্স পচ্ছাজাতং, ইন্দ্ৰিযং. (১)

উপাদিন্নুপাদানিযো চ অনুপাদিন্নঅনুপাদানিযো চ ধম্মা অনুপাদিন্নঅনুপাদানিযস্স ধম্মস্স সহজাতং, পুৰেজাতং. (২)

অনুপাদিন্নুপাদানিযো চ অনুপাদিন্নঅনুপাদানিযো চ ধম্মা উপাদিন্নুপাদানিযস্স ধম্মস্স পচ্ছাজাতং, আহাৰং. (১)

অনুপাদিন্নুপাদানিযো চ অনুপাদিন্নঅনুপাদানিযো চ ধম্মা অনুপাদিন্নুপাদানিযস্স ধম্মস্স সহজাতং, পচ্ছাজাতং, আহাৰং. (২)

অনুপাদিন্নুপাদানিযো চ অনুপাদিন্নঅনুপাদানিযো চ ধম্মা উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স পচ্ছাজাতং, আহাৰং. (৩)

উপাদিন্নুপাদানিযো চ অনুপাদিন্নুপাদানিযো চ ধম্মা উপাদিন্নুপাদানিযস্স ধম্মস্স পুৰেজাতং, পচ্ছাজাতং, আহাৰং, ইন্দ্ৰিযং. (১)

উপাদিন্নুপাদানিযো চ অনুপাদিন্নুপাদানিযো চ ধম্মা অনুপাদিন্নুপাদানিযস্স ধম্মস্স সহজাতং, পুৰেজাতং, পচ্ছাজাতং, আহাৰং. (২)

উপাদিন্নুপাদানিযো চ অনুপাদিন্নুপাদানিযো চ ধম্মা উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স আহাৰং. (৩)

উপাদিন্নুপাদানিযো চ অনুপাদিন্নুপাদানিযো চ অনুপাদিন্নঅনুপাদানিযো চ ধম্মা উপাদিন্নুপাদানিযস্স ধম্মস্স পচ্ছাজাতং, আহাৰং, ইন্দ্ৰিযং. (১)