১. ৱিভঙ্গৱাৰো

হেতুপচ্চযো

১. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি হেতুপচ্চযা – উপাদিন্নুপাদানিযং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা; পটিসন্ধিক্খণে উপাদিন্নুপাদানিযং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে পটিচ্চ দ্ৱে খন্ধা কটত্তা চ ৰূপং; খন্ধে পটিচ্চ ৱত্থু, ৱত্থুং খন্ধা; উপাদিন্নুপাদানিযং একং মহাভূতং পটিচ্চ তযো মহাভূতা…পে… দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ কটত্তাৰূপং উপাদাৰূপং. (১)

উপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি হেতুপচ্চযা – উপাদিন্নুপাদানিযে খন্ধে পটিচ্চ চিত্তসমুট্ঠানং ৰূপং. (২)

উপাদিন্নুপাদানিযং ধম্মং পটিচ্চ উপাদিন্নুপাদানিযো চ অনুপাদিন্নুপাদানিযো চ ধম্মা উপ্পজ্জন্তি হেতুপচ্চযা – উপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি হেতুপচ্চযা – অনুপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; অনুপাদিন্নুপাদানিযং একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি হেতুপচ্চযা – অনুপাদিন্নঅনুপাদানিযং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি হেতুপচ্চযা – অনুপাদিন্নঅনুপাদানিযে খন্ধে পটিচ্চ চিত্তসমুট্ঠানং ৰূপং. (২)

অনুপাদিন্নঅনুপাদানিযং ধম্মং পটিচ্চ অনুপাদিন্নুপাদানিযো চ অনুপাদিন্নঅনুপাদানিযো চ ধম্মা উপ্পজ্জন্তি হেতুপচ্চযা – অনুপাদিন্নঅনুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

অনুপাদিন্নুপাদানিযঞ্চ অনুপাদিন্নঅনুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি হেতুপচ্চযা – অনুপাদিন্নঅনুপাদানিযে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

উপাদিন্নুপাদানিযঞ্চ অনুপাদিন্নুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি হেতুপচ্চযা – উপাদিন্নুপাদানিযে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

আৰম্মণপচ্চযো

২. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি আৰম্মণপচ্চযা – উপাদিন্নুপাদানিযং একং খন্ধং পটিচ্চ…পে… পটিসন্ধিক্খণে…পে….

অনুপাদিন্নুপাদানিযং ধম্মং পটিচ্চ…পে….

অনুপাদিন্নঅনুপাদানিযং ধম্মং পটিচ্চ…পে… আৰম্মণপচ্চযা… তীণি.

অধিপতিপচ্চযো

৩. অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি অধিপতিপচ্চযা – অনুপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং. (১)

অনুপাদিন্নঅনুপাদানিযং ধম্মং পটিচ্চ… তীণি.

অনুপাদিন্নুপাদানিযঞ্চ অনুপাদিন্নঅনুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি অধিপতিপচ্চযা – অনুপাদিন্নঅনুপাদানিযে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অনন্তৰপচ্চযাদি

৪. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি অনন্তৰপচ্চযা… সমনন্তৰপচ্চযা… সহজাতপচ্চযা – উপাদিন্নুপাদানিযং একং খন্ধং পটিচ্চ…পে… পটিসন্ধিক্খণে…পে… একং মহাভূতং পটিচ্চ…পে… মহাভূতে পটিচ্চ কটত্তাৰূপং উপাদাৰূপং; অসঞ্ঞসত্তানং একং মহাভূতং পটিচ্চ…পে… মহাভূতে পটিচ্চ কটত্তাৰূপং উপাদাৰূপং.

উপাদিন্নুপাদানিযং ধম্মং পটিচ্চ… তীণি.

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি সহজাতপচ্চযা – অনুপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং …পে… একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং. বাহিৰং… আহাৰসমুট্ঠানং… উতুসমুট্ঠানং একং মহাভূতং পটিচ্চ…পে….

অনুপাদিন্নঅনুপাদানিযং ধম্মং পটিচ্চ… তীণি.

অনুপাদিন্নুপাদানিযঞ্চ অনুপাদিন্নঅনুপাদানিযঞ্চ ধম্মং পটিচ্চ…পে… অনুপাদিন্নুপাদানিযো…পে…. (১)

উপাদিন্নুপাদানিযঞ্চ অনুপাদিন্নুপাদানিযঞ্চ ধম্মং পটিচ্চ অনুপাদিন্নুপাদানিযো…পে…. (১)

অঞ্ঞমঞ্ঞপচ্চযো

৫. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি অঞ্ঞমঞ্ঞপচ্চযা – উপাদিন্নুপাদানিযং একং খন্ধং পটিচ্চ…পে… পটিসন্ধিক্খণে উপাদিন্নুপাদানিযং একং খন্ধং পটিচ্চ তযো খন্ধা ৱত্থু চ…পে… খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ…পে… দ্ৱে মহাভূতে পটিচ্চ দ্ৱে মহাভূতা; অসঞ্ঞসত্তানং একং মহাভূতং…পে…. (১)

অনুপাদিন্নুপাদানিযং ধম্মং পটিচ্চ…পে… বাহিৰং… আহাৰসমুট্ঠানং… উতুসমুট্ঠানং…পে…. (১)

অনুপাদিন্নঅনুপাদানিযং ধম্মং পটিচ্চ…পে…. (১)

নিস্সয-উপনিস্সযপচ্চযা

৬. উপাদিন্নুপাদানিযং ধম্মং পটিচ্চ নিস্সযপচ্চযা… নৱ. উপনিস্সযপচ্চযা… তীণি.

পুৰেজাতপচ্চযো

৭. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি পুৰেজাতপচ্চযা… তীণি.

আসেৱনপচ্চযো

৮. অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি আসেৱনপচ্চযা – অনুপাদিন্নুপাদানিযং একং খন্ধং পটিচ্চ…পে…. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি আসেৱনপচ্চযা – অনুপাদিন্নঅনুপাদানিযং একং খন্ধং পটিচ্চ…পে…. (১)

কম্মপচ্চযো

৯. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি কম্মপচ্চযা (হেতুপচ্চযসদিসা নৱ).

ৱিপাকপচ্চযো

১০. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি ৱিপাকপচ্চযা… তীণি.

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি ৱিপাকপচ্চযা – একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং.

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি ৱিপাকপচ্চযা – ৱিপাকং অনুপাদিন্নঅনুপাদানিযং একং খন্ধং পটিচ্চ তযো খন্ধা…পে… নৱ.

আহাৰপচ্চযাদি

১১. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি আহাৰপচ্চযা…পে… ইন্দ্ৰিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৱিপ্পযুত্তপচ্চযা… অত্থিপচ্চযা… নত্থিপচ্চযা… ৱিগতপচ্চযা… অৱিগতপচ্চযা.

(যথা কুসলত্তিকস্স পটিচ্চৱাৰো সজ্ঝাযমগ্গেন ৱিত্থাৰিতো, এৱং ৱিত্থাৰেতব্বং.)