১. ৱিভঙ্গৱাৰো

হেতুপচ্চযো

৫১. উপাদিন্নুপাদানিযো ধম্মো উপাদিন্নুপাদানিযস্স ধম্মস্স হেতুপচ্চযেন পচ্চযো – উপাদিন্নুপাদানিযা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে উপাদিন্নুপাদানিযা হেতূ সম্পযুত্তকানং খন্ধানং কটত্তা চ ৰূপানং হেতুপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স হেতুপচ্চযেন পচ্চযো – উপাদিন্নুপাদানিযা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স হেতুপচ্চযেন পচ্চযো – উপাদিন্নুপাদানিযা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স হেতুপচ্চযেন পচ্চযো – অনুপাদিন্নুপাদানিযা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স হেতুপচ্চযেন পচ্চযো – অনুপাদিন্নঅনুপাদানিযা হেতূ সম্পযুত্তকানং খন্ধানং হেতুপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স হেতুপচ্চযেন পচ্চযো – অনুপাদিন্নঅনুপাদানিযা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স হেতুপচ্চযেন পচ্চযো – অনুপাদিন্নঅনুপাদানিযা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

আৰম্মণপচ্চযো

৫২. উপাদিন্নুপাদানিযো ধম্মো উপাদিন্নুপাদানিযস্স ধম্মস্স আৰম্মণপচ্চযেন পচ্চযো – সেক্খা ৱা পুথুজ্জনা ৱা চক্খুং অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি; কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি. সোতং… ঘানং… জিৱ্হং… কাযং… উপাদিন্নুপাদানিযে ৰূপে… গন্ধে… ৰসে… ফোট্ঠব্বে… ৱত্থুং… উপাদিন্নুপাদানিযে খন্ধে অনিচ্চতো দুক্খতো অনত্ততো ৱিপ্পস্সন্তি, অস্সাদেন্তি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি. উপাদিন্নুপাদানিযং ৰূপাযতনং চক্খুৱিঞ্ঞাণস্স…পে… উপাদিন্নুপাদানিযং গন্ধাযতনং… ৰসাযতনং… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আৰম্মণপচ্চযেন পচ্চযো – চক্খুং অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. সোতং… ঘানং… জিৱ্হং… কাযং… উপাদিন্নুপাদানিযে ৰূপে… গন্ধে… ৰসে… ফোট্ঠব্বে… ৱত্থুং… উপাদিন্নুপাদানিযে খন্ধে অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. দিব্বেন চক্খুনা উপাদিন্নুপাদানিযং ৰূপং পস্সতি, চেতোপৰিযঞাণেন উপাদিন্নুপাদানিযচিত্তসমঙ্গিস্স চিত্তং জানাতি. উপাদিন্নুপাদানিযা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

৫৩. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আৰম্মণপচ্চযেন পচ্চযো – দানং দত্ৱা, সীলং সমাদিযিত্ৱা, উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা ৱুট্ঠহিত্ৱা ঝানং পচ্চৱেক্খতি, অৰিযা গোত্ৰভুং পচ্চৱেক্খন্তি, ৱোদানং পচ্চৱেক্খন্তি, অৰিযা পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি; অনুপাদিন্নুপাদানিযে ৰূপে… সদ্দে… গন্ধে… ৰসে… ফোট্ঠব্বে… অনুপাদিন্নুপাদানিযে খন্ধে অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. দিব্বেন চক্খুনা অনুপাদিন্নুপাদানিযং ৰূপং পস্সন্তি, দিব্বায সোতধাতুযা সদ্দং সুণন্তি, চেতোপৰিযঞাণেন অনুপাদিন্নুপাদানিযচিত্তসমঙ্গিস্স চিত্তং জানন্তি. আকাসানঞ্চাযতনং ৱিঞ্ঞাণঞ্চাযতনস্স আৰম্মণপচ্চযেন পচ্চযো. আকিঞ্চঞ্ঞাযতনং নেৱসঞ্ঞানাসঞ্ঞাযতনস্স আৰম্মণপচ্চযেন পচ্চযো. অনুপাদিন্নুপাদানিযা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স আৰম্মণপচ্চযেন পচ্চযো – সেক্খা ৱা পুথুজ্জনা ৱা অনুপাদিন্নুপাদানিযে ৰূপে… সদ্দে… গন্ধে… ৰসে… ফোট্ঠব্বে… অনুপাদিন্নুপাদানিযে খন্ধে অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি. আকাসানঞ্চাযতনকুসলং ৱিঞ্ঞাণঞ্চাযতনৱিপাকস্স আৰম্মণপচ্চযেন পচ্চযো. আকিঞ্চঞ্ঞাযতনকুসলং নেৱসঞ্ঞানাসঞ্ঞাযতনৱিপাকস্স আৰম্মণপচ্চযেন পচ্চযো. অনুপাদিন্নুপাদানিযং ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো. (২)

৫৪. অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স আৰম্মণপচ্চযেন পচ্চযো – নিব্বানং মগ্গস্স, ফলস্স আৰম্মণপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স আৰম্মণপচ্চযেন পচ্চযো – অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, আৱজ্জনায আৰম্মণপচ্চযেন পচ্চযো. অৰিযা চেতোপৰিযঞাণেন অনুপাদিন্নঅনুপাদানিযচিত্তসমঙ্গিস্স চিত্তং জানন্তি; অনুপাদিন্নঅনুপাদানিযা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

অধিপতিপচ্চযো

৫৫. উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স অধিপতিপচ্চযেন পচ্চযো. আৰম্মণাধিপতি – চক্খুং গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সোতং… ঘানং… জিৱ্হং… কাযং… উপাদিন্নুপাদানিযে ৰূপে… গন্ধে… ৰসে… ফোট্ঠব্বে… ৱত্থুং… উপাদিন্নুপাদানিযে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (১)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা, সীলং সমাদিযিত্ৱা, উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা পচ্চৱেক্খতি; ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি; সেক্খা গোত্ৰভুং গৰুং কত্ৱা পচ্চৱেক্খন্তি, ৱোদানং গৰুং কত্ৱা পচ্চৱেক্খন্তি. অনুপাদিন্নুপাদানিযে ৰূপে… সদ্দে… গন্ধে… ৰসে… ফোট্ঠব্বে… অনুপাদিন্নুপাদানিযে খন্ধে গৰুং কত্ৱা অস্সাদেন্তি অভিনন্দন্তি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অনুপাদিন্নুপাদানিযাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – নিব্বানং মগ্গস্স ফলস্স অধিপতিপচ্চযেন পচ্চযো. সহজাতাধিপতি – অনুপাদিন্নঅনুপাদানিযাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি. নিব্বানং গোত্ৰভুস্স, ৱোদানস্স অধিপতিপচ্চযেন পচ্চযো. সহজাতাধিপতি – অনুপাদিন্নঅনুপাদানিযাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স অধিপতিপচ্চযেন পচ্চযো. সহজাতাধিপতি – অনুপাদিন্নঅনুপাদানিযাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

অনন্তৰপচ্চযো

৫৬. উপাদিন্নুপাদানিযো ধম্মো উপাদিন্নুপাদানিযস্স ধম্মস্স অনন্তৰপচ্চযেন পচ্চযো – পুৰিমা পুৰিমা উপাদিন্নুপাদানিযা খন্ধা পচ্ছিমানং পচ্ছিমানং উপাদিন্নুপাদানিযানং খন্ধানং অনন্তৰপচ্চযেন পচ্চযো; পঞ্চৱিঞ্ঞাণং ৱিপাকমনোধাতুযা অনন্তৰপচ্চযেন পচ্চযো; ৱিপাকমনোধাতু ৱিপাকমনোৱিঞ্ঞাণধাতুযা অনন্তৰপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স অনন্তৰপচ্চযেন পচ্চযো – ভৱঙ্গং আৱজ্জনায, ৱিপাকমনোৱিঞ্ঞাণধাতু কিৰিযমনোৱিঞ্ঞাণধাতুযা অনন্তৰপচ্চযেন পচ্চযো. (২)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স অনন্তৰপচ্চযেন পচ্চযো – পুৰিমা পুৰিমা অনুপাদিন্নুপাদানিযা খন্ধা পচ্ছিমানং পচ্ছিমানং অনুপাদিন্নুপাদানিযানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স… অনুলোমং ৱোদানস্স… আৱজ্জনা অনুপাদিন্নুপাদানিযানং খন্ধানং অনন্তৰপচ্চযেন পচ্চযো. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স অনন্তৰপচ্চযেন পচ্চযো – আৱজ্জনা পঞ্চন্নং ৱিঞ্ঞাণানং অনন্তৰপচ্চযেন পচ্চযো; অনুপাদিন্নুপাদানিযা খন্ধা ৱুট্ঠানস্স অনন্তৰপচ্চযেন পচ্চযো. (২)

অনুপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স অনন্তৰপচ্চযেন পচ্চযো – গোত্ৰভু মগ্গস্স… ৱোদানং মগ্গস্স… অনুলোমং ফলসমাপত্তিযা… নিৰোধা ৱুট্ঠহন্তস্স… নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (৩)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স অনন্তৰপচ্চযেন পচ্চযো – পুৰিমা পুৰিমা অনুপাদিন্নঅনুপাদানিযা খন্ধা পচ্ছিমানং পচ্ছিমানং অনুপাদিন্নঅনুপাদানিযানং খন্ধানং অনন্তৰপচ্চযেন পচ্চযো. মগ্গো ফলস্স… ফলং ফলস্স অনন্তৰপচ্চযেন পচ্চযো. (১)

অনুপাদিন্নঅনুপাদানিযো ধম্মো উপাদিন্নুপাদানিযস্স ধম্মস্স অনন্তৰপচ্চযেন পচ্চযো – ফলং ৱুট্ঠানস্স অনন্তৰপচ্চযেন পচ্চযো. (২)

সমনন্তৰপচ্চযো

৫৭. উপাদিন্নুপাদানিযো ধম্মো উপাদিন্নুপাদানিযস্স ধম্মস্স সমনন্তৰপচ্চযেন পচ্চযো (অনন্তৰপচ্চযসদিসং).

সহজাতপচ্চযো

৫৮. উপাদিন্নুপাদানিযো ধম্মো উপাদিন্নুপাদানিযস্স ধম্মস্স সহজাতপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং…পে… পটিসন্ধিক্খণে উপাদিন্নুপাদানিযো একো খন্ধো তিণ্ণন্নং খন্ধানং কটত্তা চ ৰূপানং সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং কটত্তা চ ৰূপানং…পে… খন্ধা ৱত্থুস্স…পে… ৱত্থু খন্ধানং…পে… একং মহাভূতং তিণ্ণন্নং মহাভূতানং…পে… তযো মহাভূতা একস্স মহাভূতস্স …পে… দ্ৱে মহাভূতা দ্ৱিন্নং মহাভূতানং…পে… মহাভূতা কটত্তাৰূপানং উপাদাৰূপানং সহজাতপচ্চযেন পচ্চযো. অসঞ্ঞসত্তানং একং মহাভূতং…পে…. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স সহজাতপচ্চযেন পচ্চযো – উপাদিন্নুপাদানিযা খন্ধা চিত্তসমুট্ঠানানং ৰূপানং সহজাতপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স সহজাতপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স সহজাতপচ্চযেন পচ্চযো – অনুপাদিন্নুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. অনুপাদিন্নুপাদানিযং একং মহাভূতং…পে… মহাভূতা চিত্তসমুট্ঠানানং ৰূপানং …পে… বাহিৰং… আহাৰসমুট্ঠানং… উতুসমুট্ঠানং একং মহাভূতং…পে… মহাভূতা উপাদাৰূপানং সহজাতপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স সহজাতপচ্চযেন পচ্চযো – অনুপাদিন্নঅনুপাদানিযো একো খন্ধো তিণ্ণন্নং খন্ধানং…পে… দ্ৱে খন্ধা দ্ৱিন্নং খন্ধানং সহজাতপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স সহজাতপচ্চযেন পচ্চযো – অনুপাদিন্নঅনুপাদানিযা খন্ধা চিত্তসমুট্ঠানানং ৰূপানং সহজাতপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স সহজাতপচ্চযেন পচ্চযো; অনুপাদিন্নঅনুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. (৩)

অনুপাদিন্নুপাদানিযো চ অনুপাদিন্নঅনুপাদানিযো চ ধম্মা অনুপাদিন্নুপাদানিযস্স ধম্মস্স সহজাতপচ্চযেন পচ্চযো – অনুপাদিন্নঅনুপাদানিযা খন্ধা চ মহাভূতা চ চিত্তসমুট্ঠানানং ৰূপানং সহজাতপচ্চযেন পচ্চযো. (১)

উপাদিন্নুপাদানিযো চ অনুপাদিন্নুপাদানিযো চ ধম্মা অনুপাদিন্নুপাদানিযস্স ধম্মস্স সহজাতপচ্চযেন পচ্চযো – উপাদিন্নুপাদানিযা খন্ধা চ মহাভূতা চ চিত্তসমুট্ঠানানং ৰূপানং সহজাতপচ্চযেন পচ্চযো. (১)

অঞ্ঞমঞ্ঞপচ্চযো

৫৯. উপাদিন্নুপাদানিযো ধম্মো উপাদিন্নুপাদানিযস্স ধম্মস্স অঞ্ঞমঞ্ঞপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং…পে… পটিসন্ধিক্খণে উপাদিন্নুপাদানিযো একো খন্ধো তিণ্ণন্নং খন্ধানং ৱত্থুস্স চ…পে… খন্ধা ৱত্থুস্স…পে… ৱত্থু খন্ধানং…পে… একং মহাভূতং তিণ্ণন্নং মহাভূতানং…পে… দ্ৱে মহাভূতা দ্ৱিন্নং মহাভূতানং…পে… অসঞ্ঞসত্তানং একং মহাভূতং…পে…. (১)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স অঞ্ঞমঞ্ঞপচ্চযেন পচ্চযো – অনুপাদিন্নুপাদানিযো একো খন্ধো তিণ্ণন্নং খন্ধানং…পে… দ্ৱে খন্ধা দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং একং মহাভূতং…পে…. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স অঞ্ঞমঞ্ঞপচ্চযেন পচ্চযো – অনুপাদিন্নঅনুপাদানিযো একো খন্ধো তিণ্ণন্নং খন্ধানং…পে… দ্ৱে খন্ধা দ্ৱিন্নং খন্ধানং…পে…. (১)

নিস্সযপচ্চযো

৬০. উপাদিন্নুপাদানিযো ধম্মো উপাদিন্নুপাদানিযস্স ধম্মস্স নিস্সযপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং নিস্সযপচ্চযেন পচ্চযো…পে… পটিসন্ধিক্খণে…পে… একং মহাভূতং…পে… অসঞ্ঞসত্তানং একং মহাভূতং…পে… চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু উপাদিন্নুপাদানিযানং খন্ধানং নিস্সযপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স নিস্সযপচ্চযেন পচ্চযো – উপাদিন্নুপাদানিযা খন্ধা চিত্তসমুট্ঠানানং ৰূপানং নিস্সযপচ্চযেন পচ্চযো. ৱত্থু অনুপাদিন্নুপাদানিযানং খন্ধানং নিস্সযপচ্চযেন পচ্চযো. (২)

উপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স নিস্সযপচ্চযেন পচ্চযো – ৱত্থু অনুপাদিন্নঅনুপাদানিযানং খন্ধানং নিস্সযপচ্চযেন পচ্চযো. (৩)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স নিস্সযপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং নিস্সযপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং নিস্সযপচ্চযেন পচ্চযো. (৪)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স… একা.

অনুপাদিন্নঅনুপাদানিযো ধম্মো… তীণি.

উপাদিন্নুপাদানিযো চ অনুপাদিন্নঅনুপাদানিযো চ ধম্মা অনুপাদিন্নঅনুপাদানিযস্স ধম্মস্স নিস্সযপচ্চযেন পচ্চযো – অনুপাদিন্নঅনুপাদানিযো একো খন্ধো চ ৱত্থু চ তিণ্ণন্নং খন্ধানং নিস্সযপচ্চযেন পচ্চযো…পে… দ্ৱে খন্ধা চ ৱত্থু চ দ্ৱিন্নং খন্ধানং নিস্সযপচ্চযেন পচ্চযো. (১)

অনুপাদিন্নুপাদানিযো চ অনুপাদিন্নঅনুপাদানিযো চ ধম্মা অনুপাদিন্নুপাদানিযস্স ধম্মস্স নিস্সযপচ্চযেন পচ্চযো – অনুপাদিন্নঅনুপাদানিযা খন্ধা চ মহাভূতা চ চিত্তসমুট্ঠানানং ৰূপানং নিস্সযপচ্চযেন পচ্চযো. (১)

উপাদিন্নুপাদানিযো চ অনুপাদিন্নুপাদানিযো চ ধম্মা অনুপাদিন্নুপাদানিযস্স ধম্মস্স নিস্সযপচ্চযেন পচ্চযো – উপাদিন্নুপাদানিযা খন্ধা চ মহাভূতা চ চিত্তসমুট্ঠানানং ৰূপানং নিস্সযপচ্চযেন পচ্চযো. অনুপাদিন্নুপাদানিযো একো খন্ধো চ ৱত্থু চ তিণ্ণন্নং খন্ধানং নিস্সযপচ্চযেন পচ্চযো…পে… দ্ৱে খন্ধা চ ৱত্থু চ দ্ৱিন্নং খন্ধানং নিস্সযপচ্চযেন পচ্চযো. (১)

উপনিস্সযপচ্চযো

৬১. উপাদিন্নুপাদানিযো ধম্মো উপাদিন্নুপাদানিযস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. কাযিকং দুক্খং কাযিকস্স সুখস্স, কাযিকস্স দুক্খস্স…পে… উতু কাযিকস্স সুখস্স, কাযিকস্স দুক্খস্স…পে… ভোজনং কাযিকস্স সুখস্স, কাযিকস্স দুক্খস্স…পে… কাযিকং সুখং… কাযিকং দুক্খং… উতু… ভোজনং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায দানং দেতি, সীলং সমাদিযতি, উপোসথকম্মং কৰোতি, ঝানং উপ্পাদেতি, ৱিপস্সনং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি, পাণং হনতি…পে… সঙ্ঘং ভিন্দতি. কাযিকং দুক্খং… উতুং… ভোজনং উপনিস্সায দানং দেতি…পে… সঙ্ঘং ভিন্দতি. কাযিকং সুখং… কাযিকং দুক্খং… উতু… ভোজনং অনুপাদিন্নুপাদানিযায সদ্ধায… সীলস্স… সুতস্স… চাগস্স… পঞ্ঞায… ৰাগস্স… দোসস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (২)

উপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স উপনিস্সযপচ্চযেন পচ্চযো. পকতূপনিস্সযো – কাযিকং সুখং উপনিস্সায মগ্গং উপ্পাদেতি, ফলসমাপত্তিং সমাপজ্জতি. কাযিকং দুক্খং… উতুং… ভোজনং উপনিস্সায মগ্গং উপ্পাদেতি, ফলসমাপত্তিং সমাপজ্জতি. কাযিকং সুখং… কাযিকং দুক্খং… উতু… ভোজনং মগ্গস্স… ফলসমাপত্তিযা উপনিস্সযপচ্চযেন পচ্চযো. (৩)

৬২. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অনুপাদিন্নুপাদানিযং সদ্ধং উপনিস্সায দানং দেতি, সীলং সমাদিযতি, উপোসথকম্মং কৰোতি, ঝানং উপ্পাদেতি, ৱিপস্সনং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. অনুপাদিন্নুপাদানিযং সীলং… সুতং… চাগং… পঞ্ঞং… ৰাগং… দোসং… মোহং… মানং … দিট্ঠিং… পত্থনং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি, পাণং হনতি…পে… সঙ্ঘং ভিন্দতি. অনুপাদিন্নুপাদানিযা সদ্ধা… সীলং… সুতং… চাগো… পঞ্ঞা… ৰাগো… দোসো… মোহো… মানো… দিট্ঠি… পত্থনা… উতু… ভোজনং… সেনাসনং… অনুপাদিন্নুপাদানিযায সদ্ধায… সীলস্স… সুতস্স… চাগস্স… পঞ্ঞায… ৰাগস্স… দোসস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. পঠমস্স ঝানস্স পৰিকম্মং পঠমস্স ঝানস্স…পে… নেৱসঞ্ঞানাসঞ্ঞাযতনস্স পৰিকম্মং নেৱসঞ্ঞানাসঞ্ঞাযতনস্স…পে… পঠমং ঝানং দুতিযস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… পাণাতিপাতো পাণাতিপাতস্স…পে… নিযতমিচ্ছাদিট্ঠি নিযতমিচ্ছাদিট্ঠিযা…পে…. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – অনুপাদিন্নুপাদানিযং সদ্ধং উপনিস্সায অত্তানং আতাপেতি পৰিতাপেতি, পৰিযিট্ঠিমূলকং দুক্খং পচ্চনুভোতি. অনুপাদিন্নুপাদানিযং সীলং …পে… সেনাসনং উপনিস্সায অত্তানং আতাপেতি পৰিতাপেতি, পৰিযিট্ঠিমূলকং দুক্খং পচ্চনুভোতি. অনুপাদিন্নুপাদানিযা সদ্ধা…পে… সেনাসনং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. কুসলাকুসলং কম্মং ৱিপাকস্স উপনিস্সযপচ্চযেন পচ্চযো. (২)

অনুপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – পঠমস্স মগ্গস্স পৰিকম্মং পঠমস্স মগ্গস্স উপনিস্সযপচ্চযেন পচ্চযো. দুতিযস্স মগ্গস্স…পে… ততিযস্স মগ্গস্স…পে… চতুত্থস্স মগ্গস্স পৰিকম্মং চতুত্থস্স মগ্গস্স উপনিস্সযপচ্চযেন পচ্চযো. (৩)

৬৩. অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পঠমো মগ্গো দুতিযস্স মগ্গস্স উপনিস্সযপচ্চযেন পচ্চযো. দুতিযো মগ্গো ততিযস্স মগ্গস্স…পে… ততিযো মগ্গো চতুত্থস্স মগ্গস্স…পে… মগ্গো ফলসমাপত্তিযা উপনিস্সযপচ্চযেন পচ্চযো. (১)

অনুপাদিন্নঅনুপাদানিযো ধম্মো উপাদিন্নুপাদানিযস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ফলসমাপত্তি কাযিকস্স সুখস্স উপনিস্সযপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূনিস্সযো…পে…. পকতূপনিস্সযো – অৰিযা মগ্গং উপনিস্সায অনুপ্পন্নং সমাপত্তিং উপ্পাদেন্তি, উপ্পন্নং সমাপত্তিং সমাপজ্জন্তি, সঙ্খাৰে অনিচ্চতো দুক্খতো অনত্ততো ৱিপস্সন্তি. মগ্গো অৰিযানং অত্থপ্পটিসম্ভিদায ধম্মপ্পটিসম্ভিদায নিৰুত্তিপ্পটিসম্ভিদায পটিভানপ্পটিসম্ভিদায ঠানাঠানকোসল্লস্স উপনিস্সযপচ্চযেন পচ্চযো. (৩)

পুৰেজাতপচ্চযো

৬৪. উপাদিন্নুপাদানিযো ধম্মো উপাদিন্নুপাদানিযস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – সেক্খা ৱা পুথুজ্জনা ৱা চক্খুং অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি; কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি. সোতং… ঘানং… জিৱ্হং… কাযং… উপাদিন্নুপাদানিযে ৰূপে… গন্ধে… ৰসে… ফোট্ঠব্বে… ৱত্থুং অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি. উপাদিন্নুপাদানিযং ৰূপাযতনং চক্খুৱিঞ্ঞাণস্স…পে… উপাদিন্নুপাদানিযং গন্ধাযতনং… ৰসাযতনং… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু উপাদিন্নুপাদানিযানং খন্ধানং পুৰেজাতপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. সোতং…পে… ৱত্থুং অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. দিব্বেন চক্খুনা উপাদিন্নুপাদানিযং ৰূপং পস্সন্তি. ৱত্থুপুৰেজাতং – ৱত্থু অনুপাদিন্নুপাদানিযানং খন্ধানং পুৰেজাতপচ্চযেন পচ্চযো. (২)

উপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স পুৰেজাতপচ্চযেন পচ্চযো. ৱত্থুপুৰেজাতং – ৱত্থু অনুপাদিন্নঅনুপাদানিযানং খন্ধানং পুৰেজাতপচ্চযেন পচ্চযো. (৩)

৬৫. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স পুৰেজাতপচ্চযেন পচ্চযো. আৰম্মণপুৰেজাতং – অনুপাদিন্নুপাদানিযে ৰূপে… সদ্দে… গন্ধে… ৰসে… ফোট্ঠব্বে অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি; তং আৰব্ভ ৰাগো উপ্পজ্জতি …পে… দোমনস্সং উপ্পজ্জতি. দিব্বেন চক্খুনা অনুপাদিন্নুপাদানিযং ৰূপং পস্সতি, দিব্বায সোতধাতুযা সদ্দং সুণাতি. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স পুৰেজাতপচ্চযেন পচ্চযো. আৰম্মণপুৰেজাতং – অনুপাদিন্নুপাদানিযে ৰূপে… সদ্দে… গন্ধে… ৰসে… ফোট্ঠব্বে অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি. অনুপাদিন্নুপাদানিযং ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. (২)

উপাদিন্নুপাদানিযো চ অনুপাদিন্নুপাদানিযো চ ধম্মা উপাদিন্নুপাদানিযস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. অনুপাদিন্নুপাদানিযং ৰূপাযতনঞ্চ চক্খাযতনঞ্চ চক্খুৱিঞ্ঞাণস্স পুৰেজাতপচ্চযেন পচ্চযো…পে… অনুপাদিন্নুপাদানিযং ফোট্ঠব্বাযতনঞ্চ কাযাযতনঞ্চ কাযৱিঞ্ঞাণস্স পুৰেজাতপচ্চযেন পচ্চযো. অনুপাদিন্নুপাদানিযং ৰূপাযতনঞ্চ ৱত্থু চ উপাদিন্নুপাদানিযানং খন্ধানং পুৰেজাতপচ্চযেন পচ্চযো…পে… অনুপাদিন্নুপাদানিযং ফোট্ঠব্বাযতনঞ্চ ৱত্থু চ উপাদিন্নুপাদানিযানং খন্ধানং পুৰেজাতপচ্চযেন পচ্চযো. (১)

উপাদিন্নুপাদানিযো চ অনুপাদিন্নুপাদানিযো চ ধম্মা অনুপাদিন্নুপাদানিযস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. অনুপাদিন্নুপাদানিযং ৰূপাযতনঞ্চ ৱত্থু চ অনুপাদিন্নুপাদানিযানং খন্ধানং পুৰেজাতপচ্চযেন পচ্চযো…পে… অনুপাদিন্নুপাদানিযং ফোট্ঠব্বাযতনঞ্চ ৱত্থু চ অনুপাদিন্নুপাদানিযানং খন্ধানং পুৰেজাতপচ্চযেন পচ্চযো. (২)

পচ্ছাজাতপচ্চযো

৬৬. উপাদিন্নুপাদানিযো ধম্মো উপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা উপাদিন্নুপাদানিযা খন্ধা পুৰেজাতস্স ইমস্স উপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা উপাদিন্নুপাদানিযা খন্ধা পুৰেজাতস্স ইমস্স অনুপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স পচ্ছাজাতপচ্চযেন পচ্চযো – পচ্ছাজাতা উপাদিন্নুপাদানিযা খন্ধা পুৰেজাতস্স ইমস্স উপাদিন্নুপাদানিযস্স চ অনুপাদিন্নুপাদানিযস্স চ কাযস্স পচ্ছাজাতপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নুপাদানিযা খন্ধা পুৰেজাতস্স ইমস্স অনুপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নুপাদানিযা খন্ধা পুৰেজাতস্স ইমস্স উপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (২)

অনুপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নুপাদানিযা খন্ধা পুৰেজাতস্স ইমস্স উপাদিন্নুপাদানিযস্স চ অনুপাদিন্নুপাদানিযস্স চ কাযস্স পচ্ছাজাতপচ্চযেন পচ্চযো. (৩)

৬৭. অনুপাদিন্নঅনুপাদানিযো ধম্মো উপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নঅনুপাদানিযা খন্ধা পুৰেজাতস্স ইমস্স উপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নঅনুপাদানিযা খন্ধা পুৰেজাতস্স ইমস্স অনুপাদিন্নুপাদানিযস্স কাযস্স পচ্ছাজাতপচ্চযেন পচ্চযো. (২)

অনুপাদিন্নঅনুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স পচ্ছাজাতপচ্চযেন পচ্চযো – পচ্ছাজাতা অনুপাদিন্নঅনুপাদানিযা খন্ধা পুৰেজাতস্স ইমস্স উপাদিন্নুপাদানিযস্স চ অনুপাদিন্নুপাদানিযস্স চ কাযস্স পচ্ছাজাতপচ্চযেন পচ্চযো. (৩)

আসেৱনপচ্চযো

৬৮. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আসেৱনপচ্চযেন পচ্চযো – পুৰিমা পুৰিমা অনুপাদিন্নুপাদানিযা খন্ধা পচ্ছিমানং পচ্ছিমানং অনুপাদিন্নুপাদানিযানং খন্ধানং আসেৱনপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স আসেৱনপচ্চযেন পচ্চযো. (১)

অনুপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স আসেৱনপচ্চযেন পচ্চযো – গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (২)

কম্মপচ্চযো

৬৯. উপাদিন্নুপাদানিযো ধম্মো উপাদিন্নুপাদানিযস্স ধম্মস্স কম্মপচ্চযেন পচ্চযো – উপাদিন্নুপাদানিযা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে উপাদিন্নুপাদানিযা চেতনা সম্পযুত্তকানং খন্ধানং কটত্তা চ ৰূপানং কম্মপচ্চযেন পচ্চযো. চেতনা ৱত্থুস্স কম্মপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স কম্মপচ্চযেন পচ্চযো – উপাদিন্নুপাদানিযা চেতনা চিত্তসমুট্ঠানানং ৰূপানং কম্মপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স কম্মপচ্চযেন পচ্চযো – উপাদিন্নুপাদানিযা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স কম্মপচ্চযেন পচ্চযো – অনুপাদিন্নুপাদানিযা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স কম্মপচ্চযেন পচ্চযো – নানাক্খণিকা অনুপাদিন্নুপাদানিযা চেতনা ৱিপাকানং উপাদিন্নুপাদানিযানং খন্ধানং কটত্তা চ ৰূপানং কম্মপচ্চযেন পচ্চযো. (২)

৭০. অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অনুপাদিন্নঅনুপাদানিযা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – অনুপাদিন্নঅনুপাদানিযা কুসলা চেতনা ৱিপাকানং অনুপাদিন্নঅনুপাদানিযানং খন্ধানং কম্মপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স কম্মপচ্চযেন পচ্চযো – অনুপাদিন্নঅনুপাদানিযা চেতনা চিত্তসমুট্ঠানানং ৰূপানং কম্মপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স কম্মপচ্চযেন পচ্চযো – অনুপাদিন্নঅনুপাদানিযা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

ৱিপাকপচ্চযো

৭১. উপাদিন্নুপাদানিযো ধম্মো উপাদিন্নুপাদানিযস্স ধম্মস্স ৱিপাকপচ্চযেন পচ্চযো – ৱিপাকো উপাদিন্নুপাদানিযো একো খন্ধো তিণ্ণন্নং খন্ধানং ৱিপাকপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং ৱিপাকপচ্চযেন পচ্চযো; পটিসন্ধিক্খণে ৱিপাকো উপাদিন্নুপাদানিযো একো খন্ধো তিণ্ণন্নং খন্ধানং কটত্তা চ ৰূপানং ৱিপাকপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং কটত্তা চ ৰূপানং ৱিপাকপচ্চযেন পচ্চযো. খন্ধা ৱত্থুস্স ৱিপাকপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ৱিপাকপচ্চযেন পচ্চযো – ৱিপাকা উপাদিন্নুপাদানিযা খন্ধা চিত্তসমুট্ঠানানং ৰূপানং ৱিপাকপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স ৱিপাকপচ্চযেন পচ্চযো – ৱিপাকো উপাদিন্নুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো …পে… দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো. (৩)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স ৱিপাকপচ্চযেন পচ্চযো – ৱিপাকো অনুপাদিন্নঅনুপাদানিযো একো খন্ধো তিণ্ণন্নং খন্ধানং ৱিপাকপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং ৱিপাকপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স ৱিপাকপচ্চযেন পচ্চযো – ৱিপাকা অনুপাদিন্নঅনুপাদানিযা খন্ধা চিত্তসমুট্ঠানানং ৰূপানং ৱিপাকপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স ৱিপাকপচ্চযেন পচ্চযো – ৱিপাকো অনুপাদিন্নঅনুপাদানিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো. (৩)

আহাৰপচ্চযো

৭২. উপাদিন্নুপাদানিযো ধম্মো উপাদিন্নুপাদানিযস্স ধম্মস্স আহাৰপচ্চযেন পচ্চযো – উপাদিন্নুপাদানিযা আহাৰা সম্পযুত্তকানং খন্ধানং আহাৰপচ্চযেন পচ্চযো; পটিসন্ধিক্খণে উপাদিন্নুপাদানিযা আহাৰা সম্পযুত্তকানং খন্ধানং কটত্তা চ ৰূপানং আহাৰপচ্চযেন পচ্চযো. উপাদিন্নুপাদানিযো কবড়ীকাৰো আহাৰো উপাদিন্নুপাদানিযস্স কাযস্স আহাৰপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আহাৰপচ্চযেন পচ্চযো – উপাদিন্নুপাদানিযা আহাৰা চিত্তসমুট্ঠানানং ৰূপানং আহাৰপচ্চযেন পচ্চযো; উপাদিন্নুপাদানিযো কবড়ীকাৰো আহাৰো অনুপাদিন্নুপাদানিযস্স কাযস্স আহাৰপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স আহাৰপচ্চযেন পচ্চযো – উপাদিন্নুপাদানিযা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো. উপাদিন্নুপাদানিযো কবড়ীকাৰো আহাৰো উপাদিন্নুপাদানিযস্স চ অনুপাদিন্নুপাদানিযস্স চ কাযস্স আহাৰপচ্চযেন পচ্চযো. (৩)

৭৩. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স আহাৰপচ্চযেন পচ্চযো – অনুপাদিন্নুপাদানিযা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো. অনুপাদিন্নুপাদানিযো কবড়ীকাৰো আহাৰো অনুপাদিন্নুপাদানিযস্স কাযস্স আহাৰপচ্চযেন পচ্চযো. (১)

অনুপাদিন্নুপাদানিযো ধম্মো উপাদিন্নুপাদানিযস্স ধম্মস্স আহাৰপচ্চযেন পচ্চযো – অনুপাদিন্নুপাদানিযো কবড়ীকাৰো আহাৰো উপাদিন্নুপাদানিযস্স কাযস্স আহাৰপচ্চযেন পচ্চযো. (২)

অনুপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স আহাৰপচ্চযেন পচ্চযো – অনুপাদিন্নুপাদানিযো কবড়ীকাৰো আহাৰো উপাদিন্নুপাদানিযস্স চ অনুপাদিন্নুপাদানিযস্স চ কাযস্স আহাৰপচ্চযেন পচ্চযো. (৩)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স আহাৰপচ্চযেন পচ্চযো – অনুপাদিন্নঅনুপাদানিযা আহাৰা সম্পযুত্তকানং খন্ধানং আহাৰপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স আহাৰপচ্চযেন পচ্চযো – অনুপাদিন্নঅনুপাদানিযা আহাৰা চিত্তসমুট্ঠানানং ৰূপানং আহাৰপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স আহাৰপচ্চযেন পচ্চযো – অনুপাদিন্নঅনুপাদানিযা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো. (৩)

৭৪. উপাদিন্নুপাদানিযো চ অনুপাদিন্নুপাদানিযো চ ধম্মা উপাদিন্নুপাদানিযস্স ধম্মস্স আহাৰপচ্চযেন পচ্চযো – উপাদিন্নুপাদানিযো চ অনুপাদিন্নুপাদানিযো চ কবড়ীকাৰো আহাৰো উপাদিন্নুপাদানিযস্স কাযস্স আহাৰপচ্চযেন পচ্চযো. (১)

উপাদিন্নুপাদানিযো চ অনুপাদিন্নুপাদানিযো চ ধম্মা অনুপাদিন্নুপাদানিযস্স ধম্মস্স আহাৰপচ্চযেন পচ্চযো – উপাদিন্নুপাদানিযো চ অনুপাদিন্নুপাদানিযো চ কবড়ীকাৰো আহাৰো অনুপাদিন্নুপাদানিযস্স কাযস্স আহাৰপচ্চযেন পচ্চযো. (২)

উপাদিন্নুপাদানিযো চ অনুপাদিন্নুপাদানিযো চ ধম্মা উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স আহাৰপচ্চযেন পচ্চযো – উপাদিন্নুপাদানিযো চ অনুপাদিন্নুপাদানিযো চ কবড়ীকাৰো আহাৰো উপাদিন্নুপাদানিযস্স চ অনুপাদিন্নুপাদানিযস্স চ কাযস্স আহাৰপচ্চযেন পচ্চযো. (৩)

ইন্দ্ৰিযপচ্চযো

৭৫. উপাদিন্নুপাদানিযো ধম্মো উপাদিন্নুপাদানিযস্স ধম্মস্স ইন্দ্ৰিযপচ্চযেন পচ্চযো – উপাদিন্নুপাদানিযা ইন্দ্ৰিযা সম্পযুত্তকানং খন্ধানং ইন্দ্ৰিযপচ্চযেন পচ্চযো; পটিসন্ধিক্খণে উপাদিন্নুপাদানিযা ইন্দ্ৰিযা সম্পযুত্তকানং খন্ধানং কটত্তা চ ৰূপানং ইন্দ্ৰিযপচ্চযেন পচ্চযো. চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স…পে… ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ইন্দ্ৰিযপচ্চযেন পচ্চযো – উপাদিন্নুপাদানিযা ইন্দ্ৰিযা চিত্তসমুট্ঠানানং ৰূপানং ইন্দ্ৰিযপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স ইন্দ্ৰিযপচ্চযেন পচ্চযো – উপাদিন্নুপাদানিযা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ইন্দ্ৰিযপচ্চযেন পচ্চযো – অনুপাদিন্নুপাদানিযা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স ইন্দ্ৰিযপচ্চযেন পচ্চযো – অনুপাদিন্নঅনুপাদানিযা ইন্দ্ৰিযা সম্পযুত্তকানং খন্ধানং ইন্দ্ৰিযপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স ইন্দ্ৰিযপচ্চযেন পচ্চযো – অনুপাদিন্নঅনুপাদানিযা ইন্দ্ৰিযা চিত্তসমুট্ঠানানং ৰূপানং ইন্দ্ৰিযপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স ইন্দ্ৰিযপচ্চযেন পচ্চযো – অনুপাদিন্নঅনুপাদানিযা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো. (৩)

ঝানপচ্চযো

৭৬. উপাদিন্নুপাদানিযো ধম্মো উপাদিন্নুপাদানিযস্স ধম্মস্স ঝানপচ্চযেন পচ্চযো – উপাদিন্নুপাদানিযানি ঝানঙ্গানি সম্পযুত্তকানং খন্ধানং ঝানপচ্চযেন পচ্চযো; পটিসন্ধিক্খণে উপাদিন্নুপাদানিযানি ঝানঙ্গানি সম্পযুত্তকানং খন্ধানং কটত্তা চ ৰূপানং ঝানপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ঝানপচ্চযেন পচ্চযো – উপাদিন্নুপাদানিযানি ঝানঙ্গানি চিত্তসমুট্ঠানানং ৰূপানং ঝানপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স ঝানপচ্চযেন পচ্চযো – উপাদিন্নুপাদানিযানি ঝানঙ্গানি সম্পযুত্তকানং খন্ধানং চিত্তসমুট্ঠানানঞ্চ ৰূপানং ঝানপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ঝানপচ্চযেন পচ্চযো – অনুপাদিন্নুপাদানিযানি ঝানঙ্গানি সম্পযুত্তকানং খন্ধানং চিত্তসমুট্ঠানানঞ্চ ৰূপানং ঝানপচ্চযেন পচ্চযো. (১)

৭৭. অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স ঝানপচ্চযেন পচ্চযো – অনুপাদিন্নঅনুপাদানিযানি ঝানঙ্গানি সম্পযুত্তকানং খন্ধানং ঝানপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স ঝানপচ্চযেন পচ্চযো – অনুপাদিন্নঅনুপাদানিযানি ঝানঙ্গানি চিত্তসমুট্ঠানানং ৰূপানং ঝানপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স ঝানপচ্চযেন পচ্চযো – অনুপাদিন্নঅনুপাদানিযানি ঝানঙ্গানি সম্পযুত্তকানং খন্ধানং চিত্তসমুট্ঠানানঞ্চ ৰূপানং ঝানপচ্চযেন পচ্চযো. (৩)

মগ্গপচ্চযো

৭৮. উপাদিন্নুপাদানিযো ধম্মো উপাদিন্নুপাদানিযস্স ধম্মস্স মগ্গপচ্চযেন পচ্চযো – উপাদিন্নুপাদানিযানি মগ্গঙ্গানি সম্পযুত্তকানং খন্ধানং মগ্গপচ্চযেন পচ্চযো. পটিসন্ধিক্খণে…পে…. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স মগ্গপচ্চযেন পচ্চযো – উপাদিন্নুপাদানিযানি মগ্গঙ্গানি চিত্তসমুট্ঠানানং ৰূপানং মগ্গপচ্চযেন পচ্চযো. (২)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স মগ্গপচ্চযেন পচ্চযো – উপাদিন্নুপাদানিযানি মগ্গঙ্গানি সম্পযুত্তকানং খন্ধানং চিত্তসমুট্ঠানানঞ্চ ৰূপানং মগ্গপচ্চযেন পচ্চযো. (৩)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স মগ্গপচ্চযেন পচ্চযো – অনুপাদিন্নুপাদানিযানি মগ্গঙ্গানি সম্পযুত্তকানং খন্ধানং চিত্তসমুট্ঠানানঞ্চ ৰূপানং মগ্গপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স মগ্গপচ্চযেন পচ্চযো – অনুপাদিন্নঅনুপাদানিযানি মগ্গঙ্গানি সম্পযুত্তকানং খন্ধানং মগ্গপচ্চযেন পচ্চযো. (১)

অনুপাদিন্নঅনুপাদানিযো ধম্মো অনুপাদিন্নুপাদানিযস্স ধম্মস্স মগ্গপচ্চযেন পচ্চযো – অনুপাদিন্নঅনুপাদানিযানি মগ্গঙ্গানি চিত্তসমুট্ঠানানং ৰূপানং মগ্গপচ্চযেন পচ্চযো. (২)

অনুপাদিন্নঅনুপাদানিযো ধম্মো অনুপাদিন্নুপাদানিযস্স চ অনুপাদিন্নঅনুপাদানিযস্স চ ধম্মস্স মগ্গপচ্চযেন পচ্চযো – অনুপাদিন্নঅনুপাদানিযানি মগ্গঙ্গানি সম্পযুত্তকানং খন্ধানং চিত্তসমুট্ঠানানঞ্চ ৰূপানং মগ্গপচ্চযেন পচ্চযো. (৩)

সম্পযুত্তপচ্চযো

৭৯. উপাদিন্নুপাদানিযো ধম্মো উপাদিন্নুপাদানিযস্স ধম্মস্স সম্পযুত্তপচ্চযেন পচ্চযো – উপাদিন্নুপাদানিযো একো খন্ধো তিণ্ণন্নং খন্ধানং সম্পযুত্তপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং…পে… পটিসন্ধিক্খণে…পে…. (১)

অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স সম্পযুত্তপচ্চযেন পচ্চযো – অনুপাদিন্নুপাদানিযো একো খন্ধো তিণ্ণন্নং খন্ধানং সম্পযুত্তপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং…পে…. (১)

অনুপাদিন্নঅনুপাদানিযো ধম্মো অনুপাদিন্নঅনুপাদানিযস্স ধম্মস্স সম্পযুত্তপচ্চযেন পচ্চযো – অনুপাদিন্নঅনুপাদানিযো একো খন্ধো তিণ্ণন্নং খন্ধানং সম্পযুত্তপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং…পে…. (১)

ৱিপ্পযুত্তপচ্চযো

৮০. উপাদিন্নুপাদানিযো ধম্মো উপাদিন্নুপাদানিযস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – পটিসন্ধিক্খণে উপাদিন্নুপাদানিযা খন্ধা কটত্তাৰূপানং ৱিপ্পযুত্তপচ্চযেন পচ্চযো. খন্ধা ৱত্থুস্স ৱিপ্পযুত্তপচ্চযেন পচ্চযো. ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স ৱিপ্পযুত্তপচ্চযেন পচ্চযো…পে… কাযাযতনং কাযৱিঞ্ঞাণস্স ৱিপ্পযুত্তপচ্চযেন পচ্চযো. ৱত্থু উপাদিন্নুপাদানিযানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – উপাদিন্নুপাদানিযা খন্ধা পুৰেজাতস্স ইমস্স উপাদিন্নুপাদানিযস্স কাযস্স ৱিপ্পযুত্তপচ্চযেন পচ্চযো. (১)

উপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – উপাদিন্নুপাদানিযা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পুৰেজাতং – ৱত্থু অনুপাদিন্নুপাদানিযানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – উপাদিন্নুপাদানিযা খন্ধা পুৰেজাতস্স ইমস্স অনুপাদিন্নুপাদানিযস্স কাযস্স ৱিপ্পযুত্তপচ্চযেন পচ্চযো. (২)

উপাদিন্নুপাদানিযো ধম্মো অনুপাদিন্নঅনুপাদানিযস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু অনুপাদিন্নঅনুপাদানিযানং খন্ধানং ৱিপ্পযুত্তপচ্চযেন পচ্চযো. (৩)

উপাদিন্নুপাদানিযো ধম্মো উপাদিন্নুপাদানিযস্স চ অনুপাদিন্নুপাদানিযস্স চ ধম্মস্স ৱিপ্পযুত্তপচ্চযেন পচ্চযো. পচ্ছাজাতা – উপাদিন্নুপাদানিযা খন্ধা পুৰেজাতস্স ইমস্স উপাদিন্নুপাদানিযস্স চ অনুপাদিন্নুপাদানিযস্স চ কাযস্স ৱিপ্পযুত্তপচ্চযেন পচ্চযো. (৪)

৮১. অনুপাদিন্নুপাদানিযো ধম্মো অনুপাদিন্নুপাদানিযস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অনুপাদিন্নুপাদানিযা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – অনুপাদিন্নুপাদানিযা খন্ধা পুৰেজাতস্স ইমস্স অনুপাদিন্নুপাদানিযস্স কাযস্স ৱিপ্পযুত্তপচ্চযেন পচ্চযো. (১)