১. ৱিভঙ্গৱাৰো

নহেতুপচ্চযো

২৪. ৱিপাকং ধম্মং পটিচ্চ ৱিপাকো ধম্মো উপ্পজ্জতি নহেতুপচ্চযা – অহেতুকং ৱিপাকং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা; অহেতুকপটিসন্ধিক্খণে ৱিপাকং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. (১)

ৱিপাকং ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নহেতুপচ্চযা – অহেতুকে ৱিপাকে খন্ধে পটিচ্চ চিত্তসমুট্ঠানং ৰূপং; অহেতুকপটিসন্ধিক্খণে ৱিপাকে খন্ধে পটিচ্চ কটত্তাৰূপং, খন্ধে পটিচ্চ ৱত্থু. (২)

ৱিপাকং ধম্মং পটিচ্চ ৱিপাকো চ নেৱৱিপাকনৱিপাকধম্মধম্মো চ ধম্মা উপ্পজ্জন্তি নহেতুপচ্চযা – অহেতুকং ৱিপাকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; অহেতুকপটিসন্ধিক্খণে ৱিপাকং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে পটিচ্চ দ্ৱে খন্ধা কটত্তা চ ৰূপং. (৩)

২৫. ৱিপাকধম্মধম্মং পটিচ্চ ৱিপাকধম্মধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

নেৱৱিপাকনৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নহেতুপচ্চযা – অহেতুকং নেৱৱিপাকনৱিপাকধম্মধম্মং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং, একং মহাভূতং পটিচ্চ তযো মহাভূতা…পে… দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তাৰূপং উপাদাৰূপং. (১)

নেৱৱিপাকনৱিপাকধম্মধম্মং পটিচ্চ ৱিপাকো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ ৱিপাকা খন্ধা. (২)

নেৱৱিপাকনৱিপাকধম্মধম্মং পটিচ্চ ৱিপাকো চ নেৱৱিপাকনৱিপাকধম্মধম্মো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ ৱিপাকা খন্ধা, মহাভূতে পটিচ্চ কটত্তাৰূপং. (৩)

২৬. ৱিপাকঞ্চ নেৱৱিপাকনৱিপাকধম্মধম্মঞ্চ ধম্মং পটিচ্চ ৱিপাকো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৱিপাকং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা. (১)

ৱিপাকঞ্চ নেৱৱিপাকনৱিপাকধম্মধম্মঞ্চ ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নহেতুপচ্চযা – অহেতুকে ৱিপাকে খন্ধে চ মহাভূতে চ পটিচ্চ চিত্তসমুট্ঠানং ৰূপং; অহেতুকপটিসন্ধিক্খণে ৱিপাকে খন্ধে চ মহাভূতে চ পটিচ্চ কটত্তাৰূপং. (২)

ৱিপাকঞ্চ নেৱৱিপাকনৱিপাকধম্মধম্মঞ্চ ধম্মং পটিচ্চ ৱিপাকো চ নেৱৱিপাকনৱিপাকধম্মধম্মো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱিপাকং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা, ৱিপাকে খন্ধে চ মহাভূতে চ পটিচ্চ কটত্তাৰূপং. (৩)

নআৰম্মণপচ্চযো

২৭. ৱিপাকং ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নআৰম্মণপচ্চযা – ৱিপাকে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে ৱিপাকে খন্ধে পটিচ্চ কটত্তাৰূপং, খন্ধে পটিচ্চ ৱত্থু. (১)

২৮. ৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নআৰম্মণপচ্চযা – ৱিপাকধম্মধম্মে খন্ধে পটিচ্চ চিত্তসমুট্ঠানং ৰূপং. (১)

২৯. নেৱৱিপাকনৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নআৰম্মণপচ্চযা – নেৱৱিপাকনৱিপাকধম্মধম্মে খন্ধে পটিচ্চ চিত্তসমুট্ঠানং ৰূপং, একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা… মহাভূতে পটিচ্চ কটত্তাৰূপং উপাদাৰূপং. (১)

৩০. ৱিপাকঞ্চ নেৱৱিপাকনৱিপাকধম্মধম্মঞ্চ ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নআৰম্মণপচ্চযা – ৱিপাকে খন্ধে চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে ৱিপাকে খন্ধে চ মহাভূতে চ পটিচ্চ কটত্তাৰূপং. (১)

৩১. ৱিপাকধম্মধম্মঞ্চ নেৱৱিপাকনৱিপাকধম্মধম্মঞ্চ ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নআৰম্মণপচ্চযা – ৱিপাকধম্মধম্মে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

নঅধিপতিপচ্চযো

৩২. ৱিপাকং ধম্মং পটিচ্চ ৱিপাকো ধম্মো উপ্পজ্জতি নঅধিপতিপচ্চযা. (সংখিত্তং. যথা অনুলোমং সহজাতসদিসং.)

নঅনন্তৰপচ্চযাদি

৩৩. ৱিপাকং ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নঅনন্তৰপচ্চযা … নসমনন্তৰপচ্চযা… নঅঞ্ঞমঞ্ঞপচ্চযা…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং; বাহিৰং… আহাৰসমুট্ঠানং… উতুসমুট্ঠানং, অসঞ্ঞসত্তানং মহাভূতে পটিচ্চ কটত্তাৰূপং উপাদাৰূপং (ইদং নানত্তং) নঅঞ্ঞমঞ্ঞপচ্চযা… নউপনিস্সযপচ্চযা… (সংখিত্তং).

নপুৰেজাতপচ্চযো

৩৪. ৱিপাকং ধম্মং পটিচ্চ ৱিপাকো ধম্মো উপ্পজ্জতি নপুৰেজাতপচ্চযা – অৰূপে ৱিপাকং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা; পটিসন্ধিক্খণে ৱিপাকং একং খন্ধং (সংখিত্তং). (১)

ৱিপাকং ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নপুৰেজাতপচ্চযা – ৱিপাকে খন্ধে পটিচ্চ চিত্তসমুট্ঠানং ৰূপং, পটিসন্ধিক্খণে (সংখিত্তং). (২)

ৱিপাকং ধম্মং পটিচ্চ ৱিপাকো চ নেৱৱিপাকনৱিপাকধম্মধম্মো চ ধম্মা উপ্পজ্জন্তি নপুৰেজাতপচ্চযা – পটিসন্ধিক্খণে ৱিপাকং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে পটিচ্চ দ্ৱে খন্ধা কটত্তা চ ৰূপং. (৩)

ৱিপাকধম্মধম্মং পটিচ্চ ৱিপাকধম্মধম্মো উপ্পজ্জতি নপুৰেজাতপচ্চযা – অৰূপে ৱিপাকধম্মধম্মং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

ৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নপুৰেজাতপচ্চযা – ৱিপাকধম্মধম্মে খন্ধে পটিচ্চ চিত্তসমুট্ঠানং ৰূপং. (২)

৩৫. নেৱৱিপাকনৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নপুৰেজাতপচ্চযা – অৰূপে নেৱৱিপাকনৱিপাকধম্মধম্মং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা, নেৱৱিপাকনৱিপাকধম্মধম্মে খন্ধে পটিচ্চ চিত্তসমুট্ঠানং ৰূপং, একং মহাভূতং পটিচ্চ তযো মহাভূতা…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে…. (১)

নেৱৱিপাকনৱিপাকধম্মধম্মং পটিচ্চ ৱিপাকো ধম্মো উপ্পজ্জতি নপুৰেজাতপচ্চযা – পটিসন্ধিক্খণে ৱত্থুং পটিচ্চ ৱিপাকা খন্ধা. (২)

নেৱৱিপাকনৱিপাকধম্মধম্মং পটিচ্চ ৱিপাকো চ নেৱৱিপাকনৱিপাকধম্মধম্মো চ ধম্মা উপ্পজ্জন্তি নপুৰেজাতপচ্চযা – পটিসন্ধিক্খণে ৱত্থুং পটিচ্চ ৱিপাকা খন্ধা, মহাভূতে পটিচ্চ কটত্তাৰূপং. (৩)

৩৬. ৱিপাকঞ্চ নেৱৱিপাকনৱিপাকধম্মধম্মঞ্চ ধম্মং পটিচ্চ ৱিপাকো ধম্মো উপ্পজ্জতি নপুৰেজাতপচ্চযা – পটিসন্ধিক্খণে ৱিপাকং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা. (১)

ৱিপাকঞ্চ নেৱৱিপাকনৱিপাকধম্মধম্মঞ্চ ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নপুৰেজাতপচ্চযা – ৱিপাকে খন্ধে চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে ৱিপাকে খন্ধে চ মহাভূতে চ পটিচ্চ কটত্তাৰূপং. (২)

ৱিপাকঞ্চ নেৱৱিপাকনৱিপাকধম্মধম্মঞ্চ ধম্মং পটিচ্চ ৱিপাকো চ নেৱৱিপাকনৱিপাকধম্মধম্মো চ ধম্মা উপ্পজ্জন্তি নপুৰেজাতপচ্চযা – পটিসন্ধিক্খণে ৱিপাকং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা; ৱিপাকে খন্ধে চ মহাভূতে চ পটিচ্চ কটত্তাৰূপং. (৩)

৩৭. ৱিপাকধম্মধম্মঞ্চ নেৱৱিপাকনৱিপাকধম্মধম্মঞ্চ ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নপুৰেজাতপচ্চযা – ৱিপাকধম্মধম্মে খন্ধে চ মহাভূতে চ পটিচ্চ চিত্তসমুট্ঠানং ৰূপং.

নপচ্ছাজাতপচ্চযাদি

৩৮. ৱিপাকং ধম্মং পটিচ্চ ৱিপাকো ধম্মো উপ্পজ্জতি নপচ্ছাজাতপচ্চযা…পে… নআসেৱনপচ্চযা (সংখিত্তং).

নকম্মপচ্চযো

৩৯. ৱিপাকধম্মধম্মং পটিচ্চ ৱিপাকধম্মধম্মো উপ্পজ্জতি নকম্মপচ্চযা – ৱিপাকধম্মধম্মে খন্ধে পটিচ্চ ৱিপাকধম্মধম্মা চেতনা.

নেৱৱিপাকনৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নকম্মপচ্চযা – নেৱৱিপাকনৱিপাকধম্মধম্মে খন্ধে পটিচ্চ নেৱৱিপাকনৱিপাকধম্মধম্মা চেতনা; বাহিৰং… আহাৰসমুট্ঠানং… উতুসমুট্ঠানং একং মহাভূতং পটিচ্চ তযো মহাভূতা…পে… মহাভূতে পটিচ্চ উপাদাৰূপং.

নৱিপাকপচ্চযো

৪০. ৱিপাকধম্মধম্মং পটিচ্চ ৱিপাকধম্মধম্মো উপ্পজ্জতি নৱিপাকপচ্চযা – ৱিপাকধম্মধম্মং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

ৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নৱিপাকপচ্চযা – ৱিপাকধম্মধম্মে খন্ধে পটিচ্চ চিত্তসমুট্ঠানং ৰূপং. (২)

ৱিপাকধম্মধম্মং পটিচ্চ ৱিপাকধম্মধম্মো চ নেৱৱিপাকনৱিপাকধম্মধম্মো চ ধম্মা উপ্পজ্জন্তি নৱিপাকপচ্চযা – ৱিপাকধম্মধম্মং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

৪১. নেৱৱিপাকনৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নৱিপাকপচ্চযা – নেৱৱিপাকনৱিপাকধম্মধম্মং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তাৰূপং উপাদাৰূপং. (১)

ৱিপাকধম্মধম্মঞ্চ নেৱৱিপাকনৱিপাকধম্মধম্মঞ্চ ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নৱিপাকপচ্চযা – ৱিপাকধম্মধম্মে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

নআহাৰপচ্চযো

৪২. নেৱৱিপাকনৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নআহাৰপচ্চযা – বাহিৰং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তাৰূপং উপাদাৰূপং.

নইন্দ্ৰিযপচ্চযো

৪৩. নেৱৱিপাকনৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নইন্দ্ৰিযপচ্চযা – বাহিৰং… আহাৰসমুট্ঠানং… উতুসমুট্ঠানং একং মহাভূতং পটিচ্চ তযো মহাভূতা…পে… অসঞ্ঞসত্তানং মহাভূতে পটিচ্চ ৰূপজীৱিতিন্দ্ৰিযং.

নঝানপচ্চযো

৪৪. ৱিপাকং ধম্মং পটিচ্চ ৱিপাকো ধম্মো উপ্পজ্জতি নঝানপচ্চযা – পঞ্চৱিঞ্ঞাণসহগতং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা.

নেৱৱিপাকনৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নঝানপচ্চযা – বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে….

নমগ্গপচ্চযো

৪৫. ৱিপাকং ধম্মং পটিচ্চ ৱিপাকো ধম্মো উপ্পজ্জতি নমগ্গপচ্চযা – অহেতুকং ৱিপাকং একং খন্ধং পটিচ্চ… তীণি.

নেৱৱিপাকনৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নমগ্গপচ্চযা – অহেতুকং নেৱৱিপাকনৱিপাকধম্মধম্মং একং খন্ধং পটিচ্চ… তীণি.

ৱিপাকঞ্চ নেৱৱিপাকনৱিপাকধম্মধম্মঞ্চ ধম্মং পটিচ্চ ৱিপাকো ধম্মো উপ্পজ্জতি নমগ্গপচ্চযা – অহেতুকপটিসন্ধিক্খণে ৱিপাকং একং খন্ধঞ্চ ৱত্থুঞ্চ পটিচ্চ… তীণি.

নসম্পযুত্তপচ্চযো

৪৬. ৱিপাকং ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নসম্পযুত্তপচ্চযা… দ্ৱে.

ৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নসম্পযুত্তপচ্চযা… দ্ৱে.

নেৱৱিপাকনৱিপাকধম্মধম্মং পটিচ্চ… একং.

নৱিপ্পযুত্তপচ্চযো

৪৭. ৱিপাকং ধম্মং পটিচ্চ ৱিপাকো ধম্মো উপ্পজ্জতি নৱিপ্পযুত্তপচ্চযা – অৰূপে ৱিপাকে একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা.

ৱিপাকধম্মধম্মং পটিচ্চ ৱিপাকধম্মধম্মো উপ্পজ্জতি নৱিপ্পযুত্তপচ্চযা – অৰূপে ৱিপাকধম্মধম্মং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা.

নেৱৱিপাকনৱিপাকধম্মধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নৱিপ্পযুত্তপচ্চযা – অৰূপে নেৱৱিপাকনৱিপাকধম্মধম্মং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তাৰূপং উপাদাৰূপং.

নোনত্থি-নোৱিগতপচ্চযা

৪৮. ৱিপাকং ধম্মং পটিচ্চ নেৱৱিপাকনৱিপাকধম্মধম্মো উপ্পজ্জতি নোনত্থিপচ্চযা… নোৱিগতপচ্চযা (সংখিত্তং).