১. ৱিভঙ্গৱাৰো

হেতুপচ্চযো

৯০. ৱিপাকো ধম্মো ৱিপাকস্স ধম্মস্স হেতুপচ্চযেন পচ্চযো – ৱিপাকা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে ৱিপাকা হেতূ সপ্পযুত্তকানং খন্ধানং হেতুপচ্চযেন পচ্চযো. (১)

ৱিপাকো ধম্মো নেৱৱিপাকনৱিপাকধম্মধম্মস্স হেতুপচ্চযেন পচ্চযো – ৱিপাকা হেতূ চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে ৱিপাকা হেতূ কটত্তাৰূপানং হেতুপচ্চযেন পচ্চযো. (২)

ৱিপাকো ধম্মো ৱিপাকস্স চ নেৱৱিপাকনৱিপাকধম্মধম্মস্স চ হেতুপচ্চযেন পচ্চযো – ৱিপাকা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে ৱিপাকা হেতূ সম্পযুত্তকানং খন্ধানং কটত্তা চ ৰূপানং হেতুপচ্চযেন পচ্চযো. (৩)

৯১. ৱিপাকধম্মধম্মো ৱিপাকধম্মধম্মস্স হেতুপচ্চযেন পচ্চযো – ৱিপাকধম্মধম্মা হেতূ সম্পযুত্তকানং খন্ধানং হেতুপচ্চযেন পচ্চযো. (১)

ৱিপাকধম্মধম্মো নেৱৱিপাকনৱিপাকধম্মধম্মস্স হেতুপচ্চযেন পচ্চযো – ৱিপাকধম্মধম্মা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (২)

ৱিপাকধম্মধম্মো ৱিপাকধম্মধম্মস্স চ নেৱৱিপাকনৱিপাকধম্মধম্মস্স চ হেতুপচ্চযেন পচ্চযো – ৱিপাকধম্মধম্মা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স হেতুপচ্চযেন পচ্চযো – নেৱৱিপাকনৱিপাকধম্মধম্মা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো.

আৰম্মণপচ্চযো

৯২. ৱিপাকো ধম্মো ৱিপাকস্স ধম্মস্স আৰম্মণপচ্চযেন পচ্চযো – ৱিপাকে খন্ধে অনিচ্চতো দুক্খতো অনত্ততো ৱিপস্সতি, অস্সাদেতি অভিনন্দতি; তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি, কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি. (১)

ৱিপাকো ধম্মো ৱিপাকধম্মধম্মস্স আৰম্মণপচ্চযেন পচ্চযো – সেক্খা ফলং পচ্চৱেক্খন্তি, ৱিপাকে খন্ধে অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি, চেতোপৰিযঞাণেন ৱিপাকচিত্তসমঙ্গিস্স চিত্তং জানন্তি. ৱিপাকা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স আৰম্মণপচ্চযেন পচ্চযো. (২)

ৱিপাকো ধম্মো নেৱৱিপাকনৱিপাকধম্মধম্মস্স আৰম্মণপচ্চযেন পচ্চযো – অৰহা ফলং পচ্চৱেক্খতি, ৱিপাকে খন্ধে অনিচ্চতো দুক্খতো অনত্ততো ৱিপস্সতি, চেতোপৰিযঞাণেন ৱিপাকচিত্তসমঙ্গিস্স চিত্তং জানাতি. ৱিপাকা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (৩)

৯৩. ৱিপাকধম্মধম্মো ৱিপাকধম্মধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা ৱুট্ঠহিত্ৱা ঝানং পচ্চৱেক্খতি, সেক্খা গোত্ৰভুং পচ্চৱেক্খন্তি, ৱোদানং পচ্চৱেক্খন্তি, সেক্খা মগ্গা ৱুট্ঠহিত্ৱা মগ্গং পচ্চৱেক্খন্তি, সেক্খা পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি, ৱিপাকধম্মধম্মে খন্ধে অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি, চেতোপৰিযঞাণেন ৱিপাকধম্মধম্মচিত্তসমঙ্গিস্স চিত্তং জানন্তি. আকাসানঞ্চাযতনকুসলং ৱিঞ্ঞাণঞ্চাযতনকুসলস্স আৰম্মণপচ্চযেন পচ্চযো. আকিঞ্চঞ্ঞাযতনকুসলং নেৱসঞ্ঞানাসঞ্ঞাযতনকুসলস্স আৰম্মণপচ্চযেন পচ্চযো. ৱিপাকধম্মধম্মা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰম্মণপচ্চযেন পচ্চযো. (১)

ৱিপাকধম্মধম্মো ৱিপাকস্স ধম্মস্স আৰম্মণপচ্চযেন পচ্চযো – ৱিপাকধম্মধম্মে খন্ধে অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি, কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি. আকাসানঞ্চাযতনকুসলং ৱিঞ্ঞাণঞ্চাযতনৱিপাকস্স আৰম্মণপচ্চযেন পচ্চযো. আকিঞ্চঞ্ঞাযতনকুসলং নেৱসঞ্ঞানাসঞ্ঞাযতনৱিপাকস্স আৰম্মণপচ্চযেন পচ্চযো. (২)

ৱিপাকধম্মধম্মো নেৱৱিপাকনৱিপাকধম্মধম্মস্স আৰম্মণপচ্চযেন পচ্চযো – অৰহা মগ্গা ৱুট্ঠহিত্ৱা মগ্গং পচ্চৱেক্খতি, পুব্বে সুচিণ্ণানি পচ্চৱেক্খতি. অৰহা পহীনে কিলেসে পচ্চৱেক্খতি, পুব্বে সমুদাচিণ্ণে কিলেসে জানাতি, ৱিপাকধম্মধম্মে খন্ধে অনিচ্চতো দুক্খতো অনত্ততো ৱিপস্সতি, চেতোপৰিযঞাণেন ৱিপাকধম্মধম্মচিত্তসমঙ্গিস্স চিত্তং জানাতি. আকাসানঞ্চাযতনকুসলং ৱিঞ্ঞাণঞ্চাযতনকিৰিযস্স আৰম্মণপচ্চযেন পচ্চযো. আকিঞ্চঞ্ঞাযতনকুসলং নেৱসঞ্ঞানাসঞ্ঞাযতনকিৰিযস্স আৰম্মণপচ্চযেন পচ্চযো. ৱিপাকধম্মধম্মা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (৩)

৯৪. নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স আৰম্মণপচ্চযেন পচ্চযো – অৰহা নিব্বানং পচ্চৱেক্খতি. নিব্বানং আৱজ্জনায আৰম্মণপচ্চযেন পচ্চযো. অৰহা চক্খুং অনিচ্চতো দুক্খতো অনত্ততো ৱিপস্সতি. সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে … ফোট্ঠব্বে… ৱত্থুং… নেৱৱিপাকনৱিপাকধম্মধম্মে খন্ধে অনিচ্চতো দুক্খতো অনত্ততো ৱিপস্সতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন নেৱৱিপাকনৱিপাকধম্মধম্মচিত্তসমঙ্গিস্স চিত্তং জানাতি. আকাসানঞ্চাযতনকিৰিযং ৱিঞ্ঞাণঞ্চাযতনকিৰিযস্স আৰম্মণপচ্চযেন পচ্চযো. আকিঞ্চঞ্ঞাযতনকিৰিযং নেৱসঞ্ঞানাসঞ্ঞাযতনকিৰিযস্স আৰম্মণপচ্চযেন পচ্চযো. নেৱৱিপাকনৱিপাকধম্মধম্মা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

নেৱৱিপাকনৱিপাকধম্মধম্মো ৱিপাকস্স ধম্মস্স আৰম্মণপচ্চযেন পচ্চযো – নিব্বানং ফলস্স আৰম্মণপচ্চযেন পচ্চযো. সেক্খা ৱা পুথুজ্জনা ৱা চক্খুং অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি. সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং… নেৱৱিপাকনৱিপাকধম্মধম্মে খন্ধে অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো. (২)

নেৱৱিপাকনৱিপাকধম্মধম্মো ৱিপাকধম্মধম্মস্স আৰম্মণপচ্চযেন পচ্চযো – সেক্খা নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স আৰম্মণপচ্চযেন পচ্চযো. সেক্খা ৱা পুথুজ্জনা ৱা চক্খুং অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. সোতং…পে… নেৱৱিপাকনৱিপাকধম্মধম্মে খন্ধে অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি…পে… দিব্বেন চক্খুনা ৰূপং পস্সন্তি, দিব্বায সোতধাতুযা সদ্দং সুণন্তি, চেতোপৰিযঞাণেন নেৱৱিপাকনৱিপাকধম্মধম্মচিত্তসমঙ্গিস্স চিত্তং জানন্তি. নেৱৱিপাকনৱিপাকধম্মধম্মা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স আৰম্মণপচ্চযেন পচ্চযো. (৩)

অধিপতিপচ্চযো

৯৫. ৱিপাকো ধম্মো ৱিপাকস্স ধম্মস্স অধিপতিপচ্চযেন পচ্চযো. সহজাতাধিপতি – ৱিপাকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

ৱিপাকো ধম্মো ৱিপাকধম্মধম্মস্স অধিপতিপচ্চযেন পচ্চযো. আৰম্মণাধিপতি – সেক্খা ফলং গৰুং কত্ৱা পচ্চৱেক্খন্তি, ৱিপাকে খন্ধে গৰুং কত্ৱা অস্সাদেন্তি অভিনন্দন্তি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (২)

ৱিপাকো ধম্মো নেৱৱিপাকনৱিপাকধম্মধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰহা ফলং গৰুং কত্ৱা পচ্চৱেক্খতি. সহজাতাধিপতি – ৱিপাকাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (৩)

ৱিপাকো ধম্মো ৱিপাকস্স চ নেৱৱিপাকনৱিপাকধম্মধম্মস্স চ অধিপতিপচ্চযেন পচ্চযো. সহজাতাধিপতি – ৱিপাকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৪)

৯৬. ৱিপাকধম্মধম্মো ৱিপাকধম্মধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা পচ্চৱেক্খতি, ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, সেক্খা গোত্ৰভুং গৰুং কত্ৱা পচ্চৱেক্খন্তি, ৱোদানং গৰুং কত্ৱা পচ্চৱেক্খন্তি, সেক্খা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ৱিপাকধম্মধম্মে খন্ধে গৰুং কত্ৱা অস্সাদেন্তি অভিনন্দন্তি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি,. সহজাতাধিপতি – ৱিপাকধম্মধম্মাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

ৱিপাকধম্মধম্মো নেৱৱিপাকনৱিপাকধম্মধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰহা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খতি. সহজাতাধিপতি – ৱিপাকধম্মধম্মাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

ৱিপাকধম্মধম্মো ৱিপাকধম্মধম্মস্স চ নেৱৱিপাকনৱিপাকধম্মধম্মস্স চ অধিপতিপচ্চযেন পচ্চযো. সহজাতাধিপতি – ৱিপাকধম্মধম্মাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰহা নিব্বানং গৰুং কত্ৱা পচ্চৱেক্খতি. সহজাতাধিপতি – নেৱৱিপাকনৱিপাকধম্মধম্মাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

নেৱৱিপাকনৱিপাকধম্মধম্মো ৱিপাকস্স ধম্মস্স অধিপতিপচ্চযেন পচ্চযো. আৰম্মণাধিপতি – নিব্বানং ফলস্স অধিপতিপচ্চযেন পচ্চযো. (২)

নেৱৱিপাকনৱিপাকধম্মধম্মো ৱিপাকধম্মধম্মস্স অধিপতিপচ্চযেন পচ্চযো. আৰম্মণাধিপতি – সেক্খা নিব্বানং গৰুং কত্ৱা পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স অধিপতিপচ্চযেন পচ্চযো. চক্খুং গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সোতং…পে… নেৱৱিপাকনৱিপাকধম্মধম্মে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (৩)

অনন্তৰপচ্চযো

৯৭. ৱিপাকো ধম্মো ৱিপাকস্স ধম্মস্স অনন্তৰপচ্চযেন পচ্চযো – পুৰিমা পুৰিমা ৱিপাকা খন্ধা পচ্ছিমানং পচ্ছিমানং ৱিপাকানং খন্ধানং অনন্তৰপচ্চযেন পচ্চযো. পঞ্চৱিঞ্ঞাণং ৱিপাকমনোধাতুযা অনন্তৰপচ্চযেন পচ্চযো. ৱিপাকমনোধাতু ৱিপাকমনোৱিঞ্ঞাণধাতুযা অনন্তৰপচ্চযেন পচ্চযো. (১)

ৱিপাকো ধম্মো নেৱৱিপাকনৱিপাকধম্মধম্মস্স অনন্তৰপচ্চযেন পচ্চযো. ভৱঙ্গং আৱজ্জনায অনন্তৰপচ্চযেন পচ্চযো. ৱিপাকমনোৱিঞ্ঞাণধাতু কিৰিযমনোৱিঞ্ঞাণধাতুযা অনন্তৰপচ্চযেন পচ্চযো. (২)

ৱিপাকধম্মধম্মো ৱিপাকধম্মধম্মস্স অনন্তৰপচ্চযেন পচ্চযো – পুৰিমা পুৰিমা ৱিপাকধম্মধম্মা খন্ধা পচ্ছিমানং পচ্ছিমানং ৱিপাকধম্মধম্মানং খন্ধানং অনন্তৰপচ্চযেন পচ্চযো. অনুলোমং গোত্ৰভুস্স … অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স অনন্তৰপচ্চযেন পচ্চযো. (১)

ৱিপাকধম্মধম্মো ৱিপাকস্স ধম্মস্স অনন্তৰপচ্চযেন পচ্চযো – ৱিপাকধম্মধম্মা খন্ধা ৱুট্ঠানস্স… মগ্গো ফলস্স… সেক্খানং অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকুসলং ফলসমাপত্তিযা অনন্তৰপচ্চযেন পচ্চযো. (২)

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স অনন্তৰপচ্চযেন পচ্চযো – পুৰিমা পুৰিমা নেৱৱিপাকনৱিপাকধম্মধম্মা খন্ধা পচ্ছিমানং পচ্ছিমানং নেৱৱিপাকনৱিপাকধম্মধম্মানং খন্ধানং অনন্তৰপচ্চযেন পচ্চযো. (১)

নেৱৱিপাকনৱিপাকধম্মধম্মো ৱিপাকস্স ধম্মস্স অনন্তৰপচ্চযেন পচ্চযো – আৱজ্জনা পঞ্চন্নং ৱিঞ্ঞাণানং অনন্তৰপচ্চযেন পচ্চযো. নেৱৱিপাকনৱিপাকধম্মধম্মা খন্ধা ৱুট্ঠানস্স, অৰহতো অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকিৰিযং ফলসমাপত্তিযা অনন্তৰপচ্চযেন পচ্চযো. (২)

নেৱৱিপাকনৱিপাকধম্মধম্মো ৱিপাকধম্মধম্মস্স অনন্তৰপচ্চযেন পচ্চযো – আৱজ্জনা ৱিপাকধম্মধম্মানং খন্ধানং অনন্তৰপচ্চযেন পচ্চযো. (৩)

সমনন্তৰপচ্চযো

৯৮. ৱিপাকো ধম্মো ৱিপাকস্স ধম্মস্স সমনন্তৰপচ্চযেন পচ্চযো (অনন্তৰসদিসং).

সহজাতপচ্চযো

৯৯. ৱিপাকো ধম্মো ৱিপাকস্স ধম্মস্স সহজাতপচ্চযেন পচ্চযো – ৱিপাকো একো খন্ধো…পে… তীণি.

ৱিপাকধম্মধম্মো ৱিপাকধম্মধম্মস্স সহজাতপচ্চযেন পচ্চযো… তীণি.

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স সহজাতপচ্চযেন পচ্চযো – নেৱৱিপাকনৱিপাকধম্মধম্মো একো খন্ধো…পে… একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. (১)

নেৱৱিপাকনৱিপাকধম্মধম্মো ৱিপাকস্স ধম্মস্স সহজাতপচ্চযেন পচ্চযো – পটিসন্ধিক্খণে ৱত্থু ৱিপাকানং খন্ধানং সহজাতপচ্চযেন পচ্চযো. (২)

ৱিপাকো চ নেৱৱিপাকনৱিপাকধম্মধম্মো চ ধম্মা ৱিপাকস্স ধম্মস্স সহজাতপচ্চযেন পচ্চযো – পটিসন্ধিক্খণে ৱিপাকো একো খন্ধো চ ৱত্থু চ তিণ্ণন্নং খন্ধানং…পে…. (১)

ৱিপাকো চ নেৱৱিপাকনৱিপাকধম্মধম্মো চ ধম্মা নেৱৱিপাকনৱিপাকধম্মধম্মস্স সহজাতপচ্চযেন পচ্চযো – ৱিপাকা খন্ধা চ মহাভূতা চ চিত্তসমুট্ঠানানং ৰূপানং…পে… পটিসন্ধিক্খণে ৱিপাকা খন্ধা চ মহাভূতা চ কটত্তাৰূপানং সহজাতপচ্চযেন পচ্চযো. (২)

ৱিপাকধম্মধম্মো চ নেৱৱিপাকনৱিপাকধম্মধম্মো চ ধম্মা নেৱৱিপাকনৱিপাকধম্মধম্মস্স সহজাতপচ্চযেন পচ্চযো – ৱিপাকধম্মধম্মা খন্ধা চ মহাভূতা চ চিত্তসমুট্ঠানানং ৰূপানং সহজাতপচ্চযেন পচ্চযো. (১)

অঞ্ঞমঞ্ঞপচ্চযো

১০০. ৱিপাকো ধম্মো ৱিপাকস্স ধম্মস্স অঞ্ঞমঞ্ঞপচ্চযেন পচ্চযো – ৱিপাকো একো খন্ধো…পে… পটিসন্ধিক্খণে…পে…. (১)

ৱিপাকো ধম্মো নেৱৱিপাকনৱিপাকধম্মধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৱিপাকা খন্ধা ৱত্থুস্স অঞ্ঞমঞ্ঞপচ্চযেন পচ্চযো. (২)

ৱিপাকো ধম্মো ৱিপাকস্স চ নেৱৱিপাকনৱিপাকধম্মধম্মস্স চ অঞ্ঞমঞ্ঞপচ্চযেন পচ্চযো – পটিসন্ধিক্খণে ৱিপাকো একো খন্ধো তিণ্ণন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো…পে…. (৩)

ৱিপাকধম্মধম্মো ৱিপাকধম্মধম্মস্স অঞ্ঞমঞ্ঞপচ্চযেন পচ্চযো – ৱিপাকধম্মধম্মো একো খন্ধো তিণ্ণন্নং খন্ধানং…পে… দ্ৱে খন্ধা দ্ৱিন্নং খন্ধানং…পে…. (১)

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স অঞ্ঞমঞ্ঞপচ্চযেন পচ্চযো – নেৱৱিপাকনৱিপাকধম্মধম্মো একো খন্ধো তিণ্ণন্নং খন্ধানং…পে… দ্ৱে খন্ধা দ্ৱিন্নং খন্ধানং…পে…. (১)

নেৱৱিপাকনৱিপাকধম্মধম্মো ৱিপাকস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৱত্থু ৱিপাকানং খন্ধানং…পে…. (২)

ৱিপাকো চ নেৱৱিপাকনৱিপাকধম্মধম্মো চ ধম্মা ৱিপাকস্স ধম্মস্স…পে… পটিসন্ধিক্খণে ৱিপাকো একো খন্ধো চ ৱত্থু চ…পে…. (১) (সত্ত পঞ্হা).

নিস্সযপচ্চযো

১০১. ৱিপাকো ধম্মো ৱিপাকস্স ধম্মস্স নিস্সযপচ্চযেন পচ্চযো… তীণি. ৱিপাকধম্মধম্মো ৱিপাকধম্মধম্মস্স… তীণি.

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স…পে…. (১)

নেৱৱিপাকনৱিপাকধম্মধম্মো ৱিপাকস্স ধম্মস্স…পে… চক্খাযতনং চক্খুৱিঞ্ঞাণস্স নিস্সযপচ্চযেন পচ্চযো…পে… কাযাযতনং কাযৱিঞ্ঞাণস্স, ৱত্থু ৱিপাকানং খন্ধানং…পে… পটিসন্ধিক্খণে ৱত্থু ৱিপাকানং খন্ধানং…পে…. (২)

নেৱৱিপাকনৱিপাকধম্মধম্মো ৱিপাকধম্মধম্মস্স নিস্সযপচ্চযেন পচ্চযো – ৱত্থু ৱিপাকধম্মধম্মানং খন্ধানং…পে…. (৩)

ৱিপাকো চ নেৱৱিপাকনৱিপাকধম্মধম্মো চ ধম্মা ৱিপাকস্স ধম্মস্স নিস্সযপচ্চযেন পচ্চযো – চক্খুৱিঞ্ঞাণসহগতো একো খন্ধো চ চক্খাযতনঞ্চ…পে… কাযৱিঞ্ঞাণসহগতো একো খন্ধো চ কাযাযতনঞ্চ…পে… ৱিপাকো একো খন্ধো চ ৱত্থু চ তিণ্ণন্নং খন্ধানং… পটিসন্ধিক্খণে ৱিপাকো একো খন্ধো চ ৱত্থু চ…পে…. (১)

ৱিপাকো চ নেৱৱিপাকনৱিপাকধম্মধম্মো চ ধম্মা নেৱৱিপাকনৱিপাকধম্মধম্মস্স…পে… ৱিপাকা খন্ধা চ মহাভূতা চ…পে… (সংখিত্তং) পটিসন্ধিক্খণে…পে…. (২)

ৱিপাকধম্মধম্মো চ নেৱৱিপাকনৱিপাকধম্মধম্মো চ ধম্মা ৱিপাকধম্মধম্মস্স নিস্সযপচ্চযেন পচ্চযো – ৱিপাকধম্মধম্মো একো খন্ধো চ ৱত্থু চ…পে…. (১)

ৱিপাকধম্মধম্মো চ নেৱৱিপাকনৱিপাকধম্মধম্মো চ ধম্মা নেৱৱিপাকনৱিপাকধম্মধম্মস্স নিস্সযপচ্চযেন পচ্চযো – ৱিপাকধম্মধম্মা খন্ধা চ মহাভূতা চ চিত্তসমুট্ঠানানং ৰূপানং…. (২) (তেৰস পঞ্হা).

উপনিস্সযপচ্চযো

১০২. ৱিপাকো ধম্মো ৱিপাকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে….

পকতূপনিস্সযো – কাযিকং সুখং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. কাযিকং দুক্খং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. ফলসমাপত্তি কাযিকস্স সুখস্স উপনিস্সযপচ্চযেন পচ্চযো. (১)

ৱিপাকো ধম্মো ৱিপাকধম্মধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে….

পকতূপনিস্সযো – কাযিকং সুখং উপনিস্সায দানং দেতি, সীলং সমাদিযতি…পে… সঙ্ঘং ভিন্দতি. কাযিকং দুক্খং উপনিস্সায দানং দেতি, সীলং সমাদিযতি…পে… সঙ্ঘং ভিন্দতি. কাযিকং সুখং কাযিকং দুক্খং সদ্ধায…পে… পত্থনায উপনিস্সযপচ্চযেন পচ্চযো. (২)

ৱিপাকো ধম্মো নেৱৱিপাকনৱিপাকধম্মধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে….

পকতূপনিস্সযো – অৰহা কাযিকং সুখং উপনিস্সায অনুপ্পন্নং কিৰিযসমাপত্তিং উপ্পাদেতি, উপ্পন্নং সমাপজ্জতি, সঙ্খাৰে অনিচ্চতো দুক্খতো অনত্ততো ৱিপস্সতি, কাযিকং দুক্খং উপনিস্সায অনুপ্পন্নং কিৰিযসমাপত্তিং উপ্পাদেতি, উপ্পন্নং সমাপজ্জতি…পে…. (৩)

১০৩. ৱিপাকধম্মধম্মো ৱিপাকধম্মধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে….

পকতূপনিস্সযো – সদ্ধং উপনিস্সায দানং দেতি…পে… মানং জপ্পেতি… দিট্ঠিং গণ্হাতি. সীলং… সুতং… চাগং… পঞ্ঞং উপনিস্সায দানং দেতি…পে… দিট্ঠিং গণ্হাতি. ৰাগং… দোসং… মোহং… মানং… দিট্ঠিং… পত্থনং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি…পে… সদ্ধা…পে… পত্থনা সদ্ধায… সীলস্স…পে… পত্থনায উপনিস্সযপচ্চযেন পচ্চযো. পঠমস্স ঝানস্স পৰিকম্মং পঠমস্স…পে… নেৱসঞ্ঞানাসঞ্ঞাযতনস্স পৰিকম্মং নেৱসঞ্ঞানাসঞ্ঞাযতনস্স…পে… পঠমং ঝানং দুতিযস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… পঠমস্স মগ্গস্স পৰিকম্মং পঠমস্স…পে… চতুত্থস্স মগ্গস্স পৰিকম্মং চতুত্থস্স…পে… পঠমো মগ্গো দুতিযস্স…পে… ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. সেক্খা মগ্গং উপনিস্সায অনুপ্পন্নং কুসলসমাপত্তিং উপ্পাদেন্তি…পে… মগ্গো সেক্খানং অত্থপ্পটিসম্ভিদায…পে… ঠানাঠানকোসল্লস্স উপনিস্সযপচ্চযেন পচ্চযো. পাণাতিপাতো পাণাতিপাতস্স…পে… মিচ্ছাদিট্ঠিযা উপনিস্সযপচ্চযেন পচ্চযো…পে… মিচ্ছাদিট্ঠি মিচ্ছাদিট্ঠিযা…পে… ব্যাপাদস্স…পে… মাতুঘাতিকম্মং মাতুঘাতিকম্মস্স…পে… নিযতমিচ্ছাদিট্ঠিযা…পে… নিযতমিচ্ছাদিট্ঠি নিযতমিচ্ছাদিট্ঠিযা…পে… সঙ্ঘভেদককম্মস্স উপনিস্সযপচ্চযেন পচ্চযো. (১)

ৱিপাকধম্মধম্মো ৱিপাকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে….

পকতূপনিস্সযো – সদ্ধং উপনিস্সায অত্তানং আতাপেতি পৰিতাপেতি, পৰিযিট্ঠিমূলকং দুক্খং পচ্চনুভোতি…পে… পত্থনং উপনিস্সায অত্তানং আতাপেতি পৰিতাপেতি …পে… সদ্ধা…পে… পত্থনা কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. কুসলাকুসলং কম্মং ৱিপাকস্স [কম্মৱিপাকস্স (স্যা.)] উপনিস্সযপচ্চযেন পচ্চযো. মগ্গো ফলসমাপত্তিযা উপনিস্সযপচ্চযেন পচ্চযো. (২)

ৱিপাকধম্মধম্মো নেৱৱিপাকনৱিপাকধম্মধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে….

পকতূপনিস্সযো – অৰহা মগ্গং উপনিস্সায অনুপ্পন্নং কিৰিযসমাপত্তিং উপ্পাদেতি, উপ্পন্নং সমাপজ্জতি, সঙ্খাৰে অনিচ্চতো দুক্খতো অনত্ততো ৱিপস্সতি. মগ্গো অৰহতো অত্থপ্পটিসম্ভিদায…পে… ঠানাঠানকোসল্লস্স উপনিস্সযপচ্চযেন পচ্চযো. (৩)

১০৪. নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে….

পকতূপনিস্সযো – অৰহা উতুং… ভোজনং… সেনাসনং উপনিস্সায অনুপ্পন্নং কিৰিযসমাপত্তিং উপ্পাদেতি…পে…. (১)

নেৱৱিপাকনৱিপাকধম্মধম্মো ৱিপাকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে….

পকতূপনিস্সযো – উতু… ভোজনং… সেনাসনং, কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. (২)

নেৱৱিপাকনৱিপাকধম্মধম্মো ৱিপাকধম্মধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো …পে….

পকতূপনিস্সযো – উতুং উপনিস্সায দানং দেতি…পে… সঙ্ঘং ভিন্দতি. ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি. উতু… ভোজনং… সেনাসনং সদ্ধায…পে… পত্থনায উপনিস্সযপচ্চযেন পচ্চযো. (৩)

পুৰেজাতপচ্চযো

১০৫. নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং.

আৰম্মণপুৰেজাতং – অৰহা চক্খুং অনিচ্চতো…পে… কাযং… ৰূপে… ফোট্ঠব্বে… ৱত্থুং অনিচ্চতো…পে… দিব্বেন চক্খুনা ৰূপং…পে… দিব্বায সোতধাতুযা সদ্দং…পে…. ৱত্থুপুৰেজাতং – ৱত্থু নেৱৱিপাকনৱিপাকধম্মধম্মানং খন্ধানং পুৰেজাতপচ্চযেন পচ্চযো. (১)

নেৱৱিপাকনৱিপাকধম্মধম্মো ৱিপাকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং.

আৰম্মণপুৰেজাতং – সেক্খা ৱা পুথুজ্জনা ৱা চক্খুং অনিচ্চতো দুক্খতো অনত্ততো ৱিপস্সন্তি, অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি. সোতং…পে… ৱত্থুং অনিচ্চতো…পে… তদাৰম্মণতা উপ্পজ্জতি. ৰূপাযতনং চক্খুৱিঞ্ঞাণস্স পুৰেজাত…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু ৱিপাকানং খন্ধানং পুৰেজাতপচ্চযেন পচ্চযো. (২)

নেৱৱিপাকনৱিপাকধম্মধম্মো ৱিপাকধম্মধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং.

আৰম্মণপুৰেজাতং – সেক্খা ৱা পুথুজ্জনা ৱা চক্খুং…পে… আৰব্ভ ৰাগো…পে… দোমনস্সং উপ্পজ্জতি. সোতং…পে… ৱত্থুং অনিচ্চতো…পে… দোমনস্সং…পে… দিব্বেন চক্খুনা ৰূপং…পে… দিব্বায সোতধাতুযা সদ্দং…পে….

ৱত্থুপুৰেজাতং – ৱত্থু ৱিপাকধম্মধম্মানং খন্ধানং পুৰেজাতপচ্চযেন পচ্চযো. (৩)

পচ্ছাজাতপচ্চযো

১০৬. ৱিপাকো ধম্মো নেৱৱিপাকনৱিপাকধম্মধম্মস্স পচ্ছাজাতপচ্চযেন পচ্চযো – পচ্ছাজাতা ৱিপাকা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

ৱিপাকধম্মধম্মো নেৱৱিপাকনৱিপাকধম্মধম্মস্স পচ্ছাজাতপচ্চযেন পচ্চযো…. (১)

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স পচ্ছাজাতপচ্চযেন পচ্চযো…. (১)

আসেৱনপচ্চযো

১০৭. ৱিপাকধম্মধম্মো ৱিপাকধম্মধম্মস্স আসেৱনপচ্চযেন পচ্চযো – পুৰিমা পুৰিমা ৱিপাকধম্মধম্মা খন্ধা পচ্ছিমানং পচ্ছিমানং ৱিপাকধম্মধম্মানং খন্ধানং…পে… অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (১)

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স আসেৱনপচ্চযেন পচ্চযো – পুৰিমা পুৰিমা…পে… পচ্চযো. (১)

কম্মপচ্চযো

১০৮. ৱিপাকো ধম্মো ৱিপাকস্স ধম্মস্স কম্মপচ্চযেন পচ্চযো – ৱিপাকা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে ৱিপাকা চেতনা…পে…. (১)

ৱিপাকো ধম্মো নেৱৱিপাকনৱিপাকধম্মধম্মস্স কম্মপচ্চযেন পচ্চযো – ৱিপাকা চেতনা চিত্তসমুট্ঠানানং ৰূপানং কম্মপচ্চযেন পচ্চযো; পটিসন্ধিক্খণে ৱিপাকা চেতনা কটত্তাৰূপানং…পে… চেতনা ৱত্থুস্স কম্মপচ্চযেন পচ্চযো. (২)

ৱিপাকো ধম্মো ৱিপাকস্স চ নেৱৱিপাকনৱিপাকধম্মধম্মস্স চ ধম্মস্স কম্মপচ্চযেন পচ্চযো – ৱিপাকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে ৱিপাকা চেতনা সম্পযুত্তকানং খন্ধানং কটত্তা চ ৰূপানং কম্মপচ্চযেন পচ্চযো. (৩)

ৱিপাকধম্মধম্মো ৱিপাকধম্মধম্মস্স কম্মপচ্চযেন পচ্চযো – ৱিপাকধম্মধম্মা চেতনা সম্পযুত্তকানং খন্ধানং কম্মপচ্চযেন পচ্চযো. (১)

ৱিপাকধম্মধম্মো ৱিপাকস্স ধম্মস্স কম্মপচ্চযেন পচ্চযো. নানাক্খণিকা – ৱিপাকধম্মধম্মা চেতনা ৱিপাকানং খন্ধানং কম্মপচ্চযেন পচ্চযো. (২)

ৱিপাকধম্মধম্মো নেৱৱিপাকনৱিপাকধম্মধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – ৱিপাকধম্মধম্মা চেতনা চিত্তসমুট্ঠানানং ৰূপানং কম্মপচ্চযেন পচ্চযো. নানাক্খণিকা – ৱিপাকধম্মধম্মা চেতনা কটত্তাৰূপানং কম্মপচ্চযেন পচ্চযো. (৩)

ৱিপাকধম্মধম্মো ৱিপাকস্স চ নেৱৱিপাকনৱিপাকধম্মধম্মস্স চ ধম্মস্স কম্মপচ্চযেন পচ্চযো. নানাক্খণিকা – ৱিপাকধম্মধম্মা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (৪)

ৱিপাকধম্মধম্মো ৱিপাকধম্মধম্মস্স চ নেৱৱিপাকনৱিপাকধম্মধম্মস্স চ ধম্মস্স কম্মপচ্চযেন পচ্চযো – ৱিপাকধম্মধম্মা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৫)

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স কম্মপচ্চযেন পচ্চযো – নেৱৱিপাকনৱিপাকধম্মধম্মা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (১)

ৱিপাকপচ্চযো

১০৯. ৱিপাকো ধম্মো ৱিপাকস্স ধম্মস্স ৱিপাকপচ্চযেন পচ্চযো – ৱিপাকো একো খন্ধো তিণ্ণন্নং খন্ধানং ৱিপাকপচ্চযেন পচ্চযো; পটিসন্ধিক্খণে…পে…. (১)

ৱিপাকো ধম্মো নেৱৱিপাকনৱিপাকধম্মধম্মস্স ৱিপাকপচ্চযেন পচ্চযো – ৱিপাকা খন্ধা চিত্তসমুট্ঠানানং ৰূপানং ৱিপাকপচ্চযেন পচ্চযো; পটিসন্ধিক্খণে ৱিপাকা খন্ধা কটত্তাৰূপানং ৱিপাকপচ্চযেন পচ্চযো. খন্ধা ৱত্থুস্স…পে…. (২)

ৱিপাকো ধম্মো ৱিপাকস্স চ নেৱৱিপাকনৱিপাকধম্মধম্মস্স চ ৱিপাকপচ্চযেন পচ্চযো – ৱিপাকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো; পটিসন্ধিক্খণে ৱিপাকো একো খন্ধো তিণ্ণন্নং খন্ধানং কটত্তা চ ৰূপানং ৱিপাকপচ্চযেন পচ্চযো. (৩)

আহাৰপচ্চযো

১১০. ৱিপাকো ধম্মো ৱিপাকস্স ধম্মস্স আহাৰপচ্চযেন পচ্চযো – ৱিপাকা আহাৰা সম্পযুত্তকানং খন্ধানং… তীণি. (পটিসন্ধিপি ইমেসং তিণ্ণন্নং কাতব্বা.)

ৱিপাকধম্মধম্মো ৱিপাকধম্মধম্মস্স আহাৰপচ্চযেন পচ্চযো… তীণি.

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স আহাৰপচ্চযেন পচ্চযো – নেৱৱিপাকনৱিপাকধম্মধম্মা আহাৰা সম্পযুত্তকানং খন্ধানং চিত্তসমুট্ঠানঞ্চ ৰূপানং আহাৰপচ্চযেন পচ্চযো; কবড়ীকাৰো আহাৰো ইমস্স কাযস্স আহাৰপচ্চযেন পচ্চযো. (১)

ইন্দ্ৰিযপচ্চযো

১১১. ৱিপাকো ধম্মো ৱিপাকস্স ধম্মস্স ইন্দ্ৰিযপচ্চযেন পচ্চযো… তীণি (পটিসন্ধি কাতব্বা [কাতব্বং (সী.)].) ৱিপাকধম্মধম্মো ৱিপাকধম্মধম্মস্স ইন্দ্ৰিযপচ্চযেন পচ্চযো… তীণি.

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স ইন্দ্ৰিযপচ্চযেন পচ্চযো – নেৱৱিপাকনৱিপাকধম্মধম্মা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো; ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো. (১)

নেৱৱিপাকনৱিপাকধম্মধম্মো ৱিপাকস্স ধম্মস্স ইন্দ্ৰিযপচ্চযেন পচ্চযো – চক্খুন্দ্ৰিযং চক্খুৱিঞ্ঞাণস্স ইন্দ্ৰিযপচ্চযেন পচ্চযো; কাযিন্দ্ৰিযং…পে…. (২)

ৱিপাকো চ নেৱৱিপাকনৱিপাকধম্মধম্মো চ ধম্মা ৱিপাকস্স ধম্মস্স ইন্দ্ৰিযপচ্চযেন পচ্চযো – চক্খুন্দ্ৰিযঞ্চ চক্খুৱিঞ্ঞাণঞ্চ চক্খুৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো…পে… কাযিন্দ্ৰিযঞ্চ কাযৱিঞ্ঞাণঞ্চ কাযৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো. (১)

ঝানপচ্চযো

১১২. ৱিপাকো ধম্মো ৱিপাকস্স ধম্মস্স ঝানপচ্চযেন পচ্চযো… তীণি. ৱিপাকধম্মধম্মো ৱিপাকধম্মধম্মস্স ঝানপচ্চযেন পচ্চযো … তীণি.

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স ঝানপচ্চযেন পচ্চযো – নেৱৱিপাকনৱিপাকধম্মধম্মা ঝানঙ্গা সম্পযুত্তকানং খন্ধানং চিত্তসমুট্ঠানানঞ্চ ৰূপানং ঝানপচ্চযেন পচ্চযো.

মগ্গপচ্চযো

১১৩. ৱিপাকো ধম্মো ৱিপাকস্স ধম্মস্স মগ্গপচ্চযেন পচ্চযো… তীণি. ৱিপাকধম্মধম্মো ৱিপাকধম্মধম্মস্স মগ্গপচ্চযেন পচ্চযো… তীণি. নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স মগ্গপচ্চযেন পচ্চযো. নেৱৱিপাকনৱিপাকধম্মধম্মা মগ্গঙ্গা সম্পযুত্তকানং খন্ধানং চিত্তসমুট্ঠানানঞ্চ ৰূপানং মগ্গপচ্চযেন পচ্চযো.

সম্পযুত্তপচ্চযো

১১৪. ৱিপাকো ধম্মো ৱিপাকস্স ধম্মস্স সম্পযুত্তপচ্চযেন পচ্চযো – ৱিপাকো একো খন্ধো তিণ্ণন্নং…পে… দ্ৱে খন্ধা দ্ৱিন্নং…পে… পটিসন্ধিক্খণে…পে… ৱিপাকধম্মধম্মো ৱিপাকধম্মধম্মস্স সম্পযুত্তপচ্চযেন পচ্চযো; নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স সম্পযুত্তপচ্চযেন পচ্চযো; দ্ৱে খন্ধা দ্ৱিন্নং খন্ধানং সম্পযুত্তপচ্চযেন পচ্চযো.

ৱিপ্পযুত্তপচ্চযো

১১৫. ৱিপাকো ধম্মো নেৱৱিপাকনৱিপাকধম্মধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – ৱিপাকা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে ৱিপাকা খন্ধা কটত্তাৰূপানং ৱিপ্পযুত্তপচ্চযেন পচ্চযো; খন্ধা ৱত্থুস্স ৱিপ্পযুত্তপচ্চযেন পচ্চযো. পচ্ছাজাতা – ৱিপাকা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

ৱিপাকধম্মধম্মো নেৱৱিপাকনৱিপাকধম্মধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – ৱিপাকধম্মধম্মা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – ৱিপাকধম্মধম্মা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – নেৱৱিপাকনৱিপাকধম্মধম্মা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পুৰেজাতং – ৱত্থু নেৱৱিপাকনৱিপাকধম্মধম্মানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – নেৱৱিপাকনৱিপাকধম্মধম্মা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

নেৱৱিপাকনৱিপাকধম্মধম্মো ৱিপাকস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু ৱিপাকানং খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু ৱিপাকানং খন্ধানং ৱিপ্পযুত্তপচ্চযেন পচ্চযো. (২)

নেৱৱিপাকনৱিপাকধম্মধম্মো ৱিপাকধম্মধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু ৱিপাকধম্মধম্মানং খন্ধানং ৱিপ্পযুত্তপচ্চযেন পচ্চযো. (৩)

অত্থিপচ্চযো

১১৬. ৱিপাকো ধম্মো ৱিপাকস্স ধম্মস্স অত্থিপচ্চযেন পচ্চযো – ৱিপাকো একো খন্ধো তিণ্ণন্নং…পে… পটিসন্ধিক্খণে ৱিপাকো একো খন্ধো তিণ্ণন্নং…পে…. (১)

ৱিপাকো ধম্মো নেৱৱিপাকনৱিপাকধম্মধম্মস্স…পে… সহজাতং, পচ্ছাজাতং. সহজাতা – ৱিপাকা খন্ধা চিত্তসমুট্ঠানানং ৰূপানং অত্থিপচ্চযেন পচ্চযো; পটিসন্ধিখণে ৱিপাকা খন্ধা কটত্তাৰূপানং অত্থিপচ্চযেন পচ্চযো. পচ্ছাজাতা – ৱিপাকা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

ৱিপাকো ধম্মো ৱিপাকস্স চ নেৱৱিপাকনৱিপাকধম্মধম্মস্স চ অত্থিপচ্চযেন পচ্চযো – ৱিপাকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো… পটিসন্ধিক্খণে…পে…. (৩)

১১৭. ৱিপাকধম্মধম্মো ৱিপাকধম্মধম্মস্স অত্থিপচ্চযেন পচ্চযো… দ্ৱে খন্ধা দ্ৱিন্নং খন্ধানং অত্থিপচ্চযেন পচ্চযো. (১)

ৱিপাকধম্মধম্মো নেৱৱিপাকনৱিপাকধম্মধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – ৱিপাকধম্মধম্মা খন্ধা চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – ৱিপাকধম্মধম্মা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

ৱিপাকধম্মধম্মো ৱিপাকধম্মধম্মস্স চ নেৱৱিপাকনৱিপাকধম্মধম্মস্স চ…পে… ৱিপাকধম্মধম্মো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…. (৩)

নেৱৱিপাকনৱিপাকধম্মধম্মো নেৱৱিপাকনৱিপাকধম্মধম্মস্স …পে… সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – নেৱৱিপাকনৱিপাকধম্মধম্মো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো; একং মহাভূতং…পে… মহাভূতা চিত্তসমুট্ঠানানং ৰূপানং কটত্তাৰূপানং উপাদাৰূপানং অত্থিপচ্চযেন পচ্চযো. বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে….

পুৰেজাতং – অৰহা চক্খুং অনিচ্চতো…পে… সোতং…পে… ৱত্থুং অনিচ্চতো…পে… দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৱত্থু নেৱৱিপাকনৱিপাকধম্মধম্মানং খন্ধানং অত্থিপচ্চযেন পচ্চযো.

পচ্ছাজাতা – নেৱৱিপাকনৱিপাকধম্মধম্মা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো; কবড়ীকাৰো আহাৰো ইমস্স কাযস্স অত্থিপচ্চযেন পচ্চযো; ৰূপজীৱিতিন্দ্ৰিযং কটত্তাৰূপানং অত্থিপচ্চযেন পচ্চযো. (১)

নেৱৱিপাকনৱিপাকধম্মধম্মো ৱিপাকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু ৱিপাকানং খন্ধানং অত্থিপচ্চযেন পচ্চযো. পুৰেজাতং – সেক্খা ৱা পুথুজ্জনা ৱা চক্খুং অনিচ্চতো…পে… অস্সাদেন্তি; তং আৰব্ভ ৰাগো…পে… দোমনস্সং…পে… কুসলাকুসলে নিৰুদ্ধে ৱিপাকো তদাৰম্মণতা…পে… সোতং…পে… ৱত্থুং…পে… ৱিপাকো তদাৰম্মণতা…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু ৱিপাকানং খন্ধানং অত্থিপচ্চযেন পচ্চযো. (২)

নেৱৱিপাকনৱিপাকধম্মধম্মো ৱিপাকধম্মধম্মস্স অত্থিপচ্চযেন পচ্চযো. পুৰেজাতং – সেক্খা ৱা পুথুজ্জনা ৱা চক্খুং অনিচ্চতো…পে… অস্সাদেন্তি…পে… দোমনস্সং উপ্পজ্জতি. সোতং…পে… ৱত্থুং অনিচ্চতো…পে… দোমনস্সং উপ্পজ্জতি. দিব্বেন চক্খুনা…পে… ৱত্থু ৱিপাকধম্মধম্মানং খন্ধানং অত্থিপচ্চযেন পচ্চযো. (৩)

১১৮. ৱিপাকো চ নেৱৱিপাকনৱিপাকধম্মধম্মো চ ধম্মা ৱিপাকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – চক্খুৱিঞ্ঞাণসহগতো একো খন্ধো চ চক্খাযতনঞ্চ তিণ্ণন্নং…পে… কাযৱিঞ্ঞাণসহগতো…পে… ৱিপাকো একো খন্ধো চ ৱত্থু চ তিণ্ণন্নং খন্ধানং…পে… পটিসন্ধিক্খণে ৱিপাকো একো খন্ধো চ ৱত্থু চ তিণ্ণন্নং…পে…. (১)

ৱিপাকো চ নেৱৱিপাকনৱিপাকধম্মধম্মো চ ধম্মা নেৱৱিপাকনৱিপাকধম্মধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – ৱিপাকা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. পটিসন্ধিক্খণে ৱিপাকা খন্ধা চ মহাভূতা চ কটত্তাৰূপানং অত্থিপচ্চযেন পচ্চযো.

পচ্ছাজাতা – ৱিপাকা খন্ধা চ কবড়ীকাৰো আহাৰো চ ইমস্স কাযস্স…পে… পচ্ছাজাতা ৱিপাকা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)