১. ৱিভঙ্গৱাৰো

নহেতুপচ্চযো

৭৫. ৱিপাকং ধম্মং পচ্চযা ৱিপাকো ধম্মো উপ্পজ্জতি নহেতুপচ্চযা – অহেতুকং ৱিপাকং একং খন্ধং পচ্চযা… তীণি.

ৱিপাকধম্মধম্মং পচ্চযা ৱিপাকধম্মধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে পচ্চযা ৱিচিকিচ্ছাসহগতো উদ্ধচ্চসহগতো মোহো.

নেৱৱিপাকনৱিপাকধম্মধম্মং পচ্চযা নেৱৱিপাকনৱিপাকধম্মধম্মো উপ্পজ্জতি নহেতুপচ্চযা – অহেতুকং নেৱৱিপাকনৱিপাকধম্মধম্মং একং খন্ধং পচ্চযা…পে…. (১)

নেৱৱিপাকনৱিপাকধম্মধম্মং পচ্চযা ৱিপাকো ধম্মো উপ্পজ্জতি নহেতুপচ্চযা – চক্খাযতনং পচ্চযা চক্খুৱিঞ্ঞাণং…পে…. (২)

নেৱৱিপাকনৱিপাকধম্মধম্মং পচ্চযা ৱিপাকধম্মধম্মো উপ্পজ্জতি নহেতুপচ্চযা – ৱত্থুং পচ্চযা ৱিচিকিচ্ছাসহগতো উদ্ধচ্চসহগতো মোহো. (৩)

নেৱৱিপাকনৱিপাকধম্মধম্মং পচ্চযা ৱিপাকো চ নেৱৱিপাকনৱিপাকধম্মধম্মো চ ধম্মা উপ্পজ্জন্তি নহেতুপচ্চযা – ৱত্থুং পচ্চযা অহেতুকা ৱিপাকা খন্ধা, মহাভূতে পচ্চযা চিত্তসমুট্ঠানং ৰূপং, অহেতুকপটিসন্ধিক্খণে…পে… (৪)

৭৬. ৱিপাকঞ্চ নেৱৱিপাকনৱিপাকধম্মধম্মঞ্চ ধম্মং পচ্চযা ৱিপাকো ধম্মো উপ্পজ্জতি…পে… নেৱৱিপাকনৱিপাকধম্মধম্মো উপ্পজ্জতি…পে… ৱিপাকো চ নেৱৱিপাকনৱিপাকধম্মধম্মো চ ধম্মা উপ্পজ্জন্তি নহেতুপচ্চযা…পে… তীণি.

ৱিপাকধম্মধম্মঞ্চ নেৱৱিপাকনৱিপাকধম্মধম্মঞ্চ ধম্মং পচ্চযা ৱিপাকধম্মধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে চ ৱত্থুঞ্চ পচ্চযা ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযো

৭৭. ৱিপাকং ধম্মং পচ্চযা নেৱৱিপাকনৱিপাকধম্মধম্মো উপ্পজ্জতি নআৰম্মণপচ্চযা (সংখিত্তং. সব্বানি পদানি ৱিত্থাৰেতব্বানি.)