৪. পচ্চযপচ্চনীযানুলোমং

নহেতুদুকং

৫২. নহেতুপচ্চযা আৰম্মণে পঞ্চ, অনন্তৰে পঞ্চ, সমনন্তৰে পঞ্চ, সহজাতে দস, অঞ্ঞমঞ্ঞে সত্ত, নিস্সযে দস, উপনিস্সযে পঞ্চ, পুৰেজাতে তীণি, আসেৱনে দ্ৱে, কম্মে দস, ৱিপাকে নৱ, আহাৰে দস, ইন্দ্ৰিযে দস, ঝানে দস, মগ্গে একং, সম্পযুত্তে পঞ্চ, ৱিপ্পযুত্তে দস, অত্থিযা দস, নত্থিযা পঞ্চ, ৱিগতে পঞ্চ, অৱিগতে দস.

তিকং

নহেতুপচ্চযা নআৰম্মণপচ্চযা সহজাতে তীণি, অঞ্ঞমঞ্ঞে দ্ৱে, নিস্সযে তীণি, কম্মে তীণি, ৱিপাকে তীণি, আহাৰে তীণি, ইন্দ্ৰিযে তীণি, ঝানে তীণি, ৱিপ্পযুত্তে তীণি, অত্থিযা তীণি, অৱিগতে তীণি…পে….

সত্তকং

নহেতুপচ্চযা নআৰম্মণপচ্চযা নঅধিপতিপচ্চযা নঅনন্তৰপচ্চযা নসমনন্তৰপচ্চযা নঅঞ্ঞমঞ্ঞপচ্চযা সহজাতে তীণি, নিস্সযে তীণি, কম্মে তীণি, ৱিপাকে তীণি, আহাৰে তীণি, ইন্দ্ৰিযে তীণি, ঝানে তীণি, ৱিপ্পযুত্তে তীণি, অত্থিযা তীণি, অৱিগতে তীণি (সংখিত্তং).

(যথা কুসলত্তিকে নহেতুমূলকং গণিতং, এৱং গণেতব্বং. যথা কুসলত্তিকে পচ্চনীযানুলোমং ৱিত্থাৰিতং, এৱং ইদং ৱিত্থাৰেতব্বং.)

পচ্চনীযানুলোমং.

পটিচ্চৱাৰো.