২. ৱেদনাত্তিকং

১. পটিচ্চৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১. সুখায ৱেদনায সম্পযুত্তং ধম্মং পটিচ্চ সুখায ৱেদনায সম্পযুত্তো ধম্মো উপ্পজ্জতি হেতুপচ্চযা – সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; পটিসন্ধিক্খণে সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

দুক্খায ৱেদনায সম্পযুত্তং ধম্মং পটিচ্চ দুক্খায ৱেদনায সম্পযুত্তো ধম্মো উপ্পজ্জতি হেতুপচ্চযা – দুক্খায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

অদুক্খমসুখায ৱেদনায সম্পযুত্তং ধম্মং পটিচ্চ অদুক্খমসুখায ৱেদনায সম্পযুত্তো ধম্মো উপ্পজ্জতি হেতুপচ্চযা – অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; পটিসন্ধিক্খণে অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

আৰম্মণপচ্চযাদি

২. সুখায ৱেদনায সম্পযুত্তং ধম্মং পটিচ্চ সুখায ৱেদনায সম্পযুত্তো ধম্মো উপ্পজ্জতি আৰম্মণপচ্চযা… অধিপতিপচ্চযা (অধিপতিযা পটিসন্ধি নত্থি)… অনন্তৰপচ্চযা… সমনন্তৰপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুৰেজাতপচ্চযা – সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. ৱত্থুং পুৰেজাতপচ্চযা (সংখিত্তং).

আসেৱনপচ্চযাদি

৩. সুখায ৱেদনায সম্পযুত্তং ধম্মং পটিচ্চ সুখায ৱেদনায সম্পযুত্তো ধম্মো উপ্পজ্জতি আসেৱনপচ্চযা… কম্মপচ্চযা… ৱিপাকপচ্চযা – সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; পটিসন্ধিক্খণে সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

দুক্খায ৱেদনায সম্পযুত্তং ধম্মং পটিচ্চ দুক্খায ৱেদনায সম্পযুত্তো ধম্মো উপ্পজ্জতি ৱিপাকপচ্চযা – দুক্খসহগতং কাযৱিঞ্ঞাণসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

অদুক্খমসুখায ৱেদনায সম্পযুত্তং ধম্মং পটিচ্চ অদুক্খমসুখায ৱেদনায সম্পযুত্তো ধম্মো উপ্পজ্জতি ৱিপাকপচ্চযা – অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; পটিসন্ধিক্খণে অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

আহাৰপচ্চযাদি

৪. সুখায ৱেদনায সম্পযুত্তং ধম্মং পটিচ্চ সুখায ৱেদনায সম্পযুত্তো ধম্মো উপ্পজ্জতি আহাৰপচ্চযা… ইন্দ্ৰিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৱিপ্পযুত্তপচ্চযা – সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; ৱত্থুং ৱিপ্পযুত্তপচ্চযা; পটিসন্ধিক্খণে সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. ৱত্থুং ৱিপ্পযুত্তপচ্চযা.

দুক্খায ৱেদনায সম্পযুত্তং ধম্মং পটিচ্চ দুক্খায ৱেদনায সম্পযুত্তো ধম্মো উপ্পজ্জতি ৱিপ্পযুত্তপচ্চযা – দুক্খায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. ৱত্থুং ৱিপ্পযুত্তপচ্চযা.

অদুক্খমসুখায ৱেদনায সম্পযুত্তং ধম্মং পটিচ্চ অদুক্খমসুখায ৱেদনায সম্পযুত্তো ধম্মো উপ্পজ্জতি ৱিপ্পযুত্তপচ্চযা – অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; ৱত্থুং ৱিপ্পযুত্তপচ্চযা; পটিসন্ধিক্খণে অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. ৱত্থুং ৱিপ্পযুত্তপচ্চযা (সংখিত্তং).

অত্থিপচ্চযাদি

৫. অত্থিপচ্চযা… নত্থিপচ্চযা… ৱিগতপচ্চযা… অৱিগতপচ্চযা….

১. পচ্চযানুলোমং

২. সঙ্খ্যাৱাৰো

সুদ্ধং

৬. হেতুযা তীণি, আৰম্মণে তীণি…পে… অৱিগতে তীণি.

হেতুআদিদুকানি

৭. হেতুপচ্চযা আৰম্মণে তীণি…পে… ৱিপাকে দ্ৱে…পে… অৱিগতে তীণি…পে….

আৰম্মণপচ্চযা অধিপতিপচ্চযা হেতুযা তীণি…পে… ৱিপাকে দ্ৱে…পে… অৱিগতে তীণি…পে….

আসেৱনপচ্চযা হেতুযা তীণি…পে… কম্মে তীণি, আহাৰে তীণি…পে… অৱিগতে তীণি…পে….

ৱিপাকপচ্চযা হেতুযা দ্ৱে, আৰম্মণে তীণি, অধিপতিযা দ্ৱে…পে… পুৰেজাতে তীণি, কম্মে তীণি…পে… ঝানে দ্ৱে, মগ্গে দ্ৱে…পে… অৱিগতে তীণি…পে….

ঝানপচ্চযা হেতুযা তীণি…পে… ৱিপাকে দ্ৱে…পে… অৱিগতে তীণি…পে….

মগ্গপচ্চযা হেতুযা তীণি…পে… ৱিপাকে দ্ৱে…পে… অৱিগতে তীণি…পে….

অৱিগতপচ্চযা হেতুযা তীণি…পে… নত্থিযা তীণি, ৱিগতে তীণি…পে….

(যথা কুসলত্তিকস্স পচ্চযগণনা, এৱং ৱিত্থাৰেতব্বা).

২. পচ্চযপচ্চনীযং

১. ৱিভঙ্গৱাৰো

নহেতুপচ্চযো

৮. সুখায ৱেদনায সম্পযুত্তং ধম্মং পটিচ্চ সুখায ৱেদনায সম্পযুত্তো ধম্মো উপ্পজ্জতি নহেতুপচ্চযা – অহেতুকং সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

দুক্খায ৱেদনায সম্পযুত্তং ধম্মং পটিচ্চ দুক্খায ৱেদনায সম্পযুত্তো ধম্মো উপ্পজ্জতি নহেতুপচ্চযা – দুক্খসহগতং কাযৱিঞ্ঞাণসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

অদুক্খমসুখায ৱেদনায সম্পযুত্তং ধম্মং পটিচ্চ অদুক্খমসুখায ৱেদনায সম্পযুত্তো ধম্মো উপ্পজ্জতি নহেতুপচ্চযা – অহেতুকং অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; অহেতুকপটিসন্ধিক্খণে অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো.

নঅধিপতিপচ্চযো

৯. সুখায ৱেদনায সম্পযুত্তং ধম্মং পটিচ্চ সুখায ৱেদনায সম্পযুত্তো ধম্মো উপ্পজ্জতি নঅধিপতিপচ্চযা (নাধিপতি পৰিপুণ্ণং পটিসন্ধিকং).

নপুৰেজাতপচ্চযো

১০. সুখায ৱেদনায সম্পযুত্তং ধম্মং পটিচ্চ সুখায ৱেদনায সম্পযুত্তো ধম্মো উপ্পজ্জতি নপুৰেজাতপচ্চযা – অৰূপে সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; পটিসন্ধিক্খণে সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

অদুক্খমসুখায ৱেদনায সম্পযুত্তং ধম্মং পটিচ্চ অদুক্খমসুখায ৱেদনায সম্পযুত্তো ধম্মো উপ্পজ্জতি নপুৰেজাতপচ্চযা – অৰূপে অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; পটিসন্ধিক্খণে অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

নপচ্ছাজাত-নআসেৱনপচ্চযা

১১. সুখায ৱেদনায সম্পযুত্তং ধম্মং পটিচ্চ সুখায ৱেদনায সম্পযুত্তো ধম্মো উপ্পজ্জতি নপচ্ছাজাতপচ্চযা… নআসেৱনপচ্চযা (নপচ্ছাজাতম্পি নআসেৱনম্পি পৰিপুণ্ণং পটিসন্ধিকং).

নকম্মপচ্চযো

১২. সুখায ৱেদনায সম্পযুত্তং ধম্মং পটিচ্চ সুখায ৱেদনায সম্পযুত্তো ধম্মো উপ্পজ্জতি নকম্মপচ্চযা – সুখায ৱেদনায সম্পযুত্তে খন্ধে পটিচ্চ সুখায ৱেদনায সম্পযুত্তা চেতনা.

দুক্খায ৱেদনায সম্পযুত্তং ধম্মং পটিচ্চ দুক্খায ৱেদনায সম্পযুত্তো ধম্মো উপ্পজ্জতি নকম্মপচ্চযা – দুক্খায ৱেদনায সম্পযুত্তে খন্ধে পটিচ্চ দুক্খায ৱেদনায সম্পযুত্তা চেতনা.

অদুক্খমসুখায ৱেদনায সম্পযুত্তং ধম্মং পটিচ্চ অদুক্খমসুখায ৱেদনায সম্পযুত্তো ধম্মো উপ্পজ্জতি নকম্মপচ্চযা – অদুক্খমসুখায ৱেদনায সম্পযুত্তে খন্ধে পটিচ্চ অদুক্খমসুখায ৱেদনায সম্পযুত্তা চেতনা.

নৱিপাক-নঝানপচ্চযা

১৩. সুখায ৱেদনায সম্পযুত্তং ধম্মং পটিচ্চ দুক্খায ৱেদনায সম্পযুত্তো ধম্মো উপ্পজ্জতি নৱিপাকপচ্চযা… নঝানপচ্চযা – সুখসহগতং কাযৱিঞ্ঞাণসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

দুক্খায ৱেদনায সম্পযুত্তং ধম্মং পটিচ্চ দুক্খায ৱেদনায সম্পযুত্তো ধম্মো উপ্পজ্জতি নঝানপচ্চযা – দুক্খসহগতং কাযৱিঞ্ঞাণসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

অদুক্খমসুখায ৱেদনায সম্পযুত্তং ধম্মং পটিচ্চ অদুক্খমসুখায ৱেদনায সম্পযুত্তো ধম্মো উপ্পজ্জতি নঝানপচ্চযা – চতুৱিঞ্ঞাণসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

নমগ্গপচ্চযো

১৪. সুখায ৱেদনায সম্পযুত্তং ধম্মং পটিচ্চ সুখায ৱেদনায সম্পযুত্তো ধম্মো উপ্পজ্জতি নমগ্গপচ্চযা – অহেতুকং সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

দুক্খায ৱেদনায সম্পযুত্তং ধম্মং পটিচ্চ দুক্খায ৱেদনায সম্পযুত্তো ধম্মো উপ্পজ্জতি নমগ্গপচ্চযা – দুক্খসহগতং কাযৱিঞ্ঞাণসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

অদুক্খমসুখায ৱেদনায সম্পযুত্তং ধম্মং পটিচ্চ অদুক্খমসুখায ৱেদনায সম্পযুত্তো ধম্মো উপ্পজ্জতি নমগ্গপচ্চযা – অহেতুকং অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; অহেতুকপটিসন্ধিক্খণে অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

নৱিপ্পযুত্তপচ্চযো

১৫. সুখায ৱেদনায সম্পযুত্তং ধম্মং পটিচ্চ সুখায ৱেদনায সম্পযুত্তো ধম্মো উপ্পজ্জতি নৱিপ্পযুত্তপচ্চযা – অৰূপে সুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

অদুক্খমসুখায ৱেদনায সম্পযুত্তং ধম্মং পটিচ্চ অদুক্খমসুখায ৱেদনায সম্পযুত্তো ধম্মো উপ্পজ্জতি নৱিপ্পযুত্তপচ্চযা – অৰূপে অদুক্খমসুখায ৱেদনায সম্পযুত্তং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো.

২. পচ্চযপচ্চনীযং

২. সঙ্খ্যাৱাৰো

সুদ্ধং

১৬. নহেতুযা তীণি, নঅধিপতিযা তীণি, নপুৰেজাতে দ্ৱে, নপচ্ছাজাতে তীণি, নআসেৱনে তীণি, নকম্মে তীণি, নৱিপাকে তীণি, নঝানে তীণি, নমগ্গে তীণি, নৱিপ্পযুত্তে দ্ৱে.

নহেতুদুকং

১৭. নহেতুপচ্চযা নঅধিপতিযা তীণি, নপুৰেজাতে একং, নপচ্ছাজাতে তীণি, নআসেৱনে তীণি, নকম্মে দ্ৱে, নৱিপাকে দ্ৱে, নঝানে তীণি, নমগ্গে তীণি, নৱিপ্পযুত্তে একং…পে….

চতুক্কং

নহেতুপচ্চযা নঅধিপতিপচ্চযা নপুৰেজাতপচ্চযা নপচ্ছাজাতে একং, নআসেৱনে একং, নকম্মে একং, নৱিপাকে একং, নমগ্গে একং, নৱিপ্পযুত্তে একং…পে….

নৱকং

নহেতুপচ্চযা নঅধিপতিপচ্চযা নপুৰেজাতপচ্চযা নপচ্ছাজাতপচ্চযা নআসেৱনপচ্চযা নকম্মপচ্চযা নৱিপাকপচ্চযা নমগ্গপচ্চযা নৱিপ্পযুত্তে একং (সংখিত্তং).

নঅধিপতিদুকং

১৮. নঅধিপতিপচ্চযা নহেতুযা তীণি, নপুৰেজাতে দ্ৱে, নপচ্ছাজাতে তীণি, নআসেৱনে তীণি, নকম্মে তীণি, নৱিপাকে তীণি, নঝানে তীণি, নমগ্গে তীণি, নৱিপ্পযুত্তে দ্ৱে (সংখিত্তং).

নপুৰেজাতদুকং

১৯. নপুৰেজাতপচ্চযা নহেতুযা একং, নঅধিপতিযা দ্ৱে, নপচ্ছাজাতে দ্ৱে, নআসেৱনে দ্ৱে, নকম্মে দ্ৱে, নৱিপাকে দ্ৱে, নমগ্গে একং, নৱিপ্পযুত্তে দ্ৱে.

তিকং

নপুৰেজাতপচ্চযা নহেতুপচ্চযা নঅধিপতিযা একং, নপচ্ছাজাতে একং, নআসেৱনে একং, নকম্মে একং, নৱিপাকে একং, নমগ্গে একং, নৱিপ্পযুত্তে একং (সংখিত্তং).

নপচ্ছাজাতাদিদুকানি

২০. নপচ্ছাজাতপচ্চযা… নআসেৱনপচ্চযা… নকম্মপচ্চযা নহেতুযা দ্ৱে, নঅধিপতিযা তীণি, নপুৰেজাতে দ্ৱে, নপচ্ছাজাতে তীণি, নআসেৱনে তীণি, নৱিপাকে তীণি, নমগ্গে দ্ৱে, নৱিপ্পযুত্তে দ্ৱে.

তিকং

নকম্মপচ্চযা নহেতুপচ্চযা নঅধিপতিযা দ্ৱে, নপুৰেজাতে একং, নপচ্ছাজাতে দ্ৱে, নআসেৱনে দ্ৱে, নৱিপাকে দ্ৱে, নমগ্গে দ্ৱে, নৱিপ্পযুত্তে একং…পে….

পঞ্চকং

নকম্মপচ্চযা নহেতুপচ্চযা নঅধিপতিপচ্চযা নপুৰেজাতপচ্চযা নপচ্ছাজাতে একং, নআসেৱনে একং, নৱিপাকে একং, নমগ্গে একং, নৱিপ্পযুত্তে একং (সংখিত্তং).

নৱিপাকদুকং

২১. নৱিপাকপচ্চযা নহেতুযা দ্ৱে, নঅধিপতিযা তীণি, নপুৰেজাতে দ্ৱে, নপচ্ছাজাতে তীণি, নআসেৱনে তীণি, নকম্মে তীণি, নমগ্গে দ্ৱে, নৱিপ্পযুত্তে দ্ৱে.

নৱিপাকপচ্চযা (নকম্মপচ্চযসদিসং).

নঝানদুকং

২২. নঝানপচ্চযা নহেতুযা তীণি, নঅধিপতিযা তীণি, নপচ্ছাজাতে তীণি, নআসেৱনে তীণি, নমগ্গে তীণি…পে….

ছক্কং

নঝানপচ্চযা নহেতুপচ্চযা নঅধিপতিপচ্চযা নপচ্ছাজাতপচ্চযা নআসেৱনপচ্চযা নমগ্গে তীণি (সংখিত্তং).

নমগ্গদুকং

২৩. নমগ্গপচ্চযা নহেতুযা তীণি, নঅধিপতিযা তীণি, নপুৰেজাতে একং, নপচ্ছাজাতে তীণি, নআসেৱনে তীণি, নকম্মে দ্ৱে, নৱিপাকে দ্ৱে, নঝানে তীণি, নৱিপ্পযুত্তে একং.

তিকং

নমগ্গপচ্চযা নহেতুপচ্চযা নঅধিপতিযা তীণি, নপুৰেজাতে একং, নপচ্ছাজাতে তীণি, নআসেৱনে তীণি, নকম্মে দ্ৱে, নৱিপাকে দ্ৱে, নঝানে তীণি, নৱিপ্পযুত্তে একং…পে….

পঞ্চকং

নমগ্গপচ্চযা নহেতুপচ্চযা নঅধিপতিপচ্চযা নপুৰেজাতপচ্চযা নপচ্ছাজাতে একং, নআসেৱনে একং, নকম্মে একং, নৱিপাকে একং, নৱিপ্পযুত্তে একং (সংখিত্তং).

নৱিপ্পযুত্তদুকং

২৪. নৱিপ্পযুত্তপচ্চযা নহেতুযা একং, নঅধিপতিযা দ্ৱে, নপুৰেজাতে দ্ৱে, নপচ্ছাজাতে দ্ৱে, নআসেৱনে দ্ৱে, নকম্মে দ্ৱে, নৱিপাকে দ্ৱে, নমগ্গে একং.

তিকং

নৱিপ্পযুত্তপচ্চযা নহেতুপচ্চযা নঅধিপতিযা একং, নপুৰেজাতে একং, নপচ্ছাজাতে একং, নআসেৱনে একং, নকম্মে একং, নৱিপাকে একং, নমগ্গে একং…পে….

নৱকং

নৱিপ্পযুত্তপচ্চযা নহেতুপচ্চযা নঅধিপতিপচ্চযা নপুৰেজাতপচ্চযা নপচ্ছাজাতপচ্চযা নআসেৱনপচ্চযা নকম্মপচ্চযা নৱিপাকপচ্চযা নমগ্গে একং (সংখিত্তং).

পচ্চনীযগণনা.

৩. পচ্চযানুলোমপচ্চনীযং

হেতুদুকং

২৫. হেতুপচ্চযা নঅধিপতিযা তীণি, নপুৰেজাতে দ্ৱে, নপচ্ছাজাতে তীণি, নআসেৱনে তীণি, নকম্মে তীণি, নৱিপাকে তীণি, নৱিপ্পযুত্তে দ্ৱে.

তিকং

হেতুপচ্চযা আৰম্মণপচ্চযা নঅধিপতিযা তীণি, নপুৰেজাতে দ্ৱে, নপচ্ছাজাতে তীণি, নআসেৱনে তীণি, নকম্মে তীণি, নৱিপাকে তীণি, নৱিপ্পযুত্তে দ্ৱে.

(যথা কুসলত্তিকং, এৱং গণেতব্বং.)

অনুলোমপচ্চনীযং.

৪. পচ্চযপচ্চনীযানুলোমং

নহেতুদুকং

২৬. নহেতুপচ্চযা আৰম্মণে তীণি, অনন্তৰে তীণি, সমনন্তৰে তীণি, সহজাতে তীণি, অঞ্ঞমঞ্ঞে তীণি, নিস্সযে তীণি, উপনিস্সযে তীণি, পুৰেজাতে তীণি, আসেৱনে দ্ৱে, কম্মে তীণি, ৱিপাকে তীণি, আহাৰে তীণি, ইন্দ্ৰিযে তীণি, ঝানে দ্ৱে, মগ্গে একং, সম্পযুত্তে তীণি, ৱিপ্পযুত্তে তীণি, অত্থিযা তীণি, নত্থিযা তীণি, ৱিগতে তীণি, অৱিগতে তীণি.

তিকং

নহেতুপচ্চযা নঅধিপতিপচ্চযা আৰম্মণে তীণি, অনন্তৰে তীণি, সমনন্তৰে তীণি, সহজাতে তীণি, অঞ্ঞমঞ্ঞে তীণি, নিস্সযে তীণি, উপনিস্সযে তীণি, পুৰেজাতে তীণি, আসেৱনে দ্ৱে, কম্মে তীণি, ৱিপাকে তীণি, আহাৰে তীণি, ইন্দ্ৰিযে তীণি, ঝানে দ্ৱে, মগ্গে একং, সম্পযুত্তে তীণি, ৱিপ্পযুত্তে তীণি, অত্থিযা তীণি, নত্থিযা তীণি, ৱিগতে তীণি, অৱিগতে তীণি.

চতুক্কং

নহেতুপচ্চযা নঅধিপতিপচ্চযা নপুৰেজাতপচ্চযা আৰম্মণে একং, অনন্তৰে একং, সমনন্তৰে একং, সহজাতে একং, অঞ্ঞমঞ্ঞে একং, নিস্সযে একং, উপনিস্সযে একং, আসেৱনে একং, কম্মে একং, ৱিপাকে একং, আহাৰে একং, ইন্দ্ৰিযে একং, ঝানে একং, মগ্গে একং, সম্পযুত্তে একং, ৱিপ্পযুত্তে একং, অত্থিযা একং, নত্থিযা একং, ৱিগতে একং, অৱিগতে একং…পে….

সত্তকং

নহেতুপচ্চযা নঅধিপতিপচ্চযা নপুৰেজাতপচ্চযা নপচ্ছাজাতপচ্চযা নআসেৱনপচ্চযা নকম্মপচ্চযা আৰম্মণে একং, অনন্তৰে একং, সমনন্তৰে একং, সহজাতে একং, অঞ্ঞমঞ্ঞে একং, নিস্সযে একং, উপনিস্সযে একং, আহাৰে একং, ইন্দ্ৰিযে একং, ঝানে একং, সম্পযুত্তে একং, অত্থিযা একং, নত্থিযা একং, ৱিগতে একং, অৱিগতে একং…পে….

দসকং

নহেতুপচ্চযা নঅধিপতিপচ্চযা…পে… নকম্মপচ্চযা নৱিপাকপচ্চযা নমগ্গপচ্চযা নৱিপ্পযুত্তপচ্চযা আৰম্মণে একং, অনন্তৰে একং, সমনন্তৰে একং, সহজাতে একং, অঞ্ঞমঞ্ঞে একং, নিস্সযে একং, উপনিস্সযে একং, আহাৰে একং, ইন্দ্ৰিযে একং, ঝানে একং, সম্পযুত্তে একং, অত্থিযা একং, নত্থিযা একং, ৱিগতে একং, অৱিগতে একং (সংখিত্তং).

নহেতুমূলকং.

নঅধিপতিদুকং

২৭. নঅধিপতিপচ্চযা হেতুযা তীণি…পে… অৱিগতে তীণি (সংখিত্তং).

নপুৰেজাতদুকং

২৮. নপুৰেজাতপচ্চযা হেতুযা দ্ৱে…পে… অৱিগতে দ্ৱে (সংখিত্তং).

নপচ্ছাজাতাদিদুকানি

২৯. নপচ্ছাজাতপচ্চযা… নআসেৱনপচ্চযা… নকম্মপচ্চযা… নৱিপাকপচ্চযা হেতুযা তীণি…পে… অৱিগতে তীণি (সংখিত্তং).

নঝানদুকং

৩০. নঝানপচ্চযা আৰম্মণে তীণি, অনন্তৰে তীণি, সমনন্তৰে তীণি, সহজাতে তীণি, অঞ্ঞমঞ্ঞে তীণি, নিস্সযে তীণি, উপনিস্সযে তীণি, পুৰেজাতে তীণি, কম্মে তীণি, ৱিপাকে তীণি, আহাৰে তীণি, ইন্দ্ৰিযে তীণি, সম্পযুত্তে তীণি, ৱিপ্পযুত্তে তীণি, অত্থিযা তীণি, নত্থিযা তীণি, ৱিগতে তীণি, অৱিগতে তীণি (সংখিত্তং).

নমগ্গদুকং

৩১. নমগ্গপচ্চযা আৰম্মণে তীণি, অনন্তৰে তীণি, সমনন্তৰে তীণি…পে… আসেৱনে একং, কম্মে তীণি…পে… ঝানে দ্ৱে…পে… অৱিগতে তীণি (সংখিত্তং).

নৱিপ্পযুত্তদুকং

৩২. নৱিপ্পযুত্তপচ্চযা হেতুযা দ্ৱে, আৰম্মণে দ্ৱে, অধিপতিযা দ্ৱে, অনন্তৰে দ্ৱে, সমনন্তৰে দ্ৱে, সহজাতে দ্ৱে, অঞ্ঞমঞ্ঞে দ্ৱে, নিস্সযে দ্ৱে, উপনিস্সযে দ্ৱে, আসেৱনে দ্ৱে, কম্মে দ্ৱে, ৱিপাকে দ্ৱে, আহাৰে দ্ৱে, ইন্দ্ৰিযে দ্ৱে, ঝানে দ্ৱে, মগ্গে দ্ৱে, সম্পযুত্তে দ্ৱে, অত্থিযা দ্ৱে, নত্থিযা দ্ৱে, ৱিগতে দ্ৱে, অৱিগতে দ্ৱে.

তিকং

নৱিপ্পযুত্তপচ্চযা নহেতুপচ্চযা আৰম্মণে একং, অনন্তৰে একং, সমনন্তৰে একং, সহজাতে একং, অঞ্ঞমঞ্ঞে একং, নিস্সযে একং, উপনিস্সযে একং, আসেৱনে একং, কম্মে একং, আহাৰে একং, ইন্দ্ৰিযে একং, ঝানে একং, মগ্গে একং, সম্পযুত্তে একং, অত্থিযা একং, নত্থিযা একং, ৱিগতে একং, অৱিগতে একং…পে….

দসকং

নৱিপ্পযুত্তপচ্চযা নহেতুপচ্চযা নঅধিপতিপচ্চযা নপুৰেজাতপচ্চযা নপচ্ছাজাতপচ্চযা নআসেৱনপচ্চযা নকম্মপচ্চযা নৱিপাকপচ্চযা নমগ্গপচ্চযা আৰম্মণে একং, অনন্তৰে একং, সমনন্তৰে একং, সহজাতে একং, অঞ্ঞমঞ্ঞে একং, নিস্সযে একং, উপনিস্সযে একং, আহাৰে একং, ইন্দ্ৰিযে একং, ঝানে একং, সম্পযুত্তে একং, অত্থিযা একং, নত্থিযা একং, ৱিগতে একং, অৱিগতে একং.

পচ্চনীযানুলোমং.

পটিচ্চৱাৰো.

২. সহজাতৱাৰো

৩৩. সুখায ৱেদনায সম্পযুত্তং ধম্মং সহজাতো…পে….

৩. পচ্চযৱাৰো

৩৪. সুখায ৱেদনায সম্পযুত্তং ধম্মং পচ্চযা…পে….

৪. নিস্সযৱাৰো

৩৫. সুখায ৱেদনায সম্পযুত্তং ধম্মং নিস্সায…পে….

৫. সংসট্ঠৱাৰো

৩৬. সুখায ৱেদনায সম্পযুত্তং ধম্মং সংসট্ঠো…পে….

৬. সম্পযুত্তৱাৰো

৩৭. সুখায ৱেদনায সম্পযুত্তং ধম্মং সম্পযুত্তো সুখায ৱেদনায সম্পযুত্তো ধম্মো উপ্পজ্জতি হেতুপচ্চযা – সুখায ৱেদনায সম্পযুত্তং একং খন্ধং সম্পযুত্তা দ্ৱে খন্ধা, দ্ৱে খন্ধে সম্পযুত্তো একো খন্ধো (সংখিত্তং).