১. ৱিভঙ্গৱাৰো

হেতুপচ্চযো

৪০১. কুসলো ধম্মো কুসলস্স ধম্মস্স হেতুপচ্চযেন পচ্চযো – কুসলা হেতূ সম্পযুত্তকানং খন্ধানং হেতুপচ্চযেন পচ্চযো. কুসলো ধম্মো অব্যাকতস্স ধম্মস্স হেতুপচ্চযেন পচ্চযো – কুসলা হেতূ চিত্তসমুট্ঠানানং ৰূপানং হেতুপচ্চযেন পচ্চযো. কুসলো ধম্মো কুসলস্স চ অব্যাকতস্স চ ধম্মস্স হেতুপচ্চযেন পচ্চযো – কুসলা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

৪০২. অকুসলো ধম্মো অকুসলস্স ধম্মস্স হেতুপচ্চযেন পচ্চযো – অকুসলা হেতূ সম্পযুত্তকানং খন্ধানং হেতুপচ্চযেন পচ্চযো. অকুসলো ধম্মো অব্যাকতস্স ধম্মস্স হেতুপচ্চযেন পচ্চযো – অকুসলা হেতূ চিত্তসমুট্ঠানানং ৰূপানং হেতুপচ্চযেন পচ্চযো. অকুসলো ধম্মো অকুসলস্স চ অব্যাকতস্স চ ধম্মস্স হেতুপচ্চযেন পচ্চযো – অকুসলা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

৪০৩. অব্যাকতো ধম্মো অব্যাকতস্স ধম্মস্স হেতুপচ্চযেন পচ্চযো – ৱিপাকাব্যাকতা কিৰিযাব্যাকতা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে ৱিপাকাব্যাকতা হেতূ সম্পযুত্তকানং খন্ধানং কটত্তা চ ৰূপানং হেতুপচ্চযেন পচ্চযো. (১)

আৰম্মণপচ্চযো

৪০৪. কুসলো ধম্মো কুসলস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা ৱুট্ঠহিত্ৱা ঝানং পচ্চৱেক্খতি, সেক্খা গোত্ৰভুং পচ্চৱেক্খন্তি, ৱোদানং পচ্চৱেক্খন্তি, সেক্খা মগ্গা ৱুট্ঠহিত্ৱা মগ্গং পচ্চৱেক্খন্তি, সেক্খা ৱা পুথুজ্জনা ৱা কুসলং অনিচ্চতো দুক্খতো অনত্ততো ৱিপস্সন্তি, চেতোপৰিযঞাণেন কুসলচিত্তসমঙ্গিস্স চিত্তং জানন্তি. আকাসানঞ্চাযতনকুসলং ৱিঞ্ঞাণঞ্চাযতনকুসলস্স আৰম্মণপচ্চযেন পচ্চযো. আকিঞ্চঞ্ঞাযতনকুসলং নেৱসঞ্ঞানাসঞ্ঞাযতনকুসলস্স আৰম্মণপচ্চযেন পচ্চযো. কুসলা খন্ধা ইদ্ধিৱিধঞাণস্স চেতোপৰিযঞাণস্স পুব্বেনিৱাসানুস্সতিঞাণস্স যথাকম্মূপগঞাণস্স অনাগতংসঞাণস্স আৰম্মণপচ্চযেন পচ্চযো. (১)

৪০৫. কুসলো ধম্মো অকুসলস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং অস্সাদেতি অভিনন্দতি; তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. পুব্বে সুচিণ্ণানি অস্সাদেতি অভিনন্দতি; তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. ঝানা ৱুট্ঠহিত্ৱা ঝানং অস্সাদেতি অভিনন্দতি; তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি. ঝানে পৰিহীনে ৱিপ্পটিসাৰিস্স দোমনস্সং উপ্পজ্জতি. (২)

৪০৬. কুসলো ধম্মো অব্যাকতস্স ধম্মস্স আৰম্মণপচ্চযেন পচ্চযো – অৰহা মগ্গা ৱুট্ঠহিত্ৱা মগ্গং পচ্চৱেক্খতি; পুব্বে সুচিণ্ণানি পচ্চৱেক্খতি; কুসলং অনিচ্চতো দুক্খতো অনত্ততো ৱিপ্পস্সতি; চেতোপৰিযঞাণেন কুসলচিত্তসমঙ্গিস্স চিত্তং জানাতি. সেক্খা ৱা পুথুজ্জনা ৱা কুসলং অনিচ্চতো দুক্খতো অনত্ততো ৱিপস্সন্তি, কুসলে নিৰুদ্ধে ৱিপাকো তদাৰম্মণতা উপ্পজ্জতি. কুসলং অস্সাদেতি অভিনন্দতি; তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি, অকুসলে নিৰুদ্ধে ৱিপাকো তদাৰম্মণতা উপ্পজ্জতি. আকাসানঞ্চাযতনকুসলং ৱিঞ্ঞাণঞ্চাযতনৱিপাকস্স চ, কিৰিযস্স চ আৰম্মণপচ্চযেন পচ্চযো. আকিঞ্চঞ্ঞাযতনকুসলং নেৱসঞ্ঞানাসঞ্ঞাযতনৱিপাকস্স চ, কিৰিযস্স চ আৰম্মণপচ্চযেন পচ্চযো. কুসলা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (৩)

৪০৭. অকুসলো ধম্মো অকুসলস্স ধম্মস্স আৰম্মণপচ্চযেন পচ্চযো – ৰাগং অস্সাদেতি অভিনন্দতি; তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. দিট্ঠিং অস্সাদেতি অভিনন্দতি; তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. ৱিচিকিচ্ছং আৰব্ভ ৱিচিকিচ্ছা উপ্পজ্জতি, দিট্ঠি উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. উদ্ধচ্চং আৰব্ভ উদ্ধচ্চং উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, দোমনস্সং উপ্পজ্জতি. দোমনস্সং আৰব্ভ দোমনস্সং উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি. (১)

৪০৮. অকুসলো ধম্মো কুসলস্স ধম্মস্স আৰম্মণপচ্চযেন পচ্চযো – সেক্খা পহীনে কিলেসে [পহীনকিলেসে (স্যা.)] পচ্চৱেক্খন্তি, ৱিক্খম্ভিতে কিলেসে [ৱিক্খম্ভিতকিলেসে (স্যা.)] পচ্চৱেক্খন্তি, পুব্বে সমুদাচিণ্ণে কিলেসে জানন্তি, সেক্খা ৱা পুথুজ্জনা ৱা অকুসলং অনিচ্চতো দুক্খতো অনত্ততো ৱিপস্সন্তি, চেতোপৰিযঞাণেন অকুসলচিত্তসমঙ্গিস্স চিত্তং জানন্তি. অকুসলা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স অনাগতংসঞাণস্স আৰম্মণপচ্চযেন পচ্চযো. (২)

৪০৯. অকুসলো ধম্মো অব্যাকতস্স ধম্মস্স আৰম্মণপচ্চযেন পচ্চযো – অৰহা পহীনে কিলেসে পচ্চৱেক্খতি, পুব্বে সমুদাচিণ্ণে কিলেসে জানাতি, অকুসলং অনিচ্চতো দুক্খতো অনত্ততো ৱিপস্সতি, চেতোপৰিযঞাণেন অকুসলচিত্তসমঙ্গিস্স চিত্তং জানাতি, সেক্খা ৱা পুথুজ্জনা ৱা অকুসলং অনিচ্চতো দুক্খতো অনত্ততো ৱিপস্সন্তি, কুসলে নিৰুদ্ধে ৱিপাকো তদাৰম্মণতা উপ্পজ্জতি. অকুসলং অস্সাদেতি অভিনন্দতি; তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. অকুসলে নিৰুদ্ধে ৱিপাকো তদাৰম্মণতা উপ্পজ্জতি. অকুসলা খন্ধা চেতোপৰিযঞাণস্স পুব্বেনিৱাসানুস্সতিঞাণস্স যথাকম্মূপগঞাণস্স অনাগতংসঞাণস্স আৱজ্জনায আৰম্মণপচ্চযেন পচ্চযো. (৩)

৪১০. অব্যাকতো ধম্মো অব্যাকতস্স ধম্মস্স আৰম্মণপচ্চযেন পচ্চযো – অৰহা ফলং পচ্চৱেক্খতি, নিব্বানং পচ্চৱেক্খতি. নিব্বানং ফলস্স আৱজ্জনায আৰম্মণপচ্চযেন পচ্চযো. অৰহা চক্খুং অনিচ্চতো দুক্খতো অনত্ততো ৱিপস্সতি. সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং… ৱিপাকাব্যাকতে কিৰিযাব্যাকতে খন্ধে অনিচ্চতো দুক্খতো অনত্ততো ৱিপস্সতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন ৱিপাকাব্যাকতকিৰিযাব্যাকতচিত্তসমঙ্গিস্স চিত্তং জানাতি. আকাসানঞ্চাযতনকিৰিযং ৱিঞ্ঞাণঞ্চাযতনকিৰিযস্স আৰম্মণপচ্চযেন পচ্চযো. আকিঞ্চঞ্ঞাযতনকিৰিযং নেৱসঞ্ঞানাসঞ্ঞাযতনকিৰিযস্স আৰম্মণপচ্চযেন পচ্চযো. ৰূপাযতনং চক্খুৱিঞ্ঞাণস্স আৰম্মণপচ্চযেন পচ্চযো. সদ্দাযতনং সোতৱিঞ্ঞাণস্স… গন্ধাযতনং ঘানৱিঞ্ঞাণস্স… ৰসাযতনং জিৱ্হাৱিঞ্ঞাণস্স … ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো. অব্যাকতা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

৪১১. অব্যাকতো ধম্মো কুসলস্স ধম্মস্স আৰম্মণপচ্চযেন পচ্চযো – সেক্খা ফলং পচ্চৱেক্খন্তি, নিব্বানং পচ্চৱেক্খন্তি. নিব্বানং গোত্ৰভুস্স ৱোদানস্স মগ্গস্স আৰম্মণপচ্চযেন পচ্চযো. সেক্খা ৱা পুথুজ্জনা ৱা চক্খুং অনিচ্চতো দুক্খতো অনত্ততো ৱিপ্পস্সন্তি. সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং… ৱিপাকাব্যাকতে কিৰিযাব্যাকতে খন্ধে অনিচ্চতো দুক্খতো অনত্ততো ৱিপস্সন্তি, দিব্বেন চক্খুনা ৰূপং পস্সন্তি, দিব্বায সোতধাতুযা সদ্দং সুণন্তি, চেতোপৰিযঞাণেন ৱিপাকাব্যাকতকিৰিযাব্যাকতচিত্তসমঙ্গিস্স চিত্তং জানন্তি. অব্যাকতা খন্ধা ইদ্ধিৱিধঞাণস্স চেতোপৰিযঞাণস্স পুব্বেনিৱাসানুস্সতিঞাণস্স অনাগতংসঞাণস্স আৰম্মণপচ্চযেন পচ্চযো.

৪১২. অব্যাকতো ধম্মো অকুসলস্স ধম্মস্স আৰম্মণপচ্চযেন পচ্চযো – চক্খুং অস্সাদেতি অভিনন্দতি; তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং… ৱিপাকাব্যাকতে কিৰিযাব্যাকতে খন্ধে অস্সাদেতি অভিনন্দতি; তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. (৩)

অধিপতিপচ্চযো

৪১৩. কুসলো ধম্মো কুসলস্স ধম্মস্স অধিপতিপচ্চযেন পচ্চযো. আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা, তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা পচ্চৱেক্খতি, ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি. সেক্খা গোত্ৰভুং গৰুং কত্ৱা পচ্চৱেক্খন্তি, ৱোদানং গৰুং কত্ৱা পচ্চৱেক্খন্তি. সেক্খা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি. সহজাতাধিপতি – কুসলাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

৪১৪. কুসলো ধম্মো অকুসলস্স ধম্মস্স অধিপতিপচ্চযেন পচ্চযো. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা, তং গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি, পুব্বে সুচিণ্ণানি গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. ঝানা ৱুট্ঠহিত্ৱা ঝানং গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি.

কুসলো ধম্মো অব্যাকতস্স ধম্মস্স অধিপতিপচ্চযেন পচ্চযো. আৰম্মণাধিপতি, সহজাতাধিপতি. আৰম্মণাধিপতি – অৰহা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খতি. সহজাতাধিপতি – কুসলাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (৩)

কুসলো ধম্মো কুসলস্স চ অব্যাকতস্স চ ধম্মস্স অধিপতিপচ্চযেন পচ্চযো. সহজাতাধিপতি – কুসলাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৪)

৪১৫. অকুসলো ধম্মো অকুসলস্স ধম্মস্স অধিপতিপচ্চযেন পচ্চযো. আৰম্মণাধিপতি, সহজাতাধিপতি. আৰম্মণাধিপতি – ৰাগং গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. দিট্ঠিং গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অকুসলাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স অধিপতিপচ্চযেন পচ্চযো. সহজাতাধিপতি – অকুসলাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স অধিপতি পচ্চযেন পচ্চযো. সহজাতাধিপতি – অকুসলাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৪১৬. অব্যাকতো ধম্মো অব্যাকতস্স ধম্মস্স অধিপতিপচ্চযেন পচ্চযো. আৰম্মণাধিপতি, সহজাতাধিপতি. আৰম্মণাধিপতি – অৰহা ফলং গৰুং কত্ৱা পচ্চৱেক্খতি, নিব্বানং গৰুং কত্ৱা পচ্চৱেক্খতি. নিব্বানং ফলস্স অধিপতিপচ্চযেন পচ্চযো. সহজাতাধিপতি – ৱিপাকাব্যাকতকিৰিযাব্যাকতাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

অব্যাকতো ধম্মো কুসলস্স ধম্মস্স অধিপতিপচ্চযেন পচ্চযো. আৰম্মণাধিপতি – সেক্খা ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স অধিপতিপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স অধিপতিপচ্চযেন পচ্চযো. আৰম্মণাধিপতি – চক্খুং গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং… ৱিপাকাব্যাকতে কিৰিযাব্যাকতে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (৩)

অনন্তৰপচ্চযো

৪১৭. কুসলো ধম্মো কুসলস্স ধম্মস্স অনন্তৰপচ্চযেন পচ্চযো – পুৰিমা পুৰিমা কুসলা খন্ধা পচ্ছিমানং পচ্ছিমানং কুসলানং খন্ধানং অনন্তৰপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স অনন্তৰপচ্চযেন পচ্চযো. (১)

কুসলো ধম্মো অব্যাকতস্স ধম্মস্স অনন্তৰপচ্চযেন পচ্চযো. কুসলং ৱুট্ঠানস্স… মগ্গো ফলস্স… অনুলোমং সেক্খায ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকুসলং ফলসমাপত্তিযা অনন্তৰপচ্চযেন পচ্চযো. (২)

অকুসলো ধম্মো অকুসলস্স ধম্মস্স অনন্তৰপচ্চযেন পচ্চযো – পুৰিমা পুৰিমা অকুসলা খন্ধা পচ্ছিমানং পচ্ছিমানং অকুসলানং খন্ধানং অনন্তৰপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স অনন্তৰপচ্চযেন পচ্চযো. অকুসলং ৱুট্ঠানস্স অনন্তৰপচ্চযেন পচ্চযো. (২)

অব্যাকতো ধম্মো অব্যাকতস্স ধম্মস্স অনন্তৰপচ্চযেন পচ্চযো – পুৰিমা পুৰিমা ৱিপাকাব্যাকতা কিৰিযাব্যাকতা খন্ধা পচ্ছিমানং পচ্ছিমানং ৱিপাকাব্যাকতানং কিৰিযাব্যাকতানং খন্ধানং অনন্তৰপচ্চযেন পচ্চযো. ভৱঙ্গং আৱজ্জনায… কিৰিযং ৱুট্ঠানস্স… অৰহতো অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকিৰিযং ফলসমাপত্তিযা অনন্তৰপচ্চযেন পচ্চযো. (১)

অব্যাকতো ধম্মো কুসলস্স ধম্মস্স অনন্তৰপচ্চযেন পচ্চযো – আৱজ্জনা কুসলানং খন্ধানং অনন্তৰপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স অনন্তৰপচ্চযেন পচ্চযো – আৱজ্জনা অকুসলানং খন্ধানং অনন্তৰপচ্চযেন পচ্চযো. (৩)

সমনন্তৰপচ্চযো

৪১৮. কুসলো ধম্মো কুসলস্স ধম্মস্স সমনন্তৰপচ্চযেন পচ্চযো – পুৰিমা পুৰিমা কুসলা খন্ধা পচ্ছিমানং পচ্ছিমানং কুসলানং খন্ধানং সমনন্তৰপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স সমনন্তৰপচ্চযেন পচ্চযো.

কুসলো ধম্মো অব্যাকতস্স ধম্মস্স সমনন্তৰপচ্চযেন পচ্চযো. কুসলং ৱুট্ঠানস্স… মগ্গো ফলস্স… অনুলোমং সেক্খায ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকুসলং ফলসমাপত্তিযা সমনন্তৰপচ্চযেন পচ্চযো. (২)

অকুসলো ধম্মো অকুসলস্স ধম্মস্স সমনন্তৰপচ্চযেন পচ্চযো – পুৰিমা পুৰিমা অকুসলা খন্ধা পচ্ছিমানং পচ্ছিমানং অকুসলানং খন্ধানং সমনন্তৰপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স সমনন্তৰপচ্চযেন পচ্চযো – অকুসলং ৱুট্ঠানস্স সমনন্তৰপচ্চযেন পচ্চযো. (২)

অব্যাকতো ধম্মো অব্যাকতস্স ধম্মস্স সমনন্তৰপচ্চযেন পচ্চযো – পুৰিমা পুৰিমা ৱিপাকাব্যাকতা কিৰিযাব্যাকতা খন্ধা পচ্ছিমানং পচ্ছিমানং ৱিপাকাব্যাকতানং কিৰিযাব্যাকতানং খন্ধানং সমনন্তৰপচ্চযেন পচ্চযো. ভৱঙ্গং আৱজ্জনায… কিৰিযং ৱুট্ঠানস্স… অৰহতো অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকিৰিযং ফলসমাপত্তিযা সমনন্তৰপচ্চযেন পচ্চযো. (১)

অব্যাকতো ধম্মো কুসলস্স ধম্মস্স সমনন্তৰপচ্চযেন পচ্চযো – আৱজ্জনা কুসলানং খন্ধানং সমনন্তৰপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স সমনন্তৰপচ্চযেন পচ্চযো – আৱজ্জনা অকুসলানং খন্ধানং সমনন্তৰপচ্চযেন পচ্চযো. (৩)

সহজাতপচ্চযো

৪১৯. কুসলো ধম্মো কুসলস্স ধম্মস্স সহজাতপচ্চযেন পচ্চযো – কুসলো একো খন্ধো তিণ্ণন্নং খন্ধানং সহজাতপচ্চযেন পচ্চযো. তযো খন্ধা একস্স খন্ধস্স সহজাতপচ্চযেন পচ্চযো. দ্ৱে খন্ধা দ্ৱিন্নং খন্ধানং সহজাতপচ্চযেন পচ্চযো. (১)

কুসলো ধম্মো অব্যাকতস্স ধম্মস্স সহজাতপচ্চযেন পচ্চযো – কুসলা খন্ধা চিত্তসমুট্ঠানানং ৰূপানং সহজাতপচ্চযেন পচ্চযো. (২)

কুসলো ধম্মো কুসলস্স চ অব্যাকতস্স চ ধম্মস্স সহজাতপচ্চযেন পচ্চযো – কুসলো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ ৰূপানং সহজাতপচ্চযেন পচ্চযো. দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. (৩)

অকুসলো ধম্মো অকুসলস্স ধম্মস্স সহজাতপচ্চযেন পচ্চযো – অকুসলো একো খন্ধো তিণ্ণন্নং খন্ধানং সহজাতপচ্চযেন পচ্চযো. তযো খন্ধা একস্স খন্ধস্স সহজাতপচ্চযেন পচ্চযো. দ্ৱে খন্ধা দ্ৱিন্নং খন্ধানং সহজাতপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স সহজাতপচ্চযেন পচ্চযো – অকুসলা খন্ধা চিত্তসমুট্ঠানানং ৰূপানং সহজাতপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স সহজাতপচ্চযেন পচ্চযো – অকুসলো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ ৰূপানং সহজাতপচ্চযেন পচ্চযো. দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স সহজাতপচ্চযেন পচ্চযো – ৱিপাকাব্যাকতো কিৰিযাব্যাকতো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ ৰূপানং সহজাতপচ্চযেন পচ্চযো. দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. পটিসন্ধিক্খণে ৱিপাকাব্যাকতো একো খন্ধো তিণ্ণন্নং খন্ধানং কটত্তা চ ৰূপানং সহজাতপচ্চযেন পচ্চযো. তযো খন্ধা একস্স খন্ধস্স কটত্তা চ ৰূপানং সহজাতপচ্চযেন পচ্চযো. দ্ৱে খন্ধা দ্ৱিন্নং খন্ধানং কটত্তা চ ৰূপানং সহজাতপচ্চযেন পচ্চযো. খন্ধা ৱত্থুস্স সহজাতপচ্চযেন পচ্চযো. ৱত্থু খন্ধানং সহজাতপচ্চযেন পচ্চযো. একং মহাভূতং তিণ্ণন্নং মহাভূতানং সহজাতপচ্চযেন পচ্চযো. তযো মহাভূতা একস্স মহাভূতস্স সহজাতপচ্চযেন পচ্চযো. দ্ৱে মহাভূতা দ্ৱিন্নং মহাভূতানং সহজাতপচ্চযেন পচ্চযো. মহাভূতা চিত্তসমুট্ঠানানং ৰূপানং কটত্তাৰূপানং উপাদাৰূপানং সহজাতপচ্চযেন পচ্চযো. বাহিৰং একং মহাভূতং তিণ্ণন্নং মহাভূতানং সহজাতপচ্চযেন পচ্চযো. তযো মহাভূতা একস্স মহাভূতস্স সহজাতপচ্চযেন পচ্চযো. দ্ৱে মহাভূতা দ্ৱিন্নং মহাভূতানং সহজাতপচ্চযেন পচ্চযো. মহাভূতা উপাদাৰূপানং সহজাতপচ্চযেন পচ্চযো. আহাৰসমুট্ঠানং একং মহাভূতং তিণ্ণন্নং মহাভূতানং সহজাতপচ্চযেন পচ্চযো. তযো মহাভূতা একস্স মহাভূতস্স সহজাতপচ্চযেন পচ্চযো. দ্ৱে মহাভূতা দ্ৱিন্নং মহাভূতানং সহজাতপচ্চযেন পচ্চযো. মহাভূতা উপাদাৰূপানং সহজাতপচ্চযেন পচ্চযো. উতুসমুট্ঠানং একং মহাভূতং তিণ্ণন্নং মহাভূতানং সহজাতপচ্চযেন পচ্চযো. তযো মহাভূতা একস্স মহাভূতস্স সহজাতপচ্চযেন পচ্চযো. দ্ৱে মহাভূতা দ্ৱিন্নং মহাভূতানং সহজাতপচ্চযেন পচ্চযো. মহাভূতা উপাদাৰূপানং সহজাতপচ্চযেন পচ্চযো. অসঞ্ঞসত্তানং একং মহাভূতং তিণ্ণন্নং মহাভূতানং সহজাতপচ্চযেন পচ্চযো. তযো মহাভূতা একস্স মহাভূতস্স সহজাতপচ্চযেন পচ্চযো. দ্ৱে মহাভূতা দ্ৱিন্নং মহাভূতানং সহজাতপচ্চযেন পচ্চযো. মহাভূতা কটত্তাৰূপানং উপাদাৰূপানং সহজাতপচ্চযেন পচ্চযো. (১)

কুসলো চ অব্যাকতো চ ধম্মা অব্যাকতস্স ধম্মস্স সহজাতপচ্চযেন পচ্চযো – কুসলা খন্ধা চ মহাভূতা চ চিত্তসমুট্ঠানানং ৰূপানং সহজাতপচ্চযেন পচ্চযো. (১)

অকুসলো চ অব্যাকতো চ ধম্মা অব্যাকতস্স ধম্মস্স সহজাতপচ্চযেন পচ্চযো – অকুসলা খন্ধা চ মহাভূতা চ চিত্তসমুট্ঠানানং ৰূপানং সহজাতপচ্চযেন পচ্চযো. (১)

অঞ্ঞমঞ্ঞপচ্চযো

৪২০. কুসলো ধম্মো কুসলস্স ধম্মস্স অঞ্ঞমঞ্ঞপচ্চযেন পচ্চযো – কুসলো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো. তযো খন্ধা একস্স খন্ধস্স অঞ্ঞমঞ্ঞপচ্চযেন পচ্চযো. দ্ৱে খন্ধা দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. (১)

অকুসলো ধম্মো অকুসলস্স ধম্মস্স অঞ্ঞমঞ্ঞপচ্চযেন পচ্চযো – অকুসলো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো. তযো খন্ধা একস্স খন্ধস্স অঞ্ঞমঞ্ঞপচ্চযেন পচ্চযো. দ্ৱে খন্ধা দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. (১)

অব্যাকতো ধম্মো অব্যাকতস্স ধম্মস্স অঞ্ঞমঞ্ঞপচ্চযেন পচ্চযো – ৱিপাকাব্যাকতো কিৰিযাব্যাকতো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো. তযো খন্ধা একস্স খন্ধস্স অঞ্ঞমঞ্ঞপচ্চযেন পচ্চযো. দ্ৱে খন্ধা দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে ৱিপাকাব্যাকতো একো খন্ধো তিণ্ণন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো. তযো খন্ধা একস্স খন্ধস্স ৱত্থুস্স চ অঞ্ঞমঞ্ঞপচ্চযেন পচ্চযো. দ্ৱে খন্ধা দ্ৱিন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো. খন্ধা ৱত্থুস্স অঞ্ঞমঞ্ঞপচ্চযেন পচ্চযো. ৱত্থু খন্ধানং অঞ্ঞমঞ্ঞপচ্চযেন পচ্চযো. একং মহাভূতং তিণ্ণন্নং মহাভূতানং অঞ্ঞমঞ্ঞপচ্চযেন পচ্চযো. তযো মহাভূতা একস্স মহাভূতস্স অঞ্ঞমঞ্ঞপচ্চযেন পচ্চযো. দ্ৱে মহাভূতা দ্ৱিন্নং মহাভূতানং অঞ্ঞমঞ্ঞপচ্চযেন পচ্চযো; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং তিণ্ণন্নং মহাভূতানং অঞ্ঞমঞ্ঞপচ্চযেন পচ্চযো…পে… দ্ৱে মহাভূতা দ্ৱিন্নং মহাভূতানং অঞ্ঞমঞ্ঞপচ্চযেন পচ্চযো. (১)

নিস্সযপচ্চযো

৪২১. কুসলো ধম্মো কুসলস্স ধম্মস্স নিস্সযপচ্চযেন পচ্চযো – কুসলো একো খন্ধো তিণ্ণন্নং খন্ধানং নিস্সযপচ্চযেন পচ্চযো. তযো খন্ধা একস্স খন্ধস্স নিস্সযপচ্চযেন পচ্চযো. দ্ৱে খন্ধা দ্ৱিন্নং খন্ধানং নিস্সযপচ্চযেন পচ্চযো. (১)

কুসলো ধম্মো অব্যাকতস্স ধম্মস্স নিস্সযপচ্চযেন পচ্চযো – কুসলা খন্ধা চিত্তসমুট্ঠানানং ৰূপানং নিস্সযপচ্চযেন পচ্চযো. (২)

কুসলো ধম্মো কুসলস্স চ অব্যাকতস্স চ ধম্মস্স নিস্সযপচ্চযেন পচ্চযো – কুসলো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং নিস্সযপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ ৰূপানং নিস্সযপচ্চযেন পচ্চযো. দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং নিস্সযপচ্চযেন পচ্চযো. (৩)

অকুসলো ধম্মো অকুসলস্স ধম্মস্স নিস্সযপচ্চযেন পচ্চযো – অকুসলো একো খন্ধো তিণ্ণন্নং খন্ধানং নিস্সযপচ্চযেন পচ্চযো. তযো খন্ধা একস্স খন্ধস্স নিস্সযপচ্চযেন পচ্চযো. দ্ৱে খন্ধা দ্ৱিন্নং খন্ধানং নিস্সযপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স নিস্সযপচ্চযেন পচ্চযো – অকুসলা খন্ধা চিত্তসমুট্ঠানানং ৰূপানং নিস্সযপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স নিস্সযপচ্চযেন পচ্চযো – অকুসলো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং নিস্সযপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ ৰূপানং নিস্সযপচ্চযেন পচ্চযো. দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং নিস্সযপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স নিস্সযপচ্চযেন পচ্চযো – ৱিপাকাব্যাকতো কিৰিযাব্যাকতো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং নিস্সযপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ ৰূপানং নিস্সযপচ্চযেন পচ্চযো. দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং নিস্সযপচ্চযেন পচ্চযো. পটিসন্ধিক্খণে ৱিপাকাব্যাকতো একো খন্ধো তিণ্ণন্নং খন্ধানং কটত্তা চ ৰূপানং নিস্সযপচ্চযেন পচ্চযো. তযো খন্ধা একস্স খন্ধস্স কটত্তা চ ৰূপানং নিস্সযপচ্চযেন পচ্চযো. দ্ৱে খন্ধা দ্ৱিন্নং খন্ধানং কটত্তা চ ৰূপানং নিস্সযপচ্চযেন পচ্চযো. খন্ধা ৱত্থুস্স নিস্সযপচ্চযেন পচ্চযো. ৱত্থু খন্ধানং নিস্সযপচ্চযেন পচ্চযো. একং মহাভূতং তিণ্ণন্নং মহাভূতানং নিস্সযপচ্চযেন পচ্চযো. তযো মহাভূতা একস্স মহাভূতস্স নিস্সযপচ্চযেন পচ্চযো. দ্ৱে মহাভূতা দ্ৱিন্নং মহাভূতানং নিস্সযপচ্চযেন পচ্চযো. মহাভূতা চিত্তসমুট্ঠানানং ৰূপানং, কটত্তাৰূপানং, উপাদাৰূপানং নিস্সযপচ্চযেন পচ্চযো; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং তিণ্ণন্নং মহাভূতানং নিস্সযপচ্চযেন পচ্চযো. তযো মহাভূতা একস্স মহাভূতস্স নিস্সযপচ্চযেন পচ্চযো. দ্ৱে মহাভূতা দ্ৱিন্নং মহাভূতানং নিস্সযপচ্চযেন পচ্চযো. মহাভূতা কটত্তাৰূপানং, উপাদাৰূপানং নিস্সযপচ্চযেন পচ্চযো. চক্খাযতনং চক্খুৱিঞ্ঞাণস্স নিস্সযপচ্চযেন পচ্চযো. সোতাযতনং…পে… ঘানাযতনং…পে… জিৱ্হাযতনং …পে… কাযাযতনং কাযৱিঞ্ঞাণস্স নিস্সযপচ্চযেন পচ্চযো. ৱত্থু ৱিপাকাব্যাকতানং কিৰিযাব্যাকতানং খন্ধানং নিস্সযপচ্চযেন পচ্চযো.

অব্যাকতো ধম্মো কুসলস্স ধম্মস্স নিস্সযপচ্চযেন পচ্চযো – ৱত্থু কুসলানং খন্ধানং নিস্সযপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স নিস্সযপচ্চযেন পচ্চযো – ৱত্থু অকুসলানং খন্ধানং নিস্সযপচ্চযেন পচ্চযো. (৩)

৪২২. কুসলো চ অব্যাকতো চ ধম্মা কুসলস্স ধম্মস্স নিস্সযপচ্চযেন পচ্চযো – কুসলো একো খন্ধো চ ৱত্থু চ তিণ্ণন্নং খন্ধানং নিস্সযপচ্চযেন পচ্চযো. তযো খন্ধা চ ৱত্থু চ একস্স খন্ধস্স নিস্সযপচ্চযেন পচ্চযো. দ্ৱে খন্ধা চ ৱত্থু চ দ্ৱিন্নং খন্ধানং নিস্সযপচ্চযেন পচ্চযো. (১)

কুসলো চ অব্যাকতো চ ধম্মা অব্যাকতস্স ধম্মস্স নিস্সযপচ্চযেন পচ্চযো – কুসলা খন্ধা চ মহাভূতা চ চিত্তসমুট্ঠানানং ৰূপানং নিস্সযপচ্চযেন পচ্চযো. (২)

অকুসলো চ অব্যাকতো চ ধম্মা অকুসলস্স ধম্মস্স নিস্সযপচ্চযেন পচ্চযো – অকুসলো একো খন্ধো চ ৱত্থু চ তিণ্ণন্নং খন্ধানং নিস্সযপচ্চযেন পচ্চযো. তযো খন্ধা চ ৱত্থু চ একস্স খন্ধস্স নিস্সযপচ্চযেন পচ্চযো. দ্ৱে খন্ধা চ ৱত্থু চ দ্ৱিন্নং খন্ধানং নিস্সযপচ্চযেন পচ্চযো. (১)

অকুসলো চ অব্যাকতো চ ধম্মা অব্যাকতস্স ধম্মস্স নিস্সযপচ্চযেন পচ্চযো – অকুসলা খন্ধা চ মহাভূতা চ চিত্তসমুট্ঠানানং ৰূপানং নিস্সযপচ্চযেন পচ্চযো. (২)

উপনিস্সযপচ্চযো

৪২৩. কুসলো ধম্মো কুসলস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো.

আৰম্মণূপনিস্সযো – দানং দত্ৱা সীলং সমাদিযিত্ৱা উপোসথকম্মং কত্ৱা, তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা পচ্চৱেক্খতি, ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, সেক্খা গোত্ৰভুং গৰুং কত্ৱা পচ্চৱেক্খন্তি, ৱোদানং গৰুং কত্ৱা পচ্চৱেক্খন্তি, সেক্খা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি.

অনন্তৰূপনিস্সযো – পুৰিমা পুৰিমা কুসলা খন্ধা পচ্ছিমানং পচ্ছিমানং কুসলানং খন্ধানং উপনিস্সযপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স উপনিস্সযপচ্চযেন পচ্চযো.

পকতূপনিস্সযো – সদ্ধং উপনিস্সায দানং দেতি, সীলং সমাদিযতি, উপোসথকম্মং কৰোতি, ঝানং উপ্পাদেতি, ৱিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. সীলং…পে… সুতং…পে… চাগং…পে… পঞ্ঞং উপনিস্সয দানং দেতি, সীলং সমাদিযতি, উপোসথকম্মং কৰোতি, ঝানং উপ্পাদেতি, ৱিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. সদ্ধা… সীলং… সুতং… চাগো… পঞ্ঞা … সদ্ধায… সীলস্স… সুতস্স… চাগস্স… পঞ্ঞায উপনিস্সযপচ্চযেন পচ্চযো.

পঠমস্স ঝানস্স পৰিকম্মং পঠমস্স ঝানস্স উপনিস্সযপচ্চযেন পচ্চযো. দুতিযস্স ঝানস্স পৰিকম্মং দুতিযস্স ঝানস্স উপনিস্সযপচ্চযেন পচ্চযো. ততিযস্স ঝানস্স পৰিকম্মং ততিযস্স ঝানস্স উপনিস্সযপচ্চযেন পচ্চযো. চতুত্থস্স ঝানস্স পৰিকম্মং চতুত্থস্স ঝানস্স উপনিস্সযপচ্চযেন পচ্চযো. আকাসানঞ্চাযতনস্স পৰিকম্মং আকাসানঞ্চাযতনস্স উপনিস্সযপচ্চযেন পচ্চযো. ৱিঞ্ঞাণঞ্চাযতনস্স পৰিকম্মং ৱিঞ্ঞাণঞ্চাযতনস্স উপনিস্সযপচ্চযেন পচ্চযো. আকিঞ্চঞ্ঞাযতনস্স পৰিকম্মং আকিঞ্চঞ্ঞাযতনস্স উপনিস্সযপচ্চযেন পচ্চযো. নেৱসঞ্ঞানাসঞ্ঞাযতনস্স পৰিকম্মং নেৱসঞ্ঞানাসঞ্ঞাযতনস্স উপনিস্সযপচ্চযেন পচ্চযো. পঠমং ঝানং দুতিযস্স ঝানস্স উপনিস্সযপচ্চযেন পচ্চযো. দুতিযং ঝানং ততিযস্স ঝানস্স উপনিস্সযপচ্চযেন পচ্চযো. ততিযং ঝানং চতুত্থস্স ঝানস্স উপনিস্সযপচ্চযেন পচ্চযো. চতুত্থং ঝানং আকাসানঞ্চাযতনস্স উপনিস্সযপচ্চযেন পচ্চযো. আকাসানঞ্চাযতনং ৱিঞ্ঞাণঞ্চাযতনস্স উপনিস্সযপচ্চযেন পচ্চযো. ৱিঞ্ঞাণঞ্চাযতনং আকিঞ্চঞ্ঞাযতনস্স উপনিস্সযপচ্চযেন পচ্চযো. আকিঞ্চঞ্ঞাযতনং নেৱসঞ্ঞানাসঞ্ঞাযতনস্স উপনিস্সযপচ্চযেন পচ্চযো. দিব্বস্স চক্খুস্স পৰিকম্মং দিব্বস্স চক্খুস্স উপনিস্সযপচ্চযেন পচ্চযো. দিব্বায সোতধাতুযা পৰিকম্মং দিব্বায সোতধাতুযা উপনিস্সযপচ্চযেন পচ্চযো. ইদ্ধিৱিধঞাণস্স পৰিকম্মং ইদ্ধিৱিধঞাণস্স উপনিস্সযপচ্চযেন পচ্চযো. চেতোপৰিযঞাণস্স পৰিকম্মং চেতোপৰিযঞাণস্স উপনিস্সযপচ্চযেন পচ্চযো. পুব্বেনিৱাসানুস্সতিঞাণস্স পৰিকম্মং পুব্বেনিৱাসানুস্সতিঞাণস্স উপনিস্সযপচ্চযেন পচ্চযো. যথাকম্মূপগঞাণস্স পৰিকম্মং যথাকম্মূপগঞাণস্স উপনিস্সযপচ্চযেন পচ্চযো. অনাগতংসঞাণস্স পৰিকম্মং অনাগতংসঞাণস্স উপনিস্সযপচ্চযেন পচ্চযো. দিব্বচক্খু দিব্বায সোতধাতুযা উপনিস্সযপচ্চযেন পচ্চযো. দিব্বসোতধাতু ইদ্ধিৱিধঞাণস্স উপনিস্সযপচ্চযেন পচ্চযো. ইদ্ধিৱিধঞাণং চেতোপৰিযঞাণস্স উপনিস্সযপচ্চযেন পচ্চযো. চেতোপৰিযঞাণং পুব্বেনিৱাসানুস্সতিঞাণস্স উপনিস্সযপচ্চযেন পচ্চযো. পুব্বেনিৱাসানুস্সতিঞাণং যথাকম্মূপগঞাণস্স উপনিস্সযপচ্চযেন পচ্চযো. যথাকম্মূপগঞাণং অনাগতংসঞাণস্স উপনিস্সযপচ্চযেন পচ্চযো. পঠমস্স মগ্গস্স পৰিকম্মং পঠমস্স মগ্গস্স উপনিস্সযপচ্চযেন পচ্চযো. দুতিযস্স মগ্গস্স পৰিকম্মং দুতিযস্স মগ্গস্স উপনিস্সযপচ্চযেন পচ্চযো. ততিযস্স মগ্গস্স পৰিকম্মং ততিযস্স মগ্গস্স উপনিস্সযপচ্চযেন পচ্চযো. চতুত্থস্স মগ্গস্স পৰিকম্মং চতুত্থস্স মগ্গস্স উপনিস্সযপচ্চযেন পচ্চযো. পঠমো মগ্গো দুতিযস্স মগ্গস্স উপনিস্সযপচ্চযেন পচ্চযো. দুতিযো মগ্গো ততিযস্স মগ্গস্স উপনিস্সযপচ্চযেন পচ্চযো. ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. সেক্খা মগ্গং উপনিস্সায অনুপ্পন্নং সমাপত্তিং উপ্পাদেন্তি, উপ্পন্নং সমাপজ্জন্তি, সঙ্খাৰে অনিচ্চতো দুক্খতো অনত্ততো ৱিপস্সন্তি. মগ্গো সেক্খানং অত্থপ্পটিসম্ভিদায, ধম্মপ্পটিসম্ভিদায, নিৰুত্তিপ্পটিসম্ভিদায, পটিভানপ্পটিসম্ভিদায, ঠানাঠানকোসল্লস্স উপনিস্সযপচ্চযেন পচ্চযো. (১)

কুসলো ধম্মো অকুসলস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো.

আৰম্মণূপনিস্সযো – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. পুব্বে সুচিণ্ণানি গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. ঝানা ৱুট্ঠহিত্ৱা ঝানং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি.

পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি. সীলং…পে… সুতং…পে… চাগং…পে… পঞ্ঞং উপনিস্সায মানং জপ্পেতি, দিট্ঠিং গণ্হাতি. সদ্ধা… সীলং… সুতং… চাগো… পঞ্ঞা ৰাগস্স… দোসস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (২)

কুসলো ধম্মো অব্যাকতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো.

আৰম্মণূপনিস্সযো – অৰহা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খতি.

অনন্তৰূপনিস্সযো – কুসলং ৱুট্ঠানস্স… মগ্গো ফলস্স… অনুলোমং সেক্খায ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকুসলং ফলসমাপত্তিযা উপনিস্সযপচ্চযেন পচ্চযো.

পকতূপনিস্সযো – সদ্ধং উপনিস্সায অত্তানং আতাপেতি পৰিতাপেতি, পৰিযিট্ঠিমূলকং দুক্খং পচ্চনুভোতি. সীলং…পে… সুতং…পে… চাগং…পে… পঞ্ঞং উপনিস্সায অত্তানং আতাপেতি পৰিতাপেতি, পৰিযিট্ঠিমূলকং দুক্খং পচ্চনুভোতি. সদ্ধা… সীলং… সুতং… চাগো… পঞ্ঞা কাযিকস্স সুখস্স… কাযিকস্স দুক্খস্স… ফলসমাপত্তিযা উপনিস্সযপচ্চযেন পচ্চযো. কুসলং কম্মং ৱিপাকস্স উপনিস্সযপচ্চযেন পচ্চযো. অৰহা মগ্গং উপনিস্সায অনুপ্পন্নং কিৰিযসমাপত্তিং উপ্পাদেতি, উপ্পন্নং সমাপজ্জতি, সঙ্খাৰে অনিচ্চতো দুক্খতো অনত্ততো ৱিপস্সতি. মগ্গো অৰহতো অত্থপ্পটিসম্ভিদায, ধম্মপ্পটিসম্ভিদায, নিৰুত্তিপ্পটিসম্ভিদায, পটিভানপ্পটিসম্ভিদায, ঠানাঠানকোসল্লস্স উপনিস্সযপচ্চযেন পচ্চযো. মগ্গো ফলসমাপত্তিযা উপনিস্সযপচ্চযেন পচ্চযো. (৩)

অকুসলো ধম্মো অকুসলস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো.

আৰম্মণূপনিস্সযো – ৰাগং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. দিট্ঠিং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি.

অনন্তৰূপনিস্সযো – পুৰিমা পুৰিমা অকুসলা খন্ধা পচ্ছিমানং পচ্ছিমানং অকুসলানং খন্ধানং উপনিস্সযপচ্চযেন পচ্চযো.

পকতূপনিস্সযো – ৰাগং উপনিস্সায পাণং হনতি, অদিন্নং আদিযতি, মুসা ভণতি, পিসুণং ভণতি, ফৰুসং ভণতি, সম্ফং পলপতি, সন্ধিং ছিন্দতি, নিল্লোপং হৰতি, একাগাৰিকং কৰোতি, পৰিপন্থে তিট্ঠতি, পৰদাৰং গচ্ছতি, গামঘাতং কৰোতি, নিগমঘাতং কৰোতি, মাতৰং জীৱিতা ৱোৰোপেতি, পিতৰং জীৱিতা ৱোৰোপেতি, অৰহন্তং জীৱিতা ৱোৰোপেতি, দুট্ঠেন চিত্তেন তথাগতস্স লোহিতং উপ্পাদেতি, সঙ্ঘং ভিন্দতি. দোসং উপনিস্সায…পে… মোহং উপনিস্সায…পে… মানং উপনিস্সায…পে… দিট্ঠিং উপনিস্সায…পে… পত্থনং উপনিস্সায পাণং হনতি…পে… সঙ্ঘং ভিন্দতি. ৰাগো… দোসো… মোহো… মানো… দিট্ঠি… পত্থনা ৰাগস্স… দোসস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. পাণাতিপাতো পাণাতিপাতস্স উপনিস্সযপচ্চযেন পচ্চযো. পাণাতিপাতো অদিন্নাদানস্স…পে… কামেসুমিচ্ছাচাৰস্স…পে… মুসাৱাদস্স…পে… পিসুণায ৱাচায…পে… ফৰুসায ৱাচায…পে… সম্ফপ্পলাপস্স…পে… অভিজ্ঝায…পে… ব্যাপাদস্স…পে… মিচ্ছাদিট্ঠিযা উপনিস্সযপচ্চযেন পচ্চযো. অদিন্নাদানং অদিন্নাদানস্স… কামেসুমিচ্ছাচাৰস্স… মুসাৱাদস্স… (সংখিত্তং) মিচ্ছাদিট্ঠিযা… পাণাতিপাতস্স উপনিস্সযপচ্চযেন পচ্চযো. (চক্কং বন্ধিতব্বং.) কামেসুমিচ্ছাচাৰো…পে… মুসাৱাদো…পে… পিসুণৱাচা…পে… ফৰুসৱাচা…পে… সম্ফপ্পলাপো…পে… অভিজ্ঝা…পে… ব্যাপাদো…পে… মিচ্ছাদিট্ঠি মিচ্ছাদিট্ঠিযা উপনিস্সযপচ্চযেন পচ্চযো. মিচ্ছাদিট্ঠি পাণাতিপাতস্স… অদিন্নাদানস্স… কামেসুমিচ্ছাচাৰস্স… মুসাৱাদস্স… পিসুণায ৱাচায… ফৰুসায ৱাচায… সম্ফপ্পলাপস্স… অভিজ্ঝায… ব্যাপাদস্স উপনিস্সযপচ্চযেন পচ্চযো. মাতুঘাতিকম্মং মাতুঘাতিকম্মস্স উপনিস্সযপচ্চযেন পচ্চযো. মাতুঘাতিকম্মং পিতুঘাতিকম্মস্স উপনিস্সয…পে… অৰহন্তঘাতিকম্মস্স… ৰুহিৰুপ্পাদকম্মস্স… সঙ্ঘভেদকম্মস্স… নিযতমিচ্ছাদিট্ঠিযা উপনিস্সযপচ্চযেন পচ্চযো. পিতুঘাতিকম্মং পিতুঘাতিকম্মস্স… অৰহন্তঘাতিকম্মস্স… ৰুহিৰুপ্পাদকম্মস্স… সঙ্ঘভেদকম্মস্স… নিযতমিচ্ছাদিট্ঠিযা… মাতুঘাতিকম্মস্স উপনিস্সযপচ্চযেন পচ্চযো. অৰহন্তঘাতিকম্মং অৰহন্তঘাতিকম্মস্স… ৰুহিৰুপ্পাদকম্মস্স…পে… ৰুহিৰুপ্পাদকম্মং ৰুহিৰুপ্পাদকম্মস্স…পে… সঙ্ঘভেদকম্মং সঙ্ঘভেদকম্মস্স…পে… নিযতমিচ্ছাদিট্ঠি নিযতমিচ্ছাদিট্ঠিযা উপনিস্সযপচ্চযেন পচ্চযো. নিযতমিচ্ছাদিট্ঠি মাতুঘাতিকম্মস্স উপনিস্সয…পে… অৰহন্তঘাতিকম্মস্স… ৰুহিৰুপ্পাদকম্মস্স… সঙ্ঘভেদকম্মস্স উপনিস্সযপচ্চযেন পচ্চযো. (চক্কং কাতব্বং.) (১)

অকুসলো ধম্মো কুসলস্স ধম্মস্স উপনিস্সযপচ্চযেন পচ্চযো. পকতূপনিস্সযো – ৰাগং উপনিস্সায দানং দেতি, সীলং সমাদিযতি, উপোসথকম্মং কৰোতি, ঝানং উপ্পাদেতি, ৱিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. দোসং…পে… মোহং…পে… মানং…পে… দিট্ঠিং…পে… পত্থনং উপনিস্সায দানং দেতি, সীলং সমাদিযতি, উপোসথকম্মং কৰোতি, ঝানং উপ্পাদেতি, ৱিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. ৰাগো… দোসো… মোহো… মানো… দিট্ঠি… পত্থনা সদ্ধায… সীলস্স… সুতস্স… চাগস্স … পঞ্ঞায উপনিস্সযপচ্চযেন পচ্চযো. পাণং হন্ত্ৱা তস্স পটিঘাতত্থায দানং দেতি, সীলং সমাদিযতি, উপোসথকম্মং কৰোতি, ঝানং উপ্পাদেতি, ৱিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. অদিন্নং আদিযিত্ৱা…পে… মুসা ভণিত্ৱা…পে… পিসুণং ভণিত্ৱা…পে… ফৰুসং ভণিত্ৱা…পে… সম্ফং পলপিত্ৱা…পে… সন্ধিং ছিন্দিত্ৱা…পে… নিল্লোপং হৰিত্ৱা…পে… একাগাৰিকং কৰিত্ৱা…পে… পৰিপন্থে ঠত্ৱা…পে… পৰদাৰং গন্ত্ৱা…পে… গামঘাতং কৰিত্ৱা…পে… নিগমঘাতং কৰিত্ৱা তস্স পটিঘাতত্থায দানং দেতি, সীলং সমাদিযতি, উপোসথকম্মং কৰোতি, ঝানং উপ্পাদেতি, ৱিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. মাতৰং জীৱিতা ৱোৰোপেত্ৱা তস্স পটিঘাতত্থায দানং দেতি, সীলং সমাদিযতি, উপোসথকম্মং কৰোতি. পিতৰং জীৱিতা ৱোৰোপেত্ৱা…পে… অৰহন্তং জীৱিতা ৱোৰোপেত্ৱা…পে… দুট্ঠেন চিত্তেন তথাগতস্স লোহিতং উপ্পাদেত্ৱা…পে… সঙ্ঘং ভিন্দিত্ৱা তস্স পটিঘাতত্থায দানং দেতি, সীলং সমাদিযতি, উপোসথকম্মং কৰোতি. (২)

অকুসলো ধম্মো অব্যাকতস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো.

অনন্তৰূপনিস্সযো – অকুসলং ৱুট্ঠানস্স উপনিস্সযপচ্চযেন পচ্চযো.

পকতূপনিস্সযো – ৰাগং উপনিস্সায অত্তানং আতাপেতি পৰিতাপেতি, পৰিযিট্ঠিমূলকং দুক্খং পচ্চনুভোতি. দোসং…পে… মোহং…পে… মানং …পে… দিট্ঠিং…পে… পত্থনং উপনিস্সায অত্তানং আতাপেতি পৰিতাপেতি, পৰিযিট্ঠিমূলকং দুক্খং পচ্চনুভোতি. ৰাগো… দোসো … মোহো… মানো… দিট্ঠি… পত্থনা কাযিকস্স সুখস্স… কাযিকস্স দুক্খস্স… ফলসমাপত্তিযা উপনিস্সযপচ্চযেন পচ্চযো. অকুসলং কম্মং ৱিপাকস্স উপনিস্সযপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো.

আৰম্মণূপনিস্সযো – অৰহা ফলং গৰুং কত্ৱা পচ্চৱেক্খতি, নিব্বানং গৰুং কত্ৱা পচ্চৱেক্খতি, নিব্বানং ফলস্স উপনিস্সযপচ্চযেন পচ্চযো.

অনন্তৰূপনিস্সযো – পুৰিমা পুৰিমা ৱিপাকাব্যাকতা, কিৰিযাব্যাকতা খন্ধা পচ্ছিমানং পচ্ছিমানং ৱিপাকাব্যাকতানং কিৰিযাব্যাকতানং খন্ধানং উপনিস্সযপচ্চযেন পচ্চযো. ভৱঙ্গং আৱজ্জনায… কিৰিযং ৱুট্ঠানস্স… অৰহতো অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনকিৰিযং ফলসমাপত্তিযা উপনিস্সযপচ্চযেন পচ্চযো.

পকতূপনিস্সযো – কাযিকং সুখং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. কাযিকং দুক্খং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. উতু কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. ভোজনং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. সেনাসনং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. কাযিকং সুখং… কাযিকং দুক্খং… উতু… ভোজনং… সেনাসনং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. ফলসমাপত্তি কাযিকস্স সুখস্স উপনিস্সযপচ্চযেন পচ্চযো.

অৰহা কাযিকং সুখং উপনিস্সায অনুপ্পন্নং কিৰিযসমাপত্তিং উপ্পাদেতি, উপ্পন্নং সমাপজ্জতি, সঙ্খাৰে অনিচ্চতো দুক্খতো অনত্ততো ৱিপস্সতি. কাযিকং দুক্খং… উতুং… ভোজনং … সেনাসনং উপনিস্সায অনুপ্পন্নং কিৰিযসমাপত্তিং উপ্পাদেতি, উপ্পন্নং সমাপজ্জতি, সঙ্খাৰে অনিচ্চতো দুক্খতো অনত্ততো ৱিপস্সতি. (১)

অব্যাকতো ধম্মো কুসলস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো.

আৰম্মণূপনিস্সযো – সেক্খা ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি. নিব্বানং গোত্ৰভুস্স… ৱোদানস্স… মগ্গস্স উপনিস্সযপচ্চযেন পচ্চযো.

অনন্তৰূপনিস্সযো – আৱজ্জনা কুসলানং খন্ধানং উপনিস্সযপচ্চযেন পচ্চযো.

পকতূপনিস্সযো – কাযিকং সুখং উপনিস্সায দানং দেতি, সীলং সমাদিযতি, উপোসথকম্মং কৰোতি, ঝানং উপ্পাদেতি, ৱিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. কাযিকং দুক্খং… উতুং… ভোজনং… সেনাসনং উপনিস্সায দানং দেতি, সীলং সমাদিযতি, উপোসথকম্মং কৰোতি, ঝানং উপ্পাদেতি, ৱিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. কাযিকং সুখং… কাযিকং দুক্খং… উতু… ভোজনং… সেনাসনং সদ্ধায… সীলস্স… সুতস্স… চাগস্স… পঞ্ঞায উপনিস্সযপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো.

আৰম্মণূপনিস্সযো – চক্খুং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সোতং…পে… ঘানং…পে… জিৱ্হং…পে… কাযং…পে… ৰূপে…পে… সদ্দে…পে… গন্ধে…পে… ৰসে…পে… ফোট্ঠব্বে…পে… ৱত্থুং…পে… ৱিপাকাব্যাকতে কিৰিযাব্যাকতে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি.

অনন্তৰূপনিস্সযো – আৱজ্জনা অকুসলানং খন্ধানং উপনিস্সযপচ্চযেন পচ্চযো.

পকতূপনিস্সযো – কাযিকং সুখং উপনিস্সায পাণং হনতি, অদিন্নং আদিযতি, মুসা ভণতি, পিসুণং ভণতি, ফৰুসং ভণতি, সম্ফং পলপতি, সন্ধিং ছিন্দতি, নিল্লোপং হৰতি, একাগাৰিকং কৰোতি, পৰিপন্থে তিট্ঠতি, পৰদাৰং গচ্ছতি, গামঘাতং কৰোতি, নিগমঘাতং কৰোতি, মাতৰং জীৱিতা ৱোৰোপেতি, পিতৰং জীৱিতা ৱোৰোপেতি, অৰহন্তং জীৱিতা ৱোৰোপেতি, দুট্ঠেন চিত্তেন তথাগতস্স লোহিতং উপ্পাদেতি, সঙ্ঘং ভিন্দতি.

কাযিকং দুক্খং…পে… উতুং…পে… ভোজনং…পে… সেনাসনং উপনিস্সায পাণং হনতি… (সংখিত্তং.) সঙ্ঘং ভিন্দতি.

কাযিকং সুখং… কাযিকং দুক্খং… উতু… ভোজনং… সেনাসনং ৰাগস্স… দোসস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (৩)

পুৰেজাতপচ্চযো

৪২৪. অব্যাকতো ধম্মো অব্যাকতস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং.

আৰম্মণপুৰেজাতং – অৰহা চক্খুং অনিচ্চতো দুক্খতো অনত্ততো ৱিপস্সতি. সোতং…পে… ঘানং…পে… জিৱ্হং…পে… কাযং…পে… ৰূপে…পে… সদ্দে…পে… গন্ধে…পে… ৰসে…পে… ফোট্ঠব্বে…পে… ৱত্থুং অনিচ্চতো দুক্খতো অনত্ততো ৱিপস্সতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স পুৰেজাতপচ্চযেন পচ্চযো. সদ্দাযতনং সোতৱিঞ্ঞাণস্স…পে… গন্ধাযতনং ঘানৱিঞ্ঞাণস্স…পে… ৰসাযতনং জিৱ্হাৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো.

ৱত্থুপুৰেজাতং – চক্খাযতনং চক্খুৱিঞ্ঞাণস্স পুৰেজাতপচ্চযেন পচ্চযো. সোতাযতনং সোতৱিঞ্ঞাণস্স …পে… ঘানাযতনং ঘানৱিঞ্ঞাণস্স…পে… জিৱ্হাযতনং জিৱ্হাৱিঞ্ঞাণস্স…পে… কাযাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থু ৱিপাকাব্যাকতানং কিৰিযাব্যাকতানং খন্ধানং পুৰেজাতপচ্চযেন পচ্চযো. (১)

অব্যাকতো ধম্মো কুসলস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং.

আৰম্মণপুৰেজাতং – সেক্খা ৱা পুথুজ্জনা ৱা চক্খুং অনিচ্চতো দুক্খতো অনত্ততো ৱিপস্সন্তি. সোতং…পে… ঘানং…পে… জিৱ্হং…পে… কাযং…পে… ৰূপে…পে… সদ্দে…পে… গন্ধে…পে… ৰসে…পে… ফোট্ঠব্বে…পে… ৱত্থুং অনিচ্চতো দুক্খতো অনত্ততো ৱিপস্সন্তি. দিব্বেন চক্খুনা ৰূপং পস্সন্তি. দিব্বায সোতধাতুযা সদ্দং সুণন্তি.

ৱত্থুপুৰেজাতং – ৱত্থু কুসলানং খন্ধানং পুৰেজাতপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. সোতং…পে… ঘানং…পে… জিৱ্হং…পে… কাযং…পে… ৰূপে…পে… সদ্দে…পে… গন্ধে…পে… ৰসে…পে… ফোট্ঠব্বে…পে… ৱত্থুং অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি.

ৱত্থুপুৰেজাতং – ৱত্থু অকুসলানং খন্ধানং পুৰেজাতপচ্চযেন পচ্চযো. (৩)

পচ্ছাজাতপচ্চযো

৪২৫. কুসলো ধম্মো অব্যাকতস্স ধম্মস্স পচ্ছাজাতপচ্চযেন পচ্চযো – পচ্ছাজাতা কুসলা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স পচ্ছাজাতপচ্চযেন পচ্চযো – পচ্ছাজাতা অকুসলা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অব্যাকতো ধম্মো অব্যাকতস্স ধম্মস্স পচ্ছাজাতপচ্চযেন পচ্চযো – পচ্ছাজাতা ৱিপাকাব্যাকতা কিৰিযাব্যাকতা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৱনপচ্চযো

৪২৬. কুসলো ধম্মো কুসলস্স ধম্মস্স আসেৱনপচ্চযেন পচ্চযো – পুৰিমা পুৰিমা কুসলা খন্ধা পচ্ছিমানং পচ্ছিমানং কুসলানং খন্ধানং আসেৱনপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (১)

অকুসলো ধম্মো অকুসলস্স ধম্মস্স আসেৱনপচ্চযেন পচ্চযো – পুৰিমা পুৰিমা অকুসলা খন্ধা পচ্ছিমানং পচ্ছিমানং অকুসলানং খন্ধানং আসেৱনপচ্চযেন পচ্চযো. (১)

অব্যাকতো ধম্মো অব্যাকতস্স ধম্মস্স আসেৱনপচ্চযেন পচ্চযো – পুৰিমা পুৰিমা কিৰিযাব্যাকতা খন্ধা পচ্ছিমানং পচ্ছিমানং কিৰিযাব্যাকতানং খন্ধানং আসেৱনপচ্চযেন পচ্চযো. (১)

কম্মপচ্চযো

৪২৭. কুসলো ধম্মো কুসলস্স ধম্মস্স কম্মপচ্চযেন পচ্চযো – কুসলা চেতনা সম্পযুত্তকানং খন্ধানং কম্মপচ্চযেন পচ্চযো. (১)

কুসলো ধম্মো অব্যাকতস্স ধম্মস্স কম্মপচ্চযেন পচ্চযো – সহজাতা, নানাক্খণিকা [নানাখণিকা (ক.)]. সহজাতা – কুসলা চেতনা চিত্তসমুট্ঠানানং ৰূপানং কম্মপচ্চযেন পচ্চযো.

নানাক্খণিকা – কুসলা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (২)

কুসলো ধম্মো কুসলস্স চ অব্যাকতস্স চ ধম্মস্স কম্মপচ্চযেন পচ্চযো – কুসলা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

অকুসলো ধম্মো অকুসলস্স ধম্মস্স কম্মপচ্চযেন পচ্চযো – অকুসলা চেতনা সম্পযুত্তকানং খন্ধানং কম্মপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অকুসলা চেতনা চিত্তসমুট্ঠানানং ৰূপানং কম্মপচ্চযেন পচ্চযো. নানাক্খণিকা – অকুসলা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স কম্মপচ্চযেন পচ্চযো – অকুসলা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স কম্মপচ্চযেন পচ্চযো – ৱিপাকাব্যাকতা কিৰিযাব্যাকতা চেতনা সম্পযুত্তকানং খন্ধানং, চিত্তসমুট্ঠানানঞ্চ ৰূপানং কম্মপচ্চযেন পচ্চযো. পটিসন্ধিক্খণে ৱিপাকাব্যাকতা চেতনা সম্পযুত্তকানং খন্ধানং কটত্তা চ ৰূপানং কম্মপচ্চযেন পচ্চযো. চেতনা ৱত্থুস্স কম্মপচ্চযেন পচ্চযো. (১)

ৱিপাকপচ্চযো

৪২৮. অব্যাকতো ধম্মো অব্যাকতস্স ধম্মস্স ৱিপাকপচ্চযেন পচ্চযো – ৱিপাকাব্যাকতো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো. দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো. পটিসন্ধিক্খণে ৱিপাকাব্যাকতো একো খন্ধো তিণ্ণন্নং খন্ধানং কটত্তা চ ৰূপানং ৱিপাকপচ্চযেন পচ্চযো. তযো খন্ধা একস্স খন্ধস্স কটত্তা চ ৰূপানং ৱিপাকপচ্চযেন পচ্চযো. দ্ৱে খন্ধা দ্ৱিন্নং খন্ধানং কটত্তা চ ৰূপানং ৱিপাকপচ্চযেন পচ্চযো. খন্ধা ৱত্থুস্স ৱিপাকপচ্চযেন পচ্চযো. (১)

আহাৰপচ্চযো

৪২৯. কুসলো ধম্মো কুসলস্স ধম্মস্স আহাৰপচ্চযেন পচ্চযো – কুসলা আহাৰা সম্পযুত্তকানং খন্ধানং আহাৰপচ্চযেন পচ্চযো. (১)

কুসলো ধম্মো অব্যাকতস্স ধম্মস্স আহাৰপচ্চযেন পচ্চযো – কুসলা আহাৰা চিত্তসমুট্ঠানানং ৰূপানং আহাৰপচ্চযেন পচ্চযো. (২)

কুসলো ধম্মো কুসলস্স চ অব্যাকতস্স চ ধম্মস্স আহাৰপচ্চযেন পচ্চযো – কুসলা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো. (৩)

অকুসলো ধম্মো অকুসলস্স ধম্মস্স আহাৰপচ্চযেন পচ্চযো – অকুসলা আহাৰা সম্পযুত্তকানং খন্ধানং আহাৰপচ্চযেন পচ্চযো.

অকুসলো ধম্মো অব্যাকতস্স ধম্মস্স আহাৰপচ্চযেন পচ্চযো – অকুসলা আহাৰা চিত্তসমুট্ঠানানং ৰূপানং আহাৰপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স আহাৰপচ্চযেন পচ্চযো – অকুসলা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স আহাৰপচ্চযেন পচ্চযো – ৱিপাকাব্যাকতা কিৰিযাব্যাকতা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো. পটিসন্ধিক্খণে ৱিপাকাব্যাকতা আহাৰা সম্পযুত্তকানং খন্ধানং কটত্তা চ ৰূপানং আহাৰপচ্চযেন পচ্চযো. কবড়ীকাৰো আহাৰো ইমস্স কাযস্স আহাৰপচ্চযেন পচ্চযো. (১)

ইন্দ্ৰিযপচ্চযো

৪৩০. কুসলো ধম্মো কুসলস্স ধম্মস্স ইন্দ্ৰিযপচ্চযেন পচ্চযো – কুসলা ইন্দ্ৰিযা সম্পযুত্তকানং খন্ধানং ইন্দ্ৰিযপচ্চযেন পচ্চযো. (১)

কুসলো ধম্মো অব্যাকতস্স ধম্মস্স ইন্দ্ৰিযপচ্চযেন পচ্চযো – কুসলা ইন্দ্ৰিযা চিত্তসমুট্ঠানানং ৰূপানং ইন্দ্ৰিযপচ্চযেন পচ্চযো. (২)

কুসলো ধম্মো কুসলস্স চ অব্যাকতস্স চ ধম্মস্স ইন্দ্ৰিযপচ্চযেন পচ্চযো – কুসলা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো. (৩)

অকুসলো ধম্মো অকুসলস্স ধম্মস্স ইন্দ্ৰিযপচ্চযেন পচ্চযো – অকুসলা ইন্দ্ৰিযা সম্পযুত্তকানং খন্ধানং ইন্দ্ৰিযপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স ইন্দ্ৰিযপচ্চযেন পচ্চযো – অকুসলা ইন্দ্ৰিযা চিত্তসমুট্ঠানানং ৰূপানং ইন্দ্ৰিযপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স ইন্দ্ৰিযপচ্চযেন পচ্চযো – অকুসলা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স ইন্দ্ৰিযপচ্চযেন পচ্চযো – ৱিপাকাব্যাকতা কিৰিযাব্যাকতা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো. পটিসন্ধিক্খণে ৱিপাকাব্যাকতা ইন্দ্ৰিযা সম্পযুত্তকানং খন্ধানং কটত্তা চ ৰূপানং ইন্দ্ৰিযপচ্চযেন পচ্চযো. চক্খুন্দ্ৰিযং চক্খুৱিঞ্ঞাণস্স ইন্দ্ৰিযপচ্চযেন পচ্চযো. সোতিন্দ্ৰিযং সোতৱিঞ্ঞাণস্স …পে… ঘানিন্দ্ৰিযং ঘানৱিঞ্ঞাণস্স…পে… জিৱ্হিন্দ্ৰিযং জিৱ্হাৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স ইন্দ্ৰিযপচ্চযেন পচ্চযো. ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো. (১)