১. পচ্চযানুলোমং

১. ৱিভঙ্গৱাৰো

হেতুপচ্চযো

৩৩৮. কুসলং ধম্মং সংসট্ঠো কুসলো ধম্মো উপ্পজ্জতি হেতুপচ্চযা – কুসলং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৱে খন্ধে সংসট্ঠা দ্ৱে খন্ধা. (১)

অকুসলং ধম্মং সংসট্ঠো অকুসলো ধম্মো উপ্পজ্জতি হেতুপচ্চযা – অকুসলং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৱে খন্ধে সংসট্ঠা দ্ৱে খন্ধা. (১)

অব্যাকতং ধম্মং সংসট্ঠো অব্যাকতো ধম্মো উপ্পজ্জতি হেতুপচ্চযা – ৱিপাকাব্যাকতং কিৰিযাব্যাকতং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৱে খন্ধে সংসট্ঠা দ্ৱে খন্ধা; পটিসন্ধিক্খণে ৱিপাকাব্যাকতং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৱে খন্ধে সংসট্ঠা দ্ৱে খন্ধা. (১)

আৰম্মণাদিপচ্চযা

৩৩৯. কুসলং ধম্মং সংসট্ঠো কুসলো ধম্মো উপ্পজ্জতি আৰম্মণপচ্চযা… অধিপতিপচ্চযা… (অধিপতি পটিসন্ধিক্খণে নত্থি.) অনন্তৰপচ্চযা… সমনন্তৰপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা. (সব্বানি পদানি হেতুমূলকসদিসানি).

পুৰেজাতপচ্চযো

৩৪০. কুসলং ধম্মং সংসট্ঠো কুসলো ধম্মো উপ্পজ্জতি পুৰেজাতপচ্চযা – কুসলং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৱে খন্ধে সংসট্ঠা দ্ৱে খন্ধা, ৱত্থুং পুৰেজাতপচ্চযা. (১)

অকুসলং ধম্মং সংসট্ঠো অকুসলো ধম্মো উপ্পজ্জতি পুৰেজাতপচ্চযা – অকুসলং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৱে খন্ধে সংসট্ঠা দ্ৱে খন্ধা; ৱত্থুং পুৰেজাতপচ্চযা. (১)

অব্যাকতং ধম্মং সংসট্ঠো অব্যাকতো ধম্মো উপ্পজ্জতি পুৰেজাতপচ্চযা – ৱিপাকাব্যাকতং কিৰিযাব্যাকতং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৱে খন্ধে সংসট্ঠা দ্ৱে খন্ধা; ৱত্থুং পুৰেজাতপচ্চযা. (১)

আসেৱনপচ্চযো

৩৪১. কুসলং ধম্মং সংসট্ঠো…পে… অকুসলং ধম্মং…পে… অব্যাকতং ধম্মং সংসট্ঠো অব্যাকতো ধম্মো উপ্পজ্জতি আসেৱনপচ্চযা – কিৰিযাব্যাকতং একং খন্ধং সংসট্ঠা…পে….

কম্মপচ্চযো

৩৪২. কুসলং ধম্মং সংসট্ঠো কুসলো ধম্মো উপ্পজ্জতি কম্মপচ্চযা…পে… অকুসলং ধম্মং সংসট্ঠো…পে… অব্যাকতং ধম্মং সংসট্ঠো…পে….

ৱিপাকপচ্চযো

৩৪৩. অব্যাকতং ধম্মং সংসট্ঠো অব্যাকতো ধম্মো উপ্পজ্জতি ৱিপাকপচ্চযা – ৱিপাকাব্যাকতং…পে….

আহাৰাদিপচ্চযা

৩৪৪. কুসলং ধম্মং সংসট্ঠো কুসলো ধম্মো উপ্পজ্জতি আহাৰপচ্চযা… ইন্দ্ৰিযপচ্চযা … ঝানপচ্চযা… মগ্গপচ্চযা… সম্পযুত্তপচ্চযা. (ইমানি পদানি হেতুপচ্চযসদিসানি.)

ৱিপ্পযুত্তপচ্চযো

৩৪৫. কুসলং ধম্মং সংসট্ঠো কুসলো ধম্মো উপ্পজ্জতি ৱিপ্পযুত্তপচ্চযা – কুসলং একং খন্ধং সংসট্ঠা তযো খন্ধা…পে… দ্ৱে খন্ধে সংসট্ঠা দ্ৱে খন্ধা; ৱত্থুং ৱিপ্পযুত্তপচ্চযা.

অকুসলং ধম্মং…পে… ৱত্থুং ৱিপ্পযুত্তপচ্চযা.

অব্যাকতং ধম্মং…পে… ৱত্থুং ৱিপ্পযুত্তপচ্চযা.

অত্থিআদিপচ্চযা

৩৪৬. কুসলং ধম্মং সংসট্ঠো কুসলো ধম্মো উপ্পজ্জতি অত্থিপচ্চযা… নত্থিপচ্চযা… ৱিগতপচ্চযা… অৱিগতপচ্চযা (হেতুপচ্চযসদিসং).