১. ৱিভঙ্গৱাৰো

অনুলোমং – হেতুপচ্চযো

৫৩. কুসলং ধম্মং পটিচ্চ কুসলো ধম্মো উপ্পজ্জতি হেতুপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. কুসলং ধম্মং পটিচ্চ অব্যাকতো ধম্মো উপ্পজ্জতি হেতুপচ্চযা – কুসলে খন্ধে পটিচ্চ চিত্তসমুট্ঠানং ৰূপং. কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জন্তি হেতুপচ্চযা – কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

অকুসলং ধম্মং পটিচ্চ অকুসলো ধম্মো উপ্পজ্জতি হেতুপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. অকুসলং ধম্মং পটিচ্চ অব্যাকতো ধম্মো উপ্পজ্জতি হেতুপচ্চযা – অকুসলে খন্ধে পটিচ্চ চিত্তসমুট্ঠানং ৰূপং. অকুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জন্তি হেতুপচ্চযা – অকুসলং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

অব্যাকতং ধম্মং পটিচ্চ অব্যাকতো ধম্মো উপ্পজ্জতি হেতুপচ্চযা – ৱিপাকাব্যাকতং কিৰিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; পটিসন্ধিক্খণে ৱিপাকাব্যাকতং একং খন্ধং পটিচ্চ তযো খন্ধা কটত্তা চ ৰূপং, তযো খন্ধে পটিচ্চ একো খন্ধো কটত্তা চ ৰূপং, দ্ৱে খন্ধে পটিচ্চ দ্ৱে খন্ধা কটত্তা চ ৰূপং; খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি হেতুপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি হেতুপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

আৰম্মণপচ্চযো

৫৪. কুসলং ধম্মং পটিচ্চ কুসলো ধম্মো উপ্পজ্জতি আৰম্মণপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. (১)

অকুসলং ধম্মং পটিচ্চ অকুসলো ধম্মো উপ্পজ্জতি আৰম্মণপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি আৰম্মণপচ্চযা – ৱিপাকাব্যাকতং কিৰিযাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা; পটিসন্ধিক্খণে ৱিপাকাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা, ৱত্থুং পটিচ্চ খন্ধা. (১)

অধিপতিপচ্চযো

৫৫. কুসলং ধম্মং পটিচ্চ কুসলো ধম্মো উপ্পজ্জতি অধিপতিপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. কুসলং ধম্মং পটিচ্চ অব্যাকতো ধম্মো উপ্পজ্জতি অধিপতিপচ্চযা – কুসলে খন্ধে পটিচ্চ চিত্তসমুট্ঠানং ৰূপং. কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জন্তি অধিপতিপচ্চযা – কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

অকুসলং ধম্মং পটিচ্চ অকুসলো ধম্মো উপ্পজ্জতি অধিপতিপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. অকুসলং ধম্মং পটিচ্চ অব্যাকতো ধম্মো উপ্পজ্জতি অধিপতিপচ্চযা – অকুসলে খন্ধে পটিচ্চ চিত্তসমুট্ঠানং ৰূপং. অকুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জন্তি অধিপতিপচ্চযা – অকুসলং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

অব্যাকতং ধম্মং পটিচ্চ অব্যাকতো ধম্মো উপ্পজ্জতি অধিপতিপচ্চযা – ৱিপাকাব্যাকতং কিৰিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ চিত্তসমুট্ঠানং ৰূপং উপাদাৰূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি অধিপতিপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি অধিপতিপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অনন্তৰ-সমনন্তৰপচ্চযা

৫৬. কুসলং ধম্মং পটিচ্চ কুসলো ধম্মো উপ্পজ্জতি অনন্তৰপচ্চযা… সমনন্তৰপচ্চযা – কুসলং একং খন্ধং পটিচ্চ তযো খন্ধা. (অনন্তৰম্পি সমনন্তৰম্পি আৰম্মণপচ্চযসদিসং.)

সহজাতপচ্চযো

৫৭. কুসলং ধম্মং পটিচ্চ কুসলো ধম্মো উপ্পজ্জতি সহজাতপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. কুসলং ধম্মং পটিচ্চ অব্যাকতো ধম্মো উপ্পজ্জতি সহজাতপচ্চযা – কুসলে খন্ধে পটিচ্চ চিত্তসমুট্ঠানং ৰূপং. কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জন্তি সহজাতপচ্চযা – কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

অকুসলং ধম্মং পটিচ্চ অকুসলো ধম্মো উপ্পজ্জতি সহজাতপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. অকুসলং ধম্মং পটিচ্চ অব্যাকতো ধম্মো উপ্পজ্জতি সহজাতপচ্চযা – অকুসলে খন্ধে পটিচ্চ চিত্তসমুট্ঠানং ৰূপং. অকুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জন্তি সহজাতপচ্চযা – অকুসলং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

অব্যাকতং ধম্মং পটিচ্চ অব্যাকতো ধম্মো উপ্পজ্জতি সহজাতপচ্চযা – ৱিপাকাব্যাকতং কিৰিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; পটিসন্ধিক্খণে ৱিপাকাব্যাকতং একং খন্ধং পটিচ্চ তযো খন্ধা কটত্তা চ ৰূপং, তযো খন্ধে পটিচ্চ একো খন্ধো কটত্তা চ ৰূপং, দ্ৱে খন্ধে পটিচ্চ দ্ৱে খন্ধা কটত্তা চ ৰূপং; খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং; বাহিৰং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ উপাদাৰূপং; আহাৰসমুট্ঠানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ উপাদাৰূপং; উতুসমুট্ঠানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ উপাদাৰূপং; অসঞ্ঞসত্তানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ কটত্তাৰূপং উপাদাৰূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি সহজাতপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি সহজাতপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অঞ্ঞমঞ্ঞপচ্চযো

৫৮. কুসলং ধম্মং পটিচ্চ কুসলো ধম্মো উপ্পজ্জতি অঞ্ঞমঞ্ঞপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. (১)

অকুসলং ধম্মং পটিচ্চ অকুসলো ধম্মো উপ্পজ্জতি অঞ্ঞমঞ্ঞপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি অঞ্ঞমঞ্ঞপচ্চযা – ৱিপাকাব্যাকতং কিৰিযাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা; পটিসন্ধিক্খণে ৱিপাকাব্যাকতং একং খন্ধং পটিচ্চ তযো খন্ধা ৱত্থু চ, তযো খন্ধে পটিচ্চ একো খন্ধো ৱত্থু চ, দ্ৱে খন্ধে পটিচ্চ দ্ৱে খন্ধা ৱত্থু চ; খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৱে মহাভূতে পটিচ্চ দ্ৱে মহাভূতা; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৱে মহাভূতে পটিচ্চ দ্ৱে মহাভূতা. (১)

নিস্সযপচ্চযো

৫৯. কুসলং ধম্মং পটিচ্চ কুসলো ধম্মো উপ্পজ্জতি নিস্সযপচ্চযা – কুসলং একং খন্ধং পটিচ্চ…. (নিস্সযপচ্চযং সহজাতপচ্চযসদিসং.)

উপনিস্সযপচ্চযো

৬০. কুসলং ধম্মং পটিচ্চ কুসলো ধম্মো উপ্পজ্জতি উপনিস্সযপচ্চযা – কুসলং একং খন্ধং পটিচ্চ…. (উপনিস্সযপচ্চযং আৰম্মণপচ্চযসদিসং.)

পুৰেজাতপচ্চযো

৬১. কুসলং ধম্মং পটিচ্চ কুসলো ধম্মো উপ্পজ্জতি পুৰেজাতপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. ৱত্থুং পুৰেজাতপচ্চযা. (১)

অকুসলং ধম্মং পটিচ্চ অকুসলো ধম্মো উপ্পজ্জতি পুৰেজাতপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. ৱত্থুং পুৰেজাতপচ্চযা. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি পুৰেজাতপচ্চযা – ৱিপাকাব্যাকতং কিৰিযাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. ৱত্থুং পুৰেজাতপচ্চযা. (১)

আসেৱনপচ্চযো

৬২. কুসলং ধম্মং পটিচ্চ কুসলো ধম্মো উপ্পজ্জতি আসেৱনপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. (১)

অকুসলং ধম্মং পটিচ্চ অকুসলো ধম্মো উপ্পজ্জতি আসেৱনপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি আসেৱনপচ্চযা – কিৰিযাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. (১)

কম্মপচ্চযো

৬৩. কুসলং ধম্মং পটিচ্চ কুসলো ধম্মো উপ্পজ্জতি কম্মপচ্চযা – কুসলং একং খন্ধং পটিচ্চ… তীণি.

অকুসলং ধম্মং পটিচ্চ… তীণি.

অব্যাকতং ধম্মং পটিচ্চ অব্যাকতো ধম্মো উপ্পজ্জতি কম্মপচ্চযা – ৱিপাকাব্যাকতং কিৰিযাব্যাকতং একং খন্ধং পটিচ্চ…পে… পটিসন্ধিক্খণে…পে… একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং; অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তাৰূপং উপাদাৰূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি কম্মপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি কম্মপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

ৱিপাকপচ্চযো

৬৪. অব্যাকতং ধম্মং পটিচ্চ অব্যাকতো ধম্মো উপ্পজ্জতি ৱিপাকপচ্চযা – ৱিপাকাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; পটিসন্ধিক্খণে ৱিপাকাব্যাকতং একং খন্ধং পটিচ্চ তযো খন্ধা কটত্তা চ ৰূপং, তযো খন্ধে পটিচ্চ একো খন্ধো কটত্তা চ ৰূপং, দ্ৱে খন্ধে পটিচ্চ দ্ৱে খন্ধা কটত্তা চ ৰূপং; খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ তযো মহাভূতা; তযো মহাভূতে পটিচ্চ একং মহাভূতং, দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

আহাৰপচ্চযো

৬৫. কুসলং ধম্মং পটিচ্চ কুসলো ধম্মো উপ্পজ্জতি আহাৰপচ্চযা – কুসলং একং খন্ধং পটিচ্চ… তীণি.

অকুসলং ধম্মং পটিচ্চ অকুসলো ধম্মো উপ্পজ্জতি আহাৰপচ্চযা – অকুসলং একং খন্ধং পটিচ্চ… তীণি.

অব্যাকতং ধম্মং পটিচ্চ অব্যাকতো ধম্মো উপ্পজ্জতি আহাৰপচ্চযা – ৱিপাকাব্যাকতং কিৰিযাব্যাকতং একং খন্ধং পটিচ্চ…পে… পটিসন্ধিক্খণে…পে… একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং; আহাৰসমুট্ঠানং একং মহাভূতং পটিচ্চ…পে… মহাভূতে পটিচ্চ উপাদাৰূপং.

কুসলঞ্চ অব্যাকতঞ্চ ধম্মং পটিচ্চ…পে….

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি আহাৰপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং.

ইন্দ্ৰিযপচ্চযো

৬৬. কুসলং ধম্মং পটিচ্চ কুসলো ধম্মো উপ্পজ্জতি ইন্দ্ৰিযপচ্চযা – কুসলং একং খন্ধং পটিচ্চ… তীণি.

অকুসলং ধম্মং পটিচ্চ… তীণি.

অব্যাকতং ধম্মং পটিচ্চ…পে… অসঞ্ঞসত্তানং একং মহাভূতং পটিচ্চ…পে…. (ইন্দ্ৰিযপচ্চযং কম্মপচ্চযসদিসং.)

ঝান-মগ্গপচ্চযা

৬৭. কুসলং ধম্মং পটিচ্চ কুসলো ধম্মো উপ্পজ্জতি ঝানপচ্চযা… মগ্গপচ্চযা. (ঝানপচ্চযম্পি মগ্গপচ্চযম্পি হেতুপচ্চযসদিসং.)

সম্পযুত্তপচ্চযো

৬৮. কুসলং ধম্মং পটিচ্চ কুসলো ধম্মো উপ্পজ্জতি সম্পযুত্তপচ্চযা – কুসলং একং খন্ধং পটিচ্চ…. (সম্পযুত্তপচ্চযং আৰম্মণপচ্চযসদিসং.)

ৱিপ্পযুত্তপচ্চযো

৬৯. কুসলং ধম্মং পটিচ্চ কুসলো ধম্মো উপ্পজ্জতি ৱিপ্পযুত্তপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা; ৱত্থুং ৱিপ্পযুত্তপচ্চযা. কুসলং ধম্মং পটিচ্চ অব্যাকতো ধম্মো উপ্পজ্জতি ৱিপ্পযুত্তপচ্চযা – কুসলে খন্ধে পটিচ্চ চিত্তসমুট্ঠানং ৰূপং. খন্ধে ৱিপ্পযুত্তপচ্চযা. কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জন্তি ৱিপ্পযুত্তপচ্চযা – কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং; তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. খন্ধা ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং খন্ধে ৱিপ্পযুত্তপচ্চযা. (৩)

অকুসলং ধম্মং পটিচ্চ অকুসলো ধম্মো উপ্পজ্জতি ৱিপ্পযুত্তপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. ৱত্থুং ৱিপ্পযুত্তপচ্চযা. অকুসলং ধম্মং পটিচ্চ অব্যাকতো ধম্মো উপ্পজ্জতি ৱিপ্পযুত্তপচ্চযা – অকুসলে খন্ধে পটিচ্চ চিত্তসমুট্ঠানং ৰূপং. খন্ধে ৱিপ্পযুত্তপচ্চযা. অকুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জন্তি ৱিপ্পযুত্তপচ্চযা – অকুসলং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. খন্ধা ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং খন্ধে ৱিপ্পযুত্তপচ্চযা. (৩)

অব্যাকতং ধম্মং পটিচ্চ অব্যাকতো ধম্মো উপ্পজ্জতি ৱিপ্পযুত্তপচ্চযা – ৱিপাকাব্যাকতং কিৰিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, তযো খন্ধে পটিচ্চ একো খন্ধো চিত্তসমুট্ঠানঞ্চ ৰূপং, দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. খন্ধা ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং খন্ধে ৱিপ্পযুত্তপচ্চযা. পটিসন্ধিক্খণে ৱিপাকাব্যাকতং একং খন্ধং পটিচ্চ তযো খন্ধা কটত্তা চ ৰূপং, তযো খন্ধে পটিচ্চ একো খন্ধো কটত্তা চ ৰূপং, দ্ৱে খন্ধে পটিচ্চ দ্ৱে খন্ধা কটত্তা চ ৰূপং. খন্ধা ৱত্থুং ৱিপ্পযুত্তপচ্চযা. কটত্তাৰূপং খন্ধে ৱিপ্পযুত্তপচ্চযা. খন্ধে পটিচ্চ ৱত্থু, ৱত্থুং পটিচ্চ খন্ধা. খন্ধা ৱত্থুং ৱিপ্পযুত্তপচ্চযা. ৱত্থু খন্ধে ৱিপ্পযুত্তপচ্চযা. একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. খন্ধে ৱিপ্পযুত্তপচ্চযা. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি ৱিপ্পযুত্তপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং. খন্ধে ৱিপ্পযুত্তপচ্চযা. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি ৱিপ্পযুত্তপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং. খন্ধে ৱিপ্পযুত্তপচ্চযা. (১)

অত্থিপচ্চযো

৭০. কুসলং ধম্মং পটিচ্চ কুসলো ধম্মো উপ্পজ্জতি অত্থিপচ্চযা – কুসলং একং খন্ধং পটিচ্চ তযো খন্ধা.

(সঙ্খিতং. অত্থিপচ্চযং সহজাতপচ্চযসদিসং.)

নত্থি-ৱিগতপচ্চযা

৭১. কুসলং ধম্মং পটিচ্চ কুসলো ধম্মো উপ্পজ্জতি নত্থিপচ্চযা… ৱিগতপচ্চযা. (নত্থিপচ্চযম্পি ৱিগতপচ্চযম্পি আৰম্মণপচ্চযসদিসং.)

অৱিগতপচ্চযো

৭২. কুসলং ধম্মং পটিচ্চ কুসলো ধম্মো উপ্পজ্জতি অৱিগতপচ্চযা – কুসলং একং খন্ধং পটিচ্চ তযো খন্ধা. (অৱিগতপচ্চযং সহজাতপচ্চযসদিসং).

(ইমে তেৱীসতিপচ্চযা সজ্ঝাযন্তেন ৱিত্থাৰেতব্বা.)