১. ৱিভঙ্গৱাৰো

নহেতুপচ্চযো

২৭৭. অকুসলং ধম্মং পচ্চযা অকুসলো ধম্মো উপ্পজ্জতি ন হেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে পচ্চযা ৱিচিকিচ্ছাসহগতো উদ্ধচ্চসহগতো মোহো. (১)

অব্যাকতং ধম্মং পচ্চযা অব্যাকতো ধম্মো উপ্পজ্জতি নহেতুপচ্চযা – অহেতুকং ৱিপাকাব্যাকতং কিৰিযাব্যাকতং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পচ্চযা দ্ৱে খন্ধা চিত্তসমুট্ঠানঞ্চ ৰূপং; অহেতুকপটিসন্ধিক্খণে ৱিপাকাব্যাকতং একং খন্ধং পচ্চযা তযো খন্ধা কটত্তা চ ৰূপং…পে… দ্ৱে খন্ধে পচ্চযা দ্ৱে খন্ধা কটত্তা চ ৰূপং; খন্ধে পচ্চযা ৱত্থু, ৱত্থুং পচ্চযা খন্ধা; একং মহাভূতং পচ্চযা তযো মহাভূতা…পে… মহাভূতে পচ্চযা চিত্তসমুট্ঠানং ৰূপং কটত্তাৰূপং উপাদাৰূপং; বাহিৰং … আহাৰসমুট্ঠানং… উতুসমুট্ঠানং … অসঞ্ঞসত্তানং একং মহাভূতং পচ্চযা তযো মহাভূতা…পে… মহাভূতে পচ্চযা কটত্তাৰূপং উপাদাৰূপং. চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং; ৱত্থুং পচ্চযা অহেতুকা ৱিপাকাব্যাকতা কিৰিযাব্যাকতা খন্ধা. (১)

অব্যাকতং ধম্মং পচ্চযা অকুসলো ধম্মো উপ্পজ্জতি নহেতুপচ্চযা – ৱত্থুং পচ্চযা ৱিচিকিচ্ছাসহগতো উদ্ধচ্চসহগতো মোহো. (২)

অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে চ ৱত্থুঞ্চ পচ্চযা ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযো

২৭৮. কুসলং ধম্মং পচ্চযা অব্যাকতো ধম্মো উপ্পজ্জতি নআৰম্মণপচ্চযা – কুসলে খন্ধে পচ্চযা চিত্তসমুট্ঠানং ৰূপং.

(যথা পটিচ্চৱাৰে নআৰম্মণপচ্চযা, এৱং ৱিত্থাৰেতব্বং.)

নঅধিপতিপচ্চযো

২৭৯. কুসলং ধম্মং পচ্চযা কুসলো ধম্মো উপ্পজ্জতি নঅধিপতিপচ্চযা – কুসলং একং খন্ধং পচ্চযা… তীণি.

অকুসলং ধম্মং পচ্চযা… তীণি.

অব্যাকতং ধম্মং পচ্চযা…পে… পটিসন্ধিক্খণে…পে… (অব্যাকতং পৰিপুণ্ণং কাতব্বং). বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পচ্চযা…পে… চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা ৱিপাকাব্যাকতা কিৰিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি নঅধিপতিপচ্চযা, ৱত্থুং পচ্চযা কুসলা খন্ধা…পে….

(যথা অনুলোমে সহজাতপচ্চযং, এৱং গণেতব্বং.)

নঅনন্তৰাদিপচ্চযা

২৮০. কুসলং ধম্মং পচ্চযা অব্যাকতো ধম্মো উপ্পজ্জতি নঅনন্তৰপচ্চযা… নসমনন্তৰপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা… নপুৰেজাতপচ্চযা.

(যথা পটিচ্চৱাৰে, এৱং ৱিত্থাৰেতব্বং.)

নপচ্ছাজাতাদিপচ্চযা

২৮১. কুসলং ধম্মং পচ্চযা কুসলো ধম্মো উপ্পজ্জতি নপচ্ছাজাতপচ্চযা… নআসেৱনপচ্চযা…পে… চক্খাযতনং পচ্চযা…পে… (নপচ্ছাজাতপচ্চযম্পি নআসেৱনপচ্চযম্পি পৰিপুণ্ণং, সত্তৰস.)

(যথা অনুলোমে সহজাতপচ্চযং, এৱং ৱিত্থাৰেতব্বং.)

নকম্মপচ্চযো

২৮২. কুসলং ধম্মং পচ্চযা কুসলো ধম্মো উপ্পজ্জতি নকম্মপচ্চযা – কুসলে খন্ধে পচ্চযা কুসলা চেতনা. (১)

অকুসলং ধম্মং পচ্চযা অকুসলো ধম্মো উপ্পজ্জতি নকম্মপচ্চযা – অকুসলে খন্ধে পচ্চযা অকুসলা চেতনা. (১)

অব্যাকতং ধম্মং পচ্চযা অব্যাকতো ধম্মো উপ্পজ্জতি নকম্মপচ্চযা, কিৰিযাব্যাকতে খন্ধে পচ্চযা কিৰিযাব্যাকতা চেতনা; বাহিৰং… আহাৰসমুট্ঠানং… উতুসমুট্ঠানং একং মহাভূতং পচ্চযা…পে… উপাদাৰূপং, ৱত্থুং পচ্চযা কিৰিযাব্যাকতা চেতনা. (১)

অব্যাকতং ধম্মং পচ্চযা কুসলো ধম্মো উপ্পজ্জতি নকম্মপচ্চযা – ৱত্থুং পচ্চযা কুসলা চেতনা. (২)

অব্যাকতং ধম্মং পচ্চযা অকুসলো ধম্মো উপ্পজ্জতি নকম্মপচ্চযা – ৱত্থুং পচ্চযা অকুসলা চেতনা. (৩)

কুসলঞ্চ অব্যাকতঞ্চ ধম্মং পচ্চযা কুসলো ধম্মো উপ্পজ্জতি নকম্মপচ্চযা – কুসলে খন্ধে চ ৱত্থুঞ্চ পচ্চযা কুসলা চেতনা. (১)

অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি নকম্মপচ্চযা – অকুসলে খন্ধে চ ৱত্থুঞ্চ পচ্চযা অকুসলা চেতনা. (১)

নৱিপাকপচ্চযো

২৮৩. কুসলং ধম্মং পচ্চযা কুসলো ধম্মো উপ্পজ্জতি নৱিপাকপচ্চযা – কুসলং একং খন্ধং পচ্চযা… তীণি.

অকুসলং ধম্মং পচ্চযা… তীণি.

অব্যাকতং ধম্মং পচ্চযা অব্যাকতো ধম্মো উপ্পজ্জতি নৱিপাকপচ্চযা – কিৰিযাব্যাকতং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পচ্চযা দ্ৱে খন্ধা চিত্তসমুট্ঠানঞ্চ ৰূপং, একং মহাভূতং পচ্চযা তযো মহাভূতা…পে… মহাভূতে পচ্চযা চিত্তসমুট্ঠানং ৰূপং উপাদাৰূপং; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পচ্চযা তযো মহাভূতা…পে… মহাভূতে পচ্চযা কটত্তাৰূপং উপাদাৰূপং, ৱত্থুং পচ্চযা কিৰিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি নৱিপাকপচ্চযা – ৱত্থুং পচ্চযা কুসলা খন্ধা.

(ৱিপাকং ঠপেত্ৱা সব্বত্থ ৱিত্থাৰেতব্বং.)

নআহাৰাদিপচ্চযা

২৮৪. অব্যাকতং ধম্মং পচ্চযা অব্যাকতো ধম্মো উপ্পজ্জতি নআহাৰপচ্চযা… নইন্দ্ৰিযপচ্চযা… নঝানপচ্চযা…পে… চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং. (ন ঝানে ইদং নানাকৰণং.) নমগ্গপচ্চযা… চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং. ৱত্থুং পচ্চযা অহেতুকৱিপাকাব্যাকতা কিৰিযাব্যাকতা খন্ধা. (নমগ্গে ইদং নানাকৰণং.)

(অৱসেসং যথা পটিচ্চৱাৰে পচ্চনীযং, এৱং ৱিত্থাৰেতব্বং.)

নসম্পযুত্তাদিপচ্চযা

২৮৫. নসম্পযুত্তপচ্চযা … নৱিপ্পযুত্তপচ্চযা… নোনত্থিপচ্চযা… কুসলং ধম্মং পচ্চযা অব্যাকতো ধম্মো উপ্পজ্জতি নোৱিগতপচ্চযা – কুসলে খন্ধে পচ্চযা চিত্তসমুট্ঠানং ৰূপং.

(যথা পটিচ্চৱাৰে, এৱং ৱিত্থাৰেতব্বং.)