১. পচ্চযানুলোমং

১. ৱিভঙ্গৱাৰো

হেতুপচ্চযো

২৪৩. কুসলং ধম্মং পচ্চযা কুসলো ধম্মো উপ্পজ্জতি হেতুপচ্চযা – কুসলং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৱে খন্ধে পচ্চযা দ্ৱে খন্ধা. কুসলং ধম্মং পচ্চযা অব্যাকতো ধম্মো উপ্পজ্জতি হেতুপচ্চযা – কুসলে খন্ধে পচ্চযা চিত্তসমুট্ঠানং ৰূপং. কুসলং ধম্মং পচ্চযা কুসলো চ অব্যাকতো চ ধম্মা উপ্পজ্জন্তি হেতুপচ্চযা – কুসলং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং, তযো খন্ধে পচ্চযা একো খন্ধো চিত্তসমুট্ঠানঞ্চ ৰূপং, দ্ৱে খন্ধে পচ্চযা দ্ৱে খন্ধা চিত্তসমুট্ঠানঞ্চ ৰূপং. (৩)

২৪৪. অকুসলং ধম্মং পচ্চযা অকুসলো ধম্মো উপ্পজ্জতি হেতুপচ্চযা – অকুসলং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৱে খন্ধে পচ্চযা দ্ৱে খন্ধা. অকুসলং ধম্মং পচ্চযা অব্যাকতো ধম্মো উপ্পজ্জতি হেতুপচ্চযা – অকুসলে খন্ধে পচ্চযা চিত্তসমুট্ঠানং ৰূপং. অকুসলং ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি হেতুপচ্চযা – অকুসলং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং, তযো খন্ধে পচ্চযা একো খন্ধো চিত্তসমুট্ঠানঞ্চ ৰূপং, দ্ৱে খন্ধে পচ্চযা দ্ৱে খন্ধা চিত্তসমুট্ঠানঞ্চ ৰূপং. (৩)

২৪৫. অব্যাকতং ধম্মং পচ্চযা অব্যাকতো ধম্মো উপ্পজ্জতি হেতুপচ্চযা – ৱিপাকাব্যাকতং কিৰিযাব্যাকতং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং, তযো খন্ধে পচ্চযা একো খন্ধো চিত্তসমুট্ঠানঞ্চ ৰূপং, দ্ৱে খন্ধে পচ্চযা দ্ৱে খন্ধা চিত্তসমুট্ঠানঞ্চ ৰূপং; পটিসন্ধিক্খণে ৱিপাকাব্যাকতং একং খন্ধং পচ্চযা তযো খন্ধা কটত্তা চ ৰূপং, তযো খন্ধে পচ্চযা একো খন্ধো কটত্তা চ ৰূপং, দ্ৱে খন্ধে পচ্চযা দ্ৱে খন্ধা কটত্তা চ ৰূপং; খন্ধে পচ্চযা ৱত্থু, ৱত্থুং পচ্চযা খন্ধা; একং মহাভূতং পচ্চযা তযো মহাভূতা, তযো মহাভূতে পচ্চযা একং মহাভূতং, দ্ৱে মহাভূতে পচ্চযা দ্ৱে মহাভূতা, মহাভূতে পচ্চযা চিত্তসমুট্ঠানং ৰূপং কটত্তাৰূপং উপাদাৰূপং; ৱত্থুং পচ্চযা ৱিপাকাব্যাকতা কিৰিযাব্যাকতা খন্ধা. (১)

অব্যাকতং ধম্মং পচ্চযা কুসলো ধম্মো উপ্পজ্জতি হেতুপচ্চযা – ৱত্থুং পচ্চযা কুসলা খন্ধা. (২)

অব্যাকতং ধম্মং পচ্চযা অকুসলো ধম্মো উপ্পজ্জতি হেতুপচ্চযা – ৱত্থুং পচ্চযা অকুসলা খন্ধা. (৩)

অব্যাকতং ধম্মং পচ্চযা কুসলো চ অব্যাকতো চ ধম্মা উপ্পজ্জন্তি হেতুপচ্চযা – ৱত্থুং পচ্চযা কুসলা খন্ধা, মহাভূতে পচ্চযা চিত্তসমুট্ঠানং ৰূপং. (৪)

অব্যাকতং ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি হেতুপচ্চযা – ৱত্থুং পচ্চযা অকুসলা খন্ধা, মহাভূতে পচ্চযা চিত্তসমুট্ঠানং ৰূপং. (৫)

২৪৬. কুসলঞ্চ অব্যাকতঞ্চ ধম্মং পচ্চযা কুসলো ধম্মো উপ্পজ্জতি হেতুপচ্চযা – কুসলং একং খন্ধঞ্চ ৱত্থুঞ্চ পচ্চযা তযো খন্ধা, তযো খন্ধে চ ৱত্থুঞ্চ পচ্চযা একো খন্ধো, দ্ৱে খন্ধে চ ৱত্থুঞ্চ পচ্চযা দ্ৱে খন্ধা. কুসলঞ্চ অব্যাকতঞ্চ ধম্মং পচ্চযা অব্যাকতো ধম্মো উপ্পজ্জতি হেতুপচ্চযা – কুসলে খন্ধে চ মহাভূতে চ পচ্চযা চিত্তসমুট্ঠানং ৰূপং. কুসলঞ্চ অব্যাকতঞ্চ ধম্মং পচ্চযা কুসলো চ অব্যাকতো চ ধম্মা উপ্পজ্জন্তি হেতুপচ্চযা – কুসলং একং খন্ধঞ্চ ৱত্থুঞ্চ পচ্চযা তযো খন্ধা, তযো খন্ধে চ ৱত্থুঞ্চ পচ্চযা একো খন্ধো, দ্ৱে খন্ধে চ ৱত্থুঞ্চ পচ্চযা দ্ৱে খন্ধা, কুসলে খন্ধে চ মহাভূতে চ পচ্চযা চিত্তসমুট্ঠানং ৰূপং. (৩)

২৪৭. অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি হেতুপচ্চযা – অকুসলং একং খন্ধঞ্চ ৱত্থুঞ্চ পচ্চযা তযো খন্ধা, তযো খন্ধে চ ৱত্থুঞ্চ পচ্চযা একো খন্ধো, দ্ৱে খন্ধে চ ৱত্থুঞ্চ পচ্চযা দ্ৱে খন্ধা. অকুসলঞ্চ অব্যাকতঞ্চ ধম্মং পচ্চযা অব্যাকতো ধম্মো উপ্পজ্জতি হেতুপচ্চযা – অকুসলে খন্ধে চ মহাভূতে চ পচ্চযা চিত্তসমুট্ঠানং ৰূপং. অকুসলঞ্চ অব্যাকতঞ্চ ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি হেতুপচ্চযা – অকুসলং একং খন্ধঞ্চ ৱত্থুঞ্চ পচ্চযা তযো খন্ধা, তযো খন্ধে চ ৱত্থুঞ্চ পচ্চযা একো খন্ধো, দ্ৱে খন্ধে চ ৱত্থুঞ্চ পচ্চযা দ্ৱে খন্ধা, অকুসলে খন্ধে চ মহাভূতে চ পচ্চযা চিত্তসমুট্ঠানং ৰূপং. (৩)

আৰম্মণপচ্চযো

২৪৮. কুসলং ধম্মং পচ্চযা কুসলো ধম্মো উপ্পজ্জতি আৰম্মণপচ্চযা – কুসলং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৱে খন্ধে পচ্চযা দ্ৱে খন্ধা. (১)

২৪৯. অকুসলং ধম্মং পচ্চযা অকুসলো ধম্মো উপ্পজ্জতি আৰম্মণপচ্চযা – অকুসলং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৱে খন্ধে পচ্চযা দ্ৱে খন্ধা. (১)

২৫০. অব্যাকতং ধম্মং পচ্চযা অব্যাকতো ধম্মো উপ্পজ্জতি আৰম্মণপচ্চযা – ৱিপাকাব্যাকতং কিৰিযাব্যাকতং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৱে খন্ধে পচ্চযা দ্ৱে খন্ধা; পটিসন্ধিক্খণে ৱিপাকাব্যাকতং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৱে খন্ধে পচ্চযা দ্ৱে খন্ধা; ৱত্থুং পচ্চযা খন্ধা; চক্খাযতনং পচ্চযা চক্খুৱিঞ্ঞাণং, সোতাযতনং পচ্চযা সোতৱিঞ্ঞাণং, ঘানাযতনং পচ্চযা ঘানৱিঞ্ঞাণং, জিৱ্হাযতনং পচ্চযা জিৱ্হাৱিঞ্ঞাণং, কাযাযতনং পচ্চযা কাযৱিঞ্ঞাণং, ৱত্থুং পচ্চযা ৱিপাকাব্যাকতা কিৰিযাব্যাকতা খন্ধা. (১)

অব্যাকতং ধম্মং পচ্চযা কুসলো ধম্মো উপ্পজ্জতি আৰম্মণপচ্চযা – ৱত্থুং পচ্চযা কুসলা খন্ধা. (২)

অব্যাকতং ধম্মং পচ্চযা অকুসলো ধম্মো উপ্পজ্জতি আৰম্মণপচ্চযা – ৱত্থুং পচ্চযা অকুসলা খন্ধা. (৩)

২৫১. কুসলঞ্চ অব্যাকতঞ্চ ধম্মং পচ্চযা কুসলো ধম্মো উপ্পজ্জতি আৰম্মণপচ্চযা – কুসলং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ ৱত্থুঞ্চ পচ্চযা দ্ৱে খন্ধা. (১)

২৫২. অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি আৰম্মণপচ্চযা – অকুসলং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ ৱত্থুঞ্চ পচ্চযা দ্ৱে খন্ধা. (১)

অধিপতিপচ্চযো

২৫৩. কুসলং ধম্মং পচ্চযা কুসলো ধম্মো উপ্পজ্জতি অধিপতিপচ্চযা – কুসলং একং খন্ধং পচ্চযা… তীণি.

অকুসলং ধম্মং পচ্চযা অকুসলো ধম্মো উপ্পজ্জতি অধিপতিপচ্চযা – অকুসলং একং খন্ধং পচ্চযা… তীণি.

অব্যাকতং ধম্মং পচ্চযা অব্যাকতো ধম্মো উপ্পজ্জতি অধিপতিপচ্চযা – ৱিপাকাব্যাকতং কিৰিযাব্যাকতং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… একং মহাভূতং পচ্চযা তযো মহাভূতা…পে… মহাভূতে পচ্চযা চিত্তসমুট্ঠানং ৰূপং উপাদাৰূপং, ৱত্থুং পচ্চযা ৱিপাকাব্যাকতা কিৰিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি অধিপতিপচ্চযা – ৱত্থুং পচ্চযা কুসলা খন্ধা.

(যথা হেতুপচ্চযং, এৱং ৱিত্থাৰেতব্বং.)

অনন্তৰ-সমনন্তৰপচ্চযা

২৫৪. কুসলং ধম্মং পচ্চযা কুসলো ধম্মো উপ্পজ্জতি অনন্তৰপচ্চযা… সমনন্তৰপচ্চযা.

(যথা আৰম্মণপচ্চযং, এৱং ৱিত্থাৰেতব্বং.)

সহজাতপচ্চযো

২৫৫. কুসলং ধম্মং পচ্চযা কুসলো ধম্মো উপ্পজ্জতি সহজাতপচ্চযা – কুসলং একং খন্ধং পচ্চযা… তীণি.

অকুসলং ধম্মং পচ্চযা… তীণি.

অব্যাকতং ধম্মং পচ্চযা অব্যাকতো ধম্মো উপ্পজ্জতি সহজাতপচ্চযা – ৱিপাকাব্যাকতং কিৰিযাব্যাকতং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… পটিসন্ধিক্খণে…পে… একং মহাভূতং পচ্চযা…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পচ্চযা…পে… মহাভূতে পচ্চযা কটত্তাৰূপং উপাদাৰূপং, চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা ৱিপাকাব্যাকতা কিৰিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি সহজাতপচ্চযা – ৱত্থুং পচ্চযা কুসলা খন্ধা.

(যথা হেতুপচ্চযং, এৱং ৱিত্থাৰেতব্বং.)

অঞ্ঞমঞ্ঞপচ্চযো

২৫৬. কুসলং ধম্মং পচ্চযা কুসলো ধম্মো উপ্পজ্জতি অঞ্ঞমঞ্ঞপচ্চযা… একং.

অকুসলং ধম্মং পচ্চযা অকুসলো ধম্মো উপ্পজ্জতি অঞ্ঞমঞ্ঞপচ্চযা… একং.

অব্যাকতং ধম্মং পচ্চযা অব্যাকতো ধম্মো উপ্পজ্জতি অঞ্ঞমঞ্ঞপচ্চযা – ৱিপাকাব্যাকতং কিৰিযাব্যাকতং একং খন্ধং পচ্চযা তযো খন্ধা…পে… দ্ৱে খন্ধে পচ্চযা দ্ৱে খন্ধা; পটিসন্ধিক্খণে ৱিপাকাব্যাকতং একং খন্ধং পচ্চযা তযো খন্ধা ৱত্থু চ…পে… দ্ৱে খন্ধে পচ্চযা দ্ৱে খন্ধা ৱত্থু চ, খন্ধে পচ্চযা ৱত্থু, ৱত্থুং পচ্চযা খন্ধা; একং মহাভূতং পচ্চযা তযো মহাভূতা…পে… দ্ৱে মহাভূতে পচ্চযা দ্ৱে মহাভূতা; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পচ্চযা তযো মহাভূতা…পে… দ্ৱে মহাভূতে পচ্চযা দ্ৱে মহাভূতা, চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা ৱিপাকাব্যাকতা কিৰিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি অঞ্ঞমঞ্ঞপচ্চযা – ৱত্থুং পচ্চযা কুসলা খন্ধা.

(যথা আৰম্মণপচ্চযং, এৱং ৱিত্থাৰেতব্বং.)

নিস্সযপচ্চযো

২৫৭. কুসলং ধম্মং পচ্চযা কুসলো ধম্মো উপ্পজ্জতি নিস্সযপচ্চযা – কুসলং একং খন্ধং পচ্চযা তযো খন্ধা.

(যথা সহজাতপচ্চযং, এৱং ৱিত্থাৰেতব্বং.)

উপনিস্সযপচ্চযো

২৫৮. কুসলং ধম্মং পচ্চযা কুসলো ধম্মো উপ্পজ্জতি উপনিস্সযপচ্চযা – কুসলং একং খন্ধং পচ্চযা. (আৰম্মণপচ্চযসদিসং.)

পুৰেজাতপচ্চযো

২৫৯. কুসলং ধম্মং পচ্চযা কুসলো ধম্মো উপ্পজ্জতি পুৰেজাতপচ্চযা. কুসলং একং খন্ধং পচ্চযা তযো খন্ধা…পে… দ্ৱে খন্ধে পচ্চযা দ্ৱে খন্ধা. ৱত্থুং পুৰেজাতপচ্চযা. (১)

অকুসলং ধম্মং পচ্চযা অকুসলো ধম্মো উপ্পজ্জতি পুৰেজাতপচ্চযা – অকুসলং একং খন্ধং পচ্চযা তযো খন্ধা…পে… দ্ৱে খন্ধে পচ্চযা দ্ৱে খন্ধা. ৱত্থুং পুৰেজাতপচ্চযা. (১)

অব্যাকতং ধম্মং পচ্চযা অব্যাকতো ধম্মো উপ্পজ্জতি পুৰেজাতপচ্চযা – ৱিপাকাব্যাকতং কিৰিযাব্যাকতং একং খন্ধং পচ্চযা তযো খন্ধা…পে… দ্ৱে খন্ধে পচ্চযা দ্ৱে খন্ধা, ৱত্থুং পুৰেজাতপচ্চযা, চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা ৱিপাকাব্যাকতা কিৰিযাব্যাকতা খন্ধা, ৱত্থুং পুৰেজাতপচ্চযা.

অব্যাকতং ধম্মং পচ্চযা কুসলো ধম্মো উপ্পজ্জতি পুৰেজাতপচ্চযা – ৱত্থুং পচ্চযা কুসলা খন্ধা, ৱত্থুং পুৰেজাতপচ্চযা.

অব্যাকতং ধম্মং পচ্চযা অকুসলো ধম্মো উপ্পজ্জতি পুৰেজাতপচ্চযা – ৱত্থুং পচ্চযা অকুসলা খন্ধা, ৱত্থুং পুৰেজাতপচ্চযা. (৩)

কুসলঞ্চ অব্যাকতঞ্চ ধম্মং পচ্চযা কুসলো ধম্মো উপ্পজ্জতি পুৰেজাতপচ্চযা – কুসলং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ ৱত্থুঞ্চ পচ্চযা দ্ৱে খন্ধা, ৱত্থুং পুৰেজাতপচ্চযা. (১)

অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি পুৰেজাতপচ্চযা – অকুসলং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ ৱত্থুঞ্চ পচ্চযা দ্ৱে খন্ধা, ৱত্থুং পুৰেজাতপচ্চযা. (১)

আসেৱনপচ্চযো

২৬০. কুসলং ধম্মং পচ্চযা কুসলো ধম্মো উপ্পজ্জতি আসেৱনপচ্চযা – কুসলং একং খন্ধং পচ্চযা…পে….

অকুসলং ধম্মং পচ্চযা অকুসলো ধম্মো উপ্পজ্জতি আসেৱনপচ্চযা – অকুসলং একং খন্ধং পচ্চযা…পে….

অব্যাকতং ধম্মং পচ্চযা অব্যাকতো ধম্মো উপ্পজ্জতি আসেৱনপচ্চযা – কিৰিযাব্যাকতং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৱে খন্ধে পচ্চযা দ্ৱে খন্ধা, ৱত্থুং পচ্চযা কিৰিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি আসেৱনপচ্চযা – ৱত্থুং পচ্চযা কুসলা খন্ধা.

অব্যাকতং ধম্মং পচ্চযা অকুসলো ধম্মো উপ্পজ্জতি আসেৱনপচ্চযা – ৱত্থুং পচ্চযা অকুসলা খন্ধা.

কুসলঞ্চ অব্যাকতঞ্চ ধম্মং পচ্চযা…পে….

অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি আসেৱনপচ্চযা – অকুসলং একং খন্ধঞ্চ ৱত্থুঞ্চ পচ্চযা তযো খন্ধা…পে….

কম্মপচ্চযো

২৬১. কুসলং ধম্মং পচ্চযা কুসলো ধম্মো উপ্পজ্জতি কম্মপচ্চযা – কুসলং একং খন্ধং পচ্চযা… তীণি.

অকুসলং ধম্মং পচ্চযা অকুসলো ধম্মো উপ্পজ্জতি কম্মপচ্চযা… তীণি.

অব্যাকতং ধম্মং পচ্চযা অব্যাকতো ধম্মো উপ্পজ্জতি কম্মপচ্চযা – ৱিপাকাব্যাকতং কিৰিযাব্যাকতং একং খন্ধং পচ্চযা…পে… পটিসন্ধিক্খণে…পে… একং মহাভূতং পচ্চযা…পে… অসঞ্ঞসত্তানং একং মহাভূতং পচ্চযা…পে… মহাভূতে পচ্চযা কটত্তাৰূপং উপাদাৰূপং, চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা ৱিপাকাব্যাকতা কিৰিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি কম্মপচ্চযা – ৱত্থুং পচ্চযা কুসলা খন্ধা.

অব্যাকতং ধম্মং পচ্চযা অকুসলো ধম্মো উপ্পজ্জতি কম্মপচ্চযা – ৱত্থুং পচ্চযা অকুসলা খন্ধা…পে…. (৫)

কুসলঞ্চ অব্যাকতঞ্চ ধম্মং পচ্চযা কুসলো ধম্মো…পে… অব্যাকতো ধম্মো…পে… কুসলো চ অব্যাকতো চ ধম্মা উপ্পজ্জন্তি কম্মপচ্চযা…পে….

অকুসলঞ্চ অব্যাকতঞ্চ ধম্মং পচ্চযা অকুসলো ধম্মো…পে… অব্যাকতো ধম্মো…পে… অকুসলো চ অব্যাকতো চ ধম্মা উপ্পজ্জন্তি কম্মপচ্চযা, অকুসলং একং খন্ধঞ্চ ৱত্থুঞ্চ পচ্চযা…পে… অকুসলে খন্ধে চ মহাভূতে চ পচ্চযা চিত্তসমুট্ঠানং ৰূপং.

ৱিপাকপচ্চযো

২৬২. অব্যাকতং ধম্মং পচ্চযা অব্যাকতো ধম্মো উপ্পজ্জতি ৱিপাকপচ্চযা. ৱিপাকাব্যাকতং একং খন্ধং পচ্চযা…পে… পটিসন্ধিক্খণে…পে… একং মহাভূতং পচ্চযা…পে… চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা ৱিপাকাব্যাকতা খন্ধা.

আহাৰপচ্চযো

২৬৩. কুসলং ধম্মং পচ্চযা কুসলো ধম্মো উপ্পজ্জতি আহাৰপচ্চযা – কুসলং একং খন্ধং পচ্চযা… তীণি.

অকুসলং ধম্মং পচ্চযা… তীণি.

অব্যাকতং ধম্মং পচ্চযা অব্যাকতো ধম্মো উপ্পজ্জতি আহাৰপচ্চযা…পে… পটিসন্ধিক্খণে…পে… আহাৰসমুট্ঠানং একং মহাভূতং…পে… চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা ৱিপাকাব্যাকতা কিৰিযাব্যাকতা খন্ধা. (পৰিপুণ্ণং.)

ইন্দ্ৰিযপচ্চযো

২৬৪. কুসলং ধম্মং পচ্চযা কুসলো ধম্মো উপ্পজ্জতি ইন্দ্ৰিযপচ্চযা…পে… অসঞ্ঞসত্তানং একং মহাভূতং পচ্চযা…পে… চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা ৱিপাকাব্যাকতা কিৰিযাব্যাকতা খন্ধা.

(ইন্দ্ৰিযপচ্চযা যথা কম্মপচ্চযা, এৱং ৱিত্থাৰেতব্বং.)

ঝান-মগ্গপচ্চযা

২৬৫. কুসলং ধম্মং পচ্চযা কুসলো ধম্মো উপ্পজ্জতি ঝানপচ্চযা…পে… মগ্গপচ্চযা.

(ঝানপচ্চযাপি মগ্গপচ্চযাপি যথা হেতুপচ্চযা, এৱং ৱিত্থাৰেতব্বং.)

সম্পযুত্তপচ্চযো

২৬৬. কুসলং ধম্মং পচ্চযা কুসলো ধম্মো উপ্পজ্জতি সম্পযুত্তপচ্চযা. (আৰম্মণপচ্চযসদিসং.)

ৱিপ্পযুত্তপচ্চযো

২৬৭. কুসলং ধম্মং পচ্চযা কুসলো ধম্মো উপ্পজ্জতি ৱিপ্পযুত্তপচ্চযা. কুসলং একং খন্ধং পচ্চযা তযো খন্ধা…পে… দ্ৱে খন্ধে পচ্চযা দ্ৱে খন্ধা, ৱত্থুং ৱিপ্পযুত্তপচ্চযা. কুসলং ধম্মং পচ্চযা অব্যাকতো ধম্মো উপ্পজ্জতি ৱিপ্পযুত্তপচ্চযা – কুসলে খন্ধে পচ্চযা চিত্তসমুট্ঠানং ৰূপং, খন্ধে ৱিপ্পযুত্তপচ্চযা, কুসলং ধম্মং পচ্চযা কুসলো চ অব্যাকতো চ ধম্মা উপ্পজ্জন্তি ৱিপ্পযুত্তপচ্চযা – কুসলং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পচ্চযা দ্ৱে খন্ধা চিত্তসমুট্ঠানঞ্চ ৰূপং, খন্ধা ৱত্থুং ৱিপ্পযুত্তপচ্চযা, চিত্তসমুট্ঠানং ৰূপং খন্ধে ৱিপ্পযুত্তপচ্চযা. (৩)

অকুসলং ধম্মং পচ্চযা অকুসলো ধম্মো উপ্পজ্জতি ৱিপ্পযুত্তপচ্চযা – অকুসলং একং খন্ধং পচ্চযা তযো খন্ধা…পে… দ্ৱে খন্ধে পচ্চযা দ্ৱে খন্ধা, ৱত্থুং ৱিপ্পযুত্তপচ্চযা. অকুসলং ধম্মং পচ্চযা অব্যাকতো ধম্মো উপ্পজ্জতি ৱিপ্পযুত্তপচ্চযা – অকুসলে খন্ধে পচ্চযা চিত্তসমুট্ঠানং ৰূপং, খন্ধে ৱিপ্পযুত্তপচ্চযা. অকুসলং ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি ৱিপ্পযুত্তপচ্চযা – অকুসলং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পচ্চযা দ্ৱে খন্ধা চিত্তসমুট্ঠানঞ্চ ৰূপং, খন্ধা ৱত্থুং ৱিপ্পযুত্তপচ্চযা, চিত্তসমুট্ঠানং ৰূপং খন্ধে ৱিপ্পযুত্তপচ্চযা. (৩)

অব্যাকতং ধম্মং পচ্চযা অব্যাকতো ধম্মো উপ্পজ্জতি ৱিপ্পযুত্তপচ্চযা – ৱিপাকাব্যাকতং কিৰিযাব্যাকতং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পচ্চযা দ্ৱে খন্ধা চিত্তসমুট্ঠানঞ্চ ৰূপং, খন্ধা ৱত্থুং ৱিপ্পযুত্তপচ্চযা, চিত্তসমুট্ঠানং ৰূপং খন্ধে ৱিপ্পযুত্তপচ্চযা, পটিসন্ধিক্খণে ৱিপাকাব্যাকতং একং খন্ধং পচ্চযা তযো খন্ধা কটত্তা চ ৰূপং…পে… দ্ৱে খন্ধে পচ্চযা দ্ৱে খন্ধা কটত্তা চ ৰূপং, খন্ধা ৱত্থুং ৱিপ্পযুত্তপচ্চযা, কটত্তাৰূপং খন্ধে ৱিপ্পযুত্তপচ্চযা, খন্ধে পচ্চযা ৱত্থু, ৱত্থুং পচ্চযা খন্ধা, খন্ধা ৱত্থুং ৱিপ্পযুত্তপচ্চযা, ৱত্থু খন্ধে ৱিপ্পযুত্তপচ্চযা; একং মহাভূতং পচ্চযা…পে… মহাভূতে পচ্চযা চিত্তসমুট্ঠানং ৰূপং কটত্তাৰূপং উপাদাৰূপং খন্ধে ৱিপ্পযুত্তপচ্চযা; চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং; ৱত্থুং পচ্চযা ৱিপাকাব্যাকতা কিৰিযাব্যাকতা খন্ধা, ৱত্থুং ৱিপ্পযুত্তপচ্চযা. (১)

অব্যাকতং ধম্মং পচ্চযা কুসলো ধম্মো উপ্পজ্জতি ৱিপ্পযুত্তপচ্চযা – ৱত্থুং পচ্চযা কুসলা খন্ধা, ৱত্থুং ৱিপ্পযুত্তপচ্চযা. (২)

অব্যাকতং ধম্মং পচ্চযা অকুসলো ধম্মো উপ্পজ্জতি ৱিপ্পযুত্তপচ্চযা – ৱত্থুং পচ্চযা অকুসলা খন্ধা, ৱত্থুং ৱিপ্পযুত্তপচ্চযা. (৩)

অব্যাকতং ধম্মং পচ্চযা কুসলো চ অব্যাকতো চ ধম্মা উপ্পজ্জন্তি ৱিপ্পযুত্তপচ্চযা – ৱত্থুং পচ্চযা কুসলা খন্ধা, মহাভূতে পচ্চযা চিত্তসমুট্ঠানং ৰূপং, খন্ধা ৱত্থুং ৱিপ্পযুত্তপচ্চযা, চিত্তসমুট্ঠানং ৰূপং খন্ধে ৱিপ্পযুত্তপচ্চযা. (৪)

অব্যাকতং ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি ৱিপ্পযুত্তপচ্চযা – ৱত্থুং পচ্চযা অকুসলা খন্ধা, মহাভূতে পচ্চযা চিত্তসমুট্ঠানং ৰূপং, খন্ধা ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং খন্ধে ৱিপ্পযুত্তপচ্চযা. (৫)

কুসলঞ্চ অব্যাকতঞ্চ ধম্মং পচ্চযা কুসলো ধম্মো উপ্পজ্জতি ৱিপ্পযুত্তপচ্চযা. কুসলং একং খন্ধঞ্চ ৱত্থুঞ্চ পচ্চযা তযো খন্ধা, তযো খন্ধে চ ৱত্থুঞ্চ পচ্চযা একো খন্ধো, দ্ৱে খন্ধে চ ৱত্থুঞ্চ পচ্চযা দ্ৱে খন্ধা, ৱত্থুং ৱিপ্পযুত্তপচ্চযা. কুসলঞ্চ অব্যাকতঞ্চ ধম্মং পচ্চযা অব্যাকতো ধম্মো উপ্পজ্জতি ৱিপ্পযুত্তপচ্চযা. কুসলে খন্ধে চ মহাভূতে চ পচ্চযা চিত্তসমুট্ঠানং ৰূপং. খন্ধে ৱিপ্পযুত্তপচ্চযা. কুসলঞ্চ অব্যাকতঞ্চ ধম্মং পচ্চযা কুসলো চ অব্যাকতো চ ধম্মা উপ্পজ্জন্তি ৱিপ্পযুত্তপচ্চযা, কুসলং একং খন্ধঞ্চ ৱত্থুঞ্চ পচ্চযা তযো খন্ধা, তযো খন্ধে চ ৱত্থুঞ্চ পচ্চযা একো খন্ধো, দ্ৱে খন্ধে চ ৱত্থুঞ্চ পচ্চযা দ্ৱে খন্ধা, কুসলে খন্ধে চ মহাভূতে চ পচ্চযা চিত্তসমুট্ঠানং ৰূপং, খন্ধা ৱত্থুং ৱিপ্পযুত্তপচ্চযা, চিত্তসমুট্ঠানং ৰূপং খন্ধে ৱিপ্পযুত্তপচ্চযা. (৩)

অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি ৱিপ্পযুত্তপচ্চযা – অকুসলং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ ৱত্থুঞ্চ পচ্চযা দ্ৱে খন্ধা, ৱত্থুং ৱিপ্পযুত্তপচ্চযা. অকুসলঞ্চ অব্যাকতঞ্চ ধম্মং পচ্চযা অব্যাকতো ধম্মো উপ্পজ্জতি ৱিপ্পযুত্তপচ্চযা – অকুসলে খন্ধে চ মহাভূতে চ পচ্চযা চিত্তসমুট্ঠানং ৰূপং, খন্ধে ৱিপ্পযুত্তপচ্চযা. অকুসলঞ্চ অব্যাকতঞ্চ ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি ৱিপ্পযুত্তপচ্চযা – অকুসলং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধা, অকুসলে খন্ধে চ মহাভূতে চ পচ্চযা চিত্তসমুট্ঠানং ৰূপং, খন্ধা ৱত্থুং ৱিপ্পযুত্তপচ্চযা, চিত্তসমুট্ঠানং ৰূপং খন্ধে ৱিপ্পযুত্তপচ্চযা. (৩)

অত্থিপচ্চযাদি

২৬৮. কুসলং ধম্মং পচ্চযা কুসলো ধম্মো উপ্পজ্জতি অত্থিপচ্চযা…পে… (অত্থিপচ্চযা সহজাতপচ্চযসদিসং কাতব্বং. নত্থিপচ্চযা ৱিগতপচ্চযা আৰম্মণপচ্চযসদিসং, অৱিগতপচ্চযা সহজাতপচ্চযসদিসং.)