১০. দসমৱগ্গো

(১০২) ৮. সীলং ন চিত্তানুপৰিৱত্তীতিকথা

৫৯৫. সীলং ন চিত্তানুপৰিৱত্তীতি? আমন্তা. ৰূপং… নিব্বানং… চক্খাযতনং…পে… ফোট্ঠব্বাযতনন্তি? ন হেৱং ৱত্তব্বে…পে… সীলং ন চিত্তানুপৰিৱত্তীতি? আমন্তা. ফস্সো ন চিত্তানুপৰিৱত্তীতি? ন হেৱং ৱত্তব্বে…পে… সীলং ন চিত্তানুপৰিৱত্তীতি? আমন্তা. ৱেদনা…পে… সঞ্ঞা… চেতনা… সদ্ধা… ৱীৰিযং… সতি… সমাধি…পে… পঞ্ঞা ন চিত্তানুপৰিৱত্তীতি? ন হেৱং ৱত্তব্বে…পে….

ফস্সো চিত্তানুপৰিৱত্তীতি? আমন্তা. সীলং চিত্তানুপৰিৱত্তীতি? ন হেৱং ৱত্তব্বে…পে… ৱেদনা…পে… সঞ্ঞা… চেতনা … সদ্ধা… ৱীৰিযং… সতি… সমাধি…পে… পঞ্ঞা চিত্তানুপৰিৱত্তীতি? আমন্তা. সীলং চিত্তানুপৰিৱত্তীতি? ন হেৱং ৱত্তব্বে…পে….

৫৯৬. সম্মাৱাচা ন চিত্তানুপৰিৱত্তীতি? আমন্তা. সম্মাদিট্ঠি ন চিত্তানুপৰিৱত্তীতি? ন হেৱং ৱত্তব্বে…পে… সম্মাৱাচা ন চিত্তানুপৰিৱত্তীতি? আমন্তা. সম্মাসঙ্কপ্পো… সম্মাৱাযামো… সম্মাসতি…পে… সম্মাসমাধি ন চিত্তানুপৰিৱত্তীতি? ন হেৱং ৱত্তব্বে…পে….

সম্মাকম্মন্তো…পে… সম্মাআজীৱো ন চিত্তানুপৰিৱত্তীতি? আমন্তা. সম্মাদিট্ঠি ন চিত্তানুপৰিৱত্তীতি? ন হেৱং ৱত্তব্বে…পে… সম্মাআজীৱো ন চিত্তানুপৰিৱত্তীতি? আমন্তা. সম্মাসঙ্কপ্পো… সম্মাৱাযামো… সম্মাসতি…পে… সম্মাসমাধি ন চিত্তানুপৰিৱত্তীতি? ন হেৱং ৱত্তব্বে…পে….

সম্মাদিট্ঠি চিত্তানুপৰিৱত্তীতি? আমন্তা. সম্মাৱাচা চিত্তানুপৰিৱত্তীতি? ন হেৱং ৱত্তব্বে…পে… সম্মাদিট্ঠি চিত্তানুপৰিৱত্তীতি? আমন্তা. সম্মাকম্মন্তো…পে… সম্মাআজীৱো চিত্তানুপৰিৱত্তীতি? ন হেৱং ৱত্তব্বে…পে….

সম্মাসঙ্কপ্পো … সম্মাৱাযামো… সম্মাসতি…পে… সম্মাসমাধি চিত্তানুপৰিৱত্তীতি? আমন্তা. সম্মাৱাচা চিত্তানুপৰিৱত্তীতি? ন হেৱং ৱত্তব্বে…পে… সম্মাসমাধি চিত্তানুপৰিৱত্তীতি? আমন্তা. সম্মাকম্মন্তো…পে… সম্মাআজীৱো চিত্তানুপৰিৱত্তীতি? ন হেৱং ৱত্তব্বে…পে….

৫৯৭. ন ৱত্তব্বং – ‘‘সীলং ন চিত্তানুপৰিৱত্তী’’তি? আমন্তা. সীলে উপ্পজ্জিত্ৱা নিৰুদ্ধে দুস্সীলো হোতীতি? ন হেৱং ৱত্তব্বে. তেন হি সীলং ন চিত্তানুপৰিৱত্তীতি.

সীলং ন চিত্তানুপৰিৱত্তীতিকথা নিট্ঠিতা.