(১০৪) ১০. ৱিঞ্ঞত্তি সীলন্তিকথা

৬০১. ৱিঞ্ঞত্তি সীলন্তি? আমন্তা. পাণাতিপাতা ৱেৰমণীতি? ন হেৱং ৱত্তব্বে…পে… অদিন্নাদানা ৱেৰমণীতি? ন হেৱং ৱত্তব্বে…পে… কামেসুমিচ্ছাচাৰা ৱেৰমণীতি? ন হেৱং ৱত্তব্বে …পে… মুসাৱাদা ৱেৰমণীতি? ন হেৱং ৱত্তব্বে…পে… সুৰামেৰযমজ্জপমাদট্ঠানা ৱেৰমণীতি? ন হেৱং ৱত্তব্বে…পে….

অভিৱাদনং সীলং, পচ্চুট্ঠানং সীলং, অঞ্জলিকম্মং সীলং, সামীচিকম্মং সীলং, আসনাভিহাৰো সীলং, সেয্যাভিহাৰো সীলং, পাদোদকাভিহাৰো সীলং, পাদকথলিকাভিহাৰো সীলং, ন্হানে পিট্ঠিপৰিকম্মং সীলন্তি? আমন্তা. পাণাতিপাতা ৱেৰমণীতি? ন হেৱং ৱত্তব্বে…পে… সুৰামেৰযমজ্জপমাদট্ঠানা ৱেৰমণীতি? ন হেৱং ৱত্তব্বে…পে….

৬০২. ন ৱত্তব্বং – ‘‘ৱিঞ্ঞত্তি সীল’’ন্তি? আমন্তা. দুস্সিল্যন্তি? ন হেৱং ৱত্তব্বে…পে… তেন হি ৱিঞ্ঞত্তি সীলন্তি.

ৱিঞ্ঞত্তি সীলন্তিকথা নিট্ঠিতা.