(৯৫) ১. নিৰোধকথা

৫৭১. উপপত্তেসিযে পঞ্চক্খন্ধে অনিৰুদ্ধে কিৰিযা পঞ্চক্খন্ধা উপ্পজ্জন্তীতি? আমন্তা. দসন্নং খন্ধানং সমোধানং হোতি, দস খন্ধা সম্মুখীভাৱং আগচ্ছন্তীতি? ন হেৱং ৱত্তব্বে…পে… দসন্নং খন্ধানং সমোধানং হোতি, দস খন্ধা সম্মুখীভাৱং আগচ্ছন্তীতি? আমন্তা. দ্ৱিন্নং ফস্সানং…পে… দ্ৱিন্নং চিত্তানং সমোধানং হোতীতি? ন হেৱং ৱত্তব্বে…পে….

উপপত্তেসিযে পঞ্চক্খন্ধে অনিৰুদ্ধে কিৰিযা চত্তাৰো খন্ধা উপ্পজ্জন্তীতি? আমন্তা. নৱন্নং খন্ধানং সমোধানং হোতি, নৱ খন্ধা সম্মুখীভাৱং আগচ্ছন্তীতি? ন হেৱং ৱত্তব্বে…পে… নৱন্নং খন্ধানং সমোধানং হোতি, নৱ খন্ধা সম্মুখীভাৱং আগচ্ছন্তীতি? আমন্তা. দ্ৱিন্নং ফস্সানং…পে… দ্ৱিন্নং চিত্তানং সমোধানং হোতীতি? ন হেৱং ৱত্তব্বে…পে….

উপপত্তেসিযে পঞ্চক্খন্ধে অনিৰুদ্ধে কিৰিযাঞাণং উপ্পজ্জতীতি? আমন্তা. ছন্নং খন্ধানং সমোধানং হোতি, ছ খন্ধা সম্মুখীভাৱং আগচ্ছন্তীতি? ন হেৱং ৱত্তব্বে…পে… ছন্নং খন্ধানং সমোধানং হোতি, ছ খন্ধা সম্মুখীভাৱং আগচ্ছন্তীতি? আমন্তা. দ্ৱিন্নং ফস্সানং…পে… দ্ৱিন্নং চিত্তানং সমোধানং হোতীতি? ন হেৱং ৱত্তব্বে…পে….

৫৭২. উপপত্তেসিযে পঞ্চক্খন্ধে নিৰুদ্ধে মগ্গো উপ্পজ্জতীতি? আমন্তা. মতো মগ্গং ভাৱেতি, কালঙ্কতো মগ্গং ভাৱেতীতি? ন হেৱং ৱত্তব্বে…পে….

নিৰোধকথা নিট্ঠিতা.