৫. সুদ্ধিকসংসন্দনং

১৭. পুগ্গলো উপলব্ভতি সচ্চিকট্ঠপৰমত্থেন, ৰূপঞ্চ উপলব্ভতি সচ্চিকট্ঠপৰমত্থেনাতি? আমন্তা. অঞ্ঞং ৰূপং অঞ্ঞো পুগ্গলোতি? ন হেৱং ৱত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপৰমত্থেন, ৰূপঞ্চ উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘অঞ্ঞং ৰূপং অঞ্ঞো পুগ্গলো’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন, ৰূপঞ্চ উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘অঞ্ঞং ৰূপং অঞ্ঞো পুগ্গলো’’’তি মিচ্ছা.

নো চে পন ৱত্তব্বে – ‘‘অঞ্ঞং ৰূপং অঞ্ঞো পুগ্গলো’’তি, নো চ ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেন, ৰূপঞ্চ উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন, ৰূপঞ্চ উপলব্ভতি সচ্চিকট্ঠপৰমত্থেন’, নো চ ৱত্তব্বে – ‘অঞ্ঞং ৰূপং অঞ্ঞো পুগ্গলো’’’তি মিচ্ছা…পে….

১৮. পুগ্গলো উপলব্ভতি সচ্চিকট্ঠপৰমত্থেন, ৱেদনা চ উপলব্ভতি সচ্চিকট্ঠপৰমত্থেন…পে… সঞ্ঞা চ উপলব্ভতি…পে… সঙ্খাৰা চ উপলব্ভন্তি…পে… ৱিঞ্ঞাণঞ্চ উপলব্ভতি সচ্চিকট্ঠপৰমত্থেনাতি? আমন্তা. অঞ্ঞং ৱিঞ্ঞাণং অঞ্ঞো পুগ্গলোতি? ন হেৱং ৱত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপৰমত্থেন, ৱিঞ্ঞাণঞ্চ উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘অঞ্ঞং ৱিঞ্ঞাণং অঞ্ঞো পুগ্গলো’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন, ৱিঞ্ঞাণঞ্চ উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘অঞ্ঞং ৱিঞ্ঞাণং অঞ্ঞো পুগ্গলো’’’তি মিচ্ছা.

নো চে পন ৱত্তব্বে – ‘‘অঞ্ঞং ৱিঞ্ঞাণং অঞ্ঞো পুগ্গলো’’তি, নো চ ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেন, ৱিঞ্ঞাণঞ্চ উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন, ৱিঞ্ঞাণঞ্চ উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘অঞ্ঞং ৱিঞ্ঞাণং অঞ্ঞো পুগ্গলো’’’তি মিচ্ছা…পে….

১৯. পুগ্গলো উপলব্ভতি সচ্চিকট্ঠপৰমত্থেন, চক্খাযতনঞ্চ উপলব্ভতি সচ্চিকট্ঠপৰমত্থেন…পে… সোতাযতনঞ্চ উপলব্ভতি… ঘানাযতনঞ্চ উপলব্ভতি… জিৱ্হাযতনঞ্চ উপলব্ভতি… কাযাযতনঞ্চ উপলব্ভতি… ৰূপাযতনঞ্চ উপলব্ভতি… সদ্দাযতনঞ্চ উপলব্ভতি… গন্ধাযতনঞ্চ উপলব্ভতি… ৰসাযতনঞ্চ উপলব্ভতি… ফোট্ঠব্বাযতনঞ্চ উপলব্ভতি… মনাযতনঞ্চ উপলব্ভতি… ধম্মাযতনঞ্চ উপলব্ভতি সচ্চিকট্ঠপৰমত্থেন…পে….

২০. চক্খুধাতু চ উপলব্ভতি সচ্চিকট্ঠপৰমত্থেন…পে… সোতধাতু চ উপলব্ভতি… ঘানধাতু চ উপলব্ভতি… জিৱ্হাধাতু চ উপলব্ভতি… কাযধাতু চ উপলব্ভতি… ৰূপধাতু চ উপলব্ভতি… সদ্দধাতু চ উপলব্ভতি… গন্ধধাতু চ উপলব্ভতি… ৰসধাতু চ উপলব্ভতি… ফোট্ঠব্বধাতু চ উপলব্ভতি… চক্খুৱিঞ্ঞাণধাতু চ উপলব্ভতি… সোতৱিঞ্ঞাণধাতু চ উপলব্ভতি… ঘানৱিঞ্ঞাণধাতু চ উপলব্ভতি… জিৱ্হাৱিঞ্ঞাণধাতু চ উপলব্ভতি… কাযৱিঞ্ঞাণধাতু চ উপলব্ভতি… মনোধাতু চ উপলব্ভতি… মনোৱিঞ্ঞাণধাতু চ উপলব্ভতি… ধম্মধাতু চ উপলব্ভতি সচ্চিকট্ঠপৰমত্থেন…পে….

২১. চক্খুন্দ্ৰিযঞ্চ উপলব্ভতি সচ্চিকট্ঠপৰমত্থেন…পে… সোতিন্দ্ৰিযঞ্চ উপলব্ভতি… ঘানিন্দ্ৰিযঞ্চ উপলব্ভতি… জিৱ্হিন্দ্ৰিযঞ্চ উপলব্ভতি… কাযিন্দ্ৰিযঞ্চ উপলব্ভতি … মনিন্দ্ৰিযঞ্চ উপলব্ভতি… জীৱিতিন্দ্ৰিযঞ্চ উপলব্ভতি… ইত্থিন্দ্ৰিযঞ্চ উপলব্ভতি… পুৰিসিন্দ্ৰিযঞ্চ উপলব্ভতি… সুখিন্দ্ৰিযঞ্চ উপলব্ভতি… দুক্খিন্দ্ৰিযঞ্চ উপলব্ভতি… সোমনস্সিন্দ্ৰিযঞ্চ উপলব্ভতি… দোমনস্সিন্দ্ৰিযঞ্চ উপলব্ভতি… উপেক্খিন্দ্ৰিযঞ্চ উপলব্ভতি… সদ্ধিন্দ্ৰিযঞ্চ উপলব্ভতি… ৱীৰিযিন্দ্ৰিযঞ্চ উপলব্ভতি… সতিন্দ্ৰিযঞ্চ উপলব্ভতি… সমাধিন্দ্ৰিযঞ্চ উপলব্ভতি… পঞ্ঞিন্দ্ৰিযঞ্চ উপলব্ভতি… অনঞ্ঞাতঞ্ঞস্সামীতিন্দ্ৰিযঞ্চ উপলব্ভতি… অঞ্ঞিন্দ্ৰিযঞ্চ উপলব্ভতি… অঞ্ঞাতাৱিন্দ্ৰিযঞ্চ উপলব্ভতি সচ্চিকট্ঠপৰমত্থেনাতি? আমন্তা. অঞ্ঞং অঞ্ঞাতাৱিন্দ্ৰিযং অঞ্ঞো পুগ্গলোতি? ন হেৱং ৱত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপৰমত্থেন, অঞ্ঞাতাৱিন্দ্ৰিযঞ্চ উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘অঞ্ঞং অঞ্ঞাতাৱিন্দ্ৰিযং অঞ্ঞো পুগ্গলো’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন, অঞ্ঞাতাৱিন্দ্ৰিযঞ্চ উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘অঞ্ঞং অঞ্ঞাতাৱিন্দ্ৰিযং অঞ্ঞো পুগ্গলো’’’তি মিচ্ছা.

নো চে পন ৱত্তব্বে – ‘‘অঞ্ঞং অঞ্ঞাতাৱিন্দ্ৰিযং অঞ্ঞো পুগ্গলো’’তি, নো চ ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেন, অঞ্ঞাতাৱিন্দ্ৰিযঞ্চ উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন, অঞ্ঞাতাৱিন্দ্ৰিযঞ্চ উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘অঞ্ঞং অঞ্ঞাতাৱিন্দ্ৰিযং অঞ্ঞো পুগ্গলো’’’তি মিচ্ছা…পে….

২২. [পু. প. মাতিকা ৪.২৪; অ. নি. ৪.৯৫-৯৬] পুগ্গলো নুপলব্ভতি সচ্চিকট্ঠপৰমত্থেনাতি? আমন্তা. ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো,’’ ৰূপঞ্চ উপলব্ভতি সচ্চিকট্ঠপৰমত্থেনাতি? আমন্তা. অঞ্ঞং ৰূপং অঞ্ঞো পুগ্গলোতি? ন হেৱং ৱত্তব্বে.

আজানাহি পটিকম্মং. হঞ্চি ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো,’’ ৰূপঞ্চ উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘অঞ্ঞং ৰূপং অঞ্ঞো পুগ্গলো’’তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো, ৰূপঞ্চ উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘অঞ্ঞং ৰূপং অঞ্ঞো পুগ্গলো’’’তি মিচ্ছা.

নো চে পন ৱত্তব্বে – ‘‘অঞ্ঞং ৰূপং অঞ্ঞো পুগ্গলো’’তি, নো চ ৱত ৰে ৱত্তব্বে – ‘‘ৱুত্তং ভগৱতা – ‘অত্থি পুগ্গলো অত্তহিতায পটিপন্নো,’ ৰূপঞ্চ উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো, ৰূপঞ্চ উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘অঞ্ঞং ৰূপং অঞ্ঞো পুগ্গলো’’’তি মিচ্ছা…পে….

২৩. পুগ্গলো নুপলব্ভতি সচ্চিকট্ঠপৰমত্থেনাতি? আমন্তা. ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো,’’ ৱেদনা চ উপলব্ভতি…পে… সঞ্ঞা চ উপলব্ভতি…পে… সঙ্খাৰা চ উপলব্ভন্তি…পে… ৱিঞ্ঞাণঞ্চ উপলব্ভতি সচ্চিকট্ঠপৰমত্থেনাতি? আমন্তা. অঞ্ঞং ৱিঞ্ঞাণং অঞ্ঞো পুগ্গলোতি? ন হেৱং ৱত্তব্বে.

আজানাহি পটিকম্মং. হঞ্চি ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো,’’ ৱিঞ্ঞাণঞ্চ উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘অঞ্ঞং ৱিঞ্ঞাণং অঞ্ঞো পুগ্গলো’’তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো, ৱিঞ্ঞাণঞ্চ উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘অঞ্ঞং ৱিঞ্ঞাণং অঞ্ঞো পুগ্গলো’’’তি মিচ্ছা.

নো চে পন ৱত্তব্বে – ‘‘অঞ্ঞং ৱিঞ্ঞাণং অঞ্ঞো পুগ্গলো’’তি, নো চ ৱত ৰে ৱত্তব্বে – ‘‘ৱুত্তং ভগৱতা – ‘অত্থি পুগ্গলো অত্তহিতায পটিপন্নো,’ ৱিঞ্ঞাণঞ্চ উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো,’ ৱিঞ্ঞাণঞ্চ উপলব্ভতি সচ্চিকট্ঠপৰমত্থেন, নো চ ৱত্তব্বে – ‘অঞ্ঞং ৱিঞ্ঞাণং অঞ্ঞো পুগ্গলো’’’তি মিচ্ছা…পে….

২৪. পুগ্গলো নুপলব্ভতি সচ্চিকট্ঠপৰমত্থেনাতি? আমন্তা. ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো,’’ চক্খাযতনঞ্চ উপলব্ভতি সচ্চিকট্ঠপৰমত্থেন…পে… সোতাযতনঞ্চ উপলব্ভতি…পে… ধম্মাযতনঞ্চ উপলব্ভতি সচ্চিকট্ঠপৰমত্থেন…পে….

২৫. চক্খুধাতু চ উপলব্ভতি সচ্চিকট্ঠপৰমত্থেন…পে… কাযধাতু চ উপলব্ভতি…পে… ৰূপধাতু চ উপলব্ভতি…পে… ফোট্ঠব্বধাতু চ উপলব্ভতি…পে… চক্খুৱিঞ্ঞাণধাতু চ উপলব্ভতি…পে… মনোৱিঞ্ঞাণধাতু চ উপলব্ভতি…পে… ধম্মধাতু চ উপলব্ভতি সচ্চিকট্ঠপৰমত্থেন…পে….

২৬. চক্খুন্দ্ৰিযঞ্চ উপলব্ভতি সচ্চিকট্ঠপৰমত্থেন…পে… সোতিন্দ্ৰিযঞ্চ উপলব্ভতি সচ্চিকট্ঠপৰমত্থেন…পে… অঞ্ঞিন্দ্ৰিযঞ্চ [অঞ্ঞাতাৱিন্দ্ৰিযঞ্চ (বহূসু)] উপলব্ভতি সচ্চিকট্ঠপৰমত্থেন…পে….

২৭. পুগ্গলো নুপলব্ভতি সচ্চিকট্ঠপৰমত্থেনাতি? আমন্তা. ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো,’’ অঞ্ঞাতাৱিন্দ্ৰিযঞ্চ উপলব্ভতি সচ্চিকট্ঠপৰমত্থেনাতি? আমন্তা. অঞ্ঞং অঞ্ঞাতাৱিন্দ্ৰিযং অঞ্ঞো পুগ্গলোতি? ন হেৱং ৱত্তব্বে.

আজানাহি পটিকম্মং. হঞ্চি ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো,’’ অঞ্ঞাতাৱিন্দ্ৰিযঞ্চ উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘অঞ্ঞং অঞ্ঞাতাৱিন্দ্ৰিযং অঞ্ঞো পুগ্গলো’’তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো, অঞ্ঞাতাৱিন্দ্ৰিযঞ্চ উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘অঞ্ঞং অঞ্ঞাতাৱিন্দ্ৰিযং অঞ্ঞো পুগ্গলো’’’তি মিচ্ছা.

নো চে পন ৱত্তব্বে – ‘‘অঞ্ঞং অঞ্ঞাতাৱিন্দ্ৰিযং অঞ্ঞো পুগ্গলো’’তি, নো চ ৱত ৰে ৱত্তব্বে – ‘‘ৱুত্তং ভগৱতা – ‘অত্থি পুগ্গলো অত্তহিতায পটিপন্নো,’ অঞ্ঞাতাৱিন্দ্ৰিযঞ্চ উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো, অঞ্ঞাতাৱিন্দ্ৰিযঞ্চ উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘অঞ্ঞং অঞ্ঞাতাৱিন্দ্ৰিযং অঞ্ঞো পুগ্গলো’’’তি মিচ্ছা…পে….

সুদ্ধিকসংসন্দনা.