৭. চতুক্কনযসংসন্দনং

৪৬. পুগ্গলো উপলব্ভতি সচ্চিকট্ঠপৰমত্থেনাতি? আমন্তা. ৰূপং পুগ্গলোতি? ন হেৱং ৱত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘ৰূপং পুগ্গলো’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘ৰূপং পুগ্গলো’’’তি মিচ্ছা.

নো চে পন ৱত্তব্বে – ‘‘ৰূপং পুগ্গলো’’তি, নো চ ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘ৰূপং পুগ্গলো’’’তি মিচ্ছা…পে….

৪৭. পুগ্গলো উপলব্ভতি সচ্চিকট্ঠপৰমত্থেনাতি? আমন্তা. ৰূপস্মিং পুগ্গলো…পে… অঞ্ঞত্ৰ ৰূপা পুগ্গলো…পে… পুগ্গলস্মিং ৰূপন্তি? ন হেৱং ৱত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘পুগ্গলস্মিং ৰূপ’’ন্তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘পুগ্গলস্মিং ৰূপ’’’ন্তি মিচ্ছা.

নো চে পন ৱত্তব্বে – ‘‘পুগ্গলস্মিং ৰূপ’’ন্তি, নো চ ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘পুগ্গলস্মিং ৰূপ’’’ন্তি মিচ্ছা…পে….

৪৮. পুগ্গলো উপলব্ভতি সচ্চিকট্ঠপৰমত্থেনাতি? আমন্তা. ৱেদনা পুগ্গলো…পে… ৱেদনায পুগ্গলো…পে… অঞ্ঞত্ৰ ৱেদনায পুগ্গলো…পে… পুগ্গলস্মিং ৱেদনা…পে….

সঞ্ঞা পুগ্গলো…পে… সঞ্ঞায পুগ্গলো…পে… অঞ্ঞত্ৰ সঞ্ঞায পুগ্গলো…পে… পুগ্গলস্মিং সঞ্ঞা…পে….

সঙ্খাৰা পুগ্গলো…পে… সঙ্খাৰেসু পুগ্গলো…পে… অঞ্ঞত্ৰ সঙ্খাৰেহি পুগ্গলো…পে… পুগ্গলস্মিং সঙ্খাৰা…পে….

ৱিঞ্ঞাণং পুগ্গলো…পে… ৱিঞ্ঞাণস্মিং পুগ্গলো…পে… অঞ্ঞত্ৰ ৱিঞ্ঞাণা পুগ্গলো…পে… পুগ্গলস্মিং ৱিঞ্ঞাণন্তি? ন হেৱং ৱত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘পুগ্গলস্মিং ৱিঞ্ঞাণ’’ন্তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘পুগ্গলস্মিং ৱিঞ্ঞাণ’’’ন্তি মিচ্ছা.

নো চে পন ৱত্তব্বে – ‘‘পুগ্গলস্মিং ৱিঞ্ঞাণ’’ন্তি, নো চ ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘পুগ্গলস্মিং ৱিঞ্ঞাণ’’’ন্তি মিচ্ছা…পে….

৪৯. পুগ্গলো উপলব্ভতি সচ্চিকট্ঠপৰমত্থেনাতি? আমন্তা. চক্খাযতনং পুগ্গলো…পে… চক্খাযতনস্মিং পুগ্গলো…পে… অঞ্ঞত্ৰ চক্খাযতনা পুগ্গলো…পে… পুগ্গলস্মিং চক্খাযতনং…পে… ধম্মাযতনং পুগ্গলো…পে… ধম্মাযতনস্মিং পুগ্গলো…পে… অঞ্ঞত্ৰ ধম্মাযতনা পুগ্গলো…পে… পুগ্গলস্মিং ধম্মাযতনং…পে….

চক্খুধাতু পুগ্গলো…পে… চক্খুধাতুযা পুগ্গলো…পে… অঞ্ঞত্ৰ চক্খুধাতুযা পুগ্গলো…পে… পুগ্গলস্মিং চক্খুধাতু…পে… ধম্মধাতু পুগ্গলো…পে… ধম্মধাতুযা পুগ্গলো…পে… অঞ্ঞত্ৰ ধম্মধাতুযা পুগ্গলো…পে… পুগ্গলস্মিং ধম্মধাতু…পে….

চক্খুন্দ্ৰিযং পুগ্গলো…পে… চক্খুন্দ্ৰিযস্মিং পুগ্গলো…পে… অঞ্ঞত্ৰ চক্খুন্দ্ৰিযা পুগ্গলো …পে… পুগ্গলস্মিং চক্খুন্দ্ৰিযং…পে… অঞ্ঞাতাৱিন্দ্ৰিযং পুগ্গলো…পে… অঞ্ঞাতাৱিন্দ্ৰিযস্মিং পুগ্গলো…পে… অঞ্ঞত্ৰ অঞ্ঞাতাৱিন্দ্ৰিযা পুগ্গলো…পে… পুগ্গলস্মিং অঞ্ঞাতাৱিন্দ্ৰিযন্তি? ন হেৱং ৱত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপৰমত্থেন, তেন ৱত ৰে ৱত্তব্বে – ‘‘পুগ্গলস্মিং অঞ্ঞাতাৱিন্দ্ৰিয’’ন্তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘পুগ্গলস্মিং অঞ্ঞাতাৱিন্দ্ৰিয’’’ন্তি মিচ্ছা.

নো চে পন ৱত্তব্বে – ‘‘পুগ্গলস্মিং অঞ্ঞাতাৱিন্দ্ৰিয’’ন্তি, নো চ ৱত ৰে ৱত্তব্বে – ‘‘পুগ্গলো উপলব্ভতি সচ্চিকট্ঠপৰমত্থেনা’’তি. যং তত্থ ৱদেসি – ‘‘ৱত্তব্বে খো – ‘পুগ্গলো উপলব্ভতি সচ্চিকট্ঠপৰমত্থেন,’ নো চ ৱত্তব্বে – ‘পুগ্গলস্মিং অঞ্ঞাতাৱিন্দ্ৰিয’’’ন্তি মিচ্ছা…পে….

৫০. পুগ্গলো নুপলব্ভতি সচ্চিকট্ঠপৰমত্থেনাতি? আমন্তা. ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো’’তি? আমন্তা. ৰূপং পুগ্গলোতি? ন হেৱং ৱত্তব্বে.

আজানাহি পটিকম্মং. হঞ্চি ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো,’’ তেন ৱত ৰে ৱত্তব্বে – ‘‘ৰূপং পুগ্গলো’’তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো,’ নো চ ৱত্তব্বে – ‘ৰূপং পুগ্গলোতি’’’ মিচ্ছা.

নো চে পন ৱত্তব্বে – ‘‘ৰূপং পুগ্গলো’’তি, নো চ ৱত ৰে ৱত্তব্বে – ‘‘ৱুত্তং ভগৱতা – ‘অত্থি পুগ্গলো অত্তহিতায পটিপন্নো’’’তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো,’ নো চ ৱত্তব্বে – ‘ৰূপং পুগ্গলো’’’তি মিচ্ছা…পে….

৫১. পুগ্গলো নুপলব্ভতি সচ্চিকট্ঠপৰমত্থেনাতি? আমন্তা. ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো’’তি? আমন্তা. ৰূপস্মিং পুগ্গলো…পে… অঞ্ঞত্ৰ ৰূপা পুগ্গলো…পে… পুগ্গলস্মিং ৰূপং…পে….

ৱেদনা পুগ্গলো…পে… ৱেদনায পুগ্গলো…পে… অঞ্ঞত্ৰ ৱেদনায পুগ্গলো…পে… পুগ্গলস্মিং ৱেদনা…পে….

আজানাহি পটিকম্মং. হঞ্চি ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো,’’ তেন ৱত ৰে ৱত্তব্বে – ‘‘পুগ্গলস্মিং ৱিঞ্ঞাণ’’ন্তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো,’ নো চ ৱত্তব্বে – ‘পুগ্গলস্মিং ৱিঞ্ঞাণ’’’ন্তি মিচ্ছা.

নো চে পন ৱত্তব্বে – ‘‘পুগ্গলস্মিং ৱিঞ্ঞাণ’’ন্তি, নো চ ৱত ৰে ৱত্তব্বে – ‘‘ৱুত্তং ভগৱতা – ‘অত্থি পুগ্গলো অত্তহিতায পটিপন্নো’’’তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো,’ নো চ ৱত্তব্বে – ‘পুগ্গলস্মিং ৱিঞ্ঞাণ’’’ন্তি মিচ্ছা…পে….

৫২. পুগ্গলো নুপলব্ভতি সচ্চিকট্ঠপৰমত্থেনাতি? আমন্তা. ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো’’তি? আমন্তা. চক্খাযতনং পুগ্গলো…পে… চক্খাযতনস্মিং পুগ্গলো…পে… অঞ্ঞত্ৰ চক্খাযতনা পুগ্গলো…পে… পুগ্গলস্মিং চক্খাযতনং…পে… ধম্মাযতনং পুগ্গলো…পে… ধম্মাযতনস্মিং পুগ্গলো…পে… অঞ্ঞত্ৰ ধম্মাযতনা পুগ্গলো…পে… পুগ্গলস্মিং ধম্মাযতনং…পে….

চক্খুন্দ্ৰিযং পুগ্গলো…পে… চক্খুন্দ্ৰিযস্মিং পুগ্গলো…পে… অঞ্ঞত্ৰ চক্খুন্দ্ৰিযা পুগ্গলো…পে… পুগ্গলস্মিং চক্খুন্দ্ৰিযং…পে… অঞ্ঞাতাৱিন্দ্ৰিযং পুগ্গলো…পে… অঞ্ঞাতাৱিন্দ্ৰিযস্মিং পুগ্গলো…পে… অঞ্ঞত্ৰ অঞ্ঞাতাৱিন্দ্ৰিযা পুগ্গলো…পে… পুগ্গলস্মিং অঞ্ঞাতাৱিন্দ্ৰিযন্তি? ন হেৱং ৱত্তব্বে.

আজানাহি পটিকম্মং. হঞ্চি ৱুত্তং ভগৱতা – ‘‘অত্থি পুগ্গলো অত্তহিতায পটিপন্নো,’’ তেন ৱত ৰে ৱত্তব্বে – ‘‘পুগ্গলস্মিং অঞ্ঞাতাৱিন্দ্ৰিয’’ন্তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো,’ নো চ ৱত্তব্বে – ‘পুগ্গলস্মিং অঞ্ঞাতাৱিন্দ্ৰিয’’’ন্তি মিচ্ছা.

নো চে পন ৱত্তব্বে – ‘‘পুগ্গলস্মিং অঞ্ঞাতাৱিন্দ্ৰিয’’ন্তি, নো চ ৱত ৰে ৱত্তব্বে – ‘‘ৱুত্তং ভগৱতা – ‘অত্থি পুগ্গলো অত্তহিতায পটিপন্নো’’’তি. যং তত্থ ৱদেসি – ‘‘ৱত্তব্বে খো – ‘ৱুত্তং ভগৱতা – অত্থি পুগ্গলো অত্তহিতায পটিপন্নো,’ নো চ ৱত্তব্বে – ‘পুগ্গলস্মিং অঞ্ঞাতাৱিন্দ্ৰিয’’’ন্তি মিচ্ছা…পে….

চতুক্কনযসংসন্দনং.