৩. অসঙ্গহিতেনসঙ্গহিতপদনিদ্দেসো

১৭৯. ৱেদনাক্খন্ধেন যে ধম্মা… সঞ্ঞাক্খন্ধেন যে ধম্মা… সঙ্খাৰক্খন্ধেন যে ধম্মা… সমুদযসচ্চেন যে ধম্মা… মগ্গসচ্চেন যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সঙ্গহিতা? তে ধম্মা অসঙ্খতং খন্ধতো ঠপেত্ৱা তীহি খন্ধেহি একেনাযতনেন একায ধাতুযা সঙ্গহিতা.

১৮০. নিৰোধসচ্চেন যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা…পে… তে ধম্মা চতূহি খন্ধেহি একেনাযতনেন একায ধাতুযা সঙ্গহিতা.

১৮১. জীৱিতিন্দ্ৰিযেন যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা…পে… তে ধম্মা অসঙ্খতং খন্ধতো ঠপেত্ৱা দ্ৱীহি খন্ধেহি একেনাযতনেন একায ধাতুযা সঙ্গহিতা.

১৮২. ইত্থিন্দ্ৰিযেন যে ধম্মা… পুৰিসিন্দ্ৰিযেন যে ধম্মা… সুখিন্দ্ৰিযেন যে ধম্মা… দুক্খিন্দ্ৰিযেন যে ধম্মা… সোমনস্সিন্দ্ৰিযেন যে ধম্মা… দোমনস্সিন্দ্ৰিযেন যে ধম্মা… উপেক্খিন্দ্ৰিযেন যে ধম্মা… সদ্ধিন্দ্ৰিযেন যে ধম্মা… ৱীৰিযিন্দ্ৰিযেন যে ধম্মা… সতিন্দ্ৰিযেন যে ধম্মা… সমাধিন্দ্ৰিযেন যে ধম্মা… পঞ্ঞিন্দ্ৰিযেন যে ধম্মা… অনঞ্ঞাতঞ্ঞস্সামীতিন্দ্ৰিযেন যে ধম্মা… অঞ্ঞিন্দ্ৰিযেন যে ধম্মা… অঞ্ঞাতাৱিন্দ্ৰিযেন যে ধম্মা… অৱিজ্জায যে ধম্মা… অৱিজ্জাপচ্চযা সঙ্খাৰেন যে ধম্মা… সড়াযতনপচ্চযা ফস্সেন যে ধম্মা… ফস্সপচ্চযা ৱেদনায যে ধম্মা… ৱেদনাপচ্চযা তণ্হায যে ধম্মা… তণ্হাপচ্চযা উপাদানেন যে ধম্মা… কম্মভৱেন [উপাদানপচ্চযা কম্মভৱেন (স্যা.)] যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা…পে… তে ধম্মা অসঙ্খতং খন্ধতো ঠপেত্ৱা তীহি খন্ধেহি একেনাযতনেন একায ধাতুযা সঙ্গহিতা.

১৮৩. জাতিযা যে ধম্মা… জৰায যে ধম্মা… মৰণেন যে ধম্মা… ঝানেন যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা…পে… তে ধম্মা অসঙ্খতং খন্ধতো ঠপেত্ৱা দ্ৱীহি খন্ধেহি একেনাযতনেন একায ধাতুযা সঙ্গহিতা.

১৮৪. সোকেন যে ধম্মা… দুক্খেন যে ধম্মা… দোমনস্সেন যে ধম্মা… উপাযাসেন যে ধম্মা… সতিপট্ঠানেন যে ধম্মা… সম্মপ্পধানেন যে ধম্মা… অপ্পমঞ্ঞায যে ধম্মা… পঞ্চহি ইন্দ্ৰিযেহি যে ধম্মা… পঞ্চহি বলেহি যে ধম্মা… সত্তহি বোজ্ঝঙ্গেহি যে ধম্মা… অৰিযেন অট্ঠঙ্গিকেন মগ্গেন যে ধম্মা… ফস্সেন যে ধম্মা… ৱেদনায যে ধম্মা… সঞ্ঞায যে ধম্মা… চেতনায যে ধম্মা… অধিমোক্খেন যে ধম্মা… মনসিকাৰেন যে ধম্মা… হেতূহি ধম্মেহি যে ধম্মা… হেতূহি চেৱ সহেতুকেহি চ ধম্মেহি যে ধম্মা… হেতূহি চেৱ হেতুসম্পযুত্তেহি চ ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা…পে… তে ধম্মা অসঙ্খতং খন্ধতো ঠপেত্ৱা তীহি খন্ধেহি একেনাযতনেন একায ধাতুযা সঙ্গহিতা.

১৮৫. অপ্পচ্চযেহি ধম্মেহি যে ধম্মা… অসঙ্খতেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা…পে… তে ধম্মা চতূহি খন্ধেহি একেনাযতনেন একায ধাতুযা সঙ্গহিতা.

১৮৬. আসৱেহি ধম্মেহি যে ধম্মা… আসৱেহি চেৱ সাসৱেহি চ ধম্মেহি যে ধম্মা… আসৱেহি চেৱ আসৱসম্পযুত্তেহি চ ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা… তে ধম্মা অসঙ্খতং খন্ধতো ঠপেত্ৱা তীহি খন্ধেহি একেনাযতনেন একায ধাতুযা সঙ্গহিতা.

১৮৭. সংযোজনেহি … গন্থেহি… ওঘেহি… যোগেহি… নীৱৰণেহি… পৰামাসেহি ধম্মেহি যে ধম্মা… পৰামাসেহি চেৱ পৰামট্ঠেহি চ ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা… তে ধম্মা অসঙ্খতং খন্ধতো ঠপেত্ৱা তীহি খন্ধেহি একেনাযতনেন একায ধাতুযা সঙ্গহিতা.

১৮৮. চেতসিকেহি ধম্মেহি যে ধম্মা… চিত্তসম্পযুত্তেহি ধম্মেহি যে ধম্মা… চিত্তসংসট্ঠেহি ধম্মেহি যে ধম্মা… চিত্তসংসট্ঠসমুট্ঠানেহি ধম্মেহি যে ধম্মা… চিত্তসংসট্ঠসমুট্ঠানসহভূহি ধম্মেহি যে ধম্মা… চিত্তসংসট্ঠসমুট্ঠানানুপৰিৱত্তীহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা…পে… তে ধম্মা অসঙ্খতং খন্ধতো ঠপেত্ৱা একেন খন্ধেন একেনাযতনেন একায ধাতুযা সঙ্গহিতা.

১৮৯. চিত্তসহভূমি ধম্মেহি যে ধম্মা… চিত্তানুপৰিৱত্তীহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা…পে… তে ধম্মা ন কেহিচি খন্ধেহি একেনাযতনেন একায ধাতুযা সঙ্গহিতা.

১৯০. উপাদানেহি ধম্মেহি যে ধম্মা… কিলেসেহি ধম্মেহি যে ধম্মা… কিলেসেহি চেৱ সংকিলেসিকেহি চ ধম্মেহি যে ধম্মা… কিলেসেহি চেৱ সংকিলিট্ঠেহি চ ধম্মেহি যে ধম্মা… কিলেসেহি চেৱ কিলেসসম্পযুত্তেহি চ ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সঙ্গহিতা? তে ধম্মা অসঙ্খতং খন্ধতো ঠপেত্ৱা তীহি খন্ধেহি একেনাযতনেন একায ধাতুযা সঙ্গহিতা.

তযো খন্ধা তথা সচ্চা, ইন্দ্ৰিযানি চ সোড়স;

পদানি পচ্চযাকাৰে, চুদ্দসূপৰি চুদ্দস.

সমতিংস পদা হোন্তি, গোচ্ছকেসু দসস্ৱথ;

দুৱে চূড়ন্তৰদুকা [চুল্লন্তৰদুকা (সী.)], অট্ঠ হোন্তি মহন্তৰাতি.

অসঙ্গহিতেনসঙ্গহিতপদনিদ্দেসো ততিযো.