৪. চতুত্থনযো

৪. সঙ্গহিতেনসঙ্গহিতপদনিদ্দেসো

১৯১. সমুদযসচ্চেন যে ধম্মা… মগ্গসচ্চেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তেহি ধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সঙ্গহিতা? তে ধম্মা একেন খন্ধেন একেনাযতনেন একায ধাতুযা সঙ্গহিতা.

১৯২. ইত্থিন্দ্ৰিযেন যে ধম্মা… পুৰিসিন্দ্ৰিযেন যে ধম্মা… সুখিন্দ্ৰিযেন যে ধম্মা… দুক্খিন্দ্ৰিযেন যে ধম্মা… সোমনস্সিন্দ্ৰিযেন যে ধম্মা… দোমনস্সিন্দ্ৰিযেন যে ধম্মা… উপেক্খিন্দ্ৰিযেন যে ধম্মা… সদ্ধিন্দ্ৰিযেন যে ধম্মা… ৱীৰিযিন্দ্ৰিযেন যে ধম্মা… সতিন্দ্ৰিযেন যে ধম্মা… সমাধিন্দ্ৰিযেন যে ধম্মা… পঞ্ঞিন্দ্ৰিযেন যে ধম্মা… অনঞ্ঞাতঞ্ঞস্সামীতিন্দ্ৰিযেন যে ধম্মা… অঞ্ঞিন্দ্ৰিযেন যে ধম্মা… অঞ্ঞাতাৱিন্দ্ৰিযেন যে ধম্মা….

অৱিজ্জায যে ধম্মা… অৱিজ্জাপচ্চযা সঙ্খাৰেন যে ধম্মা… সড়াযতনপচ্চযা ফস্সেন যে ধম্মা… ৱেদনাপচ্চযা তণ্হায যে ধম্মা… তণ্হাপচ্চযা উপাদানেন যে ধম্মা… কম্মভৱেন যে ধম্মা… সোকেন যে ধম্মা… পৰিদেৱেন যে ধম্মা… দুক্খেন যে ধম্মা… দোমনস্সেন যে ধম্মা… উপাযাসেন যে ধম্মা….

সতিপট্ঠানেন যে ধম্মা… সম্মপ্পধানেন যে ধম্মা… অপ্পমঞ্ঞায যে ধম্মা… পঞ্চহি ইন্দ্ৰিযেহি যে ধম্মা… পঞ্চহি বলেহি যে ধম্মা… সত্তহি বোজ্ঝঙ্গেহি যে ধম্মা… অৰিযেন অট্ঠঙ্গিকেন মগ্গেন যে ধম্মা… ফস্সেন যে ধম্মা… চেতনায যে ধম্মা… অধিমোক্খেন যে ধম্মা… মনসিকাৰেন যে ধম্মা ….

হেতূহি ধম্মেহি যে ধম্মা… হেতূহি চেৱ সহেতুকেহি চ ধম্মেহি যে ধম্মা… হেতূহি চেৱ হেতুসম্পযুত্তেহি চ ধম্মেহি যে ধম্মা… আসৱেহি… সংযোজনেহি… গন্থেহি… ওঘেহি… যোগেহি… নীৱৰণেহি… পৰামাসেহি… উপাদানেহি… কিলেসেহি ধম্মেহি যে ধম্মা… কিলেসেহি চেৱ সংকিলেসিকেহি চ ধম্মেহি যে ধম্মা… কিলেসেহি চেৱ সংকিলিট্ঠেহি চ ধম্মেহি যে ধম্মা… কিলেসেহি চেৱ কিলেসসম্পযুত্তেহি চ ধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তেহি ধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সঙ্গহিতা? তে ধম্মা একেন খন্ধেন একেনাযতনেন একায ধাতুযা সঙ্গহিতা.

দ্ৱে সচ্চা পন্নৰসিন্দ্ৰিযা, একাদস পটিচ্চপদা;

উদ্ধং পুন একাদস, গোচ্ছকপদমেত্থ তিংসৱিধাতি [তিংসৱিধন্তি (পী.)].

সঙ্গহিতেনসঙ্গহিতপদনিদ্দেসো চতুত্থো.