১৩. তেৰসমনযো

১৩. অসঙ্গহিতেনসম্পযুত্তৱিপ্পযুত্তপদনিদ্দেসো

৪৪৮. ৰূপক্খন্ধেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তা? তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪৪৯. ধম্মাযতনেন যে ধম্মা… ধম্মধাতুযা যে ধম্মা… ইত্থিন্দ্ৰিযেন যে ধম্মা… পুৰিসিন্দ্ৰিযেন যে ধম্মা… জীৱিতিন্দ্ৰিযেন যে ধম্মা… ৱিঞ্ঞাণপচ্চযা নামৰূপেন যে ধম্মা… অসঞ্ঞাভৱেন যে ধম্মা… একৱোকাৰভৱেন যে ধম্মা… জাতিযা যে ধম্মা… জৰায যে ধম্মা… মৰণেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে… তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪৫০. অৰূপভৱেন যে ধম্মা… নেৱসঞ্ঞানাসঞ্ঞাভৱেন যে ধম্মা… চতুৱোকাৰভৱেন যে ধম্মা… ইদ্ধিপাদেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি? কতিহি ৱিপ্পযুত্তা? চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪৫১. কুসলেহি ধম্মেহি যে ধম্মা… অকুসলেহি ধম্মেহি যে ধম্মা… সুখায ৱেদনায সম্পযুত্তেহি ধম্মেহি যে ধম্মা… দুক্খায ৱেদনায সম্পযুত্তেহি ধম্মেহি যে ধম্মা… অদুক্খমসুখায ৱেদনায সম্পযুত্তেহি ধম্মেহি যে ধম্মা… ৱিপাকেহি ধম্মেহি যে ধম্মা… ৱিপাকধম্মধম্মেহি যে ধম্মা… অনুপাদিন্নঅনুপাদানিযেহি ধম্মেহি যে ধম্মা… সংকিলিট্ঠসংকিলেসিকেহি ধম্মেহি যে ধম্মা… অসংকিলিট্ঠঅসংকিলেসিকেহি ধম্মেহি যে ধম্মা… সৱিতক্কসৱিচাৰেহি ধম্মেহি যে ধম্মা… অৱিতক্কৱিচাৰমত্তেহি ধম্মেহি যে ধম্মা… পীতিসহগতেহি ধম্মেহি যে ধম্মা… সুখসহগতেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা… দস্সনেন পহাতব্বেহি ধম্মেহি যে ধম্মা… ভাৱনায পহাতব্বেহি ধম্মেহি যে ধম্মা… দস্সনেন পহাতব্বহেতুকেহি ধম্মেহি যে ধম্মা… ভাৱনায পহাতব্বহেতুকেহি ধম্মেহি যে ধম্মা… আচযগামীহি ধম্মেহি যে ধম্মা… অপচযগামীহি ধম্মেহি যে ধম্মা… সেক্খেহি ধম্মেহি যে ধম্মা… অসেক্খেহি ধম্মেহি যে ধম্মা… মহগ্গতেহি ধম্মেহি যে ধম্মা… অপ্পমাণেহি ধম্মেহি যে ধম্মা… পৰিত্তাৰম্মণেহি ধম্মেহি যে ধম্মা… মহগ্গতাৰম্মণেহি ধম্মেহি যে ধম্মা… অপ্পমাণাৰম্মণেহি ধম্মেহি যে ধম্মা… হীনেহি ধম্মেহি যে ধম্মা… পণীতেহি ধম্মেহি যে ধম্মা… মিচ্ছত্তনিযতেহি ধম্মেহি যে ধম্মা… সম্মত্তনিযতেহি ধম্মেহি যে ধম্মা… মগ্গাৰম্মণেহি ধম্মেহি যে ধম্মা… মগ্গহেতুকেহি ধম্মেহি যে ধম্মা… মগ্গাধিপতীহি ধম্মেহি যে ধম্মা… অতীতাৰম্মণেহি ধম্মেহি যে ধম্মা… অনাগতাৰম্মণেহি ধম্মেহি যে ধম্মা… পচ্চুপ্পন্নাৰম্মণেহি ধম্মেহি যে ধম্মা… অজ্ঝত্তাৰম্মণেহি ধম্মেহি যে ধম্মা… বহিদ্ধাৰম্মণেহি ধম্মেহি যে ধম্মা… অজ্ঝত্তবহিদ্ধাৰম্মণেহি ধম্মেহি যে ধম্মা… সহেতুকেহি ধম্মেহি যে ধম্মা… হেতুসম্পযুত্তেহি ধম্মেহি যে ধম্মা… সহেতুকেহি চেৱ ন চ হেতূহি ধম্মেহি যে ধম্মা… হেতুসম্পযুত্তেহি চেৱ ন চ হেতূহি ধম্মেহি যে ধম্মা… ন হেতুসহেতুকেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি. কতিহি ৱিপ্পযুত্তা? চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪৫২. ৰূপীহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা… তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪৫৩. অৰূপীহি ধম্মেহি যে ধম্মা… লোকুত্তৰেহি ধম্মেহি যে ধম্মা… অনাসৱেহি ধম্মেহি যে ধম্মা… আসৱসম্পযুত্তেহি ধম্মেহি যে ধম্মা… আসৱৱিপ্পযুত্তেহি চেৱ নো চ আসৱেহি ধম্মেহি যে ধম্মা… আসৱৱিপ্পযুত্তেহি অনাসৱেহি ধম্মেহি যে ধম্মা… অসংযোজনিযেহি ধম্মেহি যে ধম্মা… অগন্থনিযেহি ধম্মেহি যে ধম্মা… অনোঘনিযেহি ধম্মেহি যে ধম্মা… অযোগনিযেহি ধম্মেহি যে ধম্মা… অনীৱৰণিযেহি ধম্মেহি যে ধম্মা… অপৰামট্ঠেহি ধম্মেহি যে ধম্মা… পৰামাসসম্পযুত্তেহি ধম্মেহি যে ধম্মা… পৰামাসৱিপ্পযুত্তেহি অপৰামট্ঠেহি ধম্মেহি যে ধম্মা… সাৰম্মণেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি. কতিহি ৱিপ্পযুত্তা? চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪৫৪. অনাৰম্মণেহি ধম্মেহি যে ধম্মা… নো চিত্তেহি ধম্মেহি যে ধম্মা… চিত্তৱিপ্পযুত্তেহি ধম্মেহি যে ধম্মা … চিত্তৱিসংসট্ঠেহি ধম্মেহি যে ধম্মা… চিত্তসমুট্ঠানেহি ধম্মেহি যে ধম্মা… চিত্তসহভূহি ধম্মেহি যে ধম্মা… চিত্তানুপৰিৱত্তীহি ধম্মেহি যে ধম্মা… বাহিৰেহি ধম্মেহি যে ধম্মা… উপাদাধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তা? তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪৫৫. অনুপাদানিযেহি ধম্মেহি যে ধম্মা… উপাদানসম্পযুত্তেহি ধম্মেহি যে ধম্মা… উপাদানসম্পযুত্তেহি চেৱ নো চ উপাদানেহি ধম্মেহি যে ধম্মা… উপাদানৱিপ্পযুত্তেহি অনুপাদানিযেহি ধম্মেহি যে ধম্মা… অসংকিলেসিকেহি ধম্মেহি যে ধম্মা… অসংকিলিট্ঠেহি ধম্মেহি যে ধম্মা… কিলেসসম্পযুত্তেহি ধম্মেহি যে ধম্মা… সংকিলিট্ঠেহি চেৱ নো চ কিলেসেহি ধম্মেহি যে ধম্মা… কিলেসসম্পযুত্তেহি চেৱ নো চ কিলেসেহি ধম্মেহি যে ধম্মা… কিলেসৱিপ্পযুত্তেহি অসংকিলেসিকেহি ধম্মেহি যে ধম্মা… দস্সনেন পহাতব্বেহি ধম্মেহি যে ধম্মা… ভাৱনায পহাতব্বেহি ধম্মেহি যে ধম্মা… দস্সনেন পহাতব্বহেতুকেহি ধম্মেহি যে ধম্মা… ভাৱনায পহাতব্বহেতুকেহি ধম্মেহি যে ধম্মা… সৱিতক্কেহি ধম্মেহি যে ধম্মা… সৱিচাৰেহি ধম্মেহি যে ধম্মা… সপ্পীতিকেহি ধম্মেহি যে ধম্মা… পীতিসহগতেহি ধম্মেহি যে ধম্মা… সুখসহগতেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা… ন কামাৱচৰেহি ধম্মেহি যে ধম্মা… ৰূপাৱচৰেহি ধম্মেহি যে ধম্মা… অৰূপাৱচৰেহি ধম্মেহি যে ধম্মা… অপৰিযাপন্নেহি ধম্মেহি যে ধম্মা… নিয্যানিকেহি ধম্মেহি যে ধম্মা … নিযতেহি ধম্মেহি যে ধম্মা… অনুত্তৰেহি ধম্মেহি যে ধম্মা… সৰণেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি. কতিহি ৱিপ্পযুত্তা? চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

ৰূপঞ্চ ধম্মাযতনং ধম্মধাতু, ইত্থিপুমং জীৱিতং নামৰূপং;

দ্ৱে ভৱা জাতিজৰা মচ্চুৰূপং, অনাৰম্মণং নো চিত্তং চিত্তেন ৱিপ্পযুত্তং.

ৱিসংসট্ঠং সমুট্ঠানসহভু, অনুপৰিৱত্তি বাহিৰং উপাদা;

দ্ৱে ৱিসযো এসনযো সুবুদ্ধোতি.

অসঙ্গহিতেনসম্পযুত্তৱিপ্পযুত্তপদনিদ্দেসো তেৰসমো.