১২. দ্ৱাদসমনযো

১২. সম্পযুত্তেনসঙ্গহিতাসঙ্গহিতপদনিদ্দেসো

৪১৭. ৱেদনাক্খন্ধেন যে ধম্মা… সঞ্ঞাক্খন্ধেন যে ধম্মা… সঙ্খাৰক্খন্ধেন যে ধম্মা সম্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি সঙ্গহিতা? তে ধম্মা তীহি খন্ধেহি দ্ৱীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি দসহাযতনেহি দসহি ধাতূহি অসঙ্গহিতা.

৪১৮. ৱিঞ্ঞাণক্খন্ধেন যে ধম্মা… মনাযতনেন যে ধম্মা… চক্খুৱিঞ্ঞাণধাতুযা যে ধম্মা…পে… মনোধাতুযা যে ধম্মা… মনোৱিঞ্ঞাণধাতুযা যে ধম্মা সম্পযুত্তা…পে… তে ধম্মা তীহি খন্ধেহি একেনাযতনেন একায ধাতুযা সঙ্গহিতা. কতিহি অসঙ্গহিতা? দ্ৱীহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৪১৯. সমুদযসচ্চেন যে ধম্মা… মগ্গসচ্চেন যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৪২০. মনিন্দ্ৰিযেন যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সঙ্গহিতা. কতিহি অসঙ্গহিতা? দ্ৱীহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৪২১. সুখিন্দ্ৰিযেন যে ধম্মা… দুক্খিন্দ্ৰিযেন যে ধম্মা… সোমনস্সিন্দ্ৰিযেন যে ধম্মা… দোমনস্সিন্দ্ৰিযেন যে ধম্মা সম্পযুত্তা…, তে ধম্মা তীহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি দসহাযতনেহি সোড়সহি ধাতূহি অসঙ্গহিতা.

৪২২. উপেক্খিন্দ্ৰিযেন যে ধম্মা সম্পযুত্তা… তে ধম্মা তীহি খন্ধেহি দ্ৱীহাযতনেহি সত্তহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি দসহাযতনেহি একাদসহি ধাতূহি অসঙ্গহিতা.

৪২৩. সদ্ধিন্দ্ৰিযেন যে ধম্মা… ৱীৰিযিন্দ্ৰিযেন যে ধম্মা… সতিন্দ্ৰিযেন যে ধম্মা… সমাধিন্দ্ৰিযেন যে ধম্মা… পঞ্ঞিন্দ্ৰিযেন যে ধম্মা… অনঞ্ঞাতঞ্ঞস্সামীতিন্দ্ৰিযেন যে ধম্মা… অঞ্ঞিন্দ্ৰিযেন যে ধম্মা… অঞ্ঞাতাৱিন্দ্ৰিযেন যে ধম্মা… অৱিজ্জায যে ধম্মা… অৱিজ্জাপচ্চযা সঙ্খাৰেহি যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৪২৪. সঙ্খাৰপচ্চযা ৱিঞ্ঞাণেন যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সঙ্গহিতা. কতিহি অসঙ্গহিতা? দ্ৱীহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৪২৫. সড়াযতনপচ্চযা ফস্সেন যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৪২৬. ফস্সপচ্চযা ৱেদনায যে ধম্মা সম্পযুত্তা… তে ধম্মা তীহি খন্ধেহি দ্ৱীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি দসহাযতনেহি দসহি ধাতূহি অসঙ্গহিতা.

৪২৭. ৱেদনাপচ্চযা তণ্হায যে ধম্মা… তণ্হাপচ্চযা উপাদানেন যে ধম্মা… কম্মভৱেন যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৪২৮. সোকেন যে ধম্মা… দুক্খেন যে ধম্মা… দোমনস্সেন যে ধম্মা সম্পযুত্তা… তে ধম্মা তীহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি দসহাযতনেহি সোড়সহি ধাতূহি অসঙ্গহিতা.

৪২৯. উপাযাসেন যে ধম্মা… সতিপট্ঠানেন যে ধম্মা… সম্মপ্পধানেন যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৪৩০. ইদ্ধিপাদেন যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সঙ্গহিতা. কতিহি অসঙ্গহিতা? দ্ৱীহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৪৩১. ঝানেন যে ধম্মা সম্পযুত্তা… তে ধম্মা তীহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি দসহাযতনেহি সোড়সহি ধাতূহি অসঙ্গহিতা.

৪৩২. অপ্পমঞ্ঞায যে ধম্মা… পঞ্চহি ইন্দ্ৰিযেহি যে ধম্মা… পঞ্চহি বলেহি যে ধম্মা… সত্তহি বোজ্ঝঙ্গেহি যে ধম্মা… অৰিযেন অট্ঠঙ্গিকেন মগ্গেন যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৪৩৩. ফস্সেন যে ধম্মা… চেতনায যে ধম্মা… মনসিকাৰেন যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৪৩৪. ৱেদনায যে ধম্মা… সঞ্ঞায যে ধম্মা সম্পযুত্তা… তে ধম্মা তীহি খন্ধেহি দ্ৱীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি দসহাযতনেহি দসহি ধাতূহি অসঙ্গহিতা.

৪৩৫. চিত্তেন যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সঙ্গহিতা. কতিহি অসঙ্গহিতা? দ্ৱীহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৪৩৬. অধিমোক্খেন যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি তীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি পন্নৰসহি ধাতূহি অসঙ্গহিতা.

৪৩৭. সুখায ৱেদনায সম্পযুত্তেহি ধম্মেহি যে ধম্মা… দুক্খায ৱেদনায সম্পযুত্তেহি ধম্মেহি যে ধম্মা… অদুক্খমসুখায ৱেদনায সম্পযুত্তেহি ধম্মেহি যে ধম্মা… সৱিতক্কসৱিচাৰেহি ধম্মেহি যে ধম্মা… অৱিতক্কৱিচাৰমত্তেহি ধম্মেহি যে ধম্মা… পীতিসহগতেহি ধম্মেহি যে ধম্মা… সুখসহগতেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা সম্পযুত্তা… তে ধম্মা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৪৩৮. হেতূহি ধম্মেহি যে ধম্মা… হেতূহি চেৱ সহেতুকেহি চ ধম্মেহি যে ধম্মা… হেতূহি চেৱ হেতুসম্পযুত্তেহি চ ধম্মেহি যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৪৩৯. সহেতুকেহি চেৱ ন চ হেতূহি ধম্মেহি যে ধম্মা… হেতুসম্পযুত্তেহি চেৱ ন চ হেতূহি ধম্মেহি যে ধম্মা… ন হেতুসহেতুকেহি ধম্মেহি যে ধম্মা সম্পযুত্তা… তে ধম্মা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৪৪০. আসৱেহি ধম্মেহি যে ধম্মা… আসৱেহি চেৱ সাসৱেহি চ ধম্মেহি যে ধম্মা… আসৱেহি চেৱ আসৱসম্পযুত্তেহি চ ধম্মেহি যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৪৪১. আসৱসম্পযুত্তেহি চেৱ নো চ আসৱেহি ধম্মেহি যে ধম্মা সম্পযুত্তা… তে ধম্মা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৪৪২. সংযোজনেহি ধম্মেহি যে ধম্মা… গন্থেহি ধম্মেহি যে ধম্মা… ওঘেহি ধম্মেহি যে ধম্মা… যোগেহি ধম্মেহি যে ধম্মা… নীৱৰণেহি ধম্মেহি যে ধম্মা… পৰামাসেহি ধম্মেহি যে ধম্মা… পৰামাসেহি চেৱ পৰামট্ঠেহি চ ধম্মেহি যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৪৪৩. পৰামাসসম্পযুত্তেহি ধম্মেহি যে ধম্মা সম্পযুত্তা… তে ধম্মা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৪৪৪. চিত্তেহি ধম্মেহি যে ধম্মা সম্পযুত্তা… তে ধম্মা তীহি খন্ধেহি একেনাযতনেন একায ধাতুযা সঙ্গহিতা. কতিহি অসঙ্গহিতা? দ্ৱীহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৪৪৫. চেতসিকেহি ধম্মেহি যে ধম্মা… চিত্তসম্পযুত্তেহি ধম্মেহি যে ধম্মা… চিত্তসংসট্ঠেহি ধম্মেহি যে ধম্মা… চিত্তসংসট্ঠসমুট্ঠানেহি ধম্মেহি যে ধম্মা… চিত্তসংসট্ঠসমুট্ঠানসহভূহি ধম্মেহি যে ধম্মা… চিত্তসংসট্ঠসমুট্ঠানানুপৰিৱত্তীহি ধম্মেহি যে ধম্মা সম্পযুত্তা… তে ধম্মা একেন খন্ধেন একেনাযতনেন সত্তহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি একাদসহি ধাতূহি অসঙ্গহিতা.

৪৪৬. উপাদানেহি ধম্মেহি যে ধম্মা… কিলেসেহি ধম্মেহি যে ধম্মা… কিলেসেহি চেৱ সংকিলেসিকেহি চ ধম্মেহি যে ধম্মা… কিলেসেহি চেৱ সংকিলিট্ঠেহি চ ধম্মেহি যে ধম্মা… কিলেসেহি চেৱ কিলেসসম্পযুত্তেহি চ ধম্মেহি যে ধম্মা সম্পযুত্তা… তে ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৪৪৭. সংকিলিট্ঠেহি চেৱ নো চ কিলেসেহি ধম্মেহি যে ধম্মা… কিলেসসম্পযুত্তেহি চেৱ নো চ কিলেসেহি ধম্মেহি যে ধম্মা… সৱিতক্কেহি ধম্মেহি যে ধম্মা… সৱিচাৰেহি ধম্মেহি যে ধম্মা… সপ্পীতিকেহি ধম্মেহি যে ধম্মা… পীতিসহগতেহি ধম্মেহি যে ধম্মা… সুখসহগতেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা সম্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি সঙ্গহিতা? তে ধম্মা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

ৰূপক্খন্ধা চত্তাৰো, মনাযতনমেৱ চ;

ৱিঞ্ঞাণধাতুযো সত্ত, দ্ৱে সচ্চা চুদ্দসিন্দ্ৰিযা.

পচ্চযে দ্ৱাদস পদা, ততো উপৰি সোড়স;

তিকেসু অট্ঠ গোচ্ছকে, তেচত্তালীসমেৱ চ.

মহন্তৰদুকে সত্ত, পদা পিট্ঠিদুকেসু ছ;

নৱমস্স পদস্সেতে, নিদ্দেসে সঙ্গহং গতাতি.

সম্পযুত্তেনসঙ্গহিতাসঙ্গহিতপদনিদ্দেসো দ্ৱাদসমো.