১১. একাদসমনযো

১১. সঙ্গহিতেনসম্পযুত্তৱিপ্পযুত্তপদনিদ্দেসো

৪০৯. সমুদযসচ্চেন যে ধম্মা… মগ্গসচ্চেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তা? তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪১০. ইত্থিন্দ্ৰিযেন যে ধম্মা… পুৰিসিন্দ্ৰিযেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি. কতিহি ৱিপ্পযুত্তা? চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪১১. সুখিন্দ্ৰিযেন যে ধম্মা… দুক্খিন্দ্ৰিযেন যে ধম্মা… সোমনস্সিন্দ্ৰিযেন যে ধম্মা… দোমনস্সিন্দ্ৰিযেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা…পে… তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪১২. উপেক্খিন্দ্ৰিযেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা… তে ধম্মা তীহি খন্ধেহি একেনাযতনেন দ্ৱীহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি পন্নৰসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪১৩. সদ্ধিন্দ্ৰিযেন যে ধম্মা… ৱীৰিযিন্দ্ৰিযেন যে ধম্মা… সতিন্দ্ৰিযেন যে ধম্মা… সমাধিন্দ্ৰিযেন যে ধম্মা… পঞ্ঞিন্দ্ৰিযেন যে ধম্মা… অনঞ্ঞাতঞ্ঞস্সামীতিন্দ্ৰিযেন যে ধম্মা… অঞ্ঞিন্দ্ৰিযেন যে ধম্মা… অঞ্ঞাতাৱিন্দ্ৰিযেন যে ধম্মা… অৱিজ্জায যে ধম্মা… অৱিজ্জাপচ্চযা সঙ্খাৰেহি যে ধম্মা… সড়াযতনপচ্চযা ফস্সেন যে ধম্মা… ৱেদনাপচ্চযা তণ্হায যে ধম্মা… তণ্হাপচ্চযা উপাদানেন যে ধম্মা… কম্মভৱেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪১৪. পৰিদেৱেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি. কতিহি ৱিপ্পযুত্তা? চতূহি খন্ধেহি একেনাযতনেন সত্তহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪১৫. সোকেন যে ধম্মা… দুক্খেন যে ধম্মা… দোমনস্সেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা… তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

৪১৬. উপাযাসেন যে ধম্মা… সতিপট্ঠানেন যে ধম্মা… সম্মপ্পধানেন যে ধম্মা… অপ্পমঞ্ঞায যে ধম্মা… পঞ্চহি ইন্দ্ৰিযেহি যে ধম্মা… পঞ্চহি বলেহি যে ধম্মা… সত্তহি বোজ্ঝঙ্গেহি যে ধম্মা… অৰিযেন অট্ঠঙ্গিকেন মগ্গেন যে ধম্মা… ফস্সেন যে ধম্মা… চেতনায যে ধম্মা… অধিমোক্খেন যে ধম্মা… মনসিকাৰেন যে ধম্মা… হেতূহি ধম্মেহি যে ধম্মা… হেতূহি চেৱ সহেতুকেহি চ ধম্মেহি যে ধম্মা… হেতূহি চেৱ হেতুসম্পযুত্তেহি চ ধম্মেহি যে ধম্মা… আসৱেহি ধম্মেহি যে ধম্মা… আসৱেহি চেৱ সাসৱেহি চ ধম্মেহি যে ধম্মা… আসৱেহি চেৱ আসৱসম্পযুত্তেহি চ ধম্মেহি যে ধম্মা… সংযোজনেহি ধম্মেহি যে ধম্মা… গন্থেহি ধম্মেহি যে ধম্মা… ওঘেহি ধম্মেহি যে ধম্মা… যোগেহি ধম্মেহি যে ধম্মা… নীৱৰণেহি ধম্মেহি যে ধম্মা… পৰামাসেহি ধম্মেহি যে ধম্মা… উপাদানেহি ধম্মেহি যে ধম্মা… কিলেসেহি ধম্মেহি যে ধম্মা… কিলেসেহি চেৱ সংকিলেসিকেহি চ ধম্মেহি যে ধম্মা… কিলেসেহি চেৱ সংকিলিট্ঠেহি চ ধম্মেহি যে ধম্মা… কিলেসেহি চেৱ কিলেসসম্পযুত্তেহি চ ধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তা? তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৱিপ্পযুত্তা? একেন খন্ধেন দসহাযতনেহি দসহি ধাতূহি ৱিপ্পযুত্তা; একেনাযতনেন একায ধাতুযা কেহিচি ৱিপ্পযুত্তা.

দ্ৱে সচ্চা পন্নৰসিন্দ্ৰিযা, একাদস পটিচ্চপদা;

উদ্ধং পুন একাদস, গোচ্ছকপদমেত্থ তিংসৱিধাতি.

সঙ্গহিতেনসম্পযুত্তৱিপ্পযুত্তপদনিদ্দেসো একাদসমো.