৬. পটিচ্চসমুপ্পাদাদি

৬১. অৱিজ্জা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৬২. অৱিজ্জাপচ্চযা সঙ্খাৰা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

৬৩. সঙ্খাৰপচ্চযা ৱিঞ্ঞাণং একেন খন্ধেন একেনাযতনেন সত্তহি ধাতূহি সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি একাদসহি ধাতূহি অসঙ্গহিতং.

৬৪. ৱিঞ্ঞাণপচ্চযা নামৰূপং চতূহি খন্ধেহি একাদসহাযতনেহি একাদসহি ধাতূহি সঙ্গহিতং. কতিহি অসঙ্গহিতং? একেন খন্ধেন একেনাযতনেন সত্তহি ধাতূহি অসঙ্গহিতং.

৬৫. নামৰূপপচ্চযা সড়াযতনং দ্ৱীহি খন্ধেহি ছহাযতনেহি দ্ৱাদসহি ধাতূহি সঙ্গহিতং. কতিহি অসঙ্গহিতং? তীহি খন্ধেহি ছহাযতনেহি ছহি ধাতূহি অসঙ্গহিতং.

৬৬. সড়াযতনপচ্চযা ফস্সো… ফস্সপচ্চযা ৱেদনা… ৱেদনাপচ্চযা তণ্হা… তণ্হাপচ্চযা উপাদানং… কম্মভৱো [উপাদানপচ্চযা কম্মভৱো (সী. স্যা.)] একেন খন্ধেন একেনাযতনেন একায ধাতুযা সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতো.

৬৭. উপপত্তিভৱো … কামভৱো… সঞ্ঞাভৱো… পঞ্চৱোকাৰভৱো পঞ্চহি খন্ধেহি একাদসহাযতনেহি সত্তৰসহি ধাতূহি সঙ্গহিতো. কতিহি অসঙ্গহিতো? ন কেহিচি খন্ধেহি একেনাযতনেন একায ধাতুযা অসঙ্গহিতো.

৬৮. ৰূপভৱো পঞ্চহি খন্ধেহি পঞ্চহাযতনেহি অট্ঠহি ধাতূহি সঙ্গহিতো. কতিহি অসঙ্গহিতো? ন কেহিচি খন্ধেহি সত্তহাযতনেহি দসহি ধাতূহি অসঙ্গহিতো.

৬৯. অৰূপভৱো… নেৱসঞ্ঞানাসঞ্ঞাভৱো… চতুৱোকাৰভৱো চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতো. কতিহি অসঙ্গহিতো? একেন খন্ধেন দসহাযতনেহি সোড়সহি ধাতূহি অসঙ্গহিতো.

৭০. অসঞ্ঞাভৱো… একৱোকাৰভৱো একেন খন্ধেন দ্ৱীহাযতনেহি দ্ৱীহি ধাতূহি সঙ্গহিতো. কতিহি অসঙ্গহিতো? চতূহি খন্ধেহি দসহাযতনেহি সোড়সহি ধাতূহি অসঙ্গহিতো.

৭১. জাতি দ্ৱীহি খন্ধেহি… জৰা দ্ৱীহি খন্ধেহি… মৰণং দ্ৱীহি খন্ধেহি একেনাযতনেন একায ধাতুযা সঙ্গহিতং. কতিহি অসঙ্গহিতং? তীহি খন্ধেহি একাদসহাযতনেহি সত্তৰসহি ধাতূহি অসঙ্গহিতং.

৭২. সোকো… পৰিদেৱো… দুক্খং… দোমনস্সং… উপাযাসো… সতিপট্ঠানং… সম্মপ্পধানং একেন খন্ধেন একেনাযতনেন একায ধাতুযা সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতং.

৭৩. ইদ্ধিপাদো দ্ৱীহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতো. কতিহি অসঙ্গহিতো? তীহি খন্ধেহি দসহাযতনেহি সোড়সহি ধাতূহি অসঙ্গহিতো.

৭৪. ঝানং দ্ৱীহি খন্ধেহি একেনাযতনেন একায ধাতুযা সঙ্গহিতং. কতিহি অসঙ্গহিতং? তীহি খন্ধেহি একাদসহাযতনেহি সত্তৰসহি ধাতূহি অসঙ্গহিতং.

৭৫. অপ্পমঞ্ঞা … পঞ্চিন্দ্ৰিযানি… পঞ্চ বলানি… সত্ত বোজ্ঝঙ্গা… অৰিযো অট্ঠঙ্গিকো মগ্গো… ফস্সো… ৱেদনা… সঞ্ঞা… চেতনা… অধিমোক্খো… মনসিকাৰো একেন খন্ধেন একেনাযতনেন একায ধাতুযা সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতো.

৭৬. চিত্তং একেন খন্ধেন একেনাযতনেন সত্তহি ধাতূহি সঙ্গহিতং. কতিহি অসঙ্গহিতং? চতূহি খন্ধেহি একাদসহাযতনেহি একাদসহি ধাতূহি অসঙ্গহিতং.