৭. তিকং

৭৭. কুসলা ধম্মা… অকুসলা ধম্মা কতিহি খন্ধেহি কতিহাযতনেহি কতিহি ধাতূহি সঙ্গহিতা? কুসলা ধম্মা… অকুসলা ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৭৮. অব্যাকতা ধম্মা অসঙ্খতং খন্ধতো ঠপেত্ৱা পঞ্চহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৭৯. সুখায ৱেদনায সম্পযুত্তা ধম্মা… দুক্খায ৱেদনায সম্পযুত্তা ধম্মা তীহি খন্ধেহি দ্ৱীহাযতনেহি তীহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি দসহাযতনেহি পন্নৰসহি ধাতূহি অসঙ্গহিতা.

৮০. অদুক্খমসুখায ৱেদনায সম্পযুত্তা ধম্মা তীহি খন্ধেহি দ্ৱীহাযতনেহি সত্তহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি দসহাযতনেহি একাদসহি ধাতূহি অসঙ্গহিতা.

৮১. ৱিপাকা ধম্মা চতূহি খন্ধেহি দ্ৱীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৮২. ৱিপাকধম্মধম্মা… সংকিলিট্ঠসংকিলেসিকা ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৮৩. নেৱৱিপাকনৱিপাকধম্মধম্মা অসঙ্খতং খন্ধতো ঠপেত্ৱা পঞ্চহি খন্ধেহি দ্ৱাদসহাযতনেহি তেৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি পঞ্চহি ধাতূহি অসঙ্গহিতা.

৮৪. উপাদিন্নুপাদানিযা ধম্মা পঞ্চহি খন্ধেহি একাদসহাযতনেহি সত্তৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি একেনাযতনেন একায ধাতুযা অসঙ্গহিতা.

৮৫. অনুপাদিন্নুপাদানিযা ধম্মা পঞ্চহি খন্ধেহি সত্তহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি পঞ্চহাযতনেহি দসহি ধাতূহি অসঙ্গহিতা.

৮৬. অনুপাদিন্নঅনুপাদানিযা ধম্মা… অসংকিলিট্ঠঅসংকিলেসিকা ধম্মা অসঙ্খতং খন্ধতো ঠপেত্ৱা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৮৭. অসংকিলিট্ঠসংকিলেসিকা ধম্মা পঞ্চহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৮৮. সৱিতক্কসৱিচাৰা ধম্মা চতূহি খন্ধেহি দ্ৱীহাযতনেহি তীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি পন্নৰসহি ধাতূহি অসঙ্গহিতা.

৮৯. অৱিতক্কৱিচাৰমত্তা ধম্মা… পীতিসহগতা ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৯০. অৱিতক্কঅৱিচাৰা ধম্মা অসঙ্খতং খন্ধতো ঠপেত্ৱা পঞ্চহি খন্ধেহি দ্ৱাদসহাযতনেহি সত্তৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি একায ধাতুযা অসঙ্গহিতা.

৯১. সুখসহগতা ধম্মা তীহি খন্ধেহি দ্ৱীহাযতনেহি তীহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি দসহাযতনেহি পন্নৰসহি ধাতূহি অসঙ্গহিতা.

৯২. উপেক্খাসহগতা ধম্মা তীহি খন্ধেহি দ্ৱীহাযতনেহি সত্তহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি দসহাযতনেহি একাদসহি ধাতূহি অসঙ্গহিতা.

৯৩. দস্সনেন পহাতব্বা ধম্মা… ভাৱনায পহাতব্বা ধম্মা… দস্সনেন পহাতব্বহেতুকা ধম্মা… ভাৱনায পহাতব্বহেতুকা ধম্মা… আচযগামিনো ধম্মা… অপচযগামিনো ধম্মা… সেক্খা ধম্মা… অসেক্খা ধম্মা… মহগ্গতা ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৯৪. নেৱ দস্সনেন ন ভাৱনায পহাতব্বা ধম্মা… নেৱ দস্সনেন ন ভাৱনায পহাতব্বহেতুকা ধম্মা… নেৱাচযগামিনাপচযগামিনো ধম্মা… নেৱসেক্খনাসেক্খা ধম্মা অসঙ্খতং খন্ধতো ঠপেত্ৱা পঞ্চহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৯৫. পৰিত্তা ধম্মা পঞ্চহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৯৬. অপ্পমাণা ধম্মা… পণীতা ধম্মা অসঙ্খতং খন্ধতো ঠপেত্ৱা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৯৭. পৰিত্তাৰম্মণা [পৰিত্তাৰমণা (?)] ধম্মা চতূহি খন্ধেহি দ্ৱীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৯৮. মহগ্গতাৰম্মণা ধম্মা… অপ্পমাণাৰম্মণা ধম্মা… হীনা ধম্মা… মিচ্ছত্তনিযতা ধম্মা… সম্মত্তনিযতা ধম্মা… মগ্গাৰম্মণা ধম্মা… মগ্গহেতুকা ধম্মা… মগ্গাধিপতিনো ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

৯৯. মজ্ঝিমা ধম্মা পঞ্চহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১০০. অনিযতা ধম্মা অসঙ্খতং খন্ধতো ঠপেত্ৱা পঞ্চহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১০১. উপ্পন্না ধম্মা পঞ্চহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১০২. অনুপ্পন্না ধম্মা পঞ্চহি খন্ধেহি সত্তহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি পঞ্চহাযতনেহি দসহি ধাতূহি অসঙ্গহিতা.

১০৩. উপ্পাদিনো ধম্মা পঞ্চহি খন্ধেহি একাদসহাযতনেহি সত্তৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি একেনাযতনেন একায ধাতুযা অসঙ্গহিতা.

১০৪. অতীতা ধম্মা… অনাগতা ধম্মা… পচ্চুপ্পন্না ধম্মা… অজ্ঝত্তা ধম্মা… অজ্ঝত্তবহিদ্ধা ধম্মা পঞ্চহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১০৫. বহিদ্ধা ধম্মা অসঙ্খতং খন্ধতো ঠপেত্ৱা পঞ্চহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

১০৬. অতীতাৰম্মণা ধম্মা… অনাগতাৰম্মণা ধম্মা চতূহি খন্ধেহি দ্ৱীহাযতনেহি দ্ৱীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোড়সহি ধাতূহি অসঙ্গহিতা.

১০৭. পচ্চুপ্পন্নাৰম্মণা ধম্মা… অজ্ঝত্তাৰম্মণা ধম্মা… বহিদ্ধাৰম্মণা ধম্মা… অজ্ঝত্তবহিদ্ধাৰম্মণা ধম্মা চতূহি খন্ধেহি দ্ৱীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

১০৮. সনিদস্সনসপ্পটিঘা ধম্মা একেন খন্ধেন একেনাযতনেন একায ধাতুযা সঙ্গহিতা. কতিহি অসঙ্গহিতা? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতা.

১০৯. অনিদস্সনসপ্পটিঘা ধম্মা একেন খন্ধেন নৱহাযতনেহি নৱহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি তীহাযতনেহি নৱহি ধাতূহি অসঙ্গহিতা.

১১০. অনিদস্সনঅপ্পটিঘা ধম্মা অসঙ্খতং খন্ধতো ঠপেত্ৱা পঞ্চহি খন্ধেহি দ্ৱীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি, দসহাযতনেহি দসহি ধাতূহি অসঙ্গহিতা.