১. খন্ধো

৬. ৰূপক্খন্ধো কতিহি খন্ধেহি কতিহাযতনেহি কতিহি ধাতূহি সঙ্গহিতো? ৰূপক্খন্ধো একেন খন্ধেন একাদসহাযতনেহি একাদসহি ধাতূহি সঙ্গহিতো. কতিহি অসঙ্গহিতো? চতূহি খন্ধেহি একেনাযতনেন সত্তহি ধাতূহি অসঙ্গহিতো.

৭. ৱেদনাক্খন্ধো কতিহি খন্ধেহি কতিহাযতনেহি কতিহি ধাতূহি সঙ্গহিতো? ৱেদনাক্খন্ধো একেন খন্ধেন একেনাযতনেন একায ধাতুযা সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতো.

৮. সঞ্ঞাক্খন্ধো কতিহি খন্ধেহি কতিহাযতনেহি কতিহি ধাতূহি সঙ্গহিতো? সঞ্ঞাক্খন্ধো একেন খন্ধেন একেনাযতনেন একায ধাতুযা সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতো.

৯. সঙ্খাৰক্খন্ধো কতিহি খন্ধেহি কতিহাযতনেহি কতিহি ধাতূহি সঙ্গহিতো? সঙ্খাৰক্খন্ধো একেন খন্ধেন একেনাযতনেন একায ধাতুযা সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি সত্তৰসহি ধাতূহি অসঙ্গহিতো.

১০. ৱিঞ্ঞাণক্খন্ধো কতিহি খন্ধেহি কতিহাযতনেহি কতিহি ধাতূহি সঙ্গহিতো? ৱিঞ্ঞাণক্খন্ধো একেন খন্ধেন একেনাযতনেন সত্তহি ধাতূহি সঙ্গহিতো. কতিহি অসঙ্গহিতো? চতূহি খন্ধেহি একাদসহাযতনেহি একাদসহি ধাতূহি অসঙ্গহিতো.

(একমূলকং.)

১১. ৰূপক্খন্ধো চ ৱেদনাক্খন্ধো চ কতিহি খন্ধেহি কতিহাযতনেহি কতিহি ধাতূহি সঙ্গহিতা? ৰূপক্খন্ধো চ ৱেদনাক্খন্ধো চ দ্ৱীহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? তীহি খন্ধেহি একেনাযতনেন সত্তহি ধাতূহি অসঙ্গহিতা.

১২. ৰূপক্খন্ধো চ সঞ্ঞাক্খন্ধো চ…পে… দ্ৱীহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? তীহি খন্ধেহি একেনাযতনেন সত্তহি ধাতূহি অসঙ্গহিতা.

১৩. ৰূপক্খন্ধো চ সঙ্খাৰক্খন্ধো চ…পে… দ্ৱীহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? তীহি খন্ধেহি একেনাযতনেন সত্তহি ধাতূহি অসঙ্গহিতা.

১৪. ৰূপক্খন্ধো চ ৱিঞ্ঞাণক্খন্ধো চ…পে… দ্ৱীহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? তীহি খন্ধেহি, ন কেহিচি আযতনেহি ন কাহিচি ধাতূহি অসঙ্গহিতা.

(দুকমূলকং.)

১৫. ৰূপক্খন্ধো চ ৱেদনাক্খন্ধো চ সঞ্ঞাক্খন্ধো চ কতিহি খন্ধেহি কতিহাযতনেহি কতিহি ধাতূহি সঙ্গহিতা? ৰূপক্খন্ধো চ ৱেদনাক্খন্ধো চ সঞ্ঞাক্খন্ধো চ তীহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি একেনাযতনেন সত্তহি ধাতূহি অসঙ্গহিতা.

১৬. ৰূপক্খন্ধো চ ৱেদনাক্খন্ধো চ সঙ্খাৰক্খন্ধো চ…পে… তীহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি একেনাযতনেন সত্তহি ধাতূহি অসঙ্গহিতা.

১৭. ৰূপক্খন্ধো চ ৱেদনাক্খন্ধো চ ৱিঞ্ঞাণক্খন্ধো চ…পে… তীহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? দ্ৱীহি খন্ধেহি, ন কেহিচি আযতনেহি ন কাহিচি ধাতূহি অসঙ্গহিতা.

(তিকমূলকং.)

১৮. ৰূপক্খন্ধো চ ৱেদনাক্খন্ধো চ সঞ্ঞাক্খন্ধো চ সঙ্খাৰক্খন্ধো চ কতিহি খন্ধেহি কতিহাযতনেহি কতিহি ধাতূহি সঙ্গহিতা? ৰূপক্খন্ধো চ ৱেদনাক্খন্ধো চ সঞ্ঞাক্খন্ধো চ সঙ্খাৰক্খন্ধো চ চতূহি খন্ধেহি একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? একেন খন্ধেন একেনাযতনেন সত্তহি ধাতূহি অসঙ্গহিতা.

১৯. ৰূপক্খন্ধো চ ৱেদনাক্খন্ধো চ সঞ্ঞাক্খন্ধো চ ৱিঞ্ঞাণক্খন্ধো চ…পে… চতূহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? একেন খন্ধেন, ন কেহিচি আযতনেহি ন কাহিচি ধাতূহি অসঙ্গহিতা.

(চতুক্কমূলকং.)

২০. ৰূপক্খন্ধো চ ৱেদনাক্খন্ধো চ সঞ্ঞাক্খন্ধো চ সঙ্খাৰক্খন্ধো চ ৱিঞ্ঞাণক্খন্ধো চ কতিহি খন্ধেহি কতিহাযতনেহি কতিহি ধাতূহি সঙ্গহিতা? ৰূপক্খন্ধো চ ৱেদনাক্খন্ধো চ সঞ্ঞাক্খন্ধো চ সঙ্খাৰক্খন্ধো চ ৱিঞ্ঞাণক্খন্ধো চ পঞ্চহি খন্ধেহি দ্ৱাদসাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

২১. পঞ্চক্খন্ধা কতিহি খন্ধেহি কতিহাযতনেহি কতিহি ধাতূহি সঙ্গহিতা? পঞ্চক্খন্ধা পঞ্চহি খন্ধেহি দ্ৱাদসহাযতনেহি অট্ঠাৰসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

(পঞ্চকং.)