৪. অড্ঢসমৱুত্তিনিদ্দেস-চতুত্থপৰিচ্ছেদ

১০৭. ৱিসমে যদি সা স,ল,গা সমে,

ভ,ত্তযতো গৰুকা ৱু’পচিত্তং.

১০৮. ভ,ত্তযতো যদি গা দুতমজ্ঝা;

যদি পুনৰে’ৱ ভৱন্তি ন, জা জ্যা.

১০৯. যদি স,ত্তিতযং গৰুযুত্তং,

ৱেগৱতী যদি ভ,ত্তিতযা গা.

১১০. তো জো ৱিসমে ৰতো গৰূ চে;

স্মা জ্গা ভদ্দৱিৰাজ মেত্থ গো চে.

১১১. ৱিসমে স, জা স,গৰু,যুত্তা;

কেতুমতী সমে ভ,ৰ,ন,গা গো.

১১২. আখ্যানকী তা ৱিসমে জ, গা গো; (ইন্দৱজিৰ)

জ,তা জ,গা গো তু সমে’থ পাদে. (উপেন্দৱজিৰ)

১১৩. জ,তা জ,গা গো ৱিসমে সমে তু; (উপেন্দৱজিৰ)

তা জো গ,গা চে ৱিপৰীতপুব্বা. (ইন্দৱজিৰ)

১১৪. স,স,তো স,ল,গা ৱিসমে সমে;

ন,ভ,ভ,ৰা ভৱতে হৰিণপ্লুতা.

১১৫. যদি ন,ন,ৰ,ল,গা ন,জা জ,ৰা,

যদি চ তদা’পৰৱত্ত মিচ্ছতি.

১১৬. ৱিসম মুপগতা ন,না ৰ,যা চে;

ন,জ,জ,ৰ,গা সমকে চ পুপ্ফিতগ্গা.

দ্ৱযং মিদং ৱেতালীয’প্পভেদো.

১১৭. সা যৱাদিকা মতী ৰ,জা ৰ,জা ত্ৱ,

সমে সমে জ,ৰা জ,ৰা গৰূ ভৱেয্যুং.

ইতি ৱুত্তোদযে ছন্দসি অড্ঢসমৱুত্তিনিদ্দেসো নাম

চতুত্থো পৰিচ্ছেদো.