ভিক্খুনীৱিভঙ্গ

৫. পঞ্চম পাৰাজিক সিক্খাপুচ্ছা

পুচ্ছা – ভিক্খুনীনং আৱুসো পঞ্চম পাৰাজিকং কত্থ পঞ্ঞত্তং, কং আৰব্ভ কিস্মিং ৱত্থুস্মিং পঞ্ঞত্তং.

ৱিস্সজ্জনা – সাৱত্থিযং ভন্তে সুন্দৰীনন্দং ভিক্খুনিং আৰব্ভ পঞ্ঞত্তং, সুন্দৰীনন্দা ভন্তে ভিক্খুনী অৱস্সুতা অৱস্সুতস্স পুৰিসপুগ্গলস্স কাযসংসগ্গং সাদিযি, তস্মিং ভন্তে ৱত্থুস্মিং পঞ্ঞত্তং.

ভিক্খুনীৱিভঙ্গ, সঙ্ঘাদিসেস সিক্খাপুচ্ছা

পুচ্ছা – উস্সযৱাদিকায আৱুসো ভিক্খুনিযা অড্ডং কৰোন্তিযা সঙ্ঘাদিসেসো কত্থ পঞ্ঞত্তো, কং আৰব্ভ কিস্মিং ৱত্থুস্মিং পঞ্ঞত্তো.

ৱিস্সজ্জনা – সাৱত্থিযং ভন্তে তুল্লনন্দং ভিক্খুনিং আৰব্ভ পঞ্ঞত্তো, থুল্লনন্দা ভন্তে ভিক্খুনী উস্সযৱাদিকা ৱিহৰি, তস্মিং ভন্তে ৱত্থুস্মিং পঞ্ঞত্তো.

পুচ্ছা – চোৰিং আৱুসো ৱুট্ঠাপেন্তিযা সঙ্ঘাদিসেসো কত্থ পঞ্ঞত্তো, কং আৰব্ভ কিস্মিং ৱত্থুস্মিং পঞ্ঞত্তো.

ৱিস্সজ্জনা – সাৱত্থিযং ভন্তে থুল্লনন্দং ভিক্খুনিং আৰব্ভ পঞ্ঞত্তো, থুল্লনন্দা ভন্তে ভিক্খুনী চোৰিং ৱুট্ঠাপেসি, তস্মিং ভন্তে ৱত্থুস্মিং পঞ্ঞত্তো.

পুচ্ছা – একায আৱুসো গামন্তৰং গচ্ছন্তিযা সঙ্ঘাদিসেসো কত্থ পঞ্ঞত্তো, কং আৰব্ভ কিস্মিং ৱত্থুস্মিং পঞ্ঞত্তো.

ৱিস্সজ্জনা – সাৱত্থিযং ভন্তে অঞ্ঞতৰং ভিক্খুনিং আৰব্ভ পঞ্ঞত্তো, অঞ্ঞতৰা ভন্তে ভিক্খুনী একা গামন্তৰং গচ্ছি, তস্মিং ভন্তে ৱত্থুস্মিং পঞ্ঞত্তো.

পুচ্ছা – অৱস্সুতায আৱুসো ভিক্খুনিযা অৱস্সুতস্স পুৰিসপুগ্গলস্স হত্থতো খাদনীযংৱা ভোজনীযংৱা সহত্থা পটিগ্গহেত্ৱা ভুঞ্জন্তস্স সঙ্ঘাদিসেসো কত্থ পঞ্ঞত্তো, কং আৰব্ভ কিস্মিং ৱত্থুস্মিং পঞ্ঞত্তো.

ৱিস্সজ্জনা – সাৱত্থিযং ভন্তে সুন্দৰীনন্দং ভিক্খুনিং আৰব্ভ পঞ্ঞত্তো, সুন্দৰীনন্দা ভন্তে ভিক্খুনী অৱস্সুতা অৱস্সুতস্স পুৰিসপুগ্গলস্স হত্থতো আমিসং পটিগ্গহেসি তস্মিং ভন্তে ৱত্থুস্মিং পঞ্ঞত্তো.

পুচ্ছা – কুপিতায আৱুসো অনত্তমনায ভিক্খুনিযা যাৱততিযং সমনুভাসন্তিযা ন পটিনিসজ্জন্তিযা সঙ্ঘাদিসেসো কত্থ পঞ্ঞত্তো, কং আৰব্ভ কিস্মিং ৱত্থুস্মিং পঞ্ঞত্তো.

ৱিস্সজ্জনা – সাৱত্থিযং ভন্তে চণ্ডকাড়িং ভিক্খুনিং আৰব্ভ পঞ্ঞত্তো, চণ্ডকাড়ী ভন্তে ভিক্খুনী কুপিতা অনত্তমনা এৱং অভণি, বুদ্ধং পচ্চাচিক্খামি, ধম্মং পচ্চাচিক্খামি, সঙ্ঘং পচ্চাচিক্খামি, সিক্খং পচ্চাচিক্খামি, কিন্নুমাৱ সমণিযো যা সমণিযো সক্যধীতৰো, সন্তঞ্ঞাপি সমণিযো লজ্জিনিযো কুক্কুচ্চিকা সিক্খাকামা, তাসাহং সন্তিকে ব্ৰহ্মচৰিযং চৰিস্সামীতি, তস্মিং ভন্তে ৱত্থুস্মিং পঞ্ঞত্তো.

পুচ্ছা – কস্স আৱুসো ৱচনং.

ৱিস্সজ্জনা – ভগৱতো ভন্তে ৱচনং অৰহতো সম্মাসম্বুদ্ধস্স.

পুচ্ছা – কেনাৱুসো আভতং.

ৱিস্সজ্জনা – পৰম্পৰায ভন্তে আভতং.

পুচ্ছা – অত্থি নুখো আৱুসো এত্থ কোচিপি ৱিৰদ্ধদোসো.

ৱিস্সজ্জনা – নত্থি ভন্তে.