সব্বৱগ্গ

আদিত্তসুত্ত

পুচ্ছা – তত্থাৱুসো সব্বৱগ্গে ছট্ঠং আদিত্তসুত্তং ভগৱতা কত্থ কং আৰব্ভ কথঞ্চ ভাসিতং.

ৱিস্সজ্জনা – গযাযং ভন্তে গযাসীসে পুৰাণজটিলং ভিক্খুসহস্সং আৰব্ভ ‘‘সব্বং ভিক্খৱে আদিত্তং, কিঞ্চ ভিক্খৱে সব্বং আদিত্তং. চক্খু ভিক্খৱে আদিত্তং, ৰূপা আদিত্তা, চক্খুৱিঞ্ঞাণং আদিত্তং, চক্খুসম্ফস্সো আদিত্তো, যম্পিদং চক্খুসম্ফস্সপচ্চযা উপ্পজ্জতি, ৱেদযিতং সুখং ৱা দুক্খং ৱা অদুক্খমসুখংৱা, তম্পি আদিত্তং. কেন আদিত্তং. ৰাগগ্গিনা দোসগ্গিনা মোহগ্গিনা আদিত্তং, জাতিযা জৰায মৰণেন সোকেহি পৰিদেৱেহি দুক্খেহি দোমনস্সেহি উপাযাসেহি আদিত্তন্তি ৱদামী’’তি এৱমাদিনা ভগৱতা ভাসিতং.