১০. দসকনিদ্দেসৱণ্ণনা

একিস্সা লোকধাতুযা

অট্ঠানমেতং অনৱকাসো যং একিস্সা লোকধাতুযা দ্ৱে অৰহন্তো সম্মাসম্বুদ্ধা অপুব্বং অচৰিমং উপ্পজ্জেয্যুং, নেতং ঠানং ৱিজ্জতীতি পজানাতি.

অজ্জ সত্থা পৰিনিব্বাযতি, অজ্জ সাসনং ওসক্কতি, পচ্ছিমদস্সনং দানি ইদং অম্হাকন্তি দসবলস্স পৰিনিব্বুতদিৱসতো মহন্ততৰং কাৰুঞ্ঞং কৰিস্সন্তি.

একপুগ্গলো ভিক্খৱে লোকে উপ্পজ্জমানো উপ্পজ্জতি অচ্ছৰিযমনুস্সো, কতমো একপুগ্গলো তথাগতো ভিক্খৱে অৰহং সম্মাসম্বুদ্ধোতি.

ঝানৱিভঙ্গ

সুত্তন্তভাজনীয

অভিক্কন্তে পটিক্কন্তে সম্পজানকাৰী হোতি.

সতো সম্পজানো অভিক্কমতি,

সতো সম্পজানো পটিক্কমতীতি ৱুত্তং.

কিন্নূ মে এত্থ গতেন অত্থো অত্থি নত্থীতি অত্থানত্থং পৰিগ্গহেত্ৱা অত্থপৰিগ্গণ্হনং সাত্থকসম্পজঞ্ঞং.

আমিসতোপি ৱড্ঢি অত্থোযেৱ, তং নিস্সায ব্ৰহ্মচৰিযা নুগ্গহায পটিপন্নত্তাতি ৱদন্তি.

মযা পব্বজিতদিৱসতো পট্ঠায ভিক্খুনা সদ্ধিং দ্ৱেকথা নাম নকথিতপুব্বা, অঞ্ঞস্মিং দিৱসে উপৰিৱিসেসং নিব্বত্তেস্সামীতি চিন্তেত্ৱা ‘‘কিং ভন্তে’’তি পটিৱচনং অদাসি.

ভন্তে এতে মনুস্সা তুম্হাকং কিংহোন্তি, মাতিপক্খতো সম্বন্ধা পিতিপক্খতোতি.

আৱুসোযং মাতাপিতূহিপি দুক্কৰং, তং এতে মনুস্সা অম্হাকং কৰোন্তি, পত্তচীৱৰম্পি নো এতেসং সন্তকমেৱ, এতেসং আনুভাৱেন নেৱ ভযে ভযং ন ছাতকে ছাতকং জানাম, এদিসানাম অম্হাকং উপকাৰিনো নত্থীতি তেসং গুণে কথেন্তো গচ্ছতি.

কম্মট্ঠানং নাম অত্থীতিপি সঞ্ঞং অকত্ৱা গামং পিণ্ডায পৱিসিত্ৱা অননুলোমিকেন গিহিসংসগ্গেন সংসট্ঠো চৰিত্ৱা চ ভুঞ্জিত্ৱা চ তুচ্ছো নিক্খমতি.

আৱুসো তুম্হে ন ইণট্টা ন ভযট্টা ন আজীৱিকা পকতা পব্বজিতা, দুক্খা মুচ্চিতুকামা পনেত্থ পব্বজিতা. তস্মা গমনে উপ্পন্নকিলেসং গমনেযেৱ নিগণ্হথ. ঠানে, নিসজ্জায, সযনে উপ্পন্নকিলেসং সযনেযেৱ নিগ্গণ্হথাতি.

অযং ভিক্খু তুয্হং উপ্পন্নং ৱিতক্কং জানাতি, অননুচ্ছৱিকং তে এতন্তি অত্তানং পটিচোদেত্ৱা ৱিপস্সনং ৱড্ঢেত্ৱা অৰিযভূমিং ওক্কমতি.

অযং থেৰো পুনপ্পুনং নিৱত্তিত্ৱা গচ্ছতি, কিং নুখো মগ্গমূড়্হো উদাহু কিঞ্চি পমুট্ঠোতি সমুল্লপন্তি.

কিন্নূ খো এতে অম্হেহেৱ সদ্ধিং ন সল্লপন্তি উদাহু অঞ্ঞ মঞ্ঞম্পি, যদি অঞ্ঞমঞ্ঞম্পি ন সল্লপন্তি, অদ্ধা ৱিৱাদজাতা ভৱিস্সন্তি.

অঞ্ঞং উপ্পজ্জতে চিত্তং, অঞ্ঞং চিত্তং নিৰুজ্ঝতি;

অৱীচি মনুসম্বন্ধো, নদী সোতোৱ ৱত্ততি.

আলোকিতে ৱিলোকিতে সম্পজানকাৰী হোতি.

সচে ভিক্খৱে নন্দস্স পুৰত্থিমা দিসা আলোকেতব্বা হোতি, সব্বং চেতসা সমন্নাহৰিত্ৱা নন্দো পুৰত্থিমং দিসং আলোকেতি ‘এৱং মে পুৰত্থিমং দিসং আলোকযতো নাভিজ্ঝা দোমনস্সা পাপকা অকুসলা ধম্মা অন্ৱাস্সৱিস্সন্তী’তি. ইতিহ সাত্থক সম্পজানো হোতি. সচে ভিক্খৱে নন্দস্স পচ্ছিমা দিসা, উত্তৰা দিসা, দক্খিণা দিসা, উদ্ধং, অধো, অনুদিসা অনুৱিলোকেতব্বা হোতি, সব্বং চেতসা সমন্নাহৰিত্ৱা নন্দো অনুদিসং অনুৱিলোকেতি ‘এৱং মে অনুদিসং অনুৱিলোকযতো…পে… সম্পজানো হোতীতি….

ভৱঙ্গা ৱজ্জনঞ্চেৱ, দস্সনং সম্পটিচ্ছনং;

সন্তীৰণং ৱোট্ঠব্বনং, জৱনং ভৱতি সত্তমং.

সমিঞ্জিতে পসাৰিতে সম্পজানকাৰী হোতি.

সমিঞ্জিতে পহাৰিতেতি পব্বানং সমিঞ্জন পসাৰণে.

কস্মা ভন্তে সহসা হত্থং সমিঞ্জিত্ৱা পুন যথাঠানে ঠপেত্ৱা সণিকং সমিঞ্জিত্থাতি.

যতো পট্ঠায মযা আৱুসো কম্মট্ঠানং মনসিকাতুং আৰদ্ধো, ন মে কম্মট্ঠানং মুঞ্জিত্ৱা হত্থো সমিঞ্জিতপুব্বো, ইদানি পন মে তুম্হেহি সদ্ধিং কথযমানেন কম্মট্ঠানং মুঞ্চিত্ৱা সমিঞ্জিতো, তস্মা পুন যথা ঠানে ঠপেত্ৱা সমিঞ্জেসিন্তি.

সাধু ভন্তে ভিক্খুনা নাম এৱৰূপেন ভৱিতব্বন্তি.

সঙ্ঘাটিপত্তচীৱৰধাৰণে সম্পজানকাৰী হোতি.

পুগ্গলপঞ্ঞত্তিঅট্ঠকথা

এককনিদ্দেস

কতমো চ পুগ্গলো সমযৱিমুত্তো, ইধেকচ্চো পুগ্গলো কালেন কালং সমযেন সমযং অট্ঠ ৱিমোক্খে কাযেন ফুসিত্ৱা ৱিহৰতি, পঞ্ঞায চস্স দিস্ৱা একচ্চে আসৱা পৰিক্খীণা হোন্তি. অযং ৱুচ্চতি পুগ্গলো সমযৱিমুত্তো.

অসমযৱিমুত্ত

কতমো চ পুগ্গলো অসমযৱিমুত্তো, ইধেকচ্চো পুগ্গলো নহেৱ খো কালেন কালং সমযেন সমযং অট্ঠৱিমোক্খে কাযেন ফুসিত্ৱা ৱিহৰতি, পঞ্ঞায চস্স দিস্ৱা আসৱা পৰিক্খীণা হোন্তি. অযং ৱুচ্চতি পুগ্গলো অসমযৱিমুত্তো. সব্বেপি অৰিয পুগ্গলা অৰিযে ৱিমোক্খে অসমযৱিমুত্তা.

কুপ্পাকুপ্পনিদ্দেস

কতমো চ পুগ্গলো কুপ্পধম্মো, ইধেকচ্চো পুগ্গলো লাভী হোতি ৰূপসহগতানং ৱা অৰূপসহগতানং ৱা সমাপত্তীনং, সো চ খো ন নিকামলাভী হোতি ন অকিচ্ছলাভী ন অকসিৰ লাভী, ন যত্থিচ্ছকং যদিচ্ছকং যাৱতিচ্ছকং সমাপজ্জতিপি ৱুট্ঠাতিপি, ঠানং খো পনেতং ৱিজ্ঝতি, যং তস্স পুগ্গলস্স পমাদমাগম্ম তা সমাপত্তিযো কুপ্পেয্যুং. অযং ৱুচ্চতি পুগ্গলো কুপ্পধম্মো.

সত্তক্খত্তুপৰম সোতাপন্ন

কতমো চ পুগ্গলো সত্তক্খত্তুপৰমো, ইধেকচ্চো পুগ্গলো তিণ্ণং সংযোজনানং পৰিক্খযা সোতাপন্নো হোতি অৱিনিপাত ধম্মো নিযতো সম্বোধিপৰাযণো, সো সত্তক্খত্তুং দেৱে চ মানুসে চ সন্ধাৱিত্ৱা সংসৰিত্ৱা দুক্খস্সন্তং কৰোতি, অযং ৱুচ্চতি পুগ্গলো সত্তক্খত্তুপৰমো.

সোতাপন্ন অধিপ্পায্য

সোতো সোতোতি হিদং সাৰিপুত্ত ৱুচ্চতি, কতমো নুখো সাৰিপুত্ত সোতোতি. অযমেৱ হি ভন্তে অৰিযো অট্ঠঙ্গিকো মগ্গো সোতো. সেয্যথিদং, সম্মাদিট্ঠি…পে… সম্মাসমাধীতি. সোতাপন্নো সোতাপন্নোতি হিদং সাৰিপুত্ত ৱুচ্চতি, কতমো নুখো সাৰিপুত্ত সোতাপন্নোতি. যো হি ভন্তে ইমিনা অৰিযেন অট্ঠঙ্গিকেন মগ্গেন সমন্নাগতো, অযং ৱুচ্চতি সোতাপন্নো, স্ৱাযং আযস্মা এৱংনামো এৱংগোত্তো ইতি ৱাতি, ইতিৱা….

কোলং কোল সোতাপন্ন

কতমো চ পুগ্গলো কোলং কোলো. ইধেকচ্চো পুগ্গলো তিণ্ণং সংযোজনানং পৰিক্খযা সোতাপন্নো হোতি অৱিনিপাতধম্মো নিযতো সম্বোধিপৰাযণো, সো দ্ৱে ৱা তীণি ৱা কুলানি সন্ধাৱিত্ৱা সংসৰিত্ৱা দুক্খস্সন্তং কৰোতি, অযং ৱুচ্চতি কোলং কোলো.

একবীজী সোতাপন্ন

কতমো চ পুগ্গলো একবীজী, ইধেকচ্চো পুগ্গলো তিণ্ণং সংযোজনানং পৰিক্খযা সোতাপন্নো হোতি অৱিনিপাতধম্মো নিযতো সম্বোধিপৰাযণো, সো একংযেৱ মানুসকং ভৱং নিব্বত্তেত্ৱা দুক্খস্সন্তং কৰোতি, অযং ৱুচ্চতি পুগ্গলো একবীজী.

সকদাগামিনিদ্দেস

কতমো চ পুগ্গলো সকদাগামী, ইধে কচ্চো পুগ্গলো তিণ্ণং সংযোজনানং পৰিক্খযা ৰাগদোসমোহানং তনুত্তা সকদাগামী হোতি সকিদেৱ ইমং লোকং আগন্ত্ৱা দুক্খস্সন্তং কৰোতি. অযং ৱুচ্চতি পুগ্গলো সকদাগামী.