২. নীৱৰণপ্পহানৱগ্গ

পুচ্ছা – দুতিযো পন আৱুসো নীৱৰণপ্পহানৱগ্গো ভগৱতা কত্থ কথঞ্চ ভাসিতো.

ৱিস্সজ্জনা – সাৱত্থিযং ভন্তে ‘‘নাহং ভিক্খৱে অঞ্ঞং একধম্মম্পি সমনুপস্সামি, যেন অনুপ্পন্নো ৱা কামচ্ছন্দো উপ্পজ্জতি, উপ্পন্নো ৱা কামচ্ছন্দো ভিয্যোভাৱায ৱেপুল্লায সংৱত্ততি, যথযিদং ভিক্খৱে সুভনিমিত্তং, সুভনিমিত্তং ভিক্খৱে অযোনিসো মনসিকৰোতো অনুপ্পন্নোচেৱ কামচ্ছন্দো উপ্পজ্জতি, উপ্পন্নো চ কামচ্ছন্দো ভিয্যোভাৱায ৱেপুল্লায সংৱত্ততী’’তি এৱমাদিনা ভগৱতা ভাসিতো.

পুচ্ছা – ইমস্মিং পন আৱুসো দুতিযে নীৱৰণপ্পহানৱগ্গে ভগৱতা কিং কথিতং.

ৱিস্সজ্জনা – ইমস্মিং পন ভন্তে দুতিযে নীৱৰণপ্পহানৱগ্গে ভগৱতা ৱট্টম্পি ৱিৱট্টম্পি কথিতং.