মোগ্গল্লান |ও০.০০০১| ৱুত্তিৱিৱৰণপঞ্চিকা.

ৱুত্তিসমেতা.

নমো তস্স ভগৱতো অৰহতো সম্মাসম্বুদ্ধস্স

সদ্ধমিদ্ধগুণং সাধু নমস্সিত্ৱা তথাগতং,

সধম্মসঙ্ঘং ভাসিস্সং মাগধং সদ্দলক্খণং.

অকাৰাদযো |ও০.০০০৫| নিগ্গহীতন্তা তেচত্তালীসক্খৰা ৱণ্ণা নাম হোন্তি, অ আ ই ঈ উ ঊ এ ऐ ও औ ক খ গ ঘ ঙ চ ছ জ ঝ ঞ ট ঠ ড ঢ ণ ত থ দ ধ ন প ফ ব ভ ম য ৰ ল ৱ স হ ড় অং; তেন ক্ৱত্থো ‘‘ঞোনম ৱণ্ণে‘‘. তিতালীসাতি ৱচনং কত্থৱি ৱণ্ণলোপং ঞাপেতি; তেন-পটিসঙ্খাযোনি সোতি-আদি সিদ্ধং.

দসাদো |ও০.০০০৭| সৰা-.

তত্থাদিম্হি দস ৱণ্ণা সৰা নাম হোন্তি; তেন ক্ৱত্থো ‘‘সৰো লোপো সৰে‘‘. চ্চাদি.

দ্ৱেদ্ৱে সৱণ্ণা-.

তেসু দ্ৱেদ্ৱে সৰা সৱণ্ণা নাম হোন্তি; তেন ক্ৱত্থো ‘‘ৱণ্ণপৰেণ সৱণ্ণোপি‘‘

১. ২.

পুব্বো |ও০.০০০৮| ৰস্সো-.

তেসু দ্ৱীসু যো যো পুব্বো সো সো ৰস্সসঞ্ঞো হোতি; তেসু এ ও সংযোগতো পুব্বাৱ দিস্সন্তি; তেন ক্ৱত্থো ‘‘ৰস্সো ৱে‘‘.চ্চাদি.

পৰো দীঘো-.

তেস্ৱেৱ দ্ৱীসু যো যো পৰো সো সো দীঘসঞ্ঞো হোতি; তেন ক্ৱত্থো’যোলোপনিসু দীঘো‘‘.চ্চাদি.

কাদযো |ও০.০০০৯| ব্যজনা-.

ককাৰাদযো ৱণ্ণা নিগ্গহীতপৰিযন্তা ব্যজনসঞ্ঞা হোন্তি; তেন ক্ৱত্থো ‘‘ব্যজনে দীঘৰস্সা‘‘.চ্চাদি.

পঞ্চ পঞ্চকা ৱগ্গা-.

কাদযো পঞ্চকা পঞ্চ ৱগ্গা নাম হোন্তী; তেন ক্ৱত্থো ‘‘ৱগ্গে ৱগ্গন্তো‘‘. চ্চাদি.

বিন্দু নিগ্গহীতং-.

য্ৱাযং ৱণ্ণে বিন্দুমত্তো সো নিগ্গহীতসঞ্ঞো হোতি; তেন ক্ৱত্থো ‘‘নিগ্গহীতমি‘‘. চ্চাদি; গৰুসঞ্ঞা কৰণং অন্ৱত্থসঞ্ঞত্থং.

ইযুৱণ্ণা জ্ঝলা নামস্সন্তে-.

নামং পাটিপদিকং তস্স অন্তে ৱত্তমানা ইৱণ্ণুৱণ্ণা ঝলসঞ্ঞা হোন্তি যথাক্কমং; তেন ক্ৱত্থো‘‘ঝলা ৱে‘‘. চ্চাদি.

পিত্থিযং-. |ও০.০০১০|

ইত্থিযং ৱত্তমানস্স নামস্সন্তে ৱত্তমানা ইৱণ্ণু ৱণ্ণা পসঞ্ঞা হোন্তি; তেন ক্ৱত্থা ‘‘যে পস্সিৱণ্ণস্স‘‘. ইচ্চাদি.

ঘা-. |ও০.০০১১|

ইত্থিযং ৱত্তমানস্স নামস্সন্তে ৱত্তমানো আকাৰো ঘসঞেঞ্ঞা হোতি; তেন ক্ৱত্থো ‘‘ঘব্ৰহ্মাদিতে‘‘.চ্চাদি.

গোস্যালপনে-.

আলপনে সি গসঞ্ঞো হোতি; তেন ক্ৱত্থো ‘‘গে ৱে‘‘.চ্চাদি.

সঞ্ঞাধিকাৰো.

ৱিধিব্বিসেসনন্তস্স-.

যং ৱিসেসনং তদন্তস্স ৱিধি ঞাতব্বো; ‘‘অতো যোনং টাটে‘‘. নৰা নৰে.

সত্তমিযং |ও০.০০১২| পুব্বস্স-.

সত্তমীনিদ্দেসে পুব্বস্সেৱ কাৰিযং ঞতব্বং; ‘‘সৰো লোপো সৰে‘‘. ৱেড়গ্গং; তমহন্তীধ কস্মা ন হোতি; সৰেতোপসিলেসিকাধাৰো তত্থেতাৱ ৱুচ্চতে পুব্বস্সেৱ হোতি ন পৰস্সাতি.

পঞ্চমিযং |ও০.০০১৩| পৰস্স-.

পঞ্চমীনিদ্দেসে পৰস্স কাৰিযং ঞতব্বং; ‘‘অতো যোনং টাটে‘‘. নৰা নৰে; ইধ ন হোতি জন্তুযো অনন্তা; ইধ কস্মা ন হোতি; ওসধ্যো অনন্তৰে কতত্থতায ন ৱ্যৱ হিতস্স কাৰিযং.

আদিস্স-. |ও০.০০১৪|

পৰস্স সিস্সমানং কাৰিযমাদিৱণ্ণস্স ঞাতব্বং; ‘‘ৰ সঙ্খ্যাতো ৱা‘‘. ৰাজিনা.

ছট্ঠিযন্তস্স-.

ছট্ঠিনিদ্দিট্ঠস্স যং কাৰিযং তদন্তস্স ৱণ্ণস্স ৱিঞ্ঞেয্যং ‘‘ৰাজস্সি নাম্হি‘‘. ৰাজিনা.

ঙনুবন্ধো-.

ঙকাৰো’নুবন্ধো যস্স সো’ন্তস্স হোতি; ‘‘গোস্সাৱঙি‘‘. গৱাস্সং.

টনুবন্ধানেকৱণ্ণা সব্বস্স-.

টকাৰো’নুবন্ধো যস্স সো’নেকক্খৰো চাদেসো সব্বস্স হোতি; ‘‘ইমস্সানিত্থিযং টে‘‘. এসু ‘‘নাম্হনিমি‘‘. অনেন.

ঞকানুবন্ধাদ্যন্তা-. |ও০.০০১৫|

ছট্ঠিনিদ্দিট্ঠস্স ঞানুবন্ধকানুবন্ধা আদ্যন্তা হোন্তি; ‘‘ব্ৰুতো তিস্সীঞ‘‘. ব্ৰৱীতি, ‘‘ভুস্স ৱুক‘‘. বভুৱ.

মনুবন্ধো সৰানমন্তা পৰো-.

মকাৰো’নুবন্ধো যস্স সো সৰানমন্তা সৰা পৰো হোতী; ‘‘মঞ্চ ৰুধাদীনং‘‘. ৰুন্ধতি.

ৱিপ্পটিসেধে-. |ও০.০০১৬|

দ্ৱিন্নং তিণ্ণং ৱা পুৰিসানং সহপ্পত্তিযং পৰো; সো চ গচ্ছতি ত্ৱঞ্চ গচ্ছসি, তুম্হে গচ্ছথ; সো চ গচ্ছতি ত্ৱঞ্চ গচ্ছসি অহঞ্চ গচ্ছামি, মযং গচ্ছাম.

সঙ্কেতো’নৱযৱো’নুবন্ধো-. |ও০.০০১৭|

যো’নৱযৱভুতো সঙ্কেতো সো’নুবন্ধোতি ঞতব্বো;লতুপিতাদীনমাসিম্হি. কত্তা, সঙ্কেতগ্গহণং কিং? পকতীযাদিসমুদাযস্সানুবন্ধতা মা হোতুতি; অনৱযৱো হি সমুদাযো সমুদাযৰূপত্তাযেৱ; অনৱযৱগ্গহণং কিং?’অতেন’. জনেন; ইমিনাৱ লোপস্সাৱগতত্তা নানুবন্ধলোপায ৱচনমাৰদ্ধং.

ৱণ্ণপৰেন |ও০.০০১৮| সৱণ্ণো’পি-.

ৱণ্ণসদ্দো পৰো যস্মা তেন সৱণ্ণো’পি গয্হতি সংৱ ৰূপং; যুৱণ্ণানম্ঞো লুত্তা‘‘. ৱাতেৰিতং, সমোনা.

ন্তু |ও০.০০১৯| ৱন্তুমনত্ৱাৱন্তুতৱন্তুসম্বন্ধি-.

ৱন্ত্ৱাদিসম্বন্ধিযেৱ ন্তু গয্হতি, ‘‘ন্তন্তুনং ন্তো যোম্হি পঠমে‘‘. গুণৱন্তো; ৱন্ত্ৱাদিসম্বন্ধীতি কিং; জন্তু তন্তু.

পৰিভাসাযো.

সৰো লোপো সৰে-.

সৰে সৰো লোপনীযো হোতি; তত্ৰিমে, সদ্ধিন্দ্ৰিযং, নো হেতং, ভিক্খুনোৱাদো, সমেতাযস্মা, অভিভাযতনং, পুত্তা মত্থি, অসন্তেত্থ.

পৰো |ও০.০০২০| ক্ৱচি লোপনীযো হোতি; সো’পি, সাৱ, যতোদকং, ততোৱ; ক্ৱৱীতি কিং? সদ্ধিন্দুযং অযমধিকাৰো আপৰিচ্ছেদাৱসানা তেন নাতিপ্পসঙ্গো.

নদ্ৱেৱা-. |ও০.০০২১|

পুব্বপৰসৰা দ্ৱে’পি ৱা ক্ৱচি ন লুপ্যন্তে; লতা ইৱ লতেৱ লতাৱ.

যুৱণ্ণনম্ঞো লুত্তা-.

লুত্তা সৰা পৰেসং ইৱণ্ণুৱণ্ণানং ঞো হোন্তি ৱা যথাক্কমং; তস্সেদং, ৱাতেৰিতং, নোপেতি, ৱামোৰু, অতেৱ’ঞ্ঞে, ৱোদকং; কথং পচ্চোৰস্মন্তি; যোগৱিভগা, ৱাত্ৱেৱ তস্সিদং; লুত্তেতি কিং? লতা ইৱ.

যৱা |ও০.০০২২| সৰে-.

সৰে পৰে ইৱণ্ণুৱণ্ণানং যকাৰৱকাৰা হোন্তিৱ যথাক্কমং; ৱ্যাকতো, ইচ্চস্স, অজ্ঝিণমুত্তো, স্ৱাগতং, ভৱাপনলানীলং; ৱাত্থেৱ-ইতিস্স; ক্ৱচীত্ৱেৱ-যানীধ, সূপট্ঠিতং.

ঞোনং-.

ঞোনং যৱা হোন্তি ৱা সৰে যথাক্কমং; ত্যজ্জ তে’জ্জ স্ৱাহং সো’হং,ক্ৱচিত্ৱেৱ-পুত্তামত্থি অসন্তেত্থ.

গোস্সাৱঙি-.

সৰে গোস্স অৱঙি হোতি; গৱাস্সং; যথৰিৱ তথৰিৱেতিনিপাতাৱ; ভুসামিৱেতি ইৱসদ্দো এৱত্থো.

ব্যঞ্জনে |ও০.০০২৩| দীঘৰস্সা-.

ৰস্সদীঘানং ক্ৱচি দীঘৰস্সা হোন্তি ব্যঞ্জনে; তত্ৰাযং, মুনীৱৰে, সম্মদেৱ, মালহাৰী.

সৰম্হা দ্ৱে-

সৰম্হা পৰস্স ব্যঞ্জনস্স ক্ৱচি দ্ৱে ৰূপা হোন্তি; পগ্গহো; সৰম্হাতি-কিং? তংখণং.

চতুত্থদুতিযেস্ৱেযং ততিযপঠামা-.

চতুত্থদুতিযেসু পৰেস্ৱেসং চতুত্থদুতিযানং তব্বগ্গে ততিযপঠমা হোন্তি পচ্চাসত্ত্য; মহদ্ধনো, যস ত্থেৰো, অপ্ফুটং, অব্ভুগ্গতো; এস্ৱিতি-কিং? থেৰো; এসন্তিকিং?পত্থো.

ৱিতিস্সেৱে |ও০.০০২৪| ৱা-.

এৱসদ্দে পৰে ইতিস্স ৱো হোতি ৱা; ইত্থেৱ ইচ্চেৱ; এৱেতি-কিং,ইচ্চাহ.

ঞোনম ৱণ্ণে-.

ঞোনং ৱণ্ণে ক্ৱচি অ হোতি ৱা; দিস্ৱা যাচকমাগতে, অকৰম্ভসতে,এসঅত্থো, এসধম্মো, মগ্গো অগ্গমক্খাযতি, স্ৱাযতনং, হিয্যত্তনং, কৰস্সু; ৱাত্ৱেৱ-যাচকে আগতে, এসো ধম্মো; ৱণ্ণেতি কিং?সো.

নিগ্গহীতং-. |ও০.০০২৫|

নিগ্গভীতমাগমো হোতি ৱা ক্ৱচি; চক্খুং উদপাদি চক্খু উদপাদি, পুৰিমংজাতি পুৰিমজাতি, কত্তব্বং কুসলং বহুং. অৱং সিৰোতি-আদিসু নিচ্চং ৱৱত্থীতৱিভাসত্তা ৱাধিকাৰস্স; সামত্থী যেনাগমোৱ স চ ৰস্সসৰস্সেৱ হোতি তস্স ৰস্সানুগতত্তা.

লোপো-.

নিগ্গহীতস্স লোপো হোতি ৱা ক্ৱচি; ক্যাহং কীমহং, সা ৰত্তো সংৰত্তো; সল্লেখো-গত্তুকামো-গন্তুমনোতিআদিসু নিচ্চং.

পৰসৰস্স-

নিগ্গহীতম্হা পৰস্স সৰস্স লোপো হোতি ৱা ক্ৱচি; ত্ৱংসি ত্ৱমসি.

ৱগ্গে |ও০.০০২৬| ৱগ্গন্তো-

নিগ্গহীতস্স খো ৱগ্গে ৱগ্গন্তো ৱা হোতি পচ্চা সত্যা; তঙ্কৰোতি তং কৰোতি, তঞ্চৰতি তং চৰতি, তণ্ঠানং তং ঠানং, তন্ধনং তং ধনং, তম্পাতি তং পাতি; নিচ্চং পদ মজ্ঝে, গন্ত্ৱা; ক্ৱচঞ্ঞত্ৰাপি, সন্তিট্ঠতি.

যেৱহিসুঞ্ঞো-.

যএৱহিসদ্দেসু নিগ্গহীতস্স ৱা ঞো হোতি; যযঞ্ঞদেৱ, তঞ্ঞেৱ, তঞ্ভি; ৱাত্ৱেৱ-যংযদেৱ.

যে সংস্স-

সংসদ্দস্স যং নিগ্গহীতং তস্স ৱা ঞো হোতি যকাৰে; সঞ্ঞমো সংযমো.

মযদা সৰে-.

নিগ্গহীতস্স মযদা হোন্তি ৱা সৰে ক্ৱচি; তমহং, তযিদং, তদলং; ৱাত্ৱেৱ-তং অহং.

ৱনতৰগা |ও০.০০২৭| চাগমা-.

এতে মযদা চাগমা হোন্তি সৰে ৱা ক্ৱচি; তিৱঙ্গীকং, ইতো নাযতি, চিনিত্ৱা, তস্মাতিহ, নিৰোজং, পুথগেৱ, ইধমাহু, যথযিদং, অত্তদত্থং; ৱাত্ৱেৱ-অত্তত্থং; অতিপ্পগো খো তাৱাতি-পঠমন্তো পগসদ্দোৱ.

ছা ড়ো-.

ছসদ্দা পৰস্স সৰস্স ড়কাৰো আগমো হোতি ৱা; ছড়হং, ছড়াযতনং; ৱাত্ৱেৱ-ছ অভিঞ্ঞা.

তদমিনাদীনি- |ও০.০০২৮|

তদমিনাদীনি সাধূনি ভৱন্তি? তং ইমিনা তদমিনা, সকিং আগামী সকদাগামী, একং ইধ অহং একমিদাহং, সংৱিধায অৱহাৰো সংৱিদাৱহাৰো, ৱাৰিনো ৱাহকো ৱলাহকো, জীৱনস্স মূতো জীমূতো, ছৱস্স সযনং সুসানং, উদ্ধং খমস্স উদুক্খলং, পিসি তাসো পিসাচো, মহিযং ৰৱতীতি মযূৰো; এৱমঞ্ঞেপি পযোগ তো’নুগন্তব্বা; পৰেসং পিসোদৰাদিৱেদং দট্ঠব্বং.

তৱগ্গৱৰণানং |ও০.০০২৯| যে চৱগ্গবযঞা-.

তৱগ্গৱৰণানং চৱগ্গবযঞা হোন্তি যথাক্কমং যকাৰে; অপূচ্চণ্ডকাযং, তচ্ছং, যজ্জেৱং, অজ্ঝত্তং, থঞঞ্ঞং, দিব্বং, পয্যেসনা, পোক্খৰঞ্ঞো; ক্ৱচীত্ৱেৱ-ৰত্যা.

ৱগ্গলসেহি |ও০.০০৩০| তে-

ৱগ্গলসেহি পৰস্স যকাৰস্স ক্ৱচি তে ৱগ্গলসা হোন্তি; সক্কতে, পচ্চতে, অট্টতে, কুপ্পতে, ফল্লতে, অস্সতে, ক্ৱচী ত্ৱেচ-ক্যাহং.

হস্স ৱিপল্লাসো-

হস্স ৱিপল্লাসো হোতি যকাৰে; গুয্হং.

ৱে ৱা-.

হস্স ৱিপল্লাসো হোতি ৱা ৱকাৰে; বৱ্হাবাধো বহ্ৱা বাধো.

তথনৰানং |ও০.০০৩১| টঠণলা-.

তথনৰানং টঠণলা হোন্তী ৱা; দুক্কটং, অট্ঠকথা, গহণং, পলিঘো, পলাযতি, ৱাত্ৱেচ-দুক্কতং; ক্ৱচীত্ৱেৱ-সুগতো.

সংযোগাদিলোপো-

সংযোগস্স যো আদিভুতো’ৱযৱো তস্স ৱা ক্ৱচী লোপো হোতি; পুপ্ফংসা, জাযতে’গিনি.

ৱিচ্ছাভিক্খঞ্ঞেসু দ্ৱে-

ৱীচ্ছাযমাভিক্খঞ্ঞে চ যং ৱত্ততে তস্স দ্ৱে ৰূপানি হোন্তি, ক্ৰিযায গুণেন দব্বেন ৱা ভিন্নে অত্থে ৱ্যাপিতু মিচ্ছা ৱীচ্ছা; ৰুক্খংৰুক্খং সিঞ্চতি, গামোগামো ৰমণীযো, গামে গামে পানীযং, গেহে গেহে ইস্সৰো, ৰসং ৰসং ভক্খযতী, কিৰিযং কিৰিযমাৰহতে.

অত্থিযেৱানুপুব্বিযে’পি |ও০.০০৩২| ৱীচ্ছা, মূলে থূলা, অগ্গে অগ্গে সুখুমা; যদি হি এত্থ মূলগ্গভেদো ন সিযা আনুপুব্বিযম্পি ন ভৱেয্য, (জেট্ঠং জেট্ঠমনুপ্পৱেসয) মাসকং মাসকং ইমম্হা কহাপণা ভৱন্তানং দ্ৱিন্নং দেহীতি- মাসকং মাসকমিচ্চেতস্মা ৱীচ্ছাৱগম্যতে সদ্দন্তৰতো পন ইমম্হা কহাপণাতি অৱধাৰণং; পুব্বং পুব্বং পুপ্ফন্তি, পঠমং পঠমং পচ্চন্তীতি ৱীচ্ছাৱ; ইমে উভো অড্ঢা কতৰা কতৰা এসং দ্ৱিন্নমড্ঢতা, সব্বে ইমে অড্ঢা কতমা কতমা ইমেসং অড্ঢতা, ইহাপি ৱীচ্ছাৱ; আভিক্খঞ্ঞং-পোনোপুঞ্ঞং, পচতি পচতি পপচতি পপচতি, লুনাহি লুনাহিত্ৱেৱাযং লুনাতি, ভুত্ৱা ভুত্ৱা গচ্ছতি, পটপটা কৰোতি, পটপটাযতি.

স্যাদিলোপো |ও০.০০৩৫| পুব্বস্সেকস্স-.

ৱীচ্ছামেকস্স দ্ৱিত্তে পুব্বস্স স্যাদিলোপো হোতি, একেকস্স, কথং মত্থকমত্থকেনাতি? স্যাদিলোপো পুব্বস্সাতি যোগৱিভাগা; ন চাতিপ্পঙ্গো যোগৱিভাগা ইট্ঠপ্পসিদ্ধীতি.

সব্বাদীনং ৱীতিহাৰে-.

সব্বাদীনং ৱীতিহাৰে দ্ৱে ভৱন্তি পুব্বস্স স্যাদিলোপো চ; অঞ্ঞমঞ্ঞস্স ভোজকা, ইতৰীতৰস্স ভোজকা.

যাৱ বোধং সম্ভমে-.

তুৰিতেনাপাযহেতুপদস্সনং সম্ভমো, তস্মিং সতি ৱত্তু যাৱন্তেহ সদ্দেহি সো’ত্থো ৱিঞ্ঞাযতে তাৱন্তো সদ্দা পযুজ্জন্তে; সপ্পো সপ্পো সপ্পো, বুজ্ঝস্সু বুজ্ঝস্সু বুজ্ঝস্সু, ভিন্নো ভিক্খুসঙ্ঘো ভিন্নো ভিক্খুসঙ্ঘো.

বহুলং-.

অযমধিকাৰো আসত্থপৰিসমত্তিযা তেন নাতিপ্পসঙ্গো ইট্ঠসিদ্ধি চ.

ইতি মোগ্গল্লানৱ্যাকৰণে ৱুত্তীযং পঠমো কণ্ডো.

দ্ৱেদ্ৱেকানেকেসু |ও০.০০৩৬| নামস্মা সিযোঅংযোনাভিসনং স্মাহিসনংস্মিংসু-.

এতেসং দ্ৱে দ্ৱে হোন্তি একানেকত্থেসু ৱত্তমানতো নামস্মা; মুনি মুনযো, মুনিং মুনযো, মুনিনা মুনীহি, মুনিস্স মুনীনং, মুনিস্মা মুনীহি, মুনিস্স মুনীনং, মুনিস্মিং মুনীসু, এৱং কুমাৰী কুমাৰিযো, কঞ্ঞা কঞ্ঞাযোতি; এতানি সত্ত দুকানি সত্তৱিভত্তিযো; ৱিভাগো ৱিভত্তীতি কত্ৱা-এত্থ সিঅমিতীকাৰা কাৰা ‘‘কিমংসিসূ‘‘তি. সংকেতত্থা.

কম্মে |ও০.০০৩৭| দুতিযা-.

কৰীযতি কত্তুক্ৰিযাযাভীসম্বন্ধীযতীতি কম্মং, তস্মিং দুতিযা ৱিভত্তি হোতি; কটং কৰোতি, ওদনং পৱতি, আদিচ্চং পস্সতি, ওদনো পচ্চতীতি-ওদনসদ্দতো কম্মতা নপ্পতীযতে, কিং চৰহি? আখ্যাততো; কটং কৰোতি ৱিপুলং দস্সনীযন্তি- অত্থেৱ গুণ যুত্তস্স কম্মতা; ইচ্ছিতে’পি কম্মত্তাৱ দুতিযা সিদ্ধ; গাৱুং পযো দোহতি, গোমন্তং গাৱং যাৱতি, গৱমৱৰুন্ধতি ৱজং, মাণৱকং মগ্গং পুচ্ছতি, গোমন্তং গাৱং ভিক্খতে, ৰুক্খমৱ চিনাতি ফলানি, সিস্সং ধম্মং ব্ৰূতে, সিস্সং ধম্মমনুসাসতি.

এৱমনিচছিতে’পি; |ও০.০০৩৮| অহিং লঙ্ঘযতি, ৱীসং ভক্খেতি; যন্নে ৱিচ্ছিতং নাপি অনিচ্ছিতং তত্থাপি দুতীযা সিদ্ধা; গামং গচ্ছন্তো ৰুক্খমূলমুপসপ্পতি, পথৱিং অধিসেস্সতি, গামমধিতিট্ঠতি, ৰুক্খ মজ্ঝাসতেতি-অধিসীঠাসানং পযোগে’ধিকৰণে কম্মৱচনিচ্ছা.

ৱত্তিচ্ছাতো |ও০.০০৩৯| হি কাৰকানি হোন্তি; তং যথা- ৱলাহকা ৱিজ্জোততে, ৱলাহকস্স ৱিজ্জোততে, ৱলাহকো ৱিজ্জোততে, ৱলাহকে ৱিজ্জোততে, ৱলাহকেন ৱিজ্জোততেতি.

এৱমভিনৱিসস্স ৱা, ধম্মমভিনিৱিসতে ধম্মে ৱা, তথা উপন্ৱজ্ঝাৱসস্সাভোজননৱুত্তিচনস্স; গামমুপৱসতি, গাম মনুৱসতি, পব্বতমধিৱসতি, ঘৰমাৱসতি; অভোজননিৱুত্তিৱচ নস্সাতি-কিং? গামে উপৱসতি-ভোজননিৱুত্তিং কৰোতীতি অত্থো. তপ্পানাচাৰে’পি |ও০.০০৪০| কম্মত্তাৱ দুতিযা সিদ্ধা, নদিম্পিৱতি, গামং চৰতি; এৱং সচে মং নালপিস্সতীতি-আদিসুপি.

ৱিহিতাৱ পটিযোগে দুতিযা, পটিভন্তু তং চুন্দ বোজ্ঝঙ্গাতি-তং পটি বোজ্ঝঙ্গা ভাসন্তূতি অত্থো; যদা তু ধাতুনা যুত্তো পতি তদা তেনাযোগা সম্বন্ধে ছট্ঠী চ তস্স নপ্পটি ভাতীতি? অক্খে দিব্বতি, অক্খেহি দিব্বতি, অক্খেসু দিব্বতীতিকম্মকৰণাধিকৰণৱচনিচ্ছা.

কালদ্ধানমচ্চন্তসংযোগে-. |ও০.০০৪১|

ক্ৰিযাগুণদব্বেহি সাকল্লেন কালদ্ধানং সম্বন্ধো অচ্চন্তসংযোগে, তস্মিং ৱিঞ্ঞাযমানে কালসদ্দেহি অদ্ধ সদ্দেহি |ও০.০০৪২| চ দুতিযা হোতি; মাসমধীতে, মাসং কল্যাণি. মাসং গুড়ধানা, কোসমধীতে, কোসং কুটিলা নদী, কোসং পব্বতো; অচ্চন্তসংযেগেতি কিং? মাসস্স দ্ৱীহমধীতে; কোসস্সেক দেসে পব্বতো; পুব্বন্হসমযং নিৱাসেত্ৱা, একং সমযং ভগৱা, ইমং ৰত্তিং চত্তাৰো মহাৰাজাতি; এৱমাদিসু কালৱাচীহি অচ্চন্তসংযেগত্তাৱ দুতিযা সিদ্ধা, ৱিভত্তিৱিপল্লাসেন ৱা বহুলং ৱিধানা-

ফলপ্পত্তিযং ক্ৰিযাপৰিসমত্ত্যপৱগ্গো তস্মিং ৱিঞ্ঞায মানে কালদ্ধানং ক্ৰিযাযাচ্চন্তসংযোগে ততিযাভিমতা সাপি কৰণত্তাৱ সিদ্ধা; মাসেনানুৱাকো’ধীতো, কোসেনানুৱা কো’ধীতোতি; অনপৱগ্গেতু অসাধকতমত্তা কৰণত্তাভৱে দুতিযাৱ মাসমধীতো’নুৱাকো, ন চানেন গহিতোতি.

কাৰকমজ্ঝে যে কালদ্ধানৱাচিনো ততো সত্তমীপপঞ্চমিযো অভিমতা; অজ্জ ভুত্ৱা দেৱদত্তো দ্ৱীহে ভুঞ্জিস্সতি দ্ৱীহা ভুঞ্জিস্সতি, অত্ৰট্ঠো’যমিস্সাসো কোসে লক্খং ৱিজ্ঝতি, কোসা লক্খং ৱিজ্ঝতীতি-তাপীহ সকসককাৰকৱচনিচ্ছাযেৱ সিদ্ধা.

গতিবোধাহাৰসদ্দত্থকম্মকহজ্জাদীনং |ও০.০০৪৩| পযোজ্জে-.

গমনত্থানং বোধত্থানং আহাৰত্থানং সদ্দত্থানমকম্মকানং ভজ্জাদীনঞ্চ পযোজ্জে কত্তৰি দুতিযা হোতি, সামত্থিযা চ পযোজকৱ্যাপাৰেন কম্মতাৱস্স হোতীতি পতীযতে; গম যতি মাণৱকং গামং, যাপযতি মাণৱকং গামং, বোধযতি মাণৱকং ধম্মং, ৱেদযতি মাণৱকং ধম্মং, ভোজযতি মাণৱকমোদনং, আসযতি মাণৱকমোদনং, অজ্ঝাপযতি মাণৱকং ৱেদং পাঠযতি |ও০.০০৪৪| মাণৱকং ৱেদং, আসযতি দেৱদত্তং, সাযযতি দেৱ দত্তং, অঞ্ঞং ভজ্জাপেতি, অঞ্ঞং কোট্টাপেতি, অঞঞ্ঞং সন্থৰাপেতি. এতেসমেৱাতি কিং?পাচযতি ওদনং দেৱদত্তেন যঞঞ্ঞদত্তো; পযে প্পোতি কিং?গচ্ছতি দেৱদত্তো, যদা চৰহিগমযতি দেৱদত্তং যঞ্ঞ দত্তো, তমপৰো পযোজযতি তদা গমযতি দেৱদত্তং যঞ্ঞদত্তেনেতি - ভৱিতব্বং গমযতিস্সাগমনত্থত্তা.

হৰাদীনং |ও০.০০৪৫| ৱা-.

হৰাদীনং পযোজ্জে কত্তৰি দুতিযা হোতি ৱা; হাৰেতি হাৰং দেৱদত্তং দেৱদত্তেনেতি ৱা, অজ্ঝোহাৰেতি সত্তুং দেৱদত্তং দেৱদত্তেনেতি ৱা, কাৰেতি দেৱদত্তং দেৱদত্তেনেতি ৱা, দস্সযতে জনং ৰাজা জনেনেতি ৱা, অভিৱাদযতে গুৰুং দেৱদত্তং দেৱদত্তেনেতি ৱা.

ন |ও০.০০৪৬| খাদাদীনং-.

খাদাদীনং পযোজ্জে কত্তৰি দুতিযা ন হোতি; খাদযতি দেৱদত্তেন, আদযতি দেৱদত্তেন, অৱ্হাপযতি দেৱদত্তেন, সদ্দাযতি দেৱদত্তেন, কন্দযতি দেৱদত্তেন, নাযযতি দেৱদত্তেন.

ৱহিস্সানিযন্তুকে-.()

ৱাহযতি ভাৰং দেৱদত্তেন; অনিযন্তুকেতি-কিং?ৱাহযতি গাৰং বলিৱদ্দে.

ভক্খিস্সাহিংসাযং-.()

ভক্খযতি মোদকে দেৱদত্তেন; অহিংসাযন্তি কিং? ভক্খযতি বলিৱদ্দে সস্সং.

ধ্যাদীহি |ও০.০০৪৭| যুত্তা-.

ধিআদীহি যুত্ততো দুতিযা হোতি? ধিৰত্থুমং পূতিকাযং, অন্তৰা চ ৰাজগহং, অন্তৰা চ নাড়ন্দং, সমাধানমন্তৰেন, মুচলিন্দমভিতো সৰমিচ্চাদি-ছট্ঠিযাপৱাদো যং.

লক্খণিত্থম্ভুতৱীচ্ছাস্ৱভিনা-.

লক্খণাদিস্ৱত্থেস্ৱহিনা যুত্তম্হা দুতিযা হোতি; ৰুক্খ মভিৱিজ্জেততে ৱিজ্জু, সাধু দেৱদত্তো মাতৰমভি, ৰুক্খং ৰুক্খমভিতিট্ঠতি.