সত্তম পৰিচ্ছেদ

ৱিজযাভিসেকো

১. সব্বলোকহীতং কত্ৱা, পত্ৱা সন্তিকৰং পদং;

পৰিনিব্বানমঞ্চম্হি, নিপন্নো লোকনাযকো.

২. দেৱতাসন্নিপাতম্হি, মহন্তম্হি মহামুনি;

সক্ক তত্ৰসমীপট্ঠং, অৱোচ ৱদতং ৱৰো.

৩. ৱিজযো লাড়াৱিসযা, সীহবাহুনৰিন্দজো;

এসলঙ্কাধনুপত্তো, সত্তভচ্চসতানুগো.

৪. পতিট্ঠহিস্সতি দেৱিন্দং, লংকাযং মম সাসনং;

তস্মা সপৰিৱাৰং তং, ৰক্খলংকঞ্চ সাধুকং.

৫. তথাগতস্স দেৱিন্দো, ৱচো সুত্ৱাৱ সাদৰো;

দেৱস্সুপ্পলৱণ্ণস্স, লংকাৰক্খং সমপ্পযি.

৬. সক্কেন ৱুত্তমত্তোসো, লঙ্কামাগম্মসজ্জুকং;

পৰিব্বাজক ৱেসেন, ৰুক্খমূল মূপৱিসিং.

৭. ৱিজযসম্মুখা সব্বে,

তং উপচ্চ অপুচ্ছিসুং;

অযং ভো কোনু দীপোতী,

লংকাদীপোতি সো ব্ৰৱি.

৮. ন সন্তি মনুজা হেত্থ, ন চ হেস্সতি ৱো ভযং;

ইতি ৱত্ৱা কুণ্ডীকায, তে জলেন নিসিঞ্চিয.

৯. সুত্তঞ্চ তেসং হত্থেসু, লগেত্ৱানভসা’গমা;

দস্সেসি সোণিৰূপেন, পৰিৱাৰিকযক্খিনী.

১০. একো তং ৱাৰিযন্তোপি, ৰাজপুত্তেন অন্ৱগা;

গামম্হি ৱিজ্জমানম্হি, ভৱন্তি সুনখা ইতি.

১১. তস্সা চ সামীনী তত্থ, কুৱেণীনাম যক্খিনী;

নিসীদি ৰুক্খমূলম্হি, কন্তন্তি তাপসী ৱিয.

১২. দিস্ৱান সো পোক্খৰণী, নিসিন্নং তঞ্চ তাপসিং;

তত্থ ন্হাত্ৱা পিৱিত্ৱা চ, আদায চ মুলালিযো.

১৩. ৱাৰিঞ্চ পোক্খৰেহেৱ, ৱুট্ঠাসি সাতমব্ৰৱি;

ভক্খো’সি মম তিট্ঠাতি, অট্ঠা বদ্ধো ৱসো নৰো.

১৪. পৰিত্তসুত্ত তেজেন, ভক্খিতুং সা ন সক্কুণী;

যাচিযন্তোপি তং সুত্তং, না’দাযক্খিনিযা নৰো.

১৫. তং গহেত্ৱা সুৰুঙ্গাযং, ৰুদন্তং যক্খিনী খিপি;

এৱং একেকসো তত্থ, খিপী সত্তসতানিপি.

১৬. অনাযন্তেসু সব্বেসু, ৱিজযো ভযসংকিতো;

নন্তপঞ্চাযুধো গন্ত্ৱা, দিস্ৱা পোক্খৰণিং সুভং.

১৭. অপস্স মুত্তিণ্ণপদং, পস্সং তঞ্চেৱ তাপসিং;

‘‘ইমায খলু ভচ্চা মে, গহিতানু’’তি চিন্তিয.

১৮. কিং ন পস্সসি ভচ্চে মে,

হোতি ত্ৱং ইতি আহতং;

‘‘কিং ৰাজপুত্ত ভচ্চেহি,

পিৱ নহাযা’’তি আহসা.

১৯. যক্খিনী তাৱ জানাতি, মম জাতিন্তি নিচ্ছিতো;

সঙ্ঘং সনামং সাৱেত্ৱা, ধনুং সন্ধাযু’ পাগতো.

২০. যক্খিং আদায গীৱায, নাৰা চ ৱলযেন সো;

ৱামহত্থেন কেসেসু, গহেত্ৱা দক্খিণে ন তু.

২১. উক্খিপিত্ৱা অসিংআহ, ‘‘ভচ্চে মে দেহি দাসিতং;

মাৰেমী’’তি ভযট্টাসা, জীৱিতং যাচি যক্খিনী.

২২. জীৱিতং দেহি মে সামি, ৰজ্জং দজ্জামি তে অহং;

কৰিস্সমি’ত্তি কিচ্চঞ্চ, কিচ্চং অঞ্ঞং যথিচ্ছিতং.

২৩. অদুব্ভাত্থায সপথং, সো তং যক্খিং অকাৰযি;

‘‘আনেহি ভচ্চে সীঘ’’ন্তি, ৱুত্তমত্তাৱ সা’নযি.

২৪. ‘‘ইমে জাতা’’তি ৱুত্তাসা,

তণ্ডুলাদিং ৱিনিদ্দিসি;

ভক্খিতানং ৱাণিজানং,

নাৱট্ঠং ৱিৱিখং বহুং.

২৫. ভচ্চা তে সাধযিত্ৱান, ভত্তানি ব্যঞ্জনানিচ;

ৰাজা পুত্তং ভোজযিত্ৱা, সব্বেচাপি অভুঞ্জিসুং.

২৬. দাপিতং ৱিজযেন’গ্গং, যক্খী ভুঞ্জিয পীণিতা;

সোড়সৱস্সিকং ৰূপং, মাপযিত্ৱা মনোহৰং.

২৭. ৰাজপুত্ত মুপগঞ্ছি, সব্বাভৰণভূসিতা;

মাপেসি ৰুক্খমূলস্মিং, সযনঞ্চ মহাৰহং.

২৮. সাণিযা সুপৰিক্খিত্তং, ৱিতানসমলঙ্কতং;

তং দিস্ৱা ৰাজতনযো, পেক্খং অত্থমনাগতং.

২৯. কত্ৱান তাযনাৱাযং, নিপজ্জ সযনে সুখং;

সাণী পৰিক্খিপিত্ৱান, সব্বে ভচ্চা নিপজ্জিসুং.

৩০. ৰত্তিং তূৰিযসদ্দঞ্চ, সুত্ৱা গীতৰৱঞ্চ সো;

অপুচ্ছি সহসেমানং, কিং সদ্দো ইতি যক্খিনিং.

৩১. ৰজ্জঞ্চ সামিনো দেয্যং, সব্বে যক্খে চ ঘাতিয;

মনুস্সা ৱাসকৰণা, যক্খা মং ঘাতযন্তিহি.

৩২. ইতি চিন্তিয যক্খী সা, অব্ৰৱি ৰাজনন্দনং;

সীৰীসৱত্থুনা মেতং, সামি যক্খপুৰং ইধ.

৩৩. তত্থ জেট্ঠস্স যক্খস্স, লংকানগৰৱাসিনী;

কুমাৰিকা ইধা’নীতা, তস্সা মাতা চ আগতা.

৩৪. আৱাহ মঙ্গলে তত্থ, ইধাপি উস্সৱে মহা;

ৱত্ততে তত্থ সদ্দোযং, মহাহেস সমাগমো.

৩৫. অজ্জেৱ যক্খে ঘাতেহি,

ন হি সক্খা ইতো পৰং;

সো আহা’দিস্স মানেতে,

ঘাতেস্সামি কথং অহং.

৩৬. যত্থ সদ্দং কৰিস্সাম, তেন সদ্দেন ঘাতয;

আযুধং মে’নুভাৱেন, তেসং কাযে পতিস্সতি.

৩৭. তস্সা সুত্ৱা তথা কত্ৱা, সব্বে যক্খে অঘাতযি;

সযম্পি লদ্ধৱিজযো, যক্খৰাজ পসাধনং.

৩৮. পসাধনেহি সেসেহি, তংতং ভচ্চং পসাধযি;

কতিপহং ৱসিত্ৱে’ত্থ, তম্বপণ্ণিমুপাগমি.

৩৯. মাপযিত্ৱা তম্পপণ্ণি-নগৰং ৱিজযো তহিং;

ৱসী যক্খিনিযা সদ্ধিং, অমচ্চ পৰিৱাৰিতো.

৪০. নাৱায ভূমিমোতিণ্ণা, ৱিজযপমুখা তদা;

কিলন্তা পাণিনাভূমিং, আলম্বিয নিসীদিসুং.

৪১. তম্বভূমিৰজোফুট্ঠো, তম্বোপাণি যতো অহুং;

সো দেসোচেৱ দীপো চ, তেন তন্নামকো অহু.

৪২. সীহবাহু নৰিন্দো সো, সীহমাদিন্নৱা ইতি;

সীহড়ো তেন সম্বন্ধা, এতে সব্বেপি সীহড়া.

৪৩. তত্থ তত্থ চ গামে তে, তস্সা’মচ্চা নিৱেসযুং;

অনুৰাধগামং তন্নামো, কদম্ব নদীযন্তিকে.

৪৪. গম্ভীৰনদীযা তীৰে, উপতিস্সো পুৰোহিতো;

উপতিস্সগামং মাপেসি, অনুৰাধস্স উত্তৰে.

৪৫. অঞ্ঞে তযো অমচ্চা তে, মাপযিংসু ৱিসুং ৱিসুং;

উজ্জেনিং উৰুৱেলঞ্চ, ৱিজিতং নগৰং তথা.

৪৬. নিৱাসেত্ৱা জনপদং, সব্বে’মচ্চা সমচ্চতং;

অৱোচুং ৰাজতনযা, সামি ৰজ্জেভিসেচয.

৪৭. ইতি ৱুত্তো ৰাজপুত্তো, ন ইচ্ছি অভিসেচনং;

ৱিনা খত্তিযকঞ্ঞায, অভিসেকং মহেসিযা.

৪৮. অথামচ্চা সামিনো হে, অভিসেক কতা দৰা;

দুক্কৰেসুপি কিচ্চেসু, তদত্থভিৰুতা তিগা.

৪৯. পণ্ণাকাৰে মহাসাৰে, মণিমুত্তাদিকে বহূ;

গাহাপযিত্ৱা পাহেসুং, দক্খিণং মধুৰং পুৰং.

৫০. পণ্ডুৰাজস্স ধীতত্থং, সামিনো সামিভত্তিনো;

অঞ্ঞেসং চাপি ধীতত্থং, অমচ্চানং জনস্স চ.

৫১. সীঘং নাৱায গন্ত্ৱান, দূতা তে মধুৰং পুৰং;

পণ্ণাকাৰে চ লেখঞ্চ, তস্স ৰঞ্ঞো অদস্সযুং.

৫২. ততো ৰাজাঅমচ্চেহি, মন্তযিত্ৱা সধীতৰং;

পাহেতুকামো’মচ্চানং, অঞ্ঞেসং চাপি ধীতৰো.

৫৩. লদ্ধা ঊনসতং কঞ্ঞা, অথভেৰিং চৰাপযি;

লংকায ধীতুগমনং, ইচ্ছমানা নৰা ইধ.

৫৪. নিৱাসযিত্ৱা দিগুণং, ঘৰদ্ৱাৰেসু ধীতৰো;

ঠপেন্তু তেন লিঙ্গেন, আদীযিস্সামিতা ইতি.

৫৫. এৱং লদ্ধা বহূকঞ্ঞা, তপ্পযিত্ৱান তং কুলং;

সম্পন্নসব্বালঙ্কাৰং, ধীতৰং সম্পটিচ্ছদং.

৫৬. সব্বা তা লদ্ধসক্কাৰা, কঞ্ঞাযো চ যথাৰহং;

ৰাজাৰহে চ হত্থস্স-ৰথপেস্সিয কাৰকে.

৫৭. অট্ঠাৰসন্নং সেণীনং, সহস্সঞ্চ কুলানি সো;

লেখং দত্ৱান পেসেসি, ৱিজযস্স জিতা’ৰিনো.

৫৮. সব্বোসো’তৰী নাৱাহি, মহাতিত্থে মহাজনো;

তেনেৱ পট্টনং তঞ্হি, মহাতিত্থংতি ৱুচ্চতি.

৫৯. ৱিজযস্স সুতোধীতা, তস্সা যক্খিনিযা অহু;

ৰাজকঞ্ঞাগমং সুত্ৱা, ৱিজযো আহ যক্খিনিং.

৬০. ‘‘গচ্ছ দানি তুৱং ভোতি, ঠপেত্ৱা পুত্তকে দুৱে;

মনুস্সা অমনুস্সেহি, ভাযিন্তীহি সদা’’ ইতি.

৬১. সুত্ৱা তং যক্খভযতো, ভীতং তং আহ যক্খিনিং;

মা চিন্তযি সাহস্সেন, দাপযিস্সামি তে বলিং.

৬২. পুনপ্পুনং তং যাচিত্ৱা, উভো আদায পুত্তকে;

ভীতাপি সা অগতিযা, লংকাপুৰমুপাগমি.

৬৩. পুত্তে বিহি নিসীদেত্ৱা, সযং পাৱিসি তং পুৰং;

সঞ্জানিত্ৱান তং যক্খিং, ভীতা চোৰীতি সঞ্ঞিতো.

৬৪. সংখুভিংসু পুৰে যক্খা, একো সাহসিকো পন;

একপাণিপ্পহাৰেন, ৱিলযং নযি যক্খিনিং.

৬৫. তস্সাতু মাতুলো যক্খো, নিক্খম্ম নগৰা বহি;

দিস্ৱা তে দাৰকে পুচ্ছি, তুম্হে কস্স সুতা ইতি.

৬৬. কুৱেণিযা’তি সুত্ৱা’হ, মাতা ৱো মাৰিতা ইধ;

তুম্হেপি দিস্ৱা মাৰেয্যুং, পলাযথ লহুং ইতি.

৬৭. আগুং সুমনকূটং তে, পলাযিত্ৱা ততো লহুং;

ৱাসং কপ্পেসি জেট্ঠো সো, ৱুদ্ধো তায কণিট্ঠিযা.

৬৮. পুত্তধীতাহি ৱড্ঢিত্ৱা, ৰাজানুঞ্ঞায তে ৱসুং;

তত্থেৱ মলযে এসো, পুলিন্দানঞ্হি সম্ভৱো.

৬৯. পণ্ডুৰাজস্স দূতা তে, পণ্ণাকাৰং সমপ্পযুং;

ৱিজযস্স কুমাৰস্স, ৰাজাধিকাৰিকা চ তা.

৭০. কত্ৱা সক্কাৰসম্মানং, দূতানং ৱিজযো পন;

অদা যাথাৰহং কঞ্ঞা, অমচ্চানং জনস্স চ.