দসম পৰিচ্ছেদ

পণ্ডুকাভযাভিসেকো

১. উম্মাদচিত্তাযাণত্তা, দাসী আদায দাৰকং;

সমুগ্গে পক্খিপিত্ৱান, দ্ৱাৰমণ্ডল কে অগা.

২. ৰাজপুত্তা চ মিগৱং, গতা তুম্বৰকন্দৰে;

দিস্ৱা দাসিং কুহিং যাসি, কিং মে কন্তি চ পুচ্ছিসুং.

৩. দ্ৱাৰমণ্ডলকং যামি, ধীতুমেগুড়পূৱকং;

ইচ্চাহ ওৰোপেহীতি, ৰাজপুত্তং কমব্ৰৱুং.

৪. চিত্তো চ কালৱেলো চ, তস্সা’ৰক্খায নিগ্গতা;

মহন্তং সূকৰৱেসং, তং খণংযেৱ দস্সযুং.

৫. তে তং সমনুবন্ধিংসু, সাসমাদায তত্ৰ’গা;

দাৰকঞ্চ সহস্সঞ্চ, আযুত্তস্স অদাৰহো.

৬. তস্মিংযেৱ দিনে তস্স, ভৰিযা জনযী সুতং;

যমকে জনযী পুত্তে, ভৰিযং মে’তি পোসিতং.

৭. সো সত্তৱস্সিকো চা’সি, তং ৱিজানিয মাতুলা;

গন্তুং সৰসি কীড়ন্তে, দাৰকে চ পযোজযুং.

৮. জলট্ঠং ৰুক্খসুসিৰং, জলচ্ছাদিতছিদ্দকং;

নিমুজ্জমানো ছিদ্দেন, পৱিসিত্ৱা চিৰট্ঠিতো.

৯. ততো তথেৱ নিক্খম্ম, কুমাৰে সেসদাৰকে;

উপচ্চ পুচ্ছিযন্তোপি, ৱঞ্চেত’ঞ্ঞৱচোহি সো.

১০. মনুস্সেহা’গতেহেসো, নিৱাসেত্ৱান ৱত্থকং;

কুমাৰো ৱাৰিমো গয্হ, সুসিৰম্হি ঠিতো অহু.

১১. ৱত্থকানি গণেত্ৱান, মাৰেত্ৱা সেসদাৰকে;

গন্ত্ৱা আৰোচযুং সব্বে, দাৰকা মাৰিতা ইতি.

১২. গতেসু তেসু সো গন্ত্ৱা, আযুত্তকঘৰং সকং;

ৱসং অস্সাসিতো তেন, অহূ দ্ৱাদসৱস্সিকো.

১৩. পুন সুত্ৱান জীৱন্তং, কুমাৰং তস্স মাতুলং;

তত্থ গোপালকে সব্বে, মাৰেতুং সন্নিযোজযুং.

১৪. তস্মিং অহনি গোপালা, লদ্ধা একং চতুপ্পদং;

অগ্গিং আহৰিতুং গামং, পেসেতুং তং কুমাৰকং.

১৫. সো গন্ত্ৱা ঘৰমাযুত্ত-পুত্তকংযেৱ পেসযি;

পাদা ৰুজন্তি মে তেহি, অগ্গিং গোপালসন্তিকং.

১৬. তত্থ অঙ্গাৰ মংসঞ্চ,

খাদিস্সসি তুৱং ইতি;

নে সি সো তং ৱচো সুত্ৱা,

অগ্গিং গোপালসন্তিকং.

১৭. তস্মিং খণে পেসিতা তে, পৰিক্খিপিয মাৰযুং;

সব্বে গোপে মাৰযিত্ৱা, মাতুলানং নিৱেদযুং.

১৮. তথো সোড়সৱস্সং তং, ৱিজানিংসু চ মাতুলা;

মাতা সহস্সঞ্চা’দাসি, তস্সা ৰক্খঞ্চ আদিসি.

১৯. আযুত্তো মাতুসন্দেসং, সব্বং তস্স নিৱেদিয;

দত্ৱা দাসং সহস্সঞ্চ, পেসেসি পণ্ডুলন্তিকং.

২০. পণ্ডুলব্ৰাহ্মণো নাম, ভোগৱা ৱেদপাৰগো;

দক্খিণস্মিং দিসাভাগে, ৱসী পণ্ডুলগামকে.

২১. কুমাৰো তত্থ গন্ত্ৱান, পস্সি পণ্ডুলব্ৰাহ্মণং;

‘‘ত্ৱং পণ্ডুকাভযো তাত’’, ইতি পুচ্ছিয ব্যাকতে.

২২. তস্স কত্ৱান সক্কাৰং, আহ ৰাজা ভৱিস্সসি;

সমসত্ততিৱস্সানি, ৰজ্জং ত্ৱং কাৰযিস্সসি.

২৩. সিপ্পং উগ্গণ্হ তাতাতি, সিপ্পুগ্গহমকাৰযী;

চন্দেন তস্স পুত্তেন, খিপ্পং সিপ্পং সমাপিতং.

২৪. অদা সতসহস্সং সো, যোধসঙ্গহকাৰণা;

যোধেসু সঙ্গহিতেসু, তেন পঞ্চসতেসু সো.

২৫. সিযুং যায গযিতানি, পণ্ণানি কনকানি তং;

মহেসিং কুৰুচন্দঞ্চ, মম পুত্তং পুৰোহিতং.

২৬. ইভি ৱত্ৱা ধনং দত্ৱা, সযোধং নিহৰি ততো;

সো নামং সাৱযিত্ৱান, ততো নিক্খম্ম পুঞ্ঞৱা.

২৭. লদ্ধবলো নগৰকে, কাসপব্বত সন্তিকে;

সত্তসতানি পুৰিসে, সব্বেসং ভোজনানি চ.

২৮. ততো নৰসহস্সেন, দ্ৱিসতেন কুমাৰকো;

গিৰিকণ্ড পব্বতং নাম, অগমা পৰিৱাৰিতো.

২৯. গিৰিকণ্ডসিৱো নাম, পণ্ডুকাভয মাতুলো;

তং পণ্ডুৱাসুদেৱেন, দিন্নং ভুঞ্জতি দেসকং.

৩০. সো কৰিসসতং পক্কং, তদা লাৱেতি খত্তিযো;

তস্স ধীতা ৰূপৱতী, পালী নামা’সি খত্তিযা.

৩১. সা মহাপৰিৱাৰেন, যানমাৰুয্হ সোভনং;

পিতুভত্তং গাহযিত্ৱা, লাৱকানঞ্চ গচ্ছতি.

৩২. কুমাৰস্স মনুস্সানং, দিস্ৱা তত্থ কুমাৰিকং;

আৰোচেসুং কুমাৰস্স, কুমাৰো সহসা’গতো.

৩৩. দ্ৱেধা তং পৰিসং কত্ৱা, সতং যানমপেসযি;

তদন্তিকং সপৰিসা, কত্থ যাসীতি পুচ্ছিতং.

৩৪. তায ৱুত্তেতু সব্বস্মিং, তস্সংসাৰত্ত মানসো;

অত্তনো সংৱিভাগত্থং, ভন্তেনা’যাচি খত্তিযো.

৩৫. সাসমোৰুয্হ যানম্হা, অদা সোৱণ্ণপাতিযা;

ভত্তং নিগ্ৰোধ মূলস্মিং, ৰাজপুত্তস্স খত্তিযা.

৩৬. গণ্হি নিগ্ৰোধপণ্ণানি, ভোজেতুং সেসকে জনে;

সোৱণ্ণভাজনানা’সুং, তানি পণ্ণানি তং খণে.

৩৭. তানি দিস্ৱা ৰাজপুত্তো, সৰিত্ৱা দিজভাসিতং;

মহেসিভাৱ যোগ্গামে, কঞ্ঞালদ্ধাতি তুস্সিসো.

৩৮. সব্বে ভোজাপযী তেসা, তং ন খীযিত্থ ভোজনং;

একস্স পটিৱিসো’ৱ, গহিতো তত্থ দিস্সথ.

৩৯. এৱং পুঞ্ঞগুণূপেতা, সুকুমাৰী কুমাৰিকা;

সুৱণ্ণপালি নামেন, ততোপ্পভুত আসি সা.

৪০. তং কুমাৰ গহেত্ৱান, যানমাৰুয্হ খত্তিযো;

মহব্বল পৰিব্যূড়্হো, অনুসংণী অপক্কমি.

৪১. তং সুত্ৱান পিতা তস্সা, নৰে সব্বে অপেসযি;

তে গন্ত্ৱা কলহং কত্ৱা, তজ্জিতা তেহি আগমুং.

৪২. কলহনগৰং নাম, গামো তত্থ কতে অহু;

তং সুত্ৱা ভাতৰো তস্সা, পঞ্চযুদ্ধাযু’পাগমুং.

৪৩. সব্বে তে পণ্ডুলসুতো, চন্দোযেৱ অঘাতযি;

লোহিত ৱাহখণ্ডোতি, তেসং যুদ্ধমহী অহু.

৪৪. মহতা বল কাধযন,

ততো সো পণ্ডুকাভযো;

গঙ্গায পাৰিমে তিৰে,

দোড়পব্বতকং অগা.

৪৫. তত্থ চত্তাৰি ৱস্সানি, ৱসি তং তত্থ মাতুলা;

সুত্ৱা ঠপেত্ৱা ৰাজানং, তং যুদ্ধত্থমুপাগমুং.

৪৬. খন্ধাৱাৰং নিৱেসেত্ৱা, ধূমৰক্খাগ সন্তিকে;

ভাগিনেয্যেন যুজ্ঝিংসু, ভাগিনেয্যো তু মাতুলে.

৪৭. অনুবন্ধী ওৰগঙ্গং, মলাপেত্ৱা নিৱত্তিয;

তেসঞ্চ খন্ধাৱাৰম্হি, দুৱে ৱস্সানি সো ৱসী.

৪৮. গন্ত্ৱো’পতিস্সগামং তে, তমত্থং ৰাজিনো’ব্ৰৱুং;

ৰাজালেখং কুমাৰস্স, সৰহস্সং সপাহিণি.

৪৯. ‘‘পুঞ্জস্সু পাৰগঙ্গং ত্ৱং, মা’গা ওৰংততো’’ইতি;

তং সুত্ৱা তস্স কুজ্জিংসু, ভাতৰো নৱ ৰাজিনো.

৫০. উপত্থম্ভো ত্ৱমেৱা’সি, চিৰং তস্স ইদানি তু;

ৰট্ঠং দদাসি তস্মা ত্ৱং, মাৰেস্সামা’তি অব্ৰৱুং.

৫১. সো তেসং ৰজ্জমপ্পেসি, তে তিস্সং নাম ভাতৰং;

সব্বেৱ সহিতা’কংসু, ৰজ্জস্স পৰিনাযকং.

৫২. এসো ৱীসতিৱস্সানি, অভযো’ভয দাযকো;

তত্থো’পতিস্সগামম্হি, ৰাজা ৰজ্জমকাৰযি.

৫৩. ৱসন্তি ধূমৰক্খাগে, সৰে তুম্বৰিযঙ্গণে;

চৰতে ৱড়ৱা ৰুপা, যক্খী চেতিযনামিকা.

৫৪. একো দিস্ৱান সেনঙ্গং, উত্তপাদং মনোৰমং;

আৰোচেসি কুমাৰস্স, ৱড়ৱে’ত্তী’দিসী ইতি.

৫৫. কুমাৰো ৰস্মিমাদায, গহেতুং তং উপাগমি;

পচ্ছতো অগতং দিস্ৱা, ভীতা তেজেন তস্সসা.

৫৬. ধাৱি’নন্তৰধাযিত্ৱা, ধাৱন্তি মনুবন্ধিসো;

ধাৱমানা সৰং হং সা, সত্তক্খত্তুং পৰিক্খিপি.

৫৭. ওতৰিত্ৱা মহাগঙ্গং, উত্তৰিত্ৱা ততো পন;

ধুমৰক্খং পব্বতং তং, সত্তক্খত্তুং পৰিক্খিপি.

৫৮. তং সৰং পুন তিক্খত্তুং, পৰিক্খিপি ততো পুন;

গঙ্গং কচ্ছকতিত্থেন, সমোতৰি তহিং তু সো.

৫৯. গহেসিতং ৱালধিস্মিং, তালপত্তঞ্চ তোযগং;

তস্স পুঞ্ঞানুভাৱেন, সো অহোসি মহা অসি.

৬০. উচ্চাৰেসি অসিং দজ্জং, ‘‘মাৰোমী’’তি তমাহ সা;

ৰজ্জং গহেত্ৱা তে দজ্জং, সামি মামং অমাৰযি.

৬১. গীৱায তং গহেত্ৱা সো, ৱিজ্ঝিত্ৱা অসিকোটিযা;

নাসায ৰজ্জুযা বন্ধি, সা অহোসি ৱসানুগা.

৬২. গন্ত্ৱা তং ধুমৰক্খং সো, তমাৰুয্হ মহব্বলো;

তত্থ চত্তাৰি ৱস্সানি, ধূমৰক্খন গে ৱসি.

৬৩. ততো নিক্খম্ম সবলো, আগম্মা’ৰিট্ঠপব্বতং;

সুদ্ধিকালমপেক্খন্তো, তত্থ সত্তসমাৱসি.

৬৪. দ্ৱে মাতুলে ঠপেত্ৱান, তস্স সেসট্ঠমাতুলা;

যুদ্ধসজ্জা অৰিট্ঠং তং, উপসঙ্কম্ম পব্বতং.

৬৫. খন্ধাৱাৰং নগৰকে, নিৱেসেত্ৱা চমূপতিং;

দত্ৱা পৰিক্খিপাপেসুং, সমন্তা’ৰিট্ঠপব্বতং.

৬৬. যক্খিনিযা মন্তযিত্ৱা, তস্সা ৱচনযুত্তিযা;

দত্ৱা ৰাজপৰিক্খাৰং, পণ্ণাকাৰা যুৱানি চ.

৬৭. ‘‘গণ্হাথ সব্বানে’তানি, খমাপেস্সামি ৱো অহং’’;

ইতি ৱত্ৱান পেসেসি, কুমাৰো পুৰতো বলং.

৬৮. গণ্হিস্সামি পৱিট্ঠন্তি, ৱিস্সট্ঠেসু তু তেসু সো;

আৰুয্হ যক্খৱড়ৱং, মহাবলপুৰক্খতো.

৬৯. যুদ্ধায পাৱিসি যক্খী, মহাৰাৱ মৰাপিসা;

অন্তো বহিবলঞ্চস্স, উক্কুট্ঠিং মহতিং অকা.

৭০. কুমাৰপুৰিসা সব্বে, পৰসেনা নৰে বহূ;

ঘাতেত্ৱা মাতুলে চ’ত্থ, সীসৰাসিং অকংসু তে.

৭১. সেনাপতি পালযিত্ৱা, গুম্বট্ঠানং সপাৱিসি;

সেনাপতি গুম্বকো’তি, তেন এস পৱুচ্চতি.

৭২. উপৰিট্ঠমাতুলসিৰং, সীসৰাসিং সপস্সিয;

লাবুৰাসী’ৱ ইচ্ছাহ, তেনা’সি লাবুগামকো.