ৱেজ্জাচৰিয কণ্ড

২৮৬. আযুবেদকতাভ্যাসো, সব্বেসং পিযদস্সনো;

অৰিযসীলগুণোপেতো, এস ৱেজ্জো ৱিধীযতে.

২৮৭. নানাগন্থজাননঞ্চ, সুদিট্ঠকম্মসম্পদা;

দক্খতা হত্থসীঘতা, পসাদসূৰসত্তিতা.

২৮৮. সাভাৱিকতঙ্খণিক-ঞাণসুভাসিতাপি চ;

উস্সাহো দব্বো সব্বতা, ৱেজ্জাচেৰস্স লক্খণং;

২৮৯. কিলিট্ঠৱত্থং কোধো চ, অতিমানঞ্চ গম্মতা;

অনিমন্তিতগমনং, এতে পঞ্চ ৱিৱজ্জিযা.

২৯০. দিট্ঠকম্মতা সোচঞ্চ, দক্খতা ৱিদিতাগমো;

চত্তাৰো সুভিসক্কস্স, সুগুণা ৱিঞ্ঞুনা মতা.

২৯১. ৰুজায জযলক্খণং, ৰসো চ ভেসজ্জম্পি চ;

তিলক্খণভেদো চেৱ, ৱিঞ্ঞেয্যো ভিসক্কেন ৱে.