হত্থৱনগল্লৱিহাৰ |ও০.০০০১| ৱংসো

নমো তস্স ভগৱতো অৰহতো সম্মাসম্বুদ্ধস্স

১. স্নেহুত্তৰায হদযা মলমল্লিকায,

পজ্জালিতো মতিদসায জিনপ্পদীপো;

মোহণ্ধকাৰমখিলং মম নীহৰন্তো,

নিচ্চং ৱিভাৱযতু চাৰু পদত্থৰাসিং.

২. লঙ্কাভিসিত্তৱসুধাধিপতীসু ৰাজা,

যো বোধিসত্তগুণৱা সিৰিসঙ্ঘবোধি;

তস্সাতিচাৰু চৰিযা ৰচনামুখেন,

ৱক্কামি হত্থৱনগল্লৱিহাৰ ৱংসং.

৩. ব্ৰহ্মন্ৱযেননুগতত্থমনোমদস্সী,

খ্যাতেন সব্বযতিৰাজধুৰন্ধৰেন;

ৱ্যাপাৰিতোহমিতিভানুগতং কথঞ্চ,

নিস্সায পুব্বলিখিতংৱিধ ৱাযমামি.

৪. অৰ্ণ্থ সুগতাগমসুধাপগানিদ্ধোতকুদিট্ঠিৱিসকলঙ্কায লংকায ভগৱতো অঙ্গীৰসস্সমহানাগৱনুয্যানে সমিতিসমাগতযক্খ ৰক্খসলোকৱিজযাপদানস্স সিদ্ধক্খেন্তভূতো সীহড়মহীমণ্ডলমণ্ডনায মানো ৱিৱিধৰতনাকৰোপলক্খমানমহগ্ঘমণি ভেদো মণি ভেদো নাম জনপদো.

৫. লদ্ধান সত্থু ৱৰণঙ্কমনঞ্ঞলব্ভ,

মানণ্দিনা সুমনকূটসিলুচ্চযেন;

উস্সাপিতা ৱিজযকেতুমতল্লিকেৱ,

সুদ্ধোৰুৱালুকনদী যমলঙ্কৰোতি.

৬. লঙ্কায যক্খগণনীহৰণে জিনস্স,

চম্মাসনুগ্গনহুনাসনফস্সদাহা;

সংসাৰৰক্খসৱপুব্ভৱবুব্বুলংচ,

যস্মিং ৱিহাতি মহিযঙ্গণ থূপৰাজা.

৭. |ও০.০০০২|

সদামহোঘায মহাপগায,

পানীযপানায সমোসটানং;

সমুচ্চযো সাৰদৱাৰিদানং,

নূনং গতো থাৱৰথূপৰূপং.

৮. তস্সাপগায ৱিমলম্বুনি দিস্সমান,

মালোলৱিচিতৰলং পটিবিম্বৰূপং;

ভোগেহি ৱেঠিয নিজং ভৱনং ফণীহি,

পূজত্থিকেহি ৱিয ৰাজতি নীযমানং.

৯. তস্স মহিযঙ্গণ মহা ৱিহাৰস্স পৰিযন্তগামকে সেলাভযো নাম খত্তিযো পটিৱসন্তো পুত্তং পটিলভিত্ৱা অঙ্গলক্খণপাঠকানং দস্সেসি তে তস্স কুমাৰস্স অঙ্গলক্খণানি ওলোকেত্ৱা ‘‘অযং কুমাৰো খমকসত্তো নহোতি. ধঞ্ঞপুঞ্ঞলক্খণসম্পন্নো, সকলম্পি সীহড়দীপং একচ্ছত্তং কৰিত্ৱা মহন্তমহন্তানি অচ্ছৰিযব্ভুতানি মহাৱীৰচৰিতানি দস্সেস্সতী’’তি ৱ্যাকৰিংসু.

১০. ততো সেলাভয খত্তিযো পুত্তস্স অভিসেকাদিসম্পত্তিং সুত্ৱা কোটিপ্পত্তপমোদপৰৱসোপি তস্মিং কালে অনুৰাধপুৰে ৰজ্জং কাৰযতা ‘‘ৱোহাৰতিস্সমহাৰাজতো কদাচি কেচি উপদ্দৱো জাযিস্সতীতি. জাতপৰিসঙ্কোতং কুমাৰমাদায মহিযঙ্গণমহাৱিহাৰে বোধি অঙ্গণে পৰিত্তগ্গে সন্নিপতিতস্স নণ্দমহাথেৰপমুখস্স মহাভিক্খুসঙ্ঘস্স মজ্ঝে নিপজ্জাপেত্ৱা ‘‘এসো মে ভন্তে কুমাৰো মহাসঙ্ঘস্স চ মহা বোধিপাদস্স চ সৰণং গচ্ছতি তং সব্বেপি ভদন্তা ৰক্খন্তু সঙ্ঘবোধি নামকো চাযং হোতু’’তি মহাসঙ্ঘস্স চ বোধি দেৱতায চ নিয্যাদেত্ৱা পটিজগ্গন্তো কুমাৰস্স সত্তৱস্সিক কালে কালমকাসি.

১১. অথ মাতুলো নণ্দমহাথেৰো কুমাৰকং ৱিহাৰমানেত্ৱা পটিজগ্গন্তো তেপিটকং বুদ্ধৱচনং উগ্গণ্হাপেত্ৱা বাহিৰসত্থেসু চ পৰমকোচিদং কাৰেসি. সঙ্ঘবোধিকুমাৰোপি কতাধিকাৰত্তা তিক্খপঞ্ঞত্তা চ ঞাণৱিঞ্ঞাণসম্পন্নো হুত্ৱা ৱযপ্পত্তো লোকস্স লোচনেহিনিপিযমানায ৰূপসম্পত্তিযা সৱঞ্জলিপুটেহি অস্সাদিযমানসদাচাৰগুণ সম্পত্তিযা চ পত্থ ট যসোঘোসো অহোসি.

১২. কিমিহ বহুনা?- কাদম্বিনী কদম্বতো সিনিদ্ধনীলাযতগুণংধম্মিল্লকলাপে, পৰিপুণ্ণহৰিণঙ্কমণ্ডলতো হিলাদকৰপসাদসোম্মগুণং মুখমণ্ডলে চামীকৰপিংজৰকম্বুৱৰতো মেদুৰোদাৰবণ্ধুৰভাৱং গীৱাৱযৱে, কল্যাণসিলুচ্চযতো সংহত ৱিলাসং উৰত্থলে, সুৰসাধিসাখতো |ও০.০০০৩| পীৱৰাযতললিতৰূপং কামদানপদানদ্ৱ বাহুযুগড়ে, সমদগন্ধসিন্ধুৰতো গমনলীড়্হং কৰাকাৰদ্ৱ হত্থিযুগড়ে, চাৰুতৰথৰুচিৰোচমানচামীকৰমুকুৰতো তদাকাৰং সজাণুমণ্ডলে জঙ্ঘযুগড়ে, নিচ্চা সীনকমলা কমলতো ৰত্তকোমড়দলসিৰং চৰণযুগড়ে আদায যোজযতা পাৰমিতাধম্মসিপ্পিতা নিম্মিতস্স পৰমদস্সনীযগৰূপৱিলাসস্স তস্স অত্তভাৱস্স সংৱণ্ণনাগন্থগাৰৱমাৱহতি.

১৩. দেহে সুলক্খণযুতে নৱযোব্বনড্ঢে,

তস্সুজ্জলে চ পসমাহৰণোদযেন;

কা ৱণ্ণনা কমলৰূপিনি জাতৰূপে,

লোকুত্তৰং পৰিমলং পৰিতো ৱহন্তে.

১৪. দোসাৰযো হদযদুগ্গপুৰে ৱিজিত্ৱা,

তত্থাভিসিচ্চ সুহদং ৱিয ধম্মভূপং;

অত্থানুসাসনিমিমস্স ৱদং গিৰায,

তত্থপ্পৱত্তযি সুধী নিজকাযকম্মং.

ইতি ৰাজকুমাৰুপ্পত্তি পৰিচ্ছেদো পঠমো.

১৫. অথেকদা মাতুলমহাথেৰা ৱযপ্পত্তং সিৰিসঙ্ঘবোধি কুমাৰং ধম্মসৱনাৱসানে আমন্তেত্ৱা এৱমাহ, ‘‘কুমাৰ! মহাভাগধেয্য! ইদানি ত্ৱমসি অধীতসুগতাগমো, ৱিদিতসকল বাহিৰসত্থো. চতুব্বিধপণ্ডিচ্চকোটিপ্পত্তো, তথাপি অভিমানধনে খত্তিযকুলে জাতি, সব্বপত্থৱ্যাপিতা যোব্বনৱিলাসেন সমলঙ্কতং সৰীৰং, অপ্পটিমা ৰূপসিৰি, অমানুসং বলঞ্চেতি মহতীয বলৱনণ্থ পৰম্পৰা’সব্বাঅৱিনযান মেকেকম্পি তেসমাযতনং কিমুত সমৱাযো?‘‘যেভুয্যেন সত্থসলিল ৱিক্খালনাতি নিম্মলাপি কালুসিযমুপযানি বুদ্ধী, অনুজ্ঝিতধৱলতাপি সৰাগাএৱ ভৱতি নৱযোব্বনগব্বিতানং দিট্ঠি, অপহৰতি চ ৱাতমণ্ডলি কেৱ সুক্খপণ্ণং উবভুতৰজো ভন্তি অতিদূৰমত্তনো ইচ্ছায যোব্বনসমযে পুৰিসং পকতি. ইণ্দ্ৰিযভৰিণভাৰিনী সত্তমতিদুৰন্তায মুপভোগমিগতণহিকা তস্মা অযমেৱানস্সাদিত ৱিসয ৰসস্স তে কালো গুৰুপদেসস্স. মদনসৰপ্পভাৰজজ্জৰিতে হদযে জলমিৱ গলতি গুৰূনমনুস্সানং অকাৰণংছৱতি দুপ্পকতি নো কুলংৱা সুতং ৱা মনযস্স ৱণ্দনপ্পভৱোনদহতি কিং দহনো? কিংৱাপসমহেতুনাপি নাতিৱণ্ডতৰো ভৱতি ৱডবানড়ো সলিলেন, তস্মা গাড়্হতৰ মনুসাসীতব্বোসি.

১৬. অপগতমলে হি মনসি এলিকমণিম্হি ৱিয ৰজনিকৰমযুখাপৱিসন্তি, সুখমুপদেসগুণা, গুৰুৱচনমমলম্পি সলিলমিৱ মহন্তং জানিমুপজনযতি সৱনহতং সূলমিৱ অভব্বস্স, ভব্বস্সতু |ও০.০০০৪| কৰিনো ৱিয সব্বাভৰণমাননসোভাসমুদযমধিকতৰ মুপৱহতি, অনাদিসিদ্ধ তণ্হাকসাযিতিণ্দ্ৰিযানুচৰঞ্হি চিত্তং নাৱহতি কন্নামানত্থং, তস্মা ৰাজ কুমাৰানঞ্চ যতীনঞ্চ সতিবলেন ইণ্দ্ৰিযৱিজযো দিট্ঠধম্মিকসম্পৰাযিকম্বিলং কল্যাণজাতমুপজনযতি, ইণ্দ্ৰিযৱিজযো চ সম্ভৱতি গুৰুৱুদ্ধোপসেৱায তব্বৱনমৱিৰাধেত্ৱা পটিপজ্জতো, তস্মা তযা আপাণপৰিযন্তং ৱত্থুত্তযসৰণপৰাযণতা ন পহাতব্বা.

ন ৰাগাপস্মাৰৱিবোধনং ৱিসযদহনসলিল সংসেৱনং কাতব্বং, পস্সতূ হি কল্যাণাভিনিৱেসি চক্খূণ্দ্ৰিযলাড়ন পৰৱসস্স সলভস্স সমুজ্জলিত দীপসিখাপতনং সোতিণ্দ্ৰিয সুখানুযুত্তস্স তৰুণ হৰীণস্স উসু পাতসম্মুখীভৱনং ঘাণিণ্দ্ৰিয পৰৱসস্স মধুকৰস্স মদৱাৰণকণ্ণতালভন্নং ৰসনিণ্দ্ৰিযতপ্পণৱ্যসনিনো পুথুলোমস্স বলিসাঘাসৱ্যসনং ফস্সীণ্দ্ৰিযানুভৱনলালসস্সমতঙ্গজস্সৱাৰিণি বণ্ধনাপাযং ইমেহি ইণ্দ্ৰিযেহি মিলিতেহি একস্স কামিনো সদিদেৱ পঞ্চন্নং, ৱিসযৰসানমুপসেৱায পত্তব্বং মহন্তং দুক্খজালং কথমুপৱণ্ণযাম? ইমানি চ সুভাসিতানি পচ্চৱেক্খতু অনুক্খণং ৱিচক্খণো.

১৭. নাগাৰিকং সুখমুদিক্খতি কিঞ্চি ধীৰো,

জানাতি দেহপটিজগ্গনমত্থতোৱে;

সংসেৱতোপি যুৱতিং ৰতিমোহিতস্স,

কণ্ডুযনে ৱিয বনস্স সুখাভিমানো.

১৮. কো সেৱেয্য পৰং পোসো অৱমানং সহেয্যৱৱ,

ন ৱে কলত্তনিগড়ং যদি দুক্খনিবণ্ধনং.

১৯. আকড্ঢমানা চিসিখা স্মিপং,

পৰম্মুখাযেৱ সদা পৱত্তা;

দূৰম্পি গচ্ছন্তি গুণং ৱিহায,

পৱত্তনং তাদিসমেৱ থীন.

২০. অসন্থুতং তা পুৰিসম্পি অন্তো,

কৰোন্তি আদাযকতাৱ ভিত্তি;

নেত্তিং সৱল্লী ৱিয হণ্থগাপি,

দসাসু সব্বাসু চ সঙ্কনীযা.

২১. অন্তোৰুদ্ধা বহিদ্ধাপি নিস্সাসা ৱিয নাৰিযো,

কৰোন্তি নাসমেৱস্স কোধীমাতাসু ৱিস্সসে.

২২. মানস পাপসংনিন্নং অপাযা ৱিৱটা ননা,

সমন্তা পাপমিত্তাৱ মোক্খো সব্বভযাকথং.

২৩. |ও০.০০০৫| অপি চ হদযতৰুকোটৰ কুটীৰো কোধ কুণ্ডলীন কদাচি বহি কাতব্বো. অপি তু’তিতিক্খামন্তেন অচিপ্ফণ্দন্তং উপনেতব্বো.

২৪. সতং তিতিক্খাকৱচে ৱিগুণ্ঠিতা,

সিযুং দুৰালাপখগা খলানং;

সভাপসংসাকুসুমত্ত মেতা,

নিবজ্ঝৰে তা গুণ মালিকায.

২৫. লোকাধিপচ্চং ৱিপুলেধনে চ,

মনোনুকূলে তনযে চ দাৰে;

লদ্ধাপি যাযেতি ন জাতু তিততিং,

বাধেতু সাতং ন পপঞ্চ তণ্হা.

২৬. ৱণ্ণপ্পসাদা যস্সা সুখাৱ,

ধনা চ হাযন্তুপ জীৱিকাচ;

যেনাভিভূতাৰিপুনেৱ সত্তা,

দোসগ্গি সো তে হদযং জহাতু.

২৭. খেদো ৱিপত্তীসু পটিকিৰযা ন,

তস্মা ন দীনপ্প কতিং ভজেয্য;

পঞ্ঞানুযাতং ৱীৰিযং ৱদন্তি,

সব্বত্থ সিদ্ধিগ্গহণগ্গহণ্থং.

২৮. ৱ্যাপাৰা সব্বভূতানং সুখত্থায ৱিধীযৰে;

সুখঞ্চ ন ৱিনা ধম্মং তস্মা ধম্মপৰো ভৱা’তি.

২৯. এৱমাদিকং সপ্পুৰিসনীতিপথং আদিসন্তে মহাথেৰে তেন কল্যাণধম্মেন অসোতব্বতানাদৰিযৰচিতভুকূটিক মুখেন ৱা দিসাচিক্খিত্তচক্খুনা চ অহঙ্কাৰপৰৱসেন গজনিমিলিতমুব্ভাৱযতা ৱা অত্তনো পঞ্ঞাধিক্খেপমিৱচ অচিন্তযতা চুড়াৱিনিহিতকোমড়ঞ্জলিপুটেন তন্নিন্নেন, তপ্পোণেন সিৰসা চ পীতি সমুদিত সাধুৱাদৱিকসিতকপোলেনমুখেন চ. সকলাৱযৱচিত্থটৰোমঞ্চ কঞ্চুকিতেন দেহেন চ ভূমিযং নিপজ্জিত্ৱা দীঘপ্পমাণ পমাণ মাৱৰত্তামগ্গফললাভতোৱিয ৱিসিট্ঠতৰং পমুদিতমাৱিকতমাসি.

ইতি অনুসাসন পৰিচ্ছেদো দুতিযো.

৩০. ততো পট্ঠায যথাৱুত্তপটিপদং অৱিৰাধেত্ৱা সমাৱৰণেন সন্তুট্ঠো তস্স সঙ্ঘবোধি সমঞ্ঞং গোপেতুকামো মাতুলমহাথেৰো ধম্মিকোতি ৱোহাৰং পট্ঠপেসি.

৩১. লক্খণপাঠকানং ৱচনং সদ্দহন্তো ভাগিনেয্যং পব্বজিতুকামম্পি |ও০.০০০৬| অপব্বাজেত্ৱা ‘‘ইধ ৱাসতো অনুৰাধপুৰে ৱাসোযেৱ কুমাৰস্স যোগক্খেমাৱহো, পুঞ্ঞানুৰূপেন জাযমানস্স ৱিপাকস্স চ ঠানং হোতি, মহাচেতিযস্স ৱত্তপটিৱত্তসমাচৰণেনচ মহন্তো পুঞ্ঞক্খণ্ধো সম্পজিস্সতি’’তি মঞ্ঞমানো তং কুমাৰমাদায গচ্ছন্তো অনুৰাধপুৰং গন্তুকামো নিক্খমি. সঙ্ঘতিস্সোগোঠাভযোতি চ লম্বকণ্ণা ৰাজ কুমাৰা অপৰেপি দুচে তস্স পংসুকীড়নতো পট্ঠায সহাযাতেন কুমাৰেন সদ্ধিং নিক্খমিংসু তে তযো কুমাৰে আদায গচ্ছন্তো মহাথেৰো পুৰেতৰমেৱ অনুৰাধপুৰং পাৱিসি. মহাথেৰমনুগচ্ছন্তেসু তেসু কুমাৰেসু জেট্ঠো সঙ্ঘতিস্সো মজ্ঝিমো সঙ্ঘবোধি কনিট্ঠো গোঠাভযোতি তে থেৰং পচ্ছতো অনুগচ্ছন্তা তযোপি পটিপাটি যা তিস্সৱাপিযা সেতুমত্থকেন গচ্ছন্তি.

৩২. তত্থ সেতুসালায নিসিন্নো কোচি অণ্ধোৱিচক্খণো তেসং তিণ্ণন্তং কুমাৰানং পদৱিঞ্ঞাসদ্দং সুত্ৱা লক্খণানুসাৰেন উপপৰিক্খিপিত্ৱা ‘‘এতে তযোপি সীহড়দীপে পথৱিস্সৰা ভৱিস্সন্তী’’তি তত্থ নিসিন্নানং ৱ্যাকাসি. তংৱচনং পচ্ছা গচ্ছন্তো গোঠাভযো সুত্ৱা ইতৰেসং গচ্ছন্তানং অনিৱেদযিত্ৱা পচ্চাগম্ম ‘‘কতমো চিৰং ৰজ্জং কাৰেস্সতি? চংসট্ঠিতিঞ্চ কৰোতি’’তি? পুচ্ছিত্ৱা পচ্ছিমোতি ৱুত্তে হট্ঠপহট্ঠো উদগ্গুদগ্গো সীঘতৰং আগম্ম তেহি সদ্ধিং গচ্ছন্তো তিখিণ মন্তিতায গম্ভীৰভাৱতো চ কঞ্চি অজানাপেত্ৱা অন্তোপুৰং পাৱিসি. তে তযোপি পতিৰূপে নিৱাসে ৱাসং গণ্হিংসু.

৩৩. অথ কনিট্ঠো ‘‘এতে দ্ৱেপি অপ্পাযুকত্তা ৰজ্জে পতিট্ঠিতাপি ন চিৰং জীৱন্তি কিৰ অহমেৱ তেসং ৰজ্জং দুপেস্সামি’’তি তদনুৰূপেন উপাযেনপটিজ্জন্তো তেসং ৰজ্জলাভায উপাযং দস্সেন্তো অভিণ্হং মত্তেতি. জেট্ঠোপি তস্মিং অতিপিযাসমানো তেনোপদিট্ঠমেৱ সমাচৰন্তোৰাজানং দিস্ৱা লদ্ধ সম্মানো সব্বেসু ৰাজকিচ্চেসু পুব্বঙ্গমো হুত্ৱা ন চিৰস্সেৱ ৰাজৱল্লভো অহোসি? তস্মিং কালে ৰজ্জং কাৰেন্তো ৱিজয ৰাজা নাম খত্তিযো তস্মিং পসন্নো সব্বেসু ৰাজকিচ্চেসু তমমেৱ পধানভূতং কত্ৱা সেনাপতিং অকাসি.

৩৪. ধম্মিকো পন ৰজ্জেন অনত্থিকতায ৰজ্জলাভায চিত্তম্পি অনুপ্পাদেত্ৱা কেৱলং মহাথেৰস্স অনুসাসনমত্তেনেৱ ৰাজুপট্ঠানৱেলাযং অনুচৰণমত্তমাচৰন্তো ৰাজগেহং পৱিসিত্ৱা ততো তেহি সদ্ধিং নিক্খম্ম সাযং মহা থেৰস্স ৱিহাৰেযেৱ ৱসন্তো অত্তনো ধম্মিকানুট্ঠানং অহাপেত্ৱা মহাচেতিযো পট্ঠানগিলানুপট্ঠানাদিকং |ও০.০০০৭| অনৱজ্জ ধম্মংচৰন্তো কালং ৱীতিনামেতি.

তদা সঙ্ঘতিস্সো সকলৰজ্জঞ্চ পুৰঞ্চ অত্তনোহত্থগতং কত্ৱা একস্মিং দিনে লদ্ধোকাসো ৰাজানং অন্তোভৱনেযেৱ গোঠাভযেন মাৰাপেত্ৱা সযং ৰজ্জে পতিট্ঠতি.

ইতি অনুৰাধপুৰপ্পৱেসপৰিচ্ছেদো ততিযো.

৩৫. অথ গোঠাভযো ধম্মিকং অনিচ্ছামানম্পি সেনাপতিট্ঠানে ঠপেত্ৱা আযতিং অপেক্খমানো সযং ভণ্ডাগাৰিকো অহোসি. অথ সঙ্ঘতিস্সো ৰাজা বহুং পুঞ্ঞ্চ অপুঞ্ঞ্চ পসৱন্তো জম্বুফলপাককালে সসেনো সামচ্চো সভোৰোধো অভিণ্হং পাচীন দেসং গন্ত্ৱা জম্বুফলানি খাদতি. ৰঞ্ঞো যেভুয্যেন গমনা গমনেন উপদ্দুতা ৰট্ঠৱাসিনো ৰাজুপভোগাৰহেসু জম্বুফলেসু ৱিসং যোজেসুং. অথ সো সঙ্ঘতিস্সো ৰাজা তেন ৱিসেন তত্থেৱ কালমকাসি.

৩৬. অথ গোঠাভযো অণ্ধৱিচক্খণস্স ৱচনং অনুস্সৰন্তো অনুক্কমেন ৰজ্জং দাপেত্ৱা পচ্ছা অহং সুপ্পতিট্ঠো ভৱিস্সামি’তি মঞ্ঞমানো সামচ্চো সসেনো সঙ্ঘবোধিকুমাৰং ৰজ্জেন নিমন্তেসি. সো তেমিয মহাবোধিসত্তেন দিট্ঠাদীনৱত্তা ৰজ্জসুখাপৰিচ্চাগানুভূতং মহন্তং দুক্খজালং অনুস্সৰিত্ৱা পুনপ্পুনং যাচিযমানোপি পটিক্খিপিযেৱ অভযো গামনিগমৰাজধানীসু সব্বেপি মনুস্সে সন্নিপাতেত্ৱা তেহি সদ্ধিং নানাপ্পকাৰং যাচমানোপি সম্পটিচ্ছাপেতুং নাসক্খি. অথ সব্বেপি ৰট্ঠৱাসিনো সামচ্চামহাৱিহাৰং গন্ত্ৱা মহা সঙ্ঘং সন্নিপাতেত্ৱা সঙ্ঘ মজ্ঝে সঙ্ঘবোধিকুমাৰো মহা সঙ্ঘং ভূমিযং নিপজ্জ নমস্সিত্ৱা লদ্ধোকাসো একমন্তং নিসীদিত্ৱা এৱং ৱত্তুমাৰভী.

৩৭. অযঞ্হি ৰাজলক্খীনাম যথা যথা দিপ্পতে, তথা তথা কপ্পুৰদীপসিখেৱ কজ্জিলংমলিনমেৱ কম্মজাতং কেৱলমুব্বমতি. তথাহি অযং সংৱধনৱাৰিধাৰা তণ্হাৱিসৱল্লীনং, নেনাদ মধুৰভীতিকা অযং ইণ্দ্ৰিযমিগানং, পৰামাসধুমলেখা সুচৰিত চিত্তকম্মস্স ৱিব্ভমসেয্যা মোহনিদ্দানং তিমিৰুগ্গতি পঞ্ঞাদিট্ঠীনং, পুৰস্সৰপতাকা অৱিনযমহাসেনায, উপ্পত্তিনিন্ননা কোধৱেগ কুম্ভিলানং, আপানভূমি মিচ্ছাদিট্ঠিৱদনং. সংগীতি সালা ইস্সৰিয ৱিকাৰনাটকানং আৱাসদৰীদোসাসিৱিসানং, উস্সাৰণৱেত্তলতা সপ্পুৰিসৱোহাৰানং, অকালজদাগমো সুচৰিত হংসানং, পত্থাৱনা কপটনাটকানং, কদলিকা কামকৰিনো ৱজ্ঝৱালা সাধুভাৱস্স, ৰাহুমুখং ধম্মচণ্দ |ও০.০০০৮| মণ্ডলস্স, নহি তং পস্সামি যোহি অপৰিচিতাযাপি এতায নিব্ভৰমুপগুল্হো ন ৱিপ্পলদ্ধো, অপিচ, অভিসেকসমযে ৰাজঞ্ঞানং মঙ্গলকলসজলেহি ৱিয ৱিক্খালনমুপযাতি দক্খিঞ্ঞং অগ্গিহুততধুমেনেৱ মলিনীভৱতি হদযং পুৰোহিত কুসগ্গ সমজ্জতেন ৱিয অপনিযতে তিতিক্খা, উণ্হীস পট্ট বণ্ধনেন ৱিয ছাদীযতী জৰাগমদস্সনং, আতপত্ত মণ্ডলেন ৱিয তিৰোকৰীযতি পৰলোকাপেক্খণং, চামৰপৱনেন ৱিয দুৰমুদ্ধুযতে সচ্চাদিতা ৱেত্তলতাপ্পহাৰেন ৱিয দুৰমপযন্তি সগ্গুণা একে ৰজ্জসিৰি মদিৰা মদমত্তা সকত্থনিপ্ফাদনপৰেহি ধনপিসিতাঘাসগিজ্ঝেহি সহানলীনীবকেহি দূতং ৱিনোদনন্তি, পৰদাৰাভিগমনং ৱিদ্ধতাতি, মীগৱন পৰিস্সমোতি, সুৰাপানং ৱিলাসোতি, নিচ্চপ্পমত্ততা, সুৰভাৱোতি সদাৰপ্পিচ্চাগং অৱ্যসনিতানি, গুৰুৱচনাৱধীৰণং অপৰপ্পনেযত্তমিতি অজিতহচ্চতং সুখোপসেৱত্তমীতি, নচ্চগীত গণাকানুসত্তি ৰসিকতেহি পৰিভৱসহত্তং খমেতি, সেৰীভাৱং পণ্ডিচ্চামিতি ৱণ্দিজন নৱচনং যসেংঘোসোতি তৰলতা উস্সাহোতি. অৱিসেসঞ্ঞুত্তং অপক্খপাতিত্তমিতি? এৱ দোসগণম্পি গুণপক্খে অজ্ঝাৰোপযন্তেহি সযম্পি অন্তো হ সন্তেহি পতাৰণকুসলেহি ধুত্তেহি অমানুসোচিতাহি থোমানাহি পতাৰিযমানা, চিত্তমদমত্ত চিত্তা নিচ্চেত ন তায তথেতি অত্তনি অজ্ঝাৰোপযন্তা অলিকাভিমানং মচ্চধম্মসমানাপি দিব্বং সাৱতিণ্ণমিৱ অমানুসমিৱ অত্তান মঞ্ঞমানা আৰধদিব্বোচিতকিৰযানু ভাৱা সব্বজনো পভসনীয ভাৱমুপযন্তি. অত্ত মিলম্বনঞ্চ অনু জীৱিজনেন কৰীযমানং অভিনণ্দন্তি.

৩৮. মানসা দেৱতাজ্ঝাৰোপণপ্পতাৰণ সম্ভূত সম্ভাৱনো পহতঞ্চ অন্তো পৱিট্ঠ অপৰভুজযুগং ৱিয অত্তনো বাহুযুগং সম্ভাৱযন্তি. তচন্তৰিত লোচনংসকললাট মাসংকন্তি, অলিকসম্ভাৱনাভিমানভৰিতা ন নমস্সন্তি দেৱতাযো ন পূজযন্তি সমণ ব্ৰাহ্মণে ন মানযন্তী মাননীযে, ন উপতিট্ঠন্তি গুৰুদস্সনেপি অনত্থকাযা সান্তৰীত, ৱিসযো পভোগসুখাতি অপহসন্তি যতিনো? জৰাভি ভৱপলপিমিতি ন সুণন্তি ৱুদ্ধজনুপদেসং, অত্তনো পঞ্ঞা পৰিভৱোতি উসুসন্তি সচিৱো পহেসস্স,কুঞ্জন্তি একন্ত হিতৱাদিনং এৱমাদিনা কাকণেন বহুন্নং দোসানং মাকৰ ভূতংৰজ্জীৱিভৱং অযং ন ইচ্ছামী’তি অৱোচ.

৩৯. অথ মহাজনেন সাদৰ মজ্ঝেসিতো মহাসঙ্ঘো কুমাৰভিমুখো হুত্ৱা ‘‘মহাভাগধেয্য! থনচুচুকে লগ্গিতাজলুক তিক্খডসনেনতত্থ ৱেদনুপ্পাদযন্তি লোহিতমেৱ আকড্ঢতি, দাৰকো পন কোমলেন মুখপুটেনমাতু সুখসঞ্ঞং উপ্পাদযন্তো খীৰমেৱ অৱ্হেতি.

৪০. |ও০.০০০৯| এৱমেৱ ৰজ্জৱিভৱং পত্তো অধীৰো বালো বহুং অপুঞ্ঞমেৱ সঞ্চিণানি, মেধাৱি ধিৰপুৰিসো পন আযুসঙ্খাৰস্স দুব্বলত্তঞ্চ ধনসঞ্চযস্স নিস্সাৰত্তঞ্চ পঞ্ঞায উপ পৰিক্খিত্ৱা দস কুসলকম্মানি পূৰেন্তো তাদিসেন মহতা ভোগক্খণ্ধেন মহন্তং কুসলৰাসিং উপচিণাতি, ত্ৱমসিকতাধি কাৰো মহাসত্তধুৰণ্ধৰো, এতাদিসং পুঞ্ঞাযতনট্ঠানং লদ্ধা ধম্মেন সমেন লোকং পৰিপালেন্তো সুগতসাসনং পগ্গণ্হন্তো দানপাৰমিকোটিপ্পত্তং কত্ৱা পচ্ছা অভিনিক্খমণঞ্চ কৰোন্তো বোধিপক্খিযধম্মে পৰিপাচেহী’’তি অনুসাসি.

৪১. অথ সো মহজ্ঝাসযো পুৰিসৱৰো মহাসঙ্ঘস্স অনুসাসনিং মদ্দিতু মসমণ্থো অধিৱাসেসী. অনন্তৰঞ্চ মহাজনকাযো সঙ্ঘস্স অনুঞ্ঞায সকলং সীলদীপং একচ্ছত্তং কত্ৱা অভিসিঞ্চিয ধম্মিক সিৰিসঙ্ঘবোধিৰাজাতি ৱোহাৰং পট্ঠপেসি গোঠাভযঞ্চ সেনাপতিট্ঠানে ঠপেসি.

৪২. দানং অদা ধাৰযি নিচ্চসীলং,

ৱহী তিতিক্খং ভজি অপ্পমাদং;

পজা হিতজ্ঝাসয সোম্মৰূপো,

ধম্মো চ সো ৱিগ্গভৱা ৱিৰোচী.

৪৩. ৱিঞ্ঞায লোকস্স হি সো সভাৱং,

পধানৱত্তানু গতিপ্পধানং;

নিধাতুকামো জন্তাসু ধম্মং,

সযম্পি ধম্মা ৱৰণম্হি সত্তো.

ইতি ৰজ্জাভিসেক পৰিচ্ছেদো চতুত্থো.

৪৪. সো ৰাজা মহা ৱিহাৰে মহগ্ঘ মহাৱিসালং সলাকগ্গং কাৰাপেত্ৱা অনেকসহস্সানং ভিক্খূনং নিচ্চং সলাক ভত্তং পট্ঠপেসি. মাতুলমহাথেৰস্সংচ সকনাম ধেয্যেন মহন্তং পৰিৱেণ ৱিহাৰং কাৰাপেত্ৱা অনেকেহি কপ্পিযভণ্ডেহি সদ্ধিং সপৰিৱাৰ ৱেণা কানি গামক্খেত্তানি সঙসপৰিভোগাৰহানি কত্ৱা দাপেসি সত্তমেৱ নিসীথকালে ৰহোগতো মহাবোধিসত্তস্স দুক্কৰচৰিতানি সল্লক্খেন্তো তাদিসাপদানং অত্তনি সম্পাদেতুমাসিংসি. তথা হি

৪৫. দেহীতি ৱত্থুমসুকং গদিতোত্থিকেহি,

নালং কথেতুম্হ নত্থি ন দেমিচাতি;

চিত্তে মহাকৰুণায পহটাৱকাসাৱ,

দুৰংজগাম ৱিয তস্স ভৱত্থু তণ্হা.

এৱমম্হাকং |ও০.০০১০| বোধিসত্তস্স ৱিয বাহিৰ ৱত্থুপৰিচ্চাগমহুস্সৱো কদা মে ভৱিস্সতিতি চ,

৪৬. আনীযতে নিসিত সত্থনিপাতনেন,

নিক্কড্ঢতে চ মুহু দান্হৱাযৰত্যা;

এৱং পুনপ্পুন গতাগতৱেগখিন্নং,

দুক্খং ন তস্স হদযং ৱত পীড়যিত্থ.

এৱং কিৰস্স মহাসত্তস্স মংস লোহিতাদি অজ্ঝত্তিকৱত্থুদানসমযে দুক্খৱেদনা মনং ন সম্বাধেসি. মমাপি ঈদিসং অজ্ঝত্তিক দানমহামঙ্গলং কদা ভৱিস্সতীতি চ.

৪৭. সো সংখপালভূজগো ৱিসৱেগৱাপি,

সীলস্স ভেদনভযেন অকুপ্পমানো;

ইচ্ছং সদেহহৰৱাভিজনে দযায,

গন্তুং সযং অপদতায সুসোচনূনং.

এৱং সীল ৰক্খনাপদানসিৰিং কদা ৱিন্দামীতি চ,

৪৮. পিৱেয্য থঞ্ঞং অমতঞ্চ বালো,

ৱুদ্ধিং গতো সোৱ জিগুচ্ছিতে তং;

স জাতু এৱং অনুভূয ৰজ্জং,

ঞাণস্স পাকে সততং জহাতি.

এৱং মযাপি অচিৰস্সেৱ অৱস্সং অভিনিক্খমনং কাতব্বন্তি চ,

৪৯. সো সেনকো দ্ৱিজপসিব্বকসাযিসপ্পং,

অঞ্ঞাসি দোসকলুসায ধিযাব্ভুতংতং;

কা ৱণ্ণনাস্স খলু দোসৱিনিগ্গতায,

সব্বঞ্ঞুতায দসপাৰমিসাধিতায.

এৱংৱিধা কল্যানঞাণসম্পত্তি কদা মে সমিজ্ঝিস্সতীতি চ,

৫০. ৱালেন সো কিসকলণ্দকজাতিযম্পি,

উস্সিঞ্চিতুং সলিলমুস্সহি সাগৰস্স;

তং মুদ্ধতায ন ভৱে মতিযা মহন্যা,

সম্পাদনায ভিমতস্স সমত্থতায.

এৱং ৱিধায ৱীৰিযপাৰমিযা কদা ভাজনং ভৱিস্সামিতি চ

৫১. কলাবুৰাজেন হি খন্তিৱাদি,

ৱধং ৱিধাযাপি অতিত্তকেন;

হতে পদেনোৰসি খন্তিসোধে,

সো কূটসণ্ধিগ্গহণং বুবোধ.

এৱং ৱিধায খত্তিপাৰমিযা অত্তানং কদা অলংকৰিস্সামিতি চ

৫২. |ও০.০০১১|

মিচ্ছাভিযোগং ন সহিংসু তস্স,

ৰামাভিধানস্সপি পাদুকাযো;

সচ্চঞ্চযা নাঞ্ঞমভাসিধীৰো,