১০. আহুনেয্যৱগ্গো

৯৫. ‘‘সত্তিমে, ভিক্খৱে, পুগ্গলা আহুনেয্যা…পে… দক্খিণেয্যা অঞ্জলিকৰণীযা অনুত্তৰং পুঞ্ঞক্খেত্তং লোকস্স. কতমে সত্ত? ইধ, ভিক্খৱে, একচ্চো পুগ্গলো চক্খুস্মিং অনিচ্চানুপস্সী ৱিহৰতি অনিচ্চসঞ্ঞী অনিচ্চপটিসংৱেদী সততং সমিতং অব্বোকিণ্ণং চেতসা অধিমুচ্চমানো পঞ্ঞায পৰিযোগাহমানো. সো আসৱানং খযা অনাসৱং চেতোৱিমুত্তিং পঞ্ঞাৱিমুত্তিং দিট্ঠেৱ ধম্মে সযং অভিঞ্ঞা সচ্ছিকত্ৱা উপসম্পজ্জ ৱিহৰতি. অযং খো, ভিক্খৱে, পঠমো পুগ্গলো আহুনেয্যো পাহুনেয্যো…পে… অনুত্তৰং পুঞ্ঞক্খেত্তং লোকস্স.

‘‘পুন চপৰং, ভিক্খৱে, ইধেকচ্চো পুগ্গলো চক্খুস্মিং অনিচ্চানুপস্সী ৱিহৰতি অনিচ্চসঞ্ঞী অনিচ্চপটিসংৱেদী সততং সমিতং অব্বোকিণ্ণং চেতসা অধিমুচ্চমানো পঞ্ঞায পৰিযোগাহমানো. তস্স অপুব্বং অচৰিমং আসৱপৰিযাদানঞ্চ হোতি জীৱিতপৰিযাদানঞ্চ. অযং, ভিক্খৱে, দুতিযো পুগ্গলো আহুনেয্যো…পে… অনুত্তৰং পুঞ্ঞক্খেত্তং লোকস্স.

‘‘পুন চপৰং, ভিক্খৱে, ইধেকচ্চো পুগ্গলো চক্খুস্মিং অনিচ্চানুপস্সী ৱিহৰতি অনিচ্চসঞ্ঞী অনিচ্চপটিসংৱেদী সততং সমিতং অব্বোকিণ্ণং চেতসা অধিমুচ্চমানো পঞ্ঞায পৰিযোগাহমানো. সো পঞ্চন্নং ওৰম্ভাগিযানং সংযোজনানং পৰিক্খযা অন্তৰাপৰিনিব্বাযী হোতি…পে… উপহচ্চপৰিনিব্বাযী হোতি…পে… অসঙ্খাৰপৰিনিব্বাযী হোতি…পে… সসঙ্খাৰপৰিনিব্বাযী হোতি…পে… উদ্ধংসোতো হোতি অকনিট্ঠগামী. অযং, ভিক্খৱে, সত্তমো পুগ্গলো আহুনেয্যো…পে… অনুত্তৰং পুঞ্ঞক্খেত্তং লোকস্স. ইমে খো, ভিক্খৱে, সত্ত পুগ্গলা আহুনেয্যা পাহুনেয্যা দক্খিণেয্যা অঞ্জলিকৰণীযা অনুত্তৰং পুঞ্ঞক্খেত্তং লোকস্সা’’তি.

৯৬-৬২২. সত্তিমে, ভিক্খৱে, পুগ্গলা আহুনেয্যা পাহুনেয্যা…পে… অনুত্তৰং পুঞ্ঞক্খেত্তং লোকস্স. কতমে সত্ত? ইধ, ভিক্খৱে, একচ্চো পুগ্গলো চক্খুস্মিং দুক্খানুপস্সী ৱিহৰতি…পে… চক্খুস্মিং অনত্তানুপস্সী ৱিহৰতি…পে… চক্খুস্মিং খযানুপস্সী ৱিহৰতি…পে… চক্খুস্মিং ৱযানুপস্সী ৱিহৰতি…পে… চক্খুস্মিং ৱিৰাগানুপস্সী ৱিহৰতি…পে… চক্খুস্মিং নিৰোধানুপস্সী ৱিহৰতি…পে… চক্খুস্মিং পটিনিস্সগ্গানুপস্সী ৱিহৰতি…পে….

সোতস্মিং…পে… ঘানস্মিং… জিৱ্হায… কাযস্মিং… মনস্মিং…পে….

ৰূপেসু…পে… সদ্দেসু… গন্ধেসু… ৰসেসু… ফোট্ঠব্বেসু … ধম্মেসু …পে….

চক্খুৱিঞ্ঞাণে…পে… সোতৱিঞ্ঞাণে… ঘানৱিঞ্ঞাণে… জিৱ্হাৱিঞ্ঞাণে… কাযৱিঞ্ঞাণে… মনোৱিঞ্ঞাণে…পে….

চক্খুসম্ফস্সে…পে… সোতসম্ফস্সে… ঘানসম্ফস্সে… জিৱ্হাসম্ফস্সে… কাযসম্ফস্সে… মনোসম্ফস্সে…পে….

চক্খুসম্ফস্সজায ৱেদনায…পে… সোতসম্ফস্সজায ৱেদনায… ঘানসম্ফস্সজায ৱেদনায… জিৱ্হাসম্ফস্সজায ৱেদনায… কাযসম্ফস্সজায ৱেদনায… মনোসম্ফস্সজায ৱেদনায…পে….

ৰূপসঞ্ঞায…পে… সদ্দসঞ্ঞায… গন্ধসঞ্ঞায… ৰসসঞ্ঞায… ফোট্ঠব্বসঞ্ঞায… ধম্মসঞ্ঞায…পে….

ৰূপসঞ্চেতনায…পে… সদ্দসঞ্চেতনায… গন্ধসঞ্চেতনায… ৰসসঞ্চেতনায… ফোট্ঠব্বসঞ্চেতনায… ধম্মসঞ্চেতনায…পে….

ৰূপতণ্হায…পে… সদ্দতণ্হায… গন্ধতণ্হায… ৰসতণ্হায… ফোট্ঠব্বতণ্হায… ধম্মতণ্হায…পে….

ৰূপৱিতক্কে …পে… সদ্দৱিতক্কে… গন্ধৱিতক্কে… ৰসৱিতক্কে… ফোট্ঠব্বৱিতক্কে… ধম্মৱিতক্কে…পে….

ৰূপৱিচাৰে…পে… সদ্দৱিচাৰে… গন্ধৱিচাৰে… ৰসৱিচাৰে… ফোট্ঠব্বৱিচাৰে… ধম্মৱিচাৰে…পে….

‘‘পঞ্চক্খন্ধে [( ) সী. স্যা. পোত্থকেসু নত্থি] …পে… ৰূপক্খন্ধে… ৱেদনাক্খন্ধে… সঞ্ঞাক্খন্ধে… সঙ্খাৰক্খন্ধে… ৱিঞ্ঞাণক্খন্ধে অনিচ্চানুপস্সী ৱিহৰতি…পে… দুক্খানুপস্সী ৱিহৰতি… অনত্তানুপস্সী ৱিহৰতি… খযানুপস্সী ৱিহৰতি… ৱযানুপস্সী ৱিহৰতি… ৱিৰাগানুপস্সী ৱিহৰতি… নিৰোধানুপস্সী ৱিহৰতি… পটিনিস্সগ্গানুপস্সী ৱিহৰতি…পে… লোকস্সা’’তি.

‘‘ছদ্ৱাৰাৰম্মণেস্ৱেত্থ, ৱিঞ্ঞাণেসু চ ফস্সেসু;

ৱেদনাসু চ দ্ৱাৰস্স, সুত্তা হোন্তি ৱিসুং অট্ঠ.

‘‘সঞ্ঞা সঞ্চেতনা তণ্হা, ৱিতক্কেসু ৱিচাৰে চ;

গোচৰস্স ৱিসুং অট্ঠ, পঞ্চক্খন্ধে চ পচ্চেকে.

‘‘সোড়সস্ৱেত্থ মূলেসু, অনিচ্চং দুক্খমনত্তা;

খযা ৱযা ৱিৰাগা চ, নিৰোধা পটিনিস্সগ্গা.

‘‘কমং অট্ঠানুপস্সনা, যোজেত্ৱান ৱিসুং ৱিসুং;

সম্পিণ্ডিতেসু সব্বেসু, হোন্তি পঞ্চ সতানি চ;

অট্ঠৱীসতি সুত্তানি, আহুনেয্যে চ ৱগ্গিকে’’ [ইমা উদ্দানগাথাযো সী. স্যা. পোত্থকেসু নত্থি].

আহুনেয্যৱগ্গো দসমো.