১৩. ৰাগপেয্যালং

১৪০. ‘‘ৰাগস্স, ভিক্খৱে, অভিঞ্ঞায ছ ধম্মা ভাৱেতব্বা. কতমে ছ? দস্সনানুত্তৰিযং, সৱনানুত্তৰিযং, লাভানুত্তৰিযং, সিক্খানুত্তৰিযং, পাৰিচৰিযানুত্তৰিযং, অনুস্সতানুত্তৰিযং. ৰাগস্স, ভিক্খৱে, অভিঞ্ঞায ইমে ছ ধম্মা ভাৱেতব্বা’’তি.

১৪১. ‘‘ৰাগস্স, ভিক্খৱে, অভিঞ্ঞায ছ ধম্মা ভাৱেতব্বা. কতমে ছ? বুদ্ধানুস্সতি, ধম্মানুস্সতি, সঙ্ঘানুস্সতি, সীলানুস্সতি, চাগানুস্সতি, দেৱতানুস্সতি. ৰাগস্স, ভিক্খৱে, অভিঞ্ঞায ইমে ছ ধম্মা ভাৱেতব্বা’’তি.

১৪২. ‘‘ৰাগস্স, ভিক্খৱে, অভিঞ্ঞায ছ ধম্মা ভাৱেতব্বা. কতমে ছ? অনিচ্চসঞ্ঞা, অনিচ্চে দুক্খসঞ্ঞা, দুক্খে অনত্তসঞ্ঞা, পহানসঞ্ঞা, ৱিৰাগসঞ্ঞা, নিৰোধসঞ্ঞা. ৰাগস্স, ভিক্খৱে, অভিঞ্ঞায ইমে ছ ধম্মা ভাৱেতব্বা’’তি.

১৪৩-১৬৯. ‘‘ৰাগস্স, ভিক্খৱে, পৰিঞ্ঞায…পে… পৰিক্খযায… পহানায… খযায… ৱযায… ৱিৰাগায… নিৰোধায… চাগায… পটিনিস্সগ্গায ছ ধম্মা ভাৱেতব্বা’’.

১৭০-৬৪৯. ‘‘দোসস্স…পে… মোহস্স… কোধস্স… উপনাহস্স… মক্খস্স… পড়াসস্স… ইস্সায… মচ্ছৰিযস্স… মাযায… সাঠেয্যস্স… থম্ভস্স… সাৰম্ভস্স… মানস্স… অতিমানস্স… মদস্স… পমাদস্স অভিঞ্ঞায…পে… পৰিঞ্ঞায… পৰিক্খযায… পহনায… খযায… ৱযায… ৱিৰাগায… নিৰোধায… চাগায… পটিনিস্সগ্গায ইমে ছ ধম্মা ভাৱেতব্বা’’তি. ইদমৱোচ ভগৱা. অত্তমনা তে ভিক্খূ ভগৱতো ভাসিতং অভিনন্দুন্তি.

ৰাগপেয্যালং নিট্ঠিতং.