৫. অনুকম্পসুত্তং

২৩৫. ‘‘পঞ্চহি, ভিক্খৱে, ধম্মেহি সমন্নাগতো আৱাসিকো ভিক্খু গিহীনং [গিহিং (স্যা.), গিহী (কত্থচি)] অনুকম্পতি. কতমেহি পঞ্চহি? অধিসীলে [অধিসীলেসু (স্যা.)] সমাদপেতি; ধম্মদস্সনে নিৱেসেতি; গিলানকে উপসঙ্কমিত্ৱা সতিং উপ্পাদেতি – ‘অৰহগ্গতং আযস্মন্তো সতিং উপট্ঠাপেথা’তি; মহা খো পন ভিক্খুসঙ্ঘো অভিক্কন্তো নানাৱেৰজ্জকা ভিক্খূ গিহীনং উপসঙ্কমিত্ৱা আৰোচেতি – ‘মহা খো, আৱুসো, ভিক্খুসঙ্ঘো অভিক্কন্তো নানাৱেৰজ্জকা ভিক্খূ, কৰোথ পুঞ্ঞানি, সমযো পুঞ্ঞানি কাতু’ন্তি; যং খো পনস্স ভোজনং দেন্তি লূখং ৱা পণীতং ৱা তং অত্তনা পৰিভুঞ্জতি, সদ্ধাদেয্যং ন ৱিনিপাতেতি. ইমেহি খো, ভিক্খৱে, পঞ্চহি ধম্মেহি সমন্নাগতো আৱাসিকো ভিক্খু গিহীনং অনুকম্পতী’’তি. পঞ্চমং.