৭. সীলসুত্তং

১০৭. ‘‘পঞ্চহি, ভিক্খৱে, ধম্মেহি সমন্নাগতো ভিক্খু আহুনেয্যো হোতি পাহুনেয্যো দক্খিণেয্যো অঞ্জলিকৰণীযো অনুত্তৰং পুঞ্ঞক্খেত্তং লোকস্স.

‘‘কতমেহি পঞ্চহি? ইধ, ভিক্খৱে, ভিক্খু সীলসম্পন্নো হোতি, সমাধিসম্পন্নো হোতি, পঞ্ঞাসম্পন্নো হোতি, ৱিমুত্তিসম্পন্নো হোতি, ৱিমুত্তিঞাণদস্সনসম্পন্নো হোতি.

‘‘ইমেহি খো, ভিক্খৱে, পঞ্চহি ধম্মেহি সমন্নাগতো ভিক্খু আহুনেয্যো হোতি পাহুনেয্যো দক্খিণেয্যো অঞ্জলিকৰণীযো অনুত্তৰং পুঞ্ঞক্খেত্তং লোকস্সা’’তি. সত্তমং.