(২৭) ৭. কম্মপথৱগ্গো

১. পাণাতিপাতীসুত্তং

২৬৪. ‘‘চতূহি, ভিক্খৱে, ধম্মেহি সমন্নাগতো যথাভতং নিক্খিত্তো এৱং নিৰযে. কতমেহি চতূহি? অত্তনা চ পাণাতিপাতী হোতি, পৰঞ্চ পাণাতিপাতে সমাদপেতি, পাণাতিপাতে চ সমনুঞ্ঞো হোতি, পাণাতিপাতস্স চ ৱণ্ণং ভাসতি – ইমেহি খো, ভিক্খৱে, চতূহি ধম্মেহি সমন্নাগতো যথাভতং নিক্খিত্তো এৱং নিৰযে.

‘‘চতূহি, ভিক্খৱে, ধম্মেহি সমন্নাগতো যথাভতং নিক্খিত্তো এৱং সগ্গে. কতমেহি চতূহি? অত্তনা চ পাণাতিপাতা পটিৱিৰতো হোতি, পৰঞ্চ পাণাতিপাতা ৱেৰমণিযা সমাদপেতি, পাণাতিপাতা ৱেৰমণিযা চ সমনুঞ্ঞো হোতি, পাণাতিপাতা ৱেৰমণিযা চ ৱণ্ণং ভাসতি – ইমেহি খো, ভিক্খৱে, চতূহি ধম্মেহি সমন্নাগতো যথাভতং নিক্খিত্তো এৱং সগ্গে’’তি. পঠমং.

২. অদিন্নাদাযীসুত্তং

২৬৫. ‘‘চতূহি, ভিক্খৱে, ধম্মেহি সমন্নাগতো যথাভতং নিক্খিত্তো এৱং নিৰযে. কতমেহি চতূহি? অত্তনা চ অদিন্নাদাযী হোতি, পৰঞ্চ অদিন্নাদানে সমাদপেতি, অদিন্নাদানে চ সমনুঞ্ঞো হোতি, অদিন্নাদানস্স চ ৱণ্ণং ভাসতি – ইমেহি খো…পে….

‘‘অত্তনা চ অদিন্নাদানা পটিৱিৰতো হোতি, পৰঞ্চ অদিন্নাদানা ৱেৰমণিযা সমাদপেতি, অদিন্নাদানা ৱেৰমণিযা চ সমনুঞ্ঞো হোতি, অদিন্নাদানা ৱেৰমণিযা চ ৱণ্ণং ভাসতি – ইমেহি খো, ভিক্খৱে…পে…. দুতিযং.

৩. মিচ্ছাচাৰীসুত্তং

২৬৬. … অত্তনা চ কামেসুমিচ্ছাচাৰী হোতি, পৰঞ্চ কামেসুমিচ্ছাচাৰে সমাদপেতি, কামেসুমিচ্ছাচাৰে চ সমনুঞ্ঞো হোতি, কামেসুমিচ্ছাচাৰস্স চ ৱণ্ণং ভাসতি – ইমেহি খো…পে….

অত্তনা চ কামেসুমিচ্ছাচাৰা পটিৱিৰতো হোতি, পৰঞ্চ কামেসুমিচ্ছাচাৰা ৱেৰমণিযা সমাদপেতি, কামেসুমিচ্ছাচাৰা ৱেৰমণিযা চ সমনুঞ্ঞো হোতি, কামেসুমিচ্ছাচাৰা ৱেৰমণিযা চ ৱণ্ণং ভাসতি – ইমেহি খো…পে…. ততিযং.

৪. মুসাৱাদীসুত্তং

২৬৭. … অত্তনা চ মুসাৱাদী হোতি, পৰঞ্চ মুসাৱাদে সমাদপেতি, মুসাৱাদে চ সমনুঞ্ঞো হোতি, মুসাৱাদস্স চ ৱণ্ণং ভাসতি – ইমেহি খো…পে….

অত্তনা চ মুসাৱাদা পটিৱিৰতো হোতি, পৰঞ্চ মুসাৱাদা ৱেৰমণিযা সমাদপেতি, মুসাৱাদা ৱেৰমণিযা চ সমনুঞ্ঞো হোতি, মুসাৱাদা ৱেৰমণিযা চ ৱণ্ণং ভাসতি – ইমেহি…পে…. চতুত্থং.

৫. পিসুণৱাচাসুত্তং

২৬৮. … অত্তনা চ পিসুণৱাচো হোতি, পৰঞ্চ পিসুণায ৱাচায সমাদপেতি, পিসুণায ৱাচায চ সমনুঞ্ঞো হোতি, পিসুণায ৱাচায চ ৱণ্ণং ভাসতি – ইমেহি…পে….

অত্তনা চ পিসুণায ৱাচায পটিৱিৰতো হোতি, পৰঞ্চ পিসুণায ৱাচায ৱেৰমণিযা সমাদপেতি, পিসুণায ৱাচায ৱেৰমণিযা চ সমনুঞ্ঞো হোতি, পিসুণায ৱাচায ৱেৰমণিযা চ ৱণ্ণং ভাসতি – ইমেহি…পে…. পঞ্চমং.

৬. ফৰুসৱাচাসুত্তং

২৬৯. … অত্তনা চ ফৰুসৱাচো হোতি, পৰঞ্চ ফৰুসায ৱাচায সমাদপেতি, ফৰুসায ৱাচায চ সমনুঞ্ঞো হোতি, ফৰুসায ৱাচায চ ৱণ্ণং ভাসতি…পে….

অত্তনা চ ফৰুসায ৱাচায পটিৱিৰতো হোতি, পৰঞ্চ ফৰুসায ৱাচায ৱেৰমণিযা সমাদপেতি, ফৰুসায ৱাচায ৱেৰমণিযা চ সমনুঞ্ঞো হোতি, ফৰুসায ৱাচায ৱেৰমণিযা চ ৱণ্ণং ভাসতি – ইমেহি খো…পে…. ছট্ঠং.

৭. সম্ফপ্পলাপসুত্তং

২৭০. … অত্তনা চ সম্ফপ্পলাপী হোতি, পৰঞ্চ সম্ফপ্পলাপে সমাদপেতি, সম্ফপ্পলাপে চ সমনুঞ্ঞো হোতি, সম্ফপ্পলাপস্স চ ৱণ্ণং ভাসতি – ইমেহি…পে….

অত্তনা চ সম্ফপ্পলাপা পটিৱিৰতো হোতি, পৰঞ্চ সম্ফপ্পলাপা ৱেৰমণিযা সমাদপেতি, সম্ফপ্পলাপা ৱেৰমণিযা চ সমনুঞ্ঞো হোতি, সম্ফপ্পলাপা ৱেৰমণিযা চ ৱণ্ণং ভাসতি – ইমেহি খো, ভিক্খৱে…পে…. সত্তমং.

৮. অভিজ্ঝালুসুত্তং

২৭১. … অত্তনা চ অভিজ্ঝালু হোতি, পৰঞ্চ অভিজ্ঝায সমাদপেতি, অভিজ্ঝায চ সমনুঞ্ঞো হোতি, অভিজ্ঝায চ ৱণ্ণং ভাসতি…পে….

‘‘অত্তনা চ অনভিজ্ঝালু হোতি, পৰঞ্চ অনভিজ্ঝায সমাদপেতি, অনভিজ্ঝায চ সমনুঞ্ঞো হোতি, অনভিজ্ঝায চ ৱণ্ণং ভাসতি – ইমেহি খো…পে…. অট্ঠমং.

৯. ব্যাপন্নচিত্তসুত্তং

২৭২. … অত্তনা চ ব্যাপন্নচিত্তো হোতি, পৰঞ্চ ব্যাপাদে সমাদপেতি, ব্যাপাদে চ সমনুঞ্ঞো হোতি, ব্যাপাদস্স চ ৱণ্ণং ভাসতি – ইমেহি…পে….

অত্তনা চ অব্যাপন্নচিত্তো হোতি, পৰঞ্চ অব্যাপাদে সমাদপেতি, অব্যাপাদে চ সমনুঞ্ঞো হোতি, অব্যাপাদস্স চ ৱণ্ণং ভাসতি – ইমেহি খো…পে…. নৱমং.

১০. মিচ্ছাদিট্ঠিসুত্তং

২৭৩. … অত্তনা চ মিচ্ছাদিট্ঠিকো হোতি, পৰঞ্চ মিচ্ছাদিট্ঠিযা সমাদপেতি, মিচ্ছাদিট্ঠিযা চ সমনুঞ্ঞো হোতি, মিচ্ছাদিট্ঠিযা চ ৱণ্ণং ভাসতি – ইমেহি…পে….

অত্তনা চ সম্মাদিট্ঠিকো হোতি, পৰঞ্চ সম্মাদিট্ঠিযা সমাদপেতি, সম্মাদিট্ঠিযা চ সমনুঞ্ঞো হোতি, সম্মাদিট্ঠিযা চ ৱণ্ণং ভাসতি – ইমেহি খো, ভিক্খৱে, চতূহি ধম্মেহি সমন্নাগতো যথাভতং নিক্খিত্তো এৱং সগ্গেতি. দসমং.

কম্মপথৱগ্গো সত্তমো.