৪. ৰাগপেয্যালং

২৩১. ‘‘ৰাগস্স, ভিক্খৱে, অভিঞ্ঞায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. ৰাগস্স, ভিক্খৱে, অভিঞ্ঞায ইমে দ্ৱে ধম্মা ভাৱেতব্বা’’তি.

‘‘ৰাগস্স, ভিক্খৱে, পৰিঞ্ঞায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. ৰাগস্স, ভিক্খৱে, পৰিঞ্ঞা ইমে দ্ৱে ধম্মা ভাৱেতব্বা. ৰাগস্স, ভিক্খৱে, পৰিক্খযায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. ৰাগস্স, ভিক্খৱে, পৰিক্খযা ইমে দ্ৱে ধম্মা ভাৱেতব্বা. ৰাগস্স, ভিক্খৱে, পহানায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. ৰাগস্স, ভিক্খৱে, পহানা ইমে দ্ৱে ধম্মা ভাৱেতব্বা. ৰাগস্স, ভিক্খৱে, খযায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. ৰাগস্স, ভিক্খৱে, খযা ইমে দ্ৱে ধম্মা ভাৱেতব্বা. ৰাগস্স, ভিক্খৱে, ৱযায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. ৰাগস্স, ভিক্খৱে, ৱযা ইমে দ্ৱে ধম্মা ভাৱেতব্বা. ৰাগস্স, ভিক্খৱে, ৱিৰাগায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. ৰাগস্স, ভিক্খৱে, ৱিৰাগা ইমে দ্ৱে ধম্মা ভাৱেতব্বা. ৰাগস্স, ভিক্খৱে, নিৰোধায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. ৰাগস্স, ভিক্খৱে, নিৰোধা ইমে দ্ৱে ধম্মা ভাৱেতব্বা. ৰাগস্স, ভিক্খৱে, চাগায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. ৰাগস্স, ভিক্খৱে, চাগা ইমে দ্ৱে ধম্মা ভাৱেতব্বা. ৰাগস্স, ভিক্খৱে, পটিনিস্সগ্গায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. ৰাগস্স, ভিক্খৱে, পটিনিস্সগ্গায ইমে দ্ৱে ধম্মা ভাৱেতব্বা’’তি.

২৩২-২৪৬. ‘‘দোসস্স…পে… মোহস্স… কোধস্স… উপনাহস্স… মক্খস্স… পড়াসস্স… ইস্সায… মচ্ছৰিযস্স… মাযায… সাঠেয্যস্স… থম্ভস্স… সাৰম্ভস্স… মানস্স… অতিমানস্স… মদস্স… পমাদস্স, ভিক্খৱে, অভিঞ্ঞায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. পমাদস্স, ভিক্খৱে, অভিঞ্ঞা ইমে দ্ৱে ধম্মা ভাৱেতব্বা. পমাদস্স, ভিক্খৱে, পৰিঞ্ঞায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. পমাদস্স, ভিক্খৱে, পৰিঞ্ঞা ইমে দ্ৱে ধম্মা ভাৱেতব্বা. পমাদস্স, ভিক্খৱে, পৰিক্খযায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. পমাদস্স, ভিক্খৱে, পৰিক্খযায ইমে দ্ৱে ধম্মা ভাৱেতব্বা. পমাদস্স, ভিক্খৱে, পহানায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. পমাদস্স, ভিক্খৱে, পহানা ইমে দ্ৱে ধম্মা ভাৱেতব্বা. পমাদস্স, ভিক্খৱে, খযায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. পমাদস্স, ভিক্খৱে, খযা ইমে দ্ৱে ধম্মা ভাৱেতব্বা. পমাদস্স, ভিক্খৱে, ৱযায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. পমাদস্স, ভিক্খৱে, ৱযা ইমে দ্ৱে ধম্মা ভাৱেতব্বা. পমাদস্স, ভিক্খৱে, ৱিৰাগায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. পমাদস্স, ভিক্খৱে, ৱিৰাগা ইমে দ্ৱে ধম্মা ভাৱেতব্বা. পমাদস্স, ভিক্খৱে, নিৰোধায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. পমাদস্স, ভিক্খৱে, নিৰোধা ইমে দ্ৱে ধম্মা ভাৱেতব্বা. পমাদস্স, ভিক্খৱে, চাগায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. পমাদস্স, ভিক্খৱে, চাগা ইমে দ্ৱে ধম্মা ভাৱেতব্বা. পমাদস্স, ভিক্খৱে, পটিনিস্সগ্গায দ্ৱে ধম্মা ভাৱেতব্বা. কতমে দ্ৱে? সমথো চ ৱিপস্সনা চ. পমাদস্স, ভিক্খৱে, পটিনিস্সগ্গায ইমে দ্ৱে ধম্মা ভাৱেতব্বা’’তি.

(ইদমৱোচ ভগৱা. অত্তমনা তে ভিক্খূ ভগৱতো ভাসিতং অভিনন্দুন্তি.) [( ) এত্থন্তৰে পাঠো সী. স্যা. কং. পী. পোত্থকেসু নত্থি]

ৰাগপেয্যালং নিট্ঠিতং.