৮. কম্মনিদানসুত্তং

১৭৪. ‘‘পাণাতিপাতম্পাহং, ভিক্খৱে, তিৱিধং ৱদামি – লোভহেতুকম্পি, দোসহেতুকম্পি, মোহহেতুকম্পি.

‘‘অদিন্নাদানম্পাহং, ভিক্খৱে, তিৱিধং ৱদামি – লোভহেতুকম্পি, দোসহেতুকম্পি, মোহহেতুকম্পি.

‘‘কামেসুমিচ্ছাচাৰম্পাহং, ভিক্খৱে, তিৱিধং ৱদামি – লোভহেতুকম্পি, দোসহেতুকম্পি, মোহহেতুকম্পি.

‘‘মুসাৱাদম্পাহং, ভিক্খৱে, তিৱিধং ৱদামি – লোভহেতুকম্পি, দোসহেতুকম্পি, মোহহেতুকম্পি.

‘‘পিসুণৱাচম্পাহং, ভিক্খৱে, তিৱিধং ৱদামি – লোভহেতুকম্পি, দোসহেতুকম্পি, মোহহেতুকম্পি.

‘‘ফৰুসৱাচম্পাহং, ভিক্খৱে, তিৱিধং ৱদামি – লোভহেতুকম্পি, দোসহেতুকম্পি, মোহহেতুকম্পি.

‘‘সম্ফপ্পলাপম্পাহং, ভিক্খৱে, তিৱিধং ৱদামি – লোভহেতুকম্পি, দোসহেতুকম্পি, মোহহেতুকম্পি.

‘‘অভিজ্ঝম্পাহং, ভিক্খৱে, তিৱিধং ৱদামি – লোভহেতুকম্পি, দোসহেতুকম্পি, মোহহেতুকম্পি.

‘‘ব্যাপাদম্পাহং, ভিক্খৱে, তিৱিধং ৱদামি – লোভহেতুকম্পি, দোসহেতুকম্পি, মোহহেতুকম্পি.

‘‘মিচ্ছাদিট্ঠিম্পাহং, ভিক্খৱে, তিৱিধং ৱদামি – লোভহেতুকম্পি, দোসহেতুকম্পি, মোহহেতুকম্পি. ইতি খো, ভিক্খৱে, লোভো কম্মনিদানসম্ভৱো, দোসো কম্মনিদানসম্ভৱো, মোহো কম্মনিদানসম্ভৱো. লোভক্খযা কম্মনিদানসঙ্খযো, দোসক্খযা কম্মনিদানসঙ্খযো, মোহক্খযা কম্মনিদানসঙ্খযো’’তি. অট্ঠমং.