১. সেৱিতব্বসুত্তং

১৫৫. ‘‘দসহি, ভিক্খৱে, ধম্মেহি সমন্নাগতো পুগ্গলো ন সেৱিতব্বো. কতমেহি দসহি? মিচ্ছাদিট্ঠিকো হোতি, মিচ্ছাসঙ্কপ্পো হোতি, মিচ্ছাৱাচো হোতি, মিচ্ছাকম্মন্তো হোতি, মিচ্ছাআজীৱো হোতি, মিচ্ছাৱাযামো হোতি, মিচ্ছাসতি হোতি, মিচ্ছাসমাধি হোতি, মিচ্ছাঞাণী হোতি, মিচ্ছাৱিমুত্তি হোতি – ইমেহি খো, ভিক্খৱে, দসহি ধম্মেহি সমন্নাগতো পুগ্গলো ন সেৱিতব্বো.

‘‘দসহি, ভিক্খৱে, ধম্মেহি সমন্নাগতো পুগ্গলো সেৱিতব্বো. কতমেহি দসহি? সম্মাদিট্ঠিকো হোতি, সম্মাসঙ্কপ্পো হোতি, সম্মাৱাচো হোতি, সম্মাকম্মন্তো হোতি, সম্মাআজীৱো হোতি, সম্মাৱাযামো হোতি, সম্মাসতি হোতি, সম্মাসমাধি হোতি, সম্মাঞাণী হোতি, সম্মাৱিমুত্তি হোতি – ইমেহি খো, ভিক্খৱে, দসহি ধম্মেহি সমন্নাগতো পুগ্গলো সেৱিতব্বো’’তি.