༩. ན་ཝ་ཀ་ཝཱ་རོ

༣༢༩. ན་ཝ ཨཱ་གྷཱ་ཏ་ཝ་ཏྠཱུ་ནི. ན་ཝ ཨཱ་གྷཱ་ཏ་པ་ཊི་ཝི་ན་ཡཱ. ན་ཝ ཝི་ནཱི་ཏ་ཝ་ཏྠཱུ་ནི. ན་ཝ པ་ཋ་མཱ་པ་ཏྟི་ཀཱ. ན་ཝ་ཧི ས་ངྒྷོ བྷི་ཛྫ་ཏི. ན་ཝ པ་ཎཱི་ཏ་བྷོ་ཛ་ནཱ་ནི. ན་ཝ་མཾ་སེ་ཧི དུ་ཀྐ་ཊཾ. ན་ཝ པཱ་ཏི་མོ་ཀྑུ་དྡེ་སཱ. ན་ཝ པ་ར་མཱ་ནི. ན་ཝ ཏ་ཎྷཱ་མཱུ་ལ་ཀཱ དྷ་མྨཱ. ན་ཝ ཝི་དྷ་མཱ་ནཱ. ན་ཝ ཙཱི་ཝ་རཱ་ནི ཨ་དྷི་ཊྛཱ་ཏ་བྦཱ་ནི. ན་ཝ ཙཱི་ཝ་རཱ་ནི ན ཝི་ཀ་པྤེ་ཏ་བྦཱ་ནི. དཱི་གྷ་སོ ན་ཝ ཝི་ད་ཏྠི་ཡོ སུ་ག་ཏ་ཝི་ད་ཏྠི་ཡཱ. ན་ཝ ཨ་དྷ་མྨི་ཀཱ་ནི དཱ་ནཱ་ནི. ན་ཝ ཨ་དྷ་མྨི་ཀཱ པ་ཊི་གྒ་ཧཱ. ན་ཝ ཨ་དྷ་མྨི་ཀཱ པ་རི་བྷོ་གཱ – ཏཱི་ཎི དྷ་མྨི་ཀཱ་ནི དཱ་ནཱ་ནི, ཏ་ཡོ དྷ་མྨི་ཀཱ པ་ཊི་གྒ་ཧཱ, ཏ་ཡོ དྷ་མྨི་ཀཱ པ་རི་བྷོ་གཱ. ན་ཝ ཨ་དྷ་མྨི་ཀཱ ས་ཉྙ་ཏྟི་ཡོ [པ་ཉྙ་ཏྟི་ཡོ (ས་བྦ་ཏྠ) ཨ་ཊྛ་ཀ་ཐཱ ཙ ས་མ་ཐ་ཀྑ་ནྡྷ་ཀེ ཀ་ཎྷ་པ་ཀྑ་ན་ཝ་ཀ་ཉྩ ཨོ་ལོ་ཀེ་ཏ་བྦཾ]. ན་ཝ དྷ་མྨི་ཀཱ ས་ཉྙ་ཏྟི་ཡོ. ཨ་དྷ་མྨ་ཀ་མྨེ དྭེ ན་ཝ་ཀཱ་ནི. དྷ་མྨ་ཀ་མྨེ དྭེ ན་ཝ་ཀཱ་ནི. ན་ཝ ཨ་དྷ་མྨི་ཀཱ་ནི པཱ་ཏི་མོ་ཀྑ་ཊྛ་པ་ནཱ་ནི. ན་ཝ དྷ་མྨི་ཀཱ་ནི པཱ་ཏི་མོ་ཀྑ་ཊྛ་པ་ནཱ་ནཱི་ཏི.

ན་ཝ་ཀཾ ནི་ཊྛི་ཏཾ.

ཏ་སྶུ་དྡཱ་ནཾ –

ཨཱ་གྷཱ་ཏ་ཝ་ཏྠུ་ཝི་ན་ཡཱ, ཝི་ནཱི་ཏཱ པ་ཋ་མེ་ན ཙ;

བྷི་ཛྫ་ཏི ཙ པ་ཎཱི་ཏ་ཉྩ, མཾ་སུ་དྡེ་ས་པ་ར་མཱ་ནི ཙ.

ཏ་ཎྷཱ མཱ་ནཱ ཨ་དྷི་ཊྛཱ་ནཱ, ཝི་ཀ་པྤེ ཙ ཝི་ད་ཏྠི་ཡོ;

དཱ་ནཱ པ་ཊི་གྒ་ཧཱ བྷོ་གཱ, ཏི་ཝི་དྷཱ པུ་ན དྷ་མྨི་ཀཱ.

ཨ་དྷ་མྨ་དྷ་མྨ་ས་ཉྙ་ཏྟི, དུ་ཝེ དྭེ ན་ཝ་ཀཱ་ནི ཙ;

པཱ་ཏི་མོ་ཀྑ་ཊྛ་པ་ནཱ་ནི, ཨ་དྷ་མྨ་དྷ་མྨི་ཀཱ་ནི ཙཱ་ཏི.