༨. ས་ཧ་དྷ་མྨི་ཀ་ཝ་གྒོ

༡༧༢. བྷི་ཀྑཱུ་ཧི ས་ཧ་དྷ་མྨི་ཀཾ ཝུ་ཙྩ་མཱ་ནོ – ‘‘ན ཏཱ་ཝཱ་ཧཾ, ཨཱ་ཝུ་སོ, ཨེ་ཏ་སྨིཾ སི་ཀྑཱ་པ་དེ སི་ཀྑི་སྶཱ་མི ཡཱ་ཝ ན ཨ་ཉྙཾ བྷི་ཀྑུཾ བྱ་ཏྟཾ ཝི་ན་ཡ་དྷ་རཾ པ་རི་པུ་ཙྪི་སྶཱ་མཱི’’ཏི བྷ་ཎ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. བྷ་ཎ་ཏི, པ་ཡོ་གེ དུ་ཀྐ་ཊཾ; བྷ་ཎི་ཏེ ཨཱ་པ་ཏྟི པཱ་ཙི་ཏྟི་ཡ་སྶ.

ཝི་ན་ཡཾ ཝི་ཝ་ཎྞེ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. ཝི་ཝ་ཎྞེ་ཏི, པ་ཡོ་གེ དུ་ཀྐ་ཊཾ; ཝི་ཝ་ཎྞི་ཏེ ཨཱ་པ་ཏྟི པཱ་ཙི་ཏྟི་ཡ་སྶ.

མོ་ཧེ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. ཨ་ནཱ་རོ་པི་ཏེ མོ་ཧེ མོ་ཧེ་ཏི, ཨཱ་པ་ཏྟི དུ་ཀྐ་ཊ་སྶ; ཨཱ་རོ་པི་ཏེ མོ་ཧེ མོ་ཧེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.

བྷི་ཀྑུ་སྶ ཀུ་པི་ཏོ ཨ་ན་ཏྟ་མ་ནོ པ་ཧཱ་རཾ དེ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. པ་ཧ་ར་ཏི, པ་ཡོ་གེ དུ་ཀྐ་ཊཾ; པ་ཧ་ཏེ ཨཱ་པ་ཏྟི པཱ་ཙི་ཏྟི་ཡ་སྶ.

བྷི་ཀྑུ་སྶ ཀུ་པི་ཏོ ཨ་ན་ཏྟ་མ་ནོ ཏ་ལ་ས་ཏྟི་ཀཾ ཨུ་གྒི་ར་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. ཨུ་གྒི་ར་ཏི, པ་ཡོ་གེ དུ་ཀྐ་ཊཾ; ཨུ་གྒི་རི་ཏེ ཨཱ་པ་ཏྟི པཱ་ཙི་ཏྟི་ཡ་སྶ.

བྷི་ཀྑུཾ ཨ་མཱུ་ལ་ཀེ་ན ས་ངྒྷཱ་དི་སེ་སེ་ན ཨ་ནུ་དྡྷཾ་སེ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. ཨ་ནུ་དྡྷཾ་སེ་ཏི, པ་ཡོ་གེ དུ་ཀྐ་ཊཾ; ཨ་ནུ་དྡྷཾ་སི་ཏེ ཨཱ་པ་ཏྟི པཱ་ཙི་ཏྟི་ཡ་སྶ.

བྷི་ཀྑུ་སྶ ས་ཉྩི་ཙྩ ཀུ་ཀྐུ་ཙྩཾ ཨུ་པ་ད་ཧ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. ཨུ་པ་ད་ཧ་ཏི, པ་ཡོ་གེ དུ་ཀྐ་ཊཾ; ཨུ་པ་ད་ཧི་ཏེ ཨཱ་པ་ཏྟི པཱ་ཙི་ཏྟི་ཡ་སྶ.

བྷི་ཀྑཱུ་ནཾ བྷ་ཎྜ་ན་ཛཱ་ཏཱ་ནཾ ཀ་ལ་ཧ་ཛཱ་ཏཱ་ནཾ ཝི་ཝཱ་དཱ་པ་ནྣཱ་ནཾ ཨུ་པ་སྶུ་ཏིཾ ཏི་ཊྛ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. ‘‘སོ་སྶཱ་མཱི’’ཏི ག་ཙྪ་ཏི, ཨཱ་པ་ཏྟི དུ་ཀྐ་ཊ་སྶ; ཡ་ཏྠ ཋི་ཏོ སུ་ཎཱ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.

དྷ་མྨི་ཀཱ་ནཾ ཀ་མྨཱ་ནཾ ཚ་ནྡཾ ད་ཏྭཱ པ་ཙྪཱ ཁཱི་ཡ་ན་དྷ་མྨཾ ཨཱ་པ་ཛྫ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. ཁི་ཡྻ་ཏི, པ་ཡོ་གེ དུ་ཀྐ་ཊཾ; ཁི་ཡྻི་ཏེ ཨཱ་པ་ཏྟི པཱ་ཙི་ཏྟི་ཡ་སྶ.

ས་ངྒྷེ ཝི་ནི་ཙྪ་ཡ་ཀ་ཐཱ་ཡ ཝ་ཏྟ་མཱ་ནཱ་ཡ ཚ་ནྡཾ ཨ་ད་ཏྭཱ ཨུ་ཊྛཱ་ཡཱ་ས་ནཱ པ་ཀྐ་མ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. པ་རི་སཱ་ཡ ཧ་ཏྠ་པཱ་སཾ ཝི་ཛ་ཧ་ནྟ་སྶ ཨཱ་པ་ཏྟི དུ་ཀྐ་ཊ་སྶ; ཝི་ཛ་ཧི་ཏེ ཨཱ་པ་ཏྟི པཱ་ཙི་ཏྟི་ཡ་སྶ.

ས་མ་གྒེ་ན ས་ངྒྷེ་ན ཙཱི་ཝ་རཾ ད་ཏྭཱ པ་ཙྪཱ ཁཱི་ཡ་ན་དྷ་མྨཾ ཨཱ་པ་ཛྫ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. ཁི་ཡྻ་ཏི, པ་ཡོ་གེ དུ་ཀྐ་ཊཾ; ཁི་ཡྻི་ཏེ ཨཱ་པ་ཏྟི པཱ་ཙི་ཏྟི་ཡ་སྶ.

ཛཱ་ནཾ ས་ངྒྷི་ཀཾ ལཱ་བྷཾ པ་རི་ཎ་ཏཾ པུ་གྒ་ལ་སྶ པ་རི་ཎཱ་མེ་ནྟོ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. པ་རི་ཎཱ་མེ་ཏི, པ་ཡོ་གེ དུ་ཀྐ་ཊཾ; པ་རི་ཎཱ་མི་ཏེ ཨཱ་པ་ཏྟི པཱ་ཙི་ཏྟི་ཡ་སྶ.

ས་ཧ་དྷ་མྨི་ཀ་ཝ་གྒོ ཨ་ཊྛ་མོ.