༢. བྷཱུ་ཏ་གཱ་མ་ཝ་གྒོ

༦༤. བྷཱུ་ཏ་གཱ་མ་པཱ་ཏ་བྱ་ཏཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟ་ནྟི? ཨཱ་ལ༹་ཝི་ཡཾ པ་ཉྙ་ཏྟཾ. ཀཾ ཨཱ་ར་བྦྷཱ་ཏི? ཨཱ་ལ༹་ཝ་ཀེ བྷི་ཀྑཱུ ཨཱ་ར་བྦྷ. ཀི་སྨིཾ ཝ་ཏྠུ་སྨི་ནྟི? ཨཱ་ལ༹་ཝ་ཀཱ བྷི་ཀྑཱུ རུ་ཀྑཾ ཚི་ནྡིཾ་སུ, ཏ་སྨིཾ ཝ་ཏྠུ་སྨིཾ. ཨེ་ཀཱ པ་ཉྙ་ཏྟི. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཏཱི་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི…པེ….

༦༥. ཨ་ཉྙ་ཝཱ་ད་ཀེ ཝི་ཧེ་ས་ཀེ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟ་ནྟི? ཀོ་ས་མྦི་ཡཾ པ་ཉྙ་ཏྟཾ. ཀཾ ཨཱ་ར་བྦྷཱ་ཏི? ཨཱ་ཡ་སྨ་ནྟཾ ཚ་ནྣཾ ཨཱ་ར་བྦྷ. ཀི་སྨིཾ ཝ་ཏྠུ་སྨི་ནྟི? ཨཱ་ཡ་སྨཱ ཚ་ནྣོ ས་ངྒྷ་མ་ཛ྄ཛྷེ ཨཱ་པ་ཏྟི་ཡཱ ཨ་ནུ་ཡུ་ཉྫི་ཡ་མཱ་ནོ ཨ་ཉྙེ་ན་ཉྙཾ པ་ཊི་ཙ་རི, ཏ་སྨིཾ ཝ་ཏྠུ་སྨིཾ. ཨེ་ཀཱ པ་ཉྙ་ཏྟི, ཨེ་ཀཱ ཨ་ནུ་པ་ཉྙ་ཏྟི. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཏཱི་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི…པེ….

༦༦. ཨུ་ཛ྄ཛྷཱ་པ་ན་ཀེ ཁི་ཡྻ་ན་ཀེ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟ་ནྟི? རཱ་ཛ་ག་ཧེ པ་ཉྙ་ཏྟཾ. ཀཾ ཨཱ་ར་བྦྷཱ་ཏི? མེ་ཏྟི་ཡ་བྷཱུ་མ་ཛ་ཀེ བྷི་ཀྑཱུ ཨཱ་ར་བྦྷ. ཀི་སྨིཾ ཝ་ཏྠུ་སྨི་ནྟི? མེ་ཏྟི་ཡ་བྷཱུ་མ་ཛ་ཀཱ བྷི་ཀྑཱུ ཨཱ་ཡ་སྨ་ནྟཾ ད་བྦཾ མ་ལླ་པུ་ཏྟཾ བྷི་ཀྑཱུ ཨུ་ཛ྄ཛྷཱ་པེ་སུཾ, ཏ་སྨིཾ ཝ་ཏྠུ་སྨིཾ. ཨེ་ཀཱ པ་ཉྙ་ཏྟི, ཨེ་ཀཱ ཨ་ནུ་པ་ཉྙ་ཏྟི. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཏཱི་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི…པེ….

༦༧. ས་ངྒྷི་ཀཾ མ་ཉྩཾ ཝཱ པཱི་ཋཾ ཝཱ བྷི་སིཾ ཝཱ ཀོ་ཙྪཾ ཝཱ ཨ་ཛ྄ཛྷོ་ཀཱ་སེ ས་ནྠ་རི་ཏྭཱ ཨ་ནུ་དྡྷ་རི་ཏྭཱ ཨ་ནཱ་པུ་ཙྪཱ པ་ཀྐ་མ་ནྟ་སྶ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟ་ནྟི? སཱ་ཝ་ཏྠི་ཡཾ པ་ཉྙ་ཏྟཾ. ཀཾ ཨཱ་ར་བྦྷཱ་ཏི? ས་མྦ་ཧུ་ལེ བྷི་ཀྑཱུ ཨཱ་ར་བྦྷ. ཀི་སྨིཾ ཝ་ཏྠུ་སྨི་ནྟི? ས་མྦ་ཧུ་ལཱ བྷི་ཀྑཱུ ས་ངྒྷི་ཀཾ སེ་ནཱ་ས་ནཾ ཨ་ཛ྄ཛྷོ་ཀཱ་སེ ས་ནྠ་རི་ཏྭཱ ཨ་ནུ་དྡྷ་རི་ཏྭཱ ཨ་ནཱ་པུ་ཙྪཱ པ་ཀྐ་མིཾ་སུ, ཏ་སྨིཾ ཝ་ཏྠུ་སྨིཾ. ཨེ་ཀཱ པ་ཉྙ་ཏྟི, ཨེ་ཀཱ ཨ་ནུ་པ་ཉྙ་ཏྟི. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ དྭཱི་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི ཀ་ཐི་ན་ཀེ…པེ….

༦༨. ས་ངྒྷི་ཀེ ཝི་ཧཱ་རེ སེ་ཡྻཾ ས་ནྠ་རི་ཏྭཱ ཨ་ནུ་དྡྷ་རི་ཏྭཱ ཨ་ནཱ་པུ་ཙྪཱ པ་ཀྐ་མ་ནྟ་སྶ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟ་ནྟི? སཱ་ཝ་ཏྠི་ཡཾ པ་ཉྙ་ཏྟཾ. ཀཾ ཨཱ་ར་བྦྷཱ་ཏི? ས་ཏྟ་ར་ས་ཝ་གྒི་ཡེ བྷི་ཀྑཱུ ཨཱ་ར་བྦྷ. ཀི་སྨིཾ ཝ་ཏྠུ་སྨི་ནྟི? ས་ཏྟ་ར་ས་ཝ་གྒི་ཡཱ བྷི་ཀྑཱུ ས་ངྒྷི་ཀེ ཝི་ཧཱ་རེ སེ་ཡྻཾ ས་ནྠ་རི་ཏྭཱ ཨ་ནུ་དྡྷ་རི་ཏྭཱ ཨ་ནཱ་པུ་ཙྪཱ པ་ཀྐ་མིཾ་སུ, ཏ་སྨིཾ ཝ་ཏྠུ་སྨིཾ. ཨེ་ཀཱ པ་ཉྙ་ཏྟི. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ དྭཱི་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི ཀ་ཐི་ན་ཀེ…པེ….

༦༩. ས་ངྒྷི་ཀེ ཝི་ཧཱ་རེ ཛཱ་ནཾ པུ་བྦུ་པ་ག་ཏཾ བྷི་ཀྑུཾ ཨ་ནུ་པ་ཁ་ཛྫ སེ་ཡྻཾ ཀ་པྤེ་ནྟ་སྶ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟ་ནྟི? སཱ་ཝ་ཏྠི་ཡཾ པ་ཉྙ་ཏྟཾ. ཀཾ ཨཱ་ར་བྦྷཱ་ཏི? ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ. ཀི་སྨིཾ ཝ་ཏྠུ་སྨི་ནྟི? ཚ་བྦ་གྒི་ཡཱ བྷི་ཀྑཱུ ཐེ་རེ བྷི་ཀྑཱུ ཨ་ནུ་པ་ཁ་ཛྫ སེ་ཡྻཾ ཀ་པྤེ་སུཾ, ཏ་སྨིཾ ཝ་ཏྠུ་སྨིཾ. ཨེ་ཀཱ པ་ཉྙ་ཏྟི. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཨེ་ཀེ་ན ས་མུ་ཊྛཱ་ནེ་ན ས་མུ་ཊྛཱ་ཏི – ཀཱ་ཡ་ཏོ ཙ ཙི་ཏྟ་ཏོ ཙ ས་མུ་ཊྛཱ་ཏི, ན ཝཱ་ཙ་ཏོ…པེ….

༧༠. བྷི་ཀྑུཾ ཀུ་པི་ཏེ་ན ཨ་ན་ཏྟ་མ་ནེ་ན ས་ངྒྷི་ཀཱ ཝི་ཧཱ་རཱ ནི་ཀྐ་ཌྜྷ་ནྟ་སྶ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟ་ནྟི? སཱ་ཝ་ཏྠི་ཡཾ པ་ཉྙ་ཏྟཾ. ཀཾ ཨཱ་ར་བྦྷཱ་ཏི? ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ. ཀི་སྨིཾ ཝ་ཏྠུ་སྨི་ནྟི? ཚ་བྦ་གྒི་ཡཱ བྷི་ཀྑཱུ ཀུ་པི་ཏཱ ཨ་ན་ཏྟ་མ་ནཱ བྷི་ཀྑཱུ ས་ངྒྷི་ཀཱ ཝི་ཧཱ་རཱ ནི་ཀྐ་ཌྜྷིཾ་སུ, ཏ་སྨིཾ ཝ་ཏྠུ་སྨིཾ. ཨེ་ཀཱ པ་ཉྙ་ཏྟི. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཏཱི་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི…པེ….

༧༡. ས་ངྒྷི་ཀེ ཝི་ཧཱ་རེ ཨུ་པ་རི་ཝེ་ཧཱ་ས་ཀུ་ཊི་ཡཱ ཨཱ་ཧ་ཙྩ་པཱ་ད་ཀཾ མ་ཉྩཾ ཝཱ པཱི་ཋཾ ཝཱ ཨ་བྷི་ནི་སཱི་ད་ནྟ་སྶ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟ་ནྟི? སཱ་ཝ་ཏྠི་ཡཾ པ་ཉྙ་ཏྟཾ. ཀཾ ཨཱ་ར་བྦྷཱ་ཏི? ཨ་ཉྙ་ཏ་རཾ བྷི་ཀྑུཾ ཨཱ་ར་བྦྷ. ཀི་སྨིཾ ཝ་ཏྠུ་སྨི་ནྟི? ཨ་ཉྙ་ཏ་རོ བྷི་ཀྑུ ས་ངྒྷི་ཀེ ཝི་ཧཱ་རེ ཨུ་པ་རི་ཝེ་ཧཱ་ས་ཀུ་ཊི་ཡཱ ཨཱ་ཧ་ཙྩ་པཱ་ད་ཀཾ མ་ཉྩཾ ས་ཧ་སཱ ཨ་བྷི་ནི་སཱི་དི, ཏ་སྨིཾ ཝ་ཏྠུ་སྨིཾ. ཨེ་ཀཱ པ་ཉྙ་ཏྟི. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ དྭཱི་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི – སི་ཡཱ ཀཱ་ཡ་ཏོ ས་མུ་ཊྛཱ་ཏི, ན ཝཱ་ཙ་ཏོ ན ཙི་ཏྟ་ཏོ; སི་ཡཱ ཀཱ་ཡ་ཏོ ཙ ཙི་ཏྟ་ཏོ ཙ ས་མུ་ཊྛཱ་ཏི, ན ཝཱ་ཙ་ཏོ…པེ….

༧༢. དྭ་ཏྟི་པ་རི་ཡཱ་ཡེ ཨ་དྷི་ཊྛ་ཧི་ཏྭཱ ཏ་ཏུ་ཏྟ་རི ཨ་དྷི་ཊྛ་ཧ་ནྟ་སྶ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟ་ནྟི? ཀོ་ས་མྦི་ཡཾ པ་ཉྙ་ཏྟཾ. ཀཾ ཨཱ་ར་བྦྷཱ་ཏི? ཨཱ་ཡ་སྨ་ནྟཾ ཚ་ནྣཾ ཨཱ་ར་བྦྷ. ཀི་སྨིཾ ཝ་ཏྠུ་སྨི་ནྟི? ཨཱ་ཡ་སྨཱ ཚ་ནྣོ ཀ་ཏ་པ་རི་ཡོ་སི་ཏཾ ཝི་ཧཱ་རཾ པུ་ན་པྤུ་ནཾ ཚཱ་དཱ་པེ་སི, པུ་ན་པྤུ་ནཾ ལི་མྤཱ་པེ་སི, ཨ་ཏི་བྷཱ་རི་ཀོ ཝི་ཧཱ་རོ པ་རི་པ་ཏི, ཏ་སྨིཾ ཝ་ཏྠུ་སྨིཾ. ཨེ་ཀཱ པ་ཉྙ་ཏྟི. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཚ་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི…པེ….

༧༣. ཛཱ་ནཾ ས་པྤཱ་ཎ་ཀཾ ཨུ་ད་ཀཾ ཏི་ཎཾ ཝཱ མ་ཏྟི་ཀཾ ཝཱ སི་ཉྩ་ནྟ་སྶ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟ་ནྟི? ཨཱ་ལ༹་ཝི་ཡཾ པ་ཉྙ་ཏྟཾ. ཀཾ ཨཱ་ར་བྦྷཱ་ཏི? ཨཱ་ལ༹་ཝ་ཀེ བྷི་ཀྑཱུ ཨཱ་ར་བྦྷ. ཀི་སྨིཾ ཝ་ཏྠུ་སྨི་ནྟི? ཨཱ་ལ༹་ཝ་ཀཱ བྷི་ཀྑཱུ ཛཱ་ནཾ ས་པྤཱ་ཎ་ཀཾ ཨུ་ད་ཀཾ ཏི་ཎ་མྤི མ་ཏྟི་ཀ་མྤི སི་ཉྩིཾ་སུ, ཏ་སྨིཾ ཝ་ཏྠུ་སྨིཾ. ཨེ་ཀཱ པ་ཉྙ་ཏྟི. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཏཱི་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི…པེ….

བྷཱུ་ཏ་གཱ་མ་ཝ་གྒོ དུ་ཏི་ཡོ.