༡༠. པ་རི་ཎ་ཏ་སི་ཀྑཱ་པ་དཾ

༦༥༧. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན སཱ་ཝ་ཏྠི་ཡཾ ཨ་ཉྙ་ཏ་ར་སྶ པཱུ་ག་སྶ ས་ངྒྷ་སྶ ས་ཙཱི་ཝ་ར་བྷ་ཏྟཾ པ་ཊི་ཡ་ཏྟཾ ཧོ་ཏི – ‘‘བྷོ་ཛེ་ཏྭཱ ཙཱི་ཝ་རེ་ན ཨ་ཙྪཱ་དེ་སྶཱ་མཱ’’ཏི. ཨ་ཐ ཁོ ཚ་བྦ་གྒི་ཡཱ བྷི་ཀྑཱུ ཡེ་ན སོ པཱུ་གོ ཏེ་ནུ་པ་ས་ངྐ་མིཾ་སུ; ཨུ་པ་ས་ངྐ་མི་ཏྭཱ ཏཾ པཱུ་གཾ ཨེ་ཏ་ད་ཝོ་ཙུཾ – ‘‘དེ་ཐཱ་ཝུ་སོ, ཨ་མྷཱ་ཀཾ ཨི་མཱ་ནི ཙཱི་ཝ་རཱ་ནཱི’’ཏི. ‘‘ན མ་ཡཾ, བྷ་ནྟེ, ད་སྶཱ་མ. ཨ་མྷཱ་ཀཾ ས་ངྒྷ་སྶ ཨ་ནུ་ཝ་སྶཾ ས་ཙཱི་ཝ་ར་བྷི་ཀྑཱ པ་ཉྙ་ཏྟཱ’’ཏི. ‘‘བ་ཧཱུ, ཨཱ་ཝུ་སོ, ས་ངྒྷ་སྶ དཱ་ཡ་ཀཱ, བ་ཧཱུ ས་ངྒྷ་སྶ བྷ་ཏྟཱ [བྷ་དྡཱ (ཀ.)]. མ་ཡཾ ཏུ་མྷེ ནི་སྶཱ་ཡ ཏུ་མྷེ ས་མྤ་སྶ་ནྟཱ ཨི་དྷ ཝི་ཧ་རཱ་མ. ཏུ་མྷེ ཙེ ཨ་མྷཱ་ཀཾ ན ད་སྶ་ཐ, ཨ་ཐ ཀོ ཙ་ར་ཧི ཨ་མྷཱ་ཀཾ ད་སྶ་ཏི? དེ་ཐཱ་ཝུ་སོ, ཨ་མྷཱ་ཀཾ ཨི་མཱ་ནི ཙཱི་ཝ་རཱ་ནཱི’’ཏི. ཨ་ཐ ཁོ སོ པཱུ་གོ ཚ་བྦ་གྒི་ཡེ་ཧི བྷི་ཀྑཱུ་ཧི ནི་པྤཱི་ལི༹་ཡ་མཱ་ནོ ཡ་ཐཱ་པ་ཊི་ཡ་ཏྟཾ ཙཱི་ཝ་རཾ ཚ་བྦ་གྒི་ཡཱ་ནཾ བྷི་ཀྑཱུ་ནཾ ད་ཏྭཱ ས་ངྒྷཾ བྷ་ཏྟེ་ན པ་རི་ཝི་སི. ཡེ ཏེ བྷི་ཀྑཱུ ཛཱ་ན་ནྟི ས་ངྒྷ་སྶ ས་ཙཱི་ཝ་ར་བྷ་ཏྟཾ པ་ཊི་ཡ་ཏྟཾ, ན ཙ ཛཱ་ན་ནྟི ཚ་བྦ་གྒི་ཡཱ་ནཾ བྷི་ཀྑཱུ་ནཾ དི་ནྣ་ནྟི, ཏེ ཨེ་ཝ་མཱ་ཧཾ་སུ – ‘‘ཨོ་ཎོ་ཛེ་ཐཱ་ཝུ་སོ, ས་ངྒྷ་སྶ ཙཱི་ཝ་ར’’ནྟི. ‘‘ན་ཏྠི, བྷ་ནྟེ. ཡ་ཐཱ་པ་ཊི་ཡ་ཏྟཾ ཙཱི་ཝ་རཾ ཨ་ཡྻཱ ཚ་བྦ་གྒི་ཡཱ ཨ་ཏྟ་ནོ པ་རི་ཎཱ་མེ་སུ’’ནྟི. ཡེ ཏེ བྷི་ཀྑཱུ ཨ་པྤི་ཙྪཱ… ཏེ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑཱུ ཛཱ་ནཾ ས་ངྒྷི་ཀཾ ལཱ་བྷཾ པ་རི་ཎ་ཏཾ ཨ་ཏྟ་ནོ པ་རི་ཎཱ་མེ་སྶ་ནྟཱི’’ཏི! ཨ་ཐ ཁོ ཏེ བྷི་ཀྑཱུ ཚ་བྦ་གྒི་ཡེ བྷི་ཀྑཱུ ཨ་ནེ་ཀ་པ་རི་ཡཱ་ཡེ་ན ཝི་ག་ར་ཧི་ཏྭཱ བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ…པེ… ‘‘ས་ཙྩཾ ཀི་ར ཏུ་མྷེ, བྷི་ཀྑ་ཝེ, ཛཱ་ནཾ ས་ངྒྷི་ཀཾ ལཱ་བྷཾ པ་རི་ཎ་ཏཾ ཨ་ཏྟ་ནོ པ་རི་ཎཱ་མེ་ཐཱ’’ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ ཏུ་མྷེ, མོ་གྷ་པུ་རི་སཱ, ཛཱ་ནཾ ས་ངྒྷི་ཀཾ ལཱ་བྷཾ པ་རི་ཎ་ཏཾ ཨ་ཏྟ་ནོ པ་རི་ཎཱ་མེ་སྶ་ཐ! ནེ་ཏཾ, མོ་གྷ་པུ་རི་སཱ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, ཨི་མཾ སི་ཀྑཱ་པ་དཾ ཨུ་དྡི་སེ་ཡྻཱ་ཐ –

༦༥༨. ‘‘ཡོ པ་ན བྷི་ཀྑུ ཛཱ་ནཾ ས་ངྒྷི་ཀཾ ལཱ་བྷཾ པ་རི་ཎ་ཏཾ ཨ་ཏྟ་ནོ པ་རི་ཎཱ་མེ་ཡྻ, ནི་སྶ་གྒི་ཡཾ པཱ་ཙི་ཏྟི་ཡ’’ནྟི.

༦༥༩. ཡོ པ་ནཱཏི ཡོ ཡཱ་དི་སོ…པེ… བྷི་ཀྑཱུཏི…པེ… ཨ་ཡ ཨི་མ་སྨིཾ ཨ་ཏྠེ ཨ་དྷི་པྤེ་ཏོ བྷི་ཀྑཱུ་ཏི.

[པཱ་ཙི. ༤༩༡] ཛཱ་ནཱ་ཏི ནཱ་མ སཱ་མཾ ཝཱ ཛཱ་ནཱ་ཏི ཨ་ཉྙེ ཝཱ ཏ་སྶ ཨཱ་རོ་ཙེ་ནྟི སོ ཝཱ ཨཱ་རོ་ཙེ་ཏི.

[པཱ་ཙི. ༤༩༡] ས་ངྒྷི་ཀཾ ནཱ་མ ས་ངྒྷ་སྶ དི་ནྣཾ ཧོ་ཏི པ་རི་ཙྩ་ཏྟཾ.

[པཱ་ཙི. ༤༩༡] ལཱ་བྷོ ནཱ་མ ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པྤ་ཙྩ་ཡ་བྷེ་ས་ཛྫ་པ་རི་ཀྑཱ་རཱ. ཨ་ནྟ་མ་སོ ཙུ་ཎྞ་པི་ཎྜོ་པི, ད་ནྟ་ཀ་ཊྛ་མྤི, ད་སི་ཀ་སུ་ཏྟ་མྤི.

[པཱ་ཙི. ༤༩༡] པ་རི་ཎ་ཏཾ ནཱ་མ ད་སྶཱ་མ ཀ་རི་སྶཱ་མཱ་ཏི ཝཱ་ཙཱ བྷི་ནྣཱ ཧོ་ཏི.

ཨ་ཏྟ་ནོ པ་རི་ཎཱ་མེ་ཏི, པ་ཡོ་གེ དུ་ཀྐ་ཊཾ. པ་ཊི་ལཱ་བྷེ་ན ནི་སྶ་གྒི་ཡཾ ཧོ་ཏི. ནི་སྶ་ཛྫི་ཏ་བྦཾ ས་ངྒྷ་སྶ ཝཱ ག་ཎ་སྶ ཝཱ པུ་གྒ་ལ་སྶ ཝཱ. ཨེ་ཝ་ཉྩ པ་ན, བྷི་ཀྑ་ཝེ, ནི་སྶ་ཛྫི་ཏ་བྦཾ…པེ… ཨི་དཾ མེ, བྷ་ནྟེ, ཛཱ་ནཾ ས་ངྒྷི་ཀཾ ལཱ་བྷཾ པ་རི་ཎ་ཏཾ ཨ་ཏྟ་ནོ པ་རི་ཎཱ་མི་ཏཾ ནི་སྶ་གྒི་ཡཾ. ཨི་མཱ་ཧཾ ས་ངྒྷ་སྶ ནི་སྶ་ཛྫཱ་མཱི་ཏི…པེ… ད་དེ་ཡྻཱ་ཏི…པེ… ད་དེ་ཡྻུ་ནྟི…པེ… ཨཱ་ཡ་སྨ་ཏོ ད་མྨཱི་ཏི.

༦༦༠. པ་རི་ཎ་ཏེ པ་རི་ཎ་ཏ་ས་ཉྙཱི ཨ་ཏྟ་ནོ པ་རི་ཎཱ་མེ་ཏི, ནི་སྶ་གྒི་ཡཾ པཱ་ཙི་ཏྟི་ཡཾ.

པ་རི་ཎ་ཏེ ཝེ་མ་ཏི་ཀོ ཨ་ཏྟ་ནོ པ་རི་ཎཱ་མེ་ཏི, ཨཱ་པ་ཏྟི དུ་ཀྐ་ཊ་སྶ. པ་རི་ཎ་ཏེ ཨ་པ་རི་ཎ་ཏ་ས་ཉྙཱི ཨ་ཏྟ་ནོ པ་རི་ཎཱ་མེ་ཏི, ཨ་ནཱ་པ་ཏྟི. ས་ངྒྷ་སྶ པ་རི་ཎ་ཏཾ ཨ་ཉྙ་ས་ངྒྷ་སྶ ཝཱ ཙེ་ཏི་ཡ་སྶ ཝཱ པ་རི་ཎཱ་མེ་ཏི, ཨཱ་པ་ཏྟི དུ་ཀྐ་ཊ་སྶ. ཙེ་ཏི་ཡ་སྶ པ་རི་ཎ་ཏཾ ཨ་ཉྙ་ཙེ་ཏི་ཡ་སྶ ཝཱ ས་ངྒྷ་སྶ ཝཱ པུ་གྒ་ལ་སྶ ཝཱ པ་རི་ཎཱ་མེ་ཏི, ཨཱ་པ་ཏྟི དུ་ཀྐ་ཊ་སྶ. པུ་གྒ་ལ་སྶ པ་རི་ཎ་ཏཾ ཨ་ཉྙ་པུ་གྒ་ལ་སྶ ཝཱ ས་ངྒྷ་སྶ ཝཱ ཙེ་ཏི་ཡ་སྶ ཝཱ པ་རི་ཎཱ་མེ་ཏི, ཨཱ་པ་ཏྟི དུ་ཀྐ་ཊ་སྶ. ཨ་པ་རི་ཎ་ཏེ པ་རི་ཎ་ཏ་ས་ཉྙཱི, ཨཱ་པ་ཏྟི དུ་ཀྐ་ཊ་སྶ. ཨ་པ་རི་ཎ་ཏེ ཝེ་མ་ཏི་ཀོ, ཨཱ་པ་ཏྟི དུ་ཀྐ་ཊ་སྶ. ཨ་པ་རི་ཎ་ཏེ ཨ་པ་རི་ཎ་ཏ་ས་ཉྙཱི, ཨ་ནཱ་པ་ཏྟི.

༦༦༡. ཨ་ནཱ་པ་ཏྟི ཀ་ཏྠ དེ་མཱ་ཏི པུ་ཙྪི་ཡ་མཱ་ནོ ཡ་ཏྠ ཏུ་མྷཱ་ཀཾ དེ་ཡྻ་དྷ་མྨོ པ་རི་བྷོ་གཾ ཝཱ ལ་བྷེ་ཡྻ པ་ཊི་ས་ངྑཱ་རཾ ཝཱ ལ་བྷེ་ཡྻ ཙི་ར་ཊྛི་ཏི་ཀོ ཝཱ ཨ་སྶ ཡ་ཏྠ ཝཱ པ་ན ཏུ་མྷཱ་ཀཾ ཙི་ཏྟཾ པ་སཱི་ད་ཏི ཏ་ཏྠ དེ་ཐཱ་ཏི བྷ་ཎ་ཏི, ཨུ་མྨ་ཏྟ་ཀ་སྶ, ཨཱ་དི་ཀ་མྨི་ཀ་སྶཱ་ཏི.

པ་རི་ཎ་ཏ་སི་ཀྑཱ་པ་དཾ ནི་ཊྛི་ཏཾ ད་ས་མཾ.

པ་ཏྟ་ཝ་གྒོ ཏ་ཏི་ཡོ.

ཏ་སྶུ་དྡཱ་ནཾ –

དྭེ ཙ པ་ཏྟཱ་ནི བྷེ་ས་ཛྫཾ, ཝ་སྶི་ཀཱ དཱ་ན་པ་ཉྩ་མཾ;

སཱ་མཾ ཝཱ་ཡཱ་པ་ན་ཙྩེ་ཀོ, སཱ་ས་ངྐཾ ས་ངྒྷི་ཀེ་ན ཙཱ་ཏི.

༦༦༢. ཨུ་དྡི་ཊྛཱ ཁོ, ཨཱ་ཡ་སྨ་ནྟོ, ཏིཾ་ས ནི་སྶ་གྒི་ཡཱ པཱ་ཙི་ཏྟི་ཡཱ དྷ་མྨཱ. ཏ་ཏྠཱ་ཡ་སྨ་ནྟེ པུ་ཙྪཱ་མི – ‘ཀ་ཙྩི་ཏྠ པ་རི་སུ་དྡྷཱ’? དུ་ཏི་ཡ་མྤི པུ་ཙྪཱ་མི – ‘ཀ་ཙྩི་ཏྠ པ་རི་སུ་དྡྷཱ’? ཏ་ཏི་ཡ་མྤི པུ་ཙྪཱ་མི – ‘ཀ་ཙྩི་ཏྠ པ་རི་སུ་དྡྷཱ’? པ་རི་སུ་དྡྷེ་ཏྠཱ་ཡ་སྨ་ནྟོ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི་ཏི.

ནི་སྶ་གྒི་ཡ་ཀ་ཎྜཾ ནི་ཊྛི་ཏཾ.