༢༥༧. ནི་ཡ་སྶ་ཀ་མྨ་ཝི་ཝཱ་ད་ཀ་ཐཱ

༤༣༤. ཨི་དྷ པ་ན, བྷི་ཀྑ་ཝེ, བྷི་ཀྑུ བཱ་ལོ ཧོ་ཏི ཨ་བྱ་ཏྟོ ཨཱ་པ་ཏྟི་བ་ཧུ་ལོ ཨ་ན་པ་དཱ་ནོ, གི་ཧི་སཾ་ས་ཊྛོ ཝི་ཧ་ར་ཏི ཨ་ན་ནུ་ལོ་མི་ཀེ་ཧི གི་ཧི་སཾ་ས་གྒེ་ཧི. ཏ་ཏྲ ཙེ བྷི་ཀྑཱུ་ནཾ ཨེ་ཝཾ ཧོ་ཏི – ‘‘ཨ་ཡཾ ཁོ, ཨཱ་ཝུ་སོ, བྷི་ཀྑུ བཱ་ལོ ཨ་བྱ་ཏྟོ ཨཱ་པ་ཏྟི་བ་ཧུ་ལོ ཨ་ན་པ་དཱ་ནོ, གི་ཧི་སཾ་ས་ཊྛོ ཝི་ཧ་ར་ཏི ཨ་ན་ནུ་ལོ་མི་ཀེ་ཧི གི་ཧི་སཾ་ས་གྒེ་ཧི. ཧ་ནྡ་སྶ མ་ཡཾ ནི་ཡ་སྶ་ཀ་མྨཾ ཀ་རོ་མཱ’’ཏི. ཏེ ཏ་སྶ ནི་ཡ་སྶ་ཀ་མྨཾ ཀ་རོ་ནྟི – ཨ་དྷ་མྨེ་ན ཝ་གྒཱ…པེ… ཨ་དྷ་མྨེ་ན ས་མ་གྒཱ… དྷ་མྨེ་ན ཝ་གྒཱ… དྷ་མྨ་པ་ཏི་རཱུ་པ་ཀེ་ན ཝ་གྒཱ… དྷ་མྨ་པ་ཏི་རཱུ་པ་ཀེ་ན ས་མ་གྒཱ. ཏ་ཏྲ་ཊྛོ ས་ངྒྷོ ཝི་ཝ་ད་ཏི – ‘‘ཨ་དྷ་མྨེ་ན ཝ་གྒ་ཀ་མྨཾ, ཨ་དྷ་མྨེ་ན ས་མ་གྒ་ཀ་མྨཾ, དྷ་མྨེ་ན ཝ་གྒ་ཀ་མྨཾ, དྷ་མྨ་པ་ཏི་རཱུ་པ་ཀེ་ན ཝ་གྒ་ཀ་མྨཾ, དྷ་མྨ་པ་ཏི་རཱུ་པ་ཀེ་ན ས་མ་གྒ་ཀ་མྨཾ, ཨ་ཀ་ཏཾ ཀ་མྨཾ དུ་ཀྐ་ཊཾ ཀ་མྨཾ པུ་ན ཀཱ་ཏ་བྦཾ ཀ་མྨ’’ནྟི. ཏ་ཏྲ, བྷི་ཀྑ་ཝེ, ཡེ ཏེ བྷི་ཀྑཱུ ཨེ་ཝ་མཱ་ཧཾ་སུ – ‘‘དྷ་མྨ་པ་ཏི་རཱུ་པ་ཀེ་ན ས་མ་གྒ་ཀ་མྨ’’ནྟི, ཡེ ཙ ཏེ བྷི་ཀྑཱུ ཨེ་ཝ་མཱ་ཧཾ་སུ – ‘‘ཨ་ཀ་ཏཾ ཀ་མྨཾ དུ་ཀྐ་ཊཾ ཀ་མྨཾ པུ་ན ཀཱ་ཏ་བྦཾ ཀ་མྨ’’ནྟི, ཨི་མེ ཏ་ཏྠ བྷི་ཀྑཱུ དྷ་མྨ་ཝཱ་དི་ནོ. ཨི་མེ པ་ཉྩ ཝཱ་རཱ སཾ་ཁི་ཏྟཱ.

ནི་ཡ་སྶ་ཀ་མྨ་ཝི་ཝཱ་ད་ཀ་ཐཱ ནི་ཊྛི་ཏཱ.