༢༤༦. ཨ་ད་སྶ་ནེ ཨུ་ཀྑེ་པ་ནཱི་ཡ་ཀ་མྨ་ཀ་ཐཱ

༤༡༥. ཨི་དྷ པ་ན, བྷི་ཀྑ་ཝེ, བྷི་ཀྑུ ཨཱ་པ་ཏྟིཾ ཨཱ་པ་ཛྫི་ཏྭཱ ན ཨི་ཙྪ་ཏི ཨཱ་པ་ཏྟིཾ པ་སྶི་ཏུཾ. ཏ་ཏྲ ཙེ བྷི་ཀྑཱུ་ནཾ ཨེ་ཝཾ ཧོ་ཏི – ‘‘ཨ་ཡཾ ཁོ, ཨཱ་ཝུ་སོ, བྷི་ཀྑུ ཨཱ་པ་ཏྟིཾ ཨཱ་པ་ཛྫི་ཏྭཱ ན ཨི་ཙྪ་ཏི ཨཱ་པ་ཏྟིཾ པ་སྶི་ཏུཾ. ཧ་ནྡ་སྶ མ་ཡཾ ཨཱ་པ་ཏྟི་ཡཱ ཨ་ད་སྶ་ནེ ཨུ་ཀྑེ་པ་ནཱི་ཡ་ཀ་མྨཾ ཀ་རོ་མཱ’’ཏི. ཏེ ཏ་སྶ ཨཱ་པ་ཏྟི་ཡཱ ཨ་ད་སྶ་ནེ ཨུ་ཀྑེ་པ་ནཱི་ཡ་ཀ་མྨཾ ཀ་རོ་ནྟི – ཨ་དྷ་མྨེ་ན ཝ་གྒཱ. སོ ཏ་མྷཱ ཨཱ་ཝཱ་སཱ ཨ་ཉྙཾ ཨཱ་ཝཱ་སཾ ག་ཙྪ་ཏི. ཏ་ཏྠ་པི བྷི་ཀྑཱུ་ནཾ ཨེ་ཝཾ ཧོ་ཏི – ‘‘ཨ་ཡཾ ཁོ, ཨཱ་ཝུ་སོ, བྷི་ཀྑུ ས་ངྒྷེ་ན ཨཱ་པ་ཏྟི་ཡཱ ཨ་ད་སྶ་ནེ ཨུ་ཀྑེ་པ་ནཱི་ཡ་ཀ་མྨ་ཀ་ཏོ ཨ་དྷ་མྨེ་ན ཝ་གྒེ་ཧི. ཧ་ནྡ་སྶ མ་ཡཾ ཨཱ་པ་ཏྟི་ཡཱ ཨ་ད་སྶ་ནེ ཨུ་ཀྑེ་པ་ནཱི་ཡ་ཀ་མྨཾ ཀ་རོ་མཱ’’ཏི. ཏེ ཏ་སྶ ཨཱ་པ་ཏྟི་ཡཱ ཨ་ད་སྶ་ནེ ཨུ་ཀྑེ་པ་ནཱི་ཡ་ཀ་མྨཾ ཀ་རོ་ནྟི – ཨ་དྷ་མྨེ་ན ས་མ་གྒཱ…པེ… དྷ་མྨེ་ན ཝ་གྒཱ… དྷ་མྨ་པ་ཏི་རཱུ་པ་ཀེ་ན ཝ་གྒཱ… དྷ་མྨ་པ་ཏི་རཱུ་པ་ཀེ་ན ས་མ་གྒཱ…པེ….

ཙ་ཀྐཾ ཀཱ་ཏ་བྦཾ.

ཨ་ད་སྶ་ནེ ཨུ་ཀྑེ་པ་ནཱི་ཡ་ཀ་མྨ་ཀ་ཐཱ ནི་ཊྛི་ཏཱ.